المختصر المفيد فى الزواج الغير سعيد

[Ghosts]

مساء الخير ....
كل سنة وحضراتكم طيبين ....
عيد سعيد عليكم و على كل المصريين ....

للأسف الطلاق بيحصل فى بلدنا كتير أوى اليومين دول ....
وفى ناس نفسها تتطلق بس مش قادرين عشان خاطر الأولاد ....

بأختصار كدة ....
عايزين نعرف الحاجات اللى بتخلى الجواز غير سعيد وبتؤدى للكراهية والطلاق ....

[maryano]

بصراحة مع اني مش متجوز بس لما نويت لقيت ان الظروف اللي في البلد متسعتدش الواحد يتجوز فاجلت الموضوع اما اسباب فانا شايقها كتير اهمهم انا المركب اللي ليها ريسين بتغرق ان اغلبيه المتجوزين بيعملو بعض كا انداد مش كا شركاء

[حاتم سليم]

اذا اردت ان تتجنب الطلاق

او التفكير فيه كهاجس يومى

فتجنب الزواج ...

[Ghosts]

أعتقد أن من أهم الأسباب اللى بتؤدى إلى حدوث أنهيار للحياة الزوجية هو الملل ....
أنا لما أتخيل أنى هقضى باقى أيام حياتى مع أنسانة لازم غصب عنى أستحملها عشان أولادى ببقى هتجنن ....

الظاهر كدة ....
أن أمرأة واحدة لا تكفى ....

[shaddadfalcon1]

السبب هو سوء الأختيار وعدم القدره علي الأستمرار في نفس الوتيره بتاعة ايام الخطوبه
يعني ايام الخطوبه كله بيحب في بعضه وبعد الجواز كل واحد بيحط رجل علي رجل وعايز الطرف التاني هو اللي يدي وطبعا مع الملل ومفيش تجديد يعني من الأخر السبب هو في الطرفين والجواز التاني مش هيعمل حاجه لو الراجل مش ناجه في حياته الزوجيه لانه عاجلا ام اجلا هيؤل لنفس الاولاني

[superb]

فى رأيى المتواضع .. ان الناس بطلت تفكر فغيرها . يعنى ممكن الزوجه تكون مش بتفكر فى جوزها و مدى تعبه و متدورش هو محتاج ايه منها من اهتمام و حنان و رعايه .. و ساعات طبعا الراجل بيتجاهل مراته و تلاقيه ماشى مع واحده تانيه و متجاهل زوجته و ناسى ان هيجى يوم ربنا هيسأله عن زوجته دى .. الناس بعدت عن الدين الداخلى و اهتمت بالدين الظاهرى .. و ياريت نحب بعض اكتر .. الموضوع مش موضوع مركب و ريسين .. الموضوع موضوع شراكه و اخلاص و احتواء بين طرفين .. الكلمة الطيبه اقوى شىء داخل العلاقه دى .. الله حسن احوالنا يارب :)

[sas5]

انا متزوج منذ حوالى 22 سنه تقريبا وعلى ماذكر جميع الخلافات كانت نحدث بسب مشاكل الاولاد

[أحمد كمال]

ابوس ايدك ما تفتحنيش في الكلام .......

[Ghosts]

ابوس ايدك ما تفتحنيش في الكلام .......

يا قلبى يا كتاكت يا ما أنت شايل وساكت ....
يا راجل فضفض وقول كل اللى فى نفسك ....

[koheya]

بص يا سيدى دى اهم اسباب المشاكل الزوجية من وجهة نظرى:
1- ان كل ما تحصل حاجة فى البيت الست تحكيها لما متها او الراجل يحكيها لمامتة.
2- الندية فى التعامل ويعنى الست تعمل راسها براس الراجل وكل موضوع هايف ما يسواش يفضل يكلمها ويناقشها ساعة لحد ما تقتنع على مضض.فى زوجات بيعز عليها تقول لجوزها حاضر.مع ان حاضر دى كلمة سحرية بتخلى الراجل لو ضايقها مرة بيراجع حساباتة قبل ما يضايقها تانى.بس ما تكونش حاضر علشان تريحة بس وبردة تعمل الى فى دماغها لان الراجل لو حس انها بتهاودو بس حايضايقها زيادة وحيحس انها بستخف بعقلة.
3- تدقيق الراجل فى كل صغيرة وكبيرة فلا بد للرجل ان يتغافل قليلا عن بعض اخطاء زوجتة او سهوها.
4- اعتياد كل طرف على عطاء الاخر.يعنى لما الزوج يكون داخل من برة وشارى اكل بيشترية كل يوم يا ريت الزوجة تقولة كلمة حلوة علشان يحس انة دايما بيضيف لبيتة.ولو الست طبخت اكلة بتعملها كل يوم يا ريت الزوج يقولها كلمة حلوة تحسسها انها مش خدامة وان مجهودها كل البيت مقدرة.
5- عدم احترام اى منهما لاهل الاخر.
6- اعجاب الرجل باى انثى عمال على بطال حتى ولو كانت انثى السلعوة.
7- البخل من جهة الرجل والاسراف من جهة المراة.
8- مقارنة الرجل زوجتة بزوجة حد تانى او حتى باخواتة البنات واحساس الزوجة ان الزوج ينظر اليهم على انهم افضل منها.او العكس مقارنة المراة زوجها بزوج اختها او ابيها او اخيها.
9- اهمال المراة فى نفسها يعنى مينفعش يدخل بيتة بعد يوم عناء طويل يلاقى عربية مقلوبة قاعدة فى البيت.وبردة اعتناء الرجل بنفسة .

واخيرا ثقافة كلا الزوجين بالحقوق الزوجية التى نص عليها الدين فهى مفتاح السعادة.

[Ghosts]

بص يا سيدى دى اهم اسباب المشاكل الزوجية من وجهة نظرى:
1- ان كل ما تحصل حاجة فى البيت الست تحكيها لما متها او الراجل يحكيها لمامتة.
2- الندية فى التعامل ويعنى الست تعمل راسها براس الراجل وكل موضوع هايف ما يسواش يفضل يكلمها ويناقشها ساعة لحد ما تقتنع على مضض.فى زوجات بيعز عليها تقول لجوزها حاضر.مع ان حاضر دى كلمة سحرية بتخلى الراجل لو ضايقها مرة بيراجع حساباتة قبل ما يضايقها تانى.بس ما تكونش حاضر علشان تريحة بس وبردة تعمل الى فى دماغها لان الراجل لو حس انها بتهاودو بس حايضايقها زيادة وحيحس انها بستخف بعقلة.
3- تدقيق الراجل فى كل صغيرة وكبيرة فلا بد للرجل ان يتغافل قليلا عن بعض اخطاء زوجتة او سهوها.
4- اعتياد كل طرف على عطاء الاخر.يعنى لما الزوج يكون داخل من برة وشارى اكل بيشترية كل يوم يا ريت الزوجة تقولة كلمة حلوة علشان يحس انة دايما بيضيف لبيتة.ولو الست طبخت اكلة بتعملها كل يوم يا ريت الزوج يقولها كلمة حلوة تحسسها انها مش خدامة وان مجهودها كل البيت مقدرة.
5- عدم احترام اى منهما لاهل الاخر.
6- اعجاب الرجل باى انثى عمال على بطال حتى ولو كانت انثى السلعوة.
7- البخل من جهة الرجل والاسراف من جهة المراة.
8- مقارنة الرجل زوجتة بزوجة حد تانى او حتى باخواتة البنات واحساس الزوجة ان الزوج ينظر اليهم على انهم افضل منها.او العكس مقارنة المراة زوجها بزوج اختها او ابيها او اخيها.
9- اهمال المراة فى نفسها يعنى مينفعش يدخل بيتة بعد يوم عناء طويل يلاقى عربية مقلوبة قاعدة فى البيت.وبردة اعتناء الرجل بنفسة .

واخيرا ثقافة كلا الزوجين بالحقوق الزوجية التى نص عليها الدين فهى مفتاح السعادة.

أستاااااااااذ و رئيس قسم ....
أية دة يا koheya دة أنت معلم كبير ....

مشاركة فى الصميم ....
نورت المنتدى ....

بالنسبة للنقطة السادسة الخاصة بأنثى السلعوة ....
مفيش حاجة ممكن تتقال تعقيبآ عليها غير أن النفس الشبعانة تدوس العسل ....

[koheya]

[QUOTE=Ghosts;3873914544]أستاااااااااذ و رئيس قسم ....
أية دة يا koheya دة أنت معلم كبير ....

مشاركة فى الصميم ....
نورت المنتدى ....

بالنسبة للنقطة السادسة الخاصة بأنثى السلعوة ....
مفيش حاجة ممكن تتقال تعقيبآ عليها غير أن النفس الشبعانة تدوس العسل ....

الف شكر دة من بعض ما عندكم.
اسال الله السعادة للناس جميعا وان تقل مواضيع الطلاق لانها فعلا اصبحت شيئا مؤلما جدا و كابوسا على المجتمع.ويا ريت كل راجل يحاول مع مراتة مليون مرة قبل ما توصل الحياة للطلاق ومش ممكن يكون الراجل فى شغلة وفى حياتة بيتعامل مع ناس كتير جدا وينجح وما يقدرش يتعامل مع مراتة .
وعيب على كل واحدة انها تكون بؤرة اهتمام الجميع وكتير جدا يمدحوا فيها ومتقدرش تخلى جوزها هوة كمان يهتم بيها ويمدح فيها.
وعيب على كلا الزوجين ان يتهم كل منهم الاخر انة المقصر وانة لا يلين فهى ليست حرب وانما حب ومودة ورحمة وليس من الرحمة ان ينهار بيت بسبب العناد والكرامة الزائفة فليس من الكرامة ان تكون مطلق بسبب قصر نفسك او ان تكونى مطلقة بسبب كبريائك انما الكرامة كل الكرامة ان تمشى الزوجة واضعة يدها فى يد زوجها مستعينة به على الدنيا والامها. ومستعينا بها على ثقل الايام.ولنستعين بالله جميعا.

[Ghosts]

[QUOTE=koheya;3873914568]

ويا ريت كل راجل يحاول مع مراتة مليون مرة قبل ما توصل الحياة للطلاق [/COLOR[/COLOR]

فى ستات دماغها زى ....
ولا بلاش ....

مهما الراجل حاول معاها ....
مفيش فايدة ....

فى الحالات اللى زى دى ....
الطلاق بيبقى حل ....

[eng/muhamad]

الحياه الجامعية هى فتره الحريه الوحيده بين سيطرة الام و تسلط الزوجة

[ainshouka]

موضوع ممتاز وياريت الناس ذوي الخبرات يشاركوا فيه لنستفيد