Tweet
بسم الله الرحمن الرحيم و به نستعين
النهارده ان شاء الله هنشوف طريقة ترقيه ال Samsung Galaxy Fit S5670 الى الروم الرسمي العربي GingerBread
قبل اي حاجة احب اشكر اسطورة الاندرويد العضو الرائع M7amd_7amDy على المجهود اللي عمله
معايا و هو اللي كبرها في دماغي اني انزل الروم و كنت مرعوب و لاقيت في الاخر ان الموضوع اسهل
من شكة الدبوس ان شاء الله مش هياخد في ايدك 10 دقايق بالكتير سيبك ان الموضوع طويل شويه
عشان بالتفصيل الممل
اول حاجة هتحمل الملفات ديه
1- ملف الروم من هنا Hotfile.com: One click file hosting: S5670JPKQ7_S5670OJPKQ4_.rar
و الباس وورد : samfirmware.com
2- ملف ال OPS ده مهم جدا هتحمله من هنا BENI_v1.0.ops
3- برنامج الاودين من هنا S5570_Odin+Multi+Downloader+v4.38.exe
4- مجموعه برامج للباك اب 3 برامج مهمه جدا حتى لا تضيع ملفاتك
من هنا Backup.rar
نبتدي اولا بالنسبه للباك اب هتنزل 3 برامج على الجهاز
اول برنامج هنستخدمه هيكون اسمه myback up pro و ده هيكون للبرامج و الصور
ثاني برنامج هيكون باك اب لل SmS اسمه SMS باك اب
ثالث برنامج هيكون للأسامي اسمه sms and contact backup و خلي بالك انك جوه البرنامج بتعمل
باك اب للأسامي لأن انت كده كده عملت للرسايل
بعد اما تخلص هتدخل على الميموري و هتنسخ ال 3 فولدرات دول اول واحد اسمه rerware و الثاني
اسمه SmSBackup restore و الثالث اسمه sms contacts back up و تحطه عندك على الكمبيوتر
كده احنا خلصنا جزئيه الباك اب
نيجي بقى للروم
لازم تنزل البرنامج ده Hotfile.com: One click file hosting: SAMSUNG_USB.rar
و تحمله قبل الخطوات اللي جايه
اولا هتنزل برنامج الاودين وبعد كده تختار ملف ال OPS
ثانيا هتلاقي عندك مربع هتعلم عليه اسمه one package
ثالثا هتلاقي بتاع 5 خانات ضلمه و واحد بس هو الللي منور اللي هو ال one package تحت
رابع هدوس عليها و تختار ملف الروم اللي انت حملته و هيكون امتداده tar.md5
خامسا هتشيل الميموري كارد و هتقفل الموبايل و بعد كده تدوس على ال 3 زراير دول مع بعض زرار
توطية الصوت و الزرار اللي في نص و زرار التشغيل هتلاقي الشاشه بقت صفره و كتبلك downloading
بعد كده توصل كبل الموبايل في الكمبيوتر و تسمي و تدوس ستارت و تسيبه لغاية اما يعمل restart و
و بعد كده يكتبلك Pass ساعتها تشيل الكبل و مبروك عليك الجينجر بريد و ديه صور للتوضيح
لازم تكون الاعدادت كده بالظبط
و ديه الصوره النهائيه بعد اما شلت الكابل
في الصورة ديه اللي معلم عليها اللي هيا Com(13) 1 ديه هيكون لونها اصفر بعد اما تخش ال
download mode
شوية ملحوظات :
1- العمليه متاخدش اكتر من 10 دقايق بالباكب بالروم بكله الروم لوحده هياخد ان شاء الله 5 دقائق
2- هتلاقي انه بعد اما عمل الريستارت هيعلق شوية بتاع نص دقيقه على علامة سامسونج متتخضش و
ان شاء الله تبقى تمام
3- لازم يكون شحن البطاريه على الاقل 50 %
و اي حاجة انا موجود في الخدمه
4- شوية صور بقى للجنجر بريد
Comment