إعـــــــلان

Collapse

.

,
See more
See less

الشحاتة والتسول .. مهنة من لا مهنة له

Collapse
X
 
  • Filter
  • الوقت
  • Show
Clear All
new posts

  • الشحاتة والتسول .. مهنة من لا مهنة له

    اولا كل سنة وانتم طيبين ويعود علينا جميعا بالخير

    مواقف وطرائف كتير حصلتلي الايام اللي فاتت خصوصا مع انتشار الظاهرة الزفت دي واللي كان سببها الجهل والتخلف بتاع النظام السابق
    هحكلكم على مواقف حصلتلي من 3 ايام
    اول موقف :
    كان فيه دبيح عندنا وكله طالع لوجه الله والحمد لله طبعا
    وانا واقف مع الجزار بساعده علشان نعبي الدبيحة فجأة الاقي واحدة جاية بتتكلم بطريقة غريبة جدا (متمسكنة) ولابسة عبايا ونقاب وعمالة تقول ( ساعدوني يااهل الخير عندي سبع عيال مش عارفة اوكلهم) روحت عبيت كيس واديتها اللي فيه النصيب ومشيت
    بعد شوية لقيت واحدة تانية بتتكلم بنفس الطريقة بالظبط بس لابسة لبس تاني ( الوان تانية) وساعدوني يااهل الخير العيال جعانين في البيت .. طبعا علشان مكنتش متخيل اللي هيحصل اديتها كيس واللي فيه النصيب
    مرة تالتة جات واحدة بتتكلم بنفس الطريقة بس لابسة حاجة تانية خالص وقلعت النقاب بس نفس اللبس وجاية تقول ( حاجة لله)
    طبعا الجزار اللي كان واقف جنبي فاهم الليلة كلها وزعقلها وقالها متجيش هنا تاني يا ....
    اتضح من كلامه ان ال3 دول واحدة بس بتروح تغير وتيجي تاني ههههههههههههههههههههههههههههههههههههههههههههههه
    طبعا كنت ميت من الضحك وازاي حاجة زي دي تفوت عليا (الشحاتة اتطورت اوي عن زمان)

    تاني موقف :
    وانا مروح بعد المشوار ده وقفت في اشارة روكسي طبعا كلنا عارفين بتطول ازاي
    مكانش معايا مناديل في العربية وقولت لو حد عايز حاجة هبقى اخد منه كيس ( ماهي الاشارة مليانة)
    المهم لقيت ست كبيرة في السن (عرفتها من حركتها) لابسة نقاب ونضارة شمس في عز الضلمة جاتلي عند الشباك وقالتلي حاجة لله يابني روحت مطلع اللي فيه النصيب علشان اخد كيس مناديل منها كمان
    قالتلي (حرام عليك ده انا بجري على كوم عيال)
    طبعا استغربت من الكلام ده امال انتي نازلة تشحتي بقى في الاشارة مش تبيعي مناديل وتسترزقي
    راسها والف سيف مش عايزة تديني كيس مناديل
    وبعد مامشيت من الاشارة دي استنتجت حاجة ممكن تكون صح وممكن لا والله اعلم
    الاستنتاج :
    ان الست دي مش ست اصلا وده راجل لابس كدة وعامل فيها ست عجوزة وده خلاني اشك في النظارة الشمس اللي لابسها + مشيته مش مشيت ست ابدا

    ثالث موقف :
    كنت في وسط البلد امبارح انا وواحد صحبي كان نازل يشتري حلويات من محل مشهور
    واحنا واقفين في عز الزحمة لقيت راجل واقف جنبي لابس لبس محترم وشكله راجل محترم جدا وكان حاطط النظارة الشمس في جيب القميص
    المهم قولت لصحبي ( عاجبني القميص اللي الراجل لبسه ده)
    والظاهر كدة سمع الكلمتين دول لقيته جاي عليا يقولي ( اي مساعدة يابني )
    طبعا (بلمت ) من الكلمة اللي سمعتها دي وازاي واحد زيك ينزل يشحت وهو في عز صحته لا وكمان لابس لبس ميوحيش الناس انه شحات

    كان بيفكرني بعادل امام في فيلم (المتسول) لما كان لابس بدلة ونضارة شمس وبيشحت قدام المطعم ههههههههههههههههههههههههههههههه


    طبعا المواقف دي حصلت من بين مواقف كتير جدا بس دي المواقف اللي بجد خلتني مسألش في اي حد يحاول يشحت او يتسول في الاشارات وده يخليني اقفل شباكي ومهتمش بكلام حد

    دلوقتي بقا لو حد يعرف ناس محتاجين بجد في نطاق مدينة نصر وعين شمس ياريت يبعتلي على الخاص
    واللي عنده موقف مشابه ياريت يحكيه


    والسلام ختام
    eng f3lix سابقا

  • #2
    - اذا كنت ستتصدق او ستزكى فانت فى تجارة مع الله ...وانت الرابح ............ واذ كان السائل الذي امامك يدعى هذا فانت غير مسئول عن غشه و تدليسه ولكن يفضل ان تتحرى الى اين تذهب اموالك ليس بسبب شئ ولكن لترى من هو احق بها و احوج اليها غالبية المساجد بها كشوف لفقراء وايتام المنطقة امامك حلان اما ان تعطي الجمعيات الخيرية في المسجد لتوصيلها الى من يستحق او تطلب منهم عناوين وتذهب انت لأن الفقراء الحقيقيون لا يعرفهم أحد لأنهم لا يخرجون ويتسولون وبهذا نعطي الأغنياء المتسولين ونحرم الفقراء المتعففين قال تعالى : " للفقراء الذين أحصروا في سبيل الله لا يستطيعون ضرباً في الأرض يحسبهم الجاهل أغنياء من التعفف تعرفهم بسيماهم لا يسألون الناس إلحافاً وما تنفقوا من خير فإن الله به عليم " لكن احذر المتسولين الجائلين على الرغم من حديث سيد الخلق محمد صلى الله عليه وسلم (اعطى السائل ولو جائك على فرس) صدق رسول الله صلى الله عليه وسلم ولكن مع الأسف أصبح التسول في زماننا مهنة يحترفها كثير من الناس وهم أغنياء للأسف وبخصوص اقحام النقاب في التسول لا نظلم النقاب فالنقاب برئ من افعال البعض ربنا يهديهم وايانا ....... اللهم لاتحوجنا إلا إليك
    [mshosh2]http://www7.0zz0.com/2013/05/08/17/903528565.jpg[/mshosh2]

    Comment


    • #3
      المشاركة الأصلية كتبت بواسطة abogogo مشاهدة المشاركة
      - اذا كنت ستتصدق او ستزكى فانت فى تجارة مع الله ...وانت الرابح ............ واذ كان السائل الذي امامك يدعى هذا فانت غير مسئول عن غشه و تدليسه ولكن يفضل ان تتحرى الى اين تذهب اموالك ليس بسبب شئ ولكن لترى من هو احق بها و احوج اليها غالبية المساجد بها كشوف لفقراء وايتام المنطقة امامك حلان اما ان تعطي الجمعيات الخيرية في المسجد لتوصيلها الى من يستحق او تطلب منهم عناوين وتذهب انت لأن الفقراء الحقيقيون لا يعرفهم أحد لأنهم لا يخرجون ويتسولون وبهذا نعطي الأغنياء المتسولين ونحرم الفقراء المتعففين قال تعالى : " للفقراء الذين أحصروا في سبيل الله لا يستطيعون ضرباً في الأرض يحسبهم الجاهل أغنياء من التعفف تعرفهم بسيماهم لا يسألون الناس إلحافاً وما تنفقوا من خير فإن الله به عليم " لكن احذر المتسولين الجائلين على الرغم من حديث سيد الخلق محمد صلى الله عليه وسلم (اعطى السائل ولو جائك على فرس) صدق رسول الله صلى الله عليه وسلم ولكن مع الأسف أصبح التسول في زماننا مهنة يحترفها كثير من الناس وهم أغنياء للأسف وبخصوص اقحام النقاب في التسول لا نظلم النقاب فالنقاب برئ من افعال البعض ربنا يهديهم وايانا ....... اللهم لاتحوجنا إلا إليك
      جزاك الله كل خير يااخي الكريم وكل سنة وانت طيب
      انا فعلا وزعت على بعض المساجد وهما بدورهم هيوزعو على الفقراء
      بس الجمعيات الخيرية مش بثق فيها انهم ممكن فعلا يوصلو للمحتاج بجد سواء فلوس او بضائع .. الخ
      eng f3lix سابقا

      Comment


      • #4
        الواحد شاف اكتر من كده تحت عنوان تطور اسلوب التسول ههههههههه
        الواحد كره النزول بسببهم و اقرب المواقف اللي حصلت معايا انهاردة
        عند حديقة الطفل في مكرم عبيد طالع ع عباس العقاد من هناك و الاقي واحد من اللي بيشيلوا ع ضهرهم العجلة اللي بتسن السكاكين و لابس تي شيرت برتقالي ( اللي هم يعملوا غلبانين و تيجي تسن سكينة يقولك 10 جنيه اقل حاجة يعني اكتر من سعر السكينة ) المهم هو ماشي امي تعبانة و يحلف و الكلام اللي عارفينه و عايز اقولك انه راديو متواصل مش بيفصل لدرجة مستفزةتخليك ممكن تلوشه بالشلوت و ركنت و ده واقف جنبي متواصل و انا عمال ادور فين الفكة و مش عايز يسكت في الاخر روحت مزعق فيه عشان يخرس و اديته اللي فيه النصيب
        المهم خلصت اللي ورايا و لفيت من نفس المكان لقيته برده جالي و نفس الاسطوانة اللي مش بتفصل و امي و يحلف بهدلته بعدها مشيت و اضطريت ارجع برده لكن من قبل المكان اللي واقف فيه لقيته شغال في الاسطوانة رايح جاي هناك.

        برده لسه من ساعتين تلاتة كنت في روكسي واد لابس برده تي شيرت برتقالي ( مش عارف انا ايه حكاية اللون ده معايا انهاردة و لا هي ديه علامة الجودة بتاعتهم و لا بيعيدوا ) الواد ماسك كام كيس مناديل و ماشي في روكسي اي حاجة ...الخ..ألخ مشيت قدام شوية برده ماشي ع كل نفر نفر لحد ما جالي يبني الله يسهلك و مشيت تاني برده جايلي قولتله ايه يبني مفيش في الشارع غيري ناقص اروح البيت الاقيك هناك

        و قريب كنا برده في حوار دبيح المهم ماشي بوزع فاديت واحد بعد ما اخد اللي فيه النصيب صدمت من جملته اللي قالها ليا ( طب فين حق الشاي بقي ) لولا اني بدأت اتحرك بالعربية كنت هاخدها من ايديه و اديها للي يستحقها

        ديه اقرب المواقف بالاضافة لمواقف كل يوم

        طبعا غير المواقف مع بتوع النظافة اللي ميحبش ينضف غير عند عربيتك او و انت بتاكل و يسيب الشارع كله و يجيلك خلاص الشارع كله بيبرق و الحتة بتاعتي اللي التراب فيه جبال

        غير اللي بقوا راشقين دلوقتي في كل مكان
        العيد بقي و كل سنة و انت طيب يا باشا و كل سنة و انتي طيبة يا هانم و ساعدوني يا اهل الخير و اي حاجة يا بيه

        ارحمنا يا رب نفسي الناس اللي بتستهبل ديه تتلم كلها و يتحاكموا بتهمة التسول
        الواحد من كتر اللي بيحصل مبقاش عارف يطلع و لا ميلطعش و لو طلع هل رايح للي يستحق و لا لواحد من اللي بنشوفهم دول
        [CENTER][SIGPIC][/SIGPIC]
        [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
        [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
        [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
        [/CENTER]

        AXEL سابقا

        Comment


        • #5
          المشاركة الأصلية كتبت بواسطة axel مشاهدة المشاركة
          الواحد شاف اكتر من كده تحت عنوان تطور اسلوب التسول ههههههههه
          الواحد كره النزول بسببهم و اقرب المواقف اللي حصلت معايا انهاردة
          عند حديقة الطفل في مكرم عبيد طالع ع عباس العقاد من هناك و الاقي واحد من اللي بيشيلوا ع ضهرهم العجلة اللي بتسن السكاكين و لابس تي شيرت برتقالي ( اللي هم يعملوا غلبانين و تيجي تسن سكينة يقولك 10 جنيه اقل حاجة يعني اكتر من سعر السكينة ) المهم هو ماشي امي تعبانة و يحلف و الكلام اللي عارفينه و عايز اقولك انه راديو متواصل مش بيفصل لدرجة مستفزةتخليك ممكن تلوشه بالشلوت و ركنت و ده واقف جنبي متواصل و انا عمال ادور فين الفكة و مش عايز يسكت في الاخر روحت مزعق فيه عشان يخرس و اديته اللي فيه النصيب
          المهم خلصت اللي ورايا و لفيت من نفس المكان لقيته برده جالي و نفس الاسطوانة اللي مش بتفصل و امي و يحلف بهدلته بعدها مشيت و اضطريت ارجع برده لكن من قبل المكان اللي واقف فيه لقيته شغال في الاسطوانة رايح جاي هناك.

          برده لسه من ساعتين تلاتة كنت في روكسي واد لابس برده تي شيرت برتقالي ( مش عارف انا ايه حكاية اللون ده معايا انهاردة و لا هي ديه علامة الجودة بتاعتهم و لا بيعيدوا ) الواد ماسك كام كيس مناديل و ماشي في روكسي اي حاجة ...الخ..ألخ مشيت قدام شوية برده ماشي ع كل نفر نفر لحد ما جالي يبني الله يسهلك و مشيت تاني برده جايلي قولتله ايه يبني مفيش في الشارع غيري ناقص اروح البيت الاقيك هناك

          و قريب كنا برده في حوار دبيح المهم ماشي بوزع فاديت واحد بعد ما اخد اللي فيه النصيب صدمت من جملته اللي قالها ليا ( طب فين حق الشاي بقي ) لولا اني بدأت اتحرك بالعربية كنت هاخدها من ايديه و اديها للي يستحقها

          ديه اقرب المواقف بالاضافة لمواقف كل يوم

          طبعا غير المواقف مع بتوع النظافة اللي ميحبش ينضف غير عند عربيتك او و انت بتاكل و يسيب الشارع كله و يجيلك خلاص الشارع كله بيبرق و الحتة بتاعتي اللي التراب فيه جبال

          غير اللي بقوا راشقين دلوقتي في كل مكان
          العيد بقي و كل سنة و انت طيب يا باشا و كل سنة و انتي طيبة يا هانم و ساعدوني يا اهل الخير و اي حاجة يا بيه

          ارحمنا يا رب نفسي الناس اللي بتستهبل ديه تتلم كلها و يتحاكموا بتهمة التسول
          الواحد من كتر اللي بيحصل مبقاش عارف يطلع و لا ميلطعش و لو طلع هل رايح للي يستحق و لا لواحد من اللي بنشوفهم دول
          على فكرة انا كنت لابس النهاردة بورتقاني هههههههههههههههههههههههههه

          واحد قريب ليا قالي حاجة مهمة اوي
          قالي لو حد بيشحت وجيه قالك كلمة ( حاجة لله ) يبقى لازم تطلع حاجة تديهاله لانك كدة بتطلعها لله مش ليه هو .. وحتى لو هو بيمثل يبقى انت كدة خدت ثواب عظيم جدا وهو خد سيئات اكتر بكتير من الحسنات اللي هتاخدها .. والحسنة بعشرة امثالها
          eng f3lix سابقا

          Comment


          • #6
            -المشهد علي المقهي انا وصاحبي ودار بيننا حوار ...!!!

            - انت بتديها ليه اللي انت شايفها دي اغني منك ...!!!

            - رديت عليه بس دي مدت ايديها تبقي محتاجة وبعدين
            وانت اشعرفك انها اغني أو افقر ..!؟؟

            - بس دي شابة صغيرة وشكلها حلو ..!! وممكن تشتغل اي شغلانة عشان ماتمدش ايديها

            - متنساش ان فيه طفل رضيع علي ايديها يمكن ملهوش غيرها وهو اللي مانعها عن الشغل ماحدش يعرف ظروف الناس ايه ؟

            - انت بطريقتك دي يمكن بتجرأها وبتشجعها انها تشحت طول عمرها ...!!!

            - ويمكن اكون سبب في انها ماتمشيش غلط وانت بنفسك قلت انها شابة صغيرة وشكلها حلو
            يعني هي لو عايزة فلوس حرام هي في غني عن انها تمشي عشرات الكيلومترات لما رجليها تورم كل يوم وتتحايل علي اللي زيي واللي زيك وواحد يديها وواحد يبصلها بازدراء ويقول لها الله يسهللك ياست
            وبعدين انت الجنيه الفكة ده اوالربع او النص جنيه ده مش هيفرق معاك حاجة وجايز يفرق معاها كتير الله اعلم بعباده

            - انت طيب قوي وشكلك متعرفش الاشكال دي ...!!

            رديت عليه ( واما السائل فلا تنهر ) صدق الله العظيم
            ربك رب قلوب وبيحاسب على ما في نية الانسان
            [mshosh2]http://www7.0zz0.com/2013/05/08/17/903528565.jpg[/mshosh2]

            Comment


            • #7
              المهنة الوحيدة الى استحاله صاحبها يتنازل عنها الشحاته

              Comment


              • #8
                المشاركة الأصلية كتبت بواسطة abogogo مشاهدة المشاركة
                -المشهد علي المقهي انا وصاحبي ودار بيننا حوار ...!!!

                - انت بتديها ليه اللي انت شايفها دي اغني منك ...!!!

                - رديت عليه بس دي مدت ايديها تبقي محتاجة وبعدين
                وانت اشعرفك انها اغني أو افقر ..!؟؟

                - بس دي شابة صغيرة وشكلها حلو ..!! وممكن تشتغل اي شغلانة عشان ماتمدش ايديها

                - متنساش ان فيه طفل رضيع علي ايديها يمكن ملهوش غيرها وهو اللي مانعها عن الشغل ماحدش يعرف ظروف الناس ايه ؟

                - انت بطريقتك دي يمكن بتجرأها وبتشجعها انها تشحت طول عمرها ...!!!

                - ويمكن اكون سبب في انها ماتمشيش غلط وانت بنفسك قلت انها شابة صغيرة وشكلها حلو
                يعني هي لو عايزة فلوس حرام هي في غني عن انها تمشي عشرات الكيلومترات لما رجليها تورم كل يوم وتتحايل علي اللي زيي واللي زيك وواحد يديها وواحد يبصلها بازدراء ويقول لها الله يسهللك ياست
                وبعدين انت الجنيه الفكة ده اوالربع او النص جنيه ده مش هيفرق معاك حاجة وجايز يفرق معاها كتير الله اعلم بعباده

                - انت طيب قوي وشكلك متعرفش الاشكال دي ...!!

                رديت عليه ( واما السائل فلا تنهر ) صدق الله العظيم
                ربك رب قلوب وبيحاسب على ما في نية الانسان
                كلام صاحب حضرتك فيه شيء من الصح
                لانك فعلا كدة بتخليها تشحت مرة و2 و3
                وانت متعرفش ايه السبب الحقيقي اللي خلاها تعمل كدة وان كان في ايدها انها تشتغل شغل تاني ولالا
                بس مدام الوضع يستاهل انك فعلا تديها حاجة يبقى كدة مش غلط
                لانهم بيبانو من شكلهم وسنهم وفي ناس بتستعبط كتير اوي في المواضيع دي
                eng f3lix سابقا

                Comment


                • #9
                  كان في واحدة زماااان بتقعد في وسط البلد محنية وفي حجرها عيل صغير عمالة رايحة جاية تطبطب عليه بتهبده مش بتطبطب وحواليها كام عيل صغير تاني
                  كنت كل ما اروح الاقيها بنفس المنظر وتقريبا كان بيبقى عيال غيرهم
                  عرفت بعد كدة انهم جابوها في التلفزيون قابضين عليها وانها كانت بتخطف العيال دي
                  حسبي الله ونعم الوكيل

                  الموضة الجديدة اللي طالعة ابقي ماشية في الشارع
                  الاقي واحدة واقفة تنده عليا
                  لو سمحتي لو سمحتي بست بسسسسسسسسسست
                  اقف افتكرها عاوزة تسأل على عنوان ولا تايهة
                  الاقيها تقول لي معلش اصلي معيش فلوس وعاوزة اروح ممن نص جنيه اروح بيه؟
                  او تقول لي اي حاجة لله يستر عرضك
                  بعد كدة اي حد ينده عليا مش بارد عليه خالص
                  حد لو حد اعرفه
                  [CENTER][shfaf]http://img140.imageshack.us/img140/9236/nile5th2resize.jpg[/shfaf][/CENTER]

                  Comment


                  • #10
                    المشاركة الأصلية كتبت بواسطة nonetta مشاهدة المشاركة
                    كان في واحدة زماااان بتقعد في وسط البلد محنية وفي حجرها عيل صغير عمالة رايحة جاية تطبطب عليه بتهبده مش بتطبطب وحواليها كام عيل صغير تاني
                    كنت كل ما اروح الاقيها بنفس المنظر وتقريبا كان بيبقى عيال غيرهم
                    عرفت بعد كدة انهم جابوها في التلفزيون قابضين عليها وانها كانت بتخطف العيال دي
                    حسبي الله ونعم الوكيل

                    الموضة الجديدة اللي طالعة ابقي ماشية في الشارع
                    الاقي واحدة واقفة تنده عليا
                    لو سمحتي لو سمحتي بست بسسسسسسسسسست
                    اقف افتكرها عاوزة تسأل على عنوان ولا تايهة
                    الاقيها تقول لي معلش اصلي معيش فلوس وعاوزة اروح ممن نص جنيه اروح بيه؟
                    او تقول لي اي حاجة لله يستر عرضك
                    بعد كدة اي حد ينده عليا مش بارد عليه خالص
                    حد لو حد اعرفه
                    فعلا حتى تلاقي راجل بتاع 40 سنة كدة بينده على الواحد يقوله الاسطوانة المشروخة بتاعت عايز اروح وفلوسي وقعت والكلام ده لحد مانا بقيت بفهم اصلا قبل مايتكلم ويقول هو عايز ايه
                    eng f3lix سابقا

                    Comment


                    • #11
                      النهارده بقي العيد واللحمه وزمان كنا بنوزع علي الغلابه اللي عارفينهم واحنا عندنا في البلد معروفين
                      من سنتين بقي طلعتلنا موضه جديده وهي بعد الدبح بساعه تلاقي كل 10 دقايق 3 او 4 ستات جايين عايزين المناب بتاعهم ده علي اساس انها كانت اضحية اهاليهم وكل واحده تلاقيها شايله شانطه مش قادره تشيلها والمصيبه الاقيهم جايين في ميكروباص وقبل كل عذبه ينزلو يلمو الغله ويركبو الميكروباص ويكملو وفي الاخر يروحو يبيعوها
                      الستات دي كلها بصحتها والواحده ممكن تشيلك وترميك من علي الأرض ولابسين نظيف يعني مش شحاتين ولا حاجه ومش بييجو غير يوم العيد الكبير

                      والناس بقي اللي كانو عند جامعة القاهره كان في واحد قابلته مره قالي انه عايز يروح بني سويف وكان عند باب تجاره وانا يادوب كان بيبقي معايا اجرتي فنضفتله طبعا وبعدها طلع لصاحبي قاله وريني بطاقتك وتعالي وانا هركبك من الموقف وفي الأخر فلسع منهم
                      بعدها بسنه لقيته في وشي بيقولي عايز اروح بني سويف لقيت نفسي تلقائي كده بقوله انت لسه مروحتش قام منفضلي وماشي بعيد

                      Comment


                      • #12
                        بص يا عم
                        فى يوم كنت فى وسط البلد وواقف قدام الامريكان كوفى شوب عند الناحيه اللى تشوف منها دار القضاء العالى
                        لقيت واحد محترم جاى لى بيقول انا محامى من الزقازيق و.....
                        لسه مكملش الكلمه قولت له دار القضاء هناك كده
                        قال لى يعنى ايه
                        قولت له كل اللى بييجى هنا بيسال عليها
                        الراجل وشه اصفر ومعرفش يتكلم وقال لى انت مجنون
                        وسابنى ومشى وهو عمال يشوح بايده
                        بعدها باسبوع لقيته برده قعدت اضحك سبته ومشيت قال لى انت مجنون

                        Comment


                        • #13
                          خدوا ديه بقى... بعد الثورةالشحاتين بيركبوا أتوبيس شرق الدلتا و ييجوا على شرم من القاهرة و ألأقاليم(كل ألأنواع..اللى بعيل و اللى بعكاز واللى بروشتة و تحاليل و اللى بيقوللك أصلى مش عارف أروح ...) و كانوا عادة بيقفوا قدام مسجد المصطفى بعد صلاة الجمعة و أحيانا بعد العشاء و فى منطقة السوق القديم و أخر اليوم يرجعوا تانى بعد ما يكونوا عملوا مبلغ محترم فى يوم واحد لأن هنا ماكنش فيه الكلام دة قبل كدة و الناس ما بتصدق تلاقى حد محتاج هنا علشان يساعدوه و مش بيتحروا الدقة هل ده فعلا محتاج ولا ضلاللى..بس لحسن الحظ المحافظ الجديد خد باله من الموضوع ده و حطوا على النصابين دول و نفخوهم و بقوا الى حد كبير يدققوا تانى على اللى داخل البلد و اللى بيمسكوه بيشحت بيرحلوه. النهاردة وقت الدبح ماقبلنيش أى حد من ألأشكال الضالة ديه. أنا مش مع أى حد يدى الشحاتين(النصابين)..فى ناس كتير محتاجة و هما دول اللى يقال عنهم "تحسبهم أغنياء من التعفف" لو دورت شوية هتلاقى الناس ديه .. و بالنسبة للنصابين ممكن تصرفهم بالحسنى بكلمتين..الله يسهللك و كل سنة و أنت طيب.

                          Comment


                          • #14
                            حزب العدل يدمج المتسوليين مع هيئة النظافة ضمن حملته الإنتخابية
                            -------------------------------------------------------------------------


                            فى محاولة لضرب عدد من العصافير بحجر واحد، منها القضاء على ظاهرة التسول من خلال توفير عمل للمتسولين وتنظيف شوارع القاهرة وتوفير ملايين على الدولة والدعاية الانتخابية، ابتكر فريق مرشحى حزب العدل بشرق القاهرة مشروعا بدؤوه بمنطقة مصر الجديدة، وهو إدماج المتسولين فى هيئة النظافة.

                            وقال عماد سيد أحمد، مرشح رأس قائمة حزب العدل شرق القاهرة، إن حزب العدل بدأ حملته الانتخابية بمصر الجديدة باجتماع مع 40 متطوعا، نصفهم من خارج الحزب، حيث تبنى الجميع مشروع دمج المتسولين للعمل بهيئة النظافة بعد فسخ عقد الشركات الأجنبية التى تحصل على 476 مليون جنيه شهريا.

                            مؤكدا أنه بتوفير هذه المبالغ يمكننا تعيين المتسولين البالغ عددهم فى الدائرة فقط 17 ألفا و800 متسول.

                            وأضاف مرشح «العدل» أن البرلمان المقبل سيكون عمره قصيرا، لأن مهمته هى وضع الدستور، مشددا على أنه يجب أن يكون به تمثيل حقيقى لجميع الفئات، وعدم اختزالهم فى فريق محدد.

                            Comment


                            • #15
                              المشاركة الأصلية كتبت بواسطة mohabelnegm مشاهدة المشاركة
                              خدوا ديه بقى... بعد الثورةالشحاتين بيركبوا أتوبيس شرق الدلتا و ييجوا على شرم من القاهرة و ألأقاليم(كل ألأنواع..اللى بعيل و اللى بعكاز واللى بروشتة و تحاليل و اللى بيقوللك أصلى مش عارف أروح ...) و كانوا عادة بيقفوا قدام مسجد المصطفى بعد صلاة الجمعة و أحيانا بعد العشاء و فى منطقة السوق القديم و أخر اليوم يرجعوا تانى بعد ما يكونوا عملوا مبلغ محترم فى يوم واحد لأن هنا ماكنش فيه الكلام دة قبل كدة و الناس ما بتصدق تلاقى حد محتاج هنا علشان يساعدوه و مش بيتحروا الدقة هل ده فعلا محتاج ولا ضلاللى..بس لحسن الحظ المحافظ الجديد خد باله من الموضوع ده و حطوا على النصابين دول و نفخوهم و بقوا الى حد كبير يدققوا تانى على اللى داخل البلد و اللى بيمسكوه بيشحت بيرحلوه. النهاردة وقت الدبح ماقبلنيش أى حد من ألأشكال الضالة ديه. أنا مش مع أى حد يدى الشحاتين(النصابين)..فى ناس كتير محتاجة و هما دول اللى يقال عنهم "تحسبهم أغنياء من التعفف" لو دورت شوية هتلاقى الناس ديه .. و بالنسبة للنصابين ممكن تصرفهم بالحسنى بكلمتين..الله يسهللك و كل سنة و أنت طيب.
                              الموقف ده نفسه كان بيحصل في الغردقة وانا كنت هناك بقالي فترة كبيرة كنت بلاحظ كدة بس دلوقتي الموضوع بقى اخف من الاول بكتير
                              eng f3lix سابقا

                              Comment

                              Working...
                              X