مطلوب أراء فنية : أفشاء تفاصيل فواتير موبايلى

[Ahmed Selim]

السلام عليكم

بداية كده الكلام ده فى الإمارات مش فى مصر.

بقالى أكتر من سنة مشترك مع شركة محمول كل حاجة كانت كويسة و ظريفة.

بيجى ميعاد الدفع بيوصلنى اس ام اس و ايميل و الفاتورة عن طريق البريد عادى.

من شهرين الفاتورة المطبوعة مبقتش بتوصل......قولت يمكن فيه مشكلة و كبرت دماغى....خصوصاً أنى ممكن أدخل على الموقع أعرف تفاصيل فاتورتى عن طريق حسابى الشخصى فى الموقع.

المهم....بتكلم بالصدفة مع أحد أصحابى.......و قالى أنه بقاله شهرين بتوصله تفاصيل مكالماتى مع فاتورته !!!!!

المهم عرفت منه أنه ضافنى على خدمة كده أسمها my family بتخليه يكلم الناس اللى فى my family برسوم مخفضة عن الطبيعى........بس هو مش عارف ليه بتوصله نفاصيل مكالماتى.

كلمت خدمة العملاء و كان الرد أن اللى بيضيف حد فى الخدمة دى بيبقى هو المسؤول عن دفع فاتورته !!!!!!!!!!!!!!!!!!!!!!!!!!!!!
الحوار كان كالأنى مع الأختصار


أنا :طيب ماشى.....هو يدفع........بس يعرف تفاصيل مكالماتى ليه؟؟
هو: علشان هو اللى هيدفع
أنا: بس أنا مطلبتش كده
هو: بس هو أضافك فى الخدمة و كان المفروض يستأذنك الأول
أنا: و أنا مالى ؟
هو: هى الخدمة كده
أنا: طيب أنا عاوز أعمل شكوى
هو: يا فندم مبنفعش نعمل شكوى فى خدمة و هى شغالة صح حسب تصميمها.
أنا: بس أنا متطلبتش أن حد يدفعلى ولا يعرف تفاصيل مكالماتى؟
هو: دى غلطة صاحبك
أنا: نعم يا اخ ؟؟؟؟؟؟؟؟؟؟؟؟؟؟؟؟؟
هو: أيوه هو كان المفروض ياخد أذن منك الأول
أنا: طيب و لو كان طلب أذن و أنا ما وافقتش كنتو هتعرفو منين ؟
هو: دى مشكلتك معاه
أنا: طيب أنا عاوز أكلم مديرك
هو: تحت أمرك يا فندم
حطنى على الهولد يجى ربع ساعة على أساس أنى أزهق و أنا مفيش.............ماسك التليفون بأيدى و أسنانى :)
بعد شوية ردت عليا واحدة المفروض أنها المديرة
هى: تحت أمرك يا فندم
أنا: الأخ حكالك على المشكلة
هى: أيوة يا فندم و هو المفروض كان صاحبك قرى الشروط الموجودة على الموقع أو عرفها من خدمة العملاء الأول
أنا: أنا مالى ؟
هى: هى الخدمة كده
أنا: برضه أنا مالى ؟
هى: حضرتك تأمر بأيه ؟
أنا: عاوز أعمل شكوى
هى: مينفعش يا فندم...........الخدمة شغالة مظبوط
أنا: مظبوط بالنسبالكم بس مش مظبوط بالنسبة للعملاء
هى: جايز يا فندم بس برضه مينفعش أعمل شكوى.....كل اللى أقدر أعمله أنى أوصل رسالتك للإدارة
أنا: طيب أنا هسألك سؤال.....لو معايا رقم حسابك فى البنك ينفع أروح و أعرف تفصايل حسابك على أساس أنى صاحبك أو جوزك ؟
هى: لأ طبعاً
أنا: ليه ؟
هى: علشان سرية الحسابات
أنا: الله ينور عليكى......طيب و أنتو معندكوش سرية لحسابات عملائكم ؟
هى: لأ يا فندم موجودة طبعاً بس هو المفروض كان أستأذنك الأول
أنا: يا ستى أعتبرى أنه أستأذنى و أنا رفضت....هتعرفوا منين
هى: " سكوت "
أنا: طيب لو أنا متجوز واحدة تانية و مخبى على الناس مش ممكن هو يعرف عن طريق الأرقام اللى كلمتها كتير ؟
هى: " سكوت"
أنا: طيب الخلاصة مش هتعملى شكوى ؟
هى: ما ينفعش يا فندم
أنا: طيب ممكن توصلى الرسالة للإدارة و معاها حاجة تانية
هى: تأمر يا فندم
أنا: أنا معايا فى العيلة 4 خطوط من عندكم و أول ما يفتح التحويل بين الشبكات هحول ال 4 خطوط على إتصالات
هى: تحت أمرك يا فندم..........هوصل الرسالة.
أنا: شكراً
هى: تأمر بخدمة تانية ؟
أنا: هى الخدمة الأولى كانت أتعملت !!!!!!!!!!!!!!!!!!!!!!
هى: شكراً لإتصالك ب DU


أرجو منكم أبداء أرائكم فى كيفية عمل شكوى فى الشركة مع العلم أنى قمت بعمل شكوى منذ قليل على موقع هيئة تنظيم الإتصالات.

أرجو الرد من ذوى الخبرة و الدراية

أحمد يا كمال.............رد........دى مش إتصالات دى دو :)

[mr_shims_49]

hi there happy eid 1st
and for this problem u should call them again and ask to call a super not a team leader and try again to explain the problem as this is a clear data release which is a fatal error in telecommunication companies tell him that u did release my data without my approval and ask him is this legal? as any one can add my number in this service and get my data even if i don't know him . if u didn't find what satisfies ur complain u can also go for customer right protection organization coz it's ur right to secure ur data .n

[النوبي]

بيتهيئلي الشق القانوني في صفك ده انت لو كلمت محامي هيبهدلهم لانهم مش من حقهم يضيفوك علي فاتوره صديقك قبل ما ياخدوا اذن منك مش منه هو دي مشكلتهم هما وغلطتهم هما
السياسه اللي استخدموها فيها انتهاك لخصوصيه حضرتك وبدون اذنك
بجد استشير محامي وممكن ترفع قضيه جامده

[تامر.محمد]

انا مع النوبي ان الحل قضية فعلا


مش ممكن بجد !

[أحمد كمال]

سبقتكم و قلت له كده عالتلفون

محضر شرطة و شكوي في ال tra و ايميل ظريف للادارة القانونية بصورة المحضر و الشكوى مع تهديد بالمقاضاة

[Ahmed Selim]

hi there happy eid 1st
and for this problem u should call them again and ask to call a super not a team leader and try again to explain the problem as this is a clear data release which is a fatal error in telecommunication companies tell him that u did release my data without my approval and ask him is this legal? as any one can add my number in this service and get my data even if i don't know him . if u didn't find what satisfies ur complain u can also go for customer right protection organization coz it's ur right to secure ur data .n

i tried to call a supervisor twice

The first time is mentioned in the subject, she was a lady and she refused to make a complain.

Second time was yesterday evening but the CSO told me that the supervisor is busy right now and I should call again as they can't make outgoing calls
:)

They used to call me when I had previous complains so apparently they are trying to get me bored by calling several times and for sure each time I will have to go through the same hassle with every CSO before I can speak with a supervisor.

بيتهيئلي الشق القانوني في صفك ده انت لو كلمت محامي هيبهدلهم لانهم مش من حقهم يضيفوك علي فاتوره صديقك قبل ما ياخدوا اذن منك مش منه هو دي مشكلتهم هما وغلطتهم هما
السياسه اللي استخدموها فيها انتهاك لخصوصيه حضرتك وبدون اذنك
بجد استشير محامي وممكن ترفع قضيه جامده

أنا فعلاً أبتديت أفكر جدياً فى الموضوع ده.........و السبب الوحيد هو ردهم الأكثر من سلبى.

انا مع النوبي ان الحل قضية فعلا


مش ممكن بجد !

أنا مش مصدق أن ده يحصل و أنهم مش مقتنعين أن ده مخالف للقانون

سبقتكم و قلت له كده عالتلفون

محضر شرطة و شكوي في ال tra و ايميل ظريف للادارة القانونية بصورة المحضر و الشكوى مع تهديد بالمقاضاة

بحضر الفواتير اللى جت لصاحبى علشان أبعتها لل tra و إن شاء الله بعد العيد أعمل محضر.

[نور القمر]

ههههههههه حلوة حكاية غلطة زميلك كان مفروض يستأذنك
مشوفتش اغبى من كدة
ارفع قضية طبعا وان شاء الله يعوضوك بمليون درهم

[MaZaGAngeE]

لبس صاحبك و متدفعش فواتير و هوه ما دام بتروحله و بيشوف مكاماتك يبقى يدفع بقى

و ابقى هات خط تاني تكلم منه مراتك التانية

[zizo50001]

دة اية الغباء دة مفيش بعد كدة
بس احلى حاجة دى غلطة صاحبك هههههههه
بجد ناس نكتة

[Ahmed Selim]

ههههههههه حلوة حكاية غلطة زميلك كان مفروض يستأذنك
مشوفتش اغبى من كدة
ارفع قضية طبعا وان شاء الله يعوضوك بمليون درهم

فعلاً هو غباء..........بس غباء مصطنع

يعنى هما عارفين أنها غلطتهم بس مش راضيين يعترفوا بكده و بيحاولوا يلبسو الغلط لحد تانى.

لبس صاحبك و متدفعش فواتير و هوه ما دام بتروحله و بيشوف مكاماتك يبقى يدفع بقى

و ابقى هات خط تاني تكلم منه مراتك التانية

مش مشكلة مين اللى يدفع......

دة اية الغباء دة مفيش بعد كدة
بس احلى حاجة دى غلطة صاحبك هههههههه
بجد ناس نكتة

فعلاً نكتة..............بس نكتة بايخة قوى.

[nonetta]

المشكلة ان الشركات دي تعمل انظمة بالهبل وتديك شروط بالهبل تزهق من كتر قرايتها
وممكن تبقى مش فاهم تلات ارباع الشروط .. لف ودوران ..
نفسي اعرف من انهي ملة اللي بيعمل الشروط دي
وبعدين يعني اي واحد ما تعرفوش ممكن كدة يضيفك في الخدمة
وممكن ما يدفعش الفاتورة وانت ما تدفعش على اساس ان الفاتورة مش بتيجي
وتلاقي الخط اتقطع وفاتورتك بتروح له ايه الهبل دة
وبعدين الخدمة اسمه ماي فاميلي مش ماي فرندز

[swimmer25]

عملت إيه في الموضوع ده؟

لو تنظيم الاتصالات لم يهتم...جرب تبعت شكواك علي الميل ده :
إيميلات جمعيةالامارات لحماية المستهلك uaescb2010@gmail.com

التليفون : 0097165563888

0097165567678

الفاكس : 0097165563737

بعد ما تبعت ميل بتفاصيل شكواك وياريت تكون مدعمة بأي مرفقات تهم الموضوع...تكلمهم علي طول وتقولهم انا بعت ميل بخصوص كذا وهي مشكلة خاصة بشركة دو ومفيش أي رد من هيئة تنظيم الاتصالات
الموضوع بديهي جدا لأن دي خصوصية حسابك وحاول بردو تعمل شكوي في فرع من فروع دو بنفسك يمكن تلاقي رد فعل تاني (المركز الرئيسي بتاعهم في إنترنت سيتي جنب البرجين التوأم)
البرج كله بتاعهم واسمه (grand midwest tower) او برج السلام

فيه كمان جمعية حقوق المستهلك بس دي أنا مجربتهاش: Department of Economic Development : How to contact us


بالتوفيق

[Ahmed Selim]

أخر أخبار الموضوع ده

بعت ما راسلت هيئة تنظيم الإتصالات كلمتنى الشركة.........كلمنى واحد قمة برود الأعصاب فى الدنيا.....بين كل كلمة و التانية إعتذار.

المهم هو مطلبش أنى أقفل الشكوى و أنا مقفلتهاش

بعدها بكام يوم هيئة تنظيم الإتصالات بعتولى و قالولى أن الشركة قالت لهم أنهم حلو المشكلة معايا و أنى أتشالت من على الخدمة دى بتاريخ كذا و أنهم شايفين انه ده كفاية.

رديت عليهم قولتلهم أن المشكلة أتحلت بس سبب المشكلة لسه قائم و ممكن بعد فترة حد تانى يضفنى بدون علمى و بالتالى اللى حصل هو عبارة عن حل مؤقت مش حل جذرى للمشكلة.

بعتولى تانى من أسبوع قالولى فيما معناه أن خلاص الخدمة دى هتتشال فى أقرب وقت.

أمبارح جاتلى رسالة مبعوتة للناس كلها أن الخدمة هتتشال يوم 10 فبراير نهائياً :)

[waelfarid]

شيل ده من ده يرتاح دا من ده

[swimmer25]

أخر أخبار الموضوع ده

بعت ما راسلت هيئة تنظيم الإتصالات كلمتنى الشركة.........كلمنى واحد قمة برود الأعصاب فى الدنيا.....بين كل كلمة و التانية إعتذار.

المهم هو مطلبش أنى أقفل الشكوى و أنا مقفلتهاش

بعدها بكام يوم هيئة تنظيم الإتصالات بعتولى و قالولى أن الشركة قالت لهم أنهم حلو المشكلة معايا و أنى أتشالت من على الخدمة دى بتاريخ كذا و أنهم شايفين انه ده كفاية.

رديت عليهم قولتلهم أن المشكلة أتحلت بس سبب المشكلة لسه قائم و ممكن بعد فترة حد تانى يضفنى بدون علمى و بالتالى اللى حصل هو عبارة عن حل مؤقت مش حل جذرى للمشكلة.

بعتولى تانى من أسبوع قالولى فيما معناه أن خلاص الخدمة دى هتتشال فى أقرب وقت.

أمبارح جاتلى رسالة مبعوتة للناس كلها أن الخدمة هتتشال يوم 10 فبراير نهائياً :)

تمام الف مبروك .. واضح إنها غلطة ومكنش حد واخد باله منها وهم فاكرين انها خدمة مميزة للمشتركين...