إستطلاع : ياترى تحب أن المدام تشتغل ؟

[Ghosts]

ليه التعميم

الواحد شاف كتيييييير ....
والمثل بيقول حرص ولا تخون ....

[MNabeih]

مش شرط ....
أصل اليومين دول معدش فى أخلاق وبالتالى معدش فى ثقة فى أى حد ....

انت بصراحة بردو عندك حق بس الدنيا ما بقتش سودة اوي كدة,
لو انت قننت المسالة و الخطوط الحمرا اتحددت الدنيا هاتمشي, و اكيد بردو هاتلاقي مشاكل بس ما هو دة الطبيعي ما احنا مش في الجنة

[Ghosts]

يا راجل مفيش ثقة في مين .. في مراتك ؟؟ !!

لا مفيش ثقة فى الناس اللى حواليا ....
أما مراتى أنا لا يمكن أشك فيها لأنى مش متجوز أساسآ ....

بس الواحد شاف نماذج لسيدات أزواجهم بيثقوا فيهم ثقة عمياء ....
بس هما كانوا ....
ولا بلاش ....

[MNabeih]

لا مفيش ثقة فى الناس اللى حواليا ....
أما مراتى أنا لا يمكن أشك فيها لأنى مش متجوز أساسآ ....

بس الواحد شاف نماذج لسيدات أزواجهم بيثقوا فيهم ثقة عمياء ....
بس هما كانوا ....
ولا بلاش ....

لأ و ما اكتر الزوجات اللي بيقتلوا ازواجهم عشان خاطر عيون العشيق الولهان اللي مالوش تاني,
بجد يا جماعة الجرائم دي كترت جدا مش عارف في اية؟؟!!

[shaddadfalcon1]

انا مقصدش اعمم انا بقول اللي بشوفه مش معني كده ان كل اللي بيتشغلو كده وانا مش بتكلم من برج عالي ولا حاجه والحمد لله انا مجوز نفسي بنفسي بس اللي اعرف ان الرسول قال اللي يستطيع علي الجواز من قدره ماليه وجسديه يتجوز واللي ميقدرش يصوم
مفيش مشكله ان الست تشتغل عشان تساعد الراجل بسبب ظروف حصلت لكن المشكله ان الراجل من قبل الجواز يبقي معتمد علي شغل مراته انه يسند معاه
كل واحد ليه راييه وهو حر فيه لكن انا وجهة نظري ان ده مش صح

[shaddadfalcon1]

الجملة الاولى دى ايه علاقتها بالشغل و ايه علاقة الضحك و الهزار و افشاء اسرار البيوت بالشغل
والثانية يعنى الى معهوش فلوس ولا فلوسه مش مكفياه ولا الى مستواه على قد حاله يبقى ميتجوزش ازاى وكل الناس مش شرط يبقى اهاليها هم الى مجوزينهم ولا شرط تبقى مرتباتهم معدية كام الف

الفكرة كلها ان الواحد يبقى متاكد من اختياره لمراته و ساعتها هيبقى مطمن لكل حاجة

العلاقه هي ان الشغل بيؤدي للحاجات دي ولا حضرتك مشوفتش علي الأقل مره واحده وانت بترخص عربيتك في المرور وتقريبا الواحد بيعرف ظروف كل الستات اللش شغالين هناك وكانو بيعملو ايه ليلة البارح ومين اللي كان عندهم وكانو بياكلو ايه وبيشربو ايه

[mody3on]

العلاقه هي ان الشغل بيؤدي للحاجات دي ولا حضرتك مشوفتش علي الأقل مره واحده وانت بترخص عربيتك في المرور وتقريبا الواحد بيعرف ظروف كل الستات اللش شغالين هناك وكانو بيعملو ايه ليلة البارح ومين اللي كان عندهم وكانو بياكلو ايه وبيشربو ايه

طب وانت مبتشوفش ستات بيشتغلوا من غير ما " يفشوا اسرار البيت " خالص ؟؟
حضرتك بنفسك قلت ان في وفي .. يبقى خد الحلو وسيب الوحش .. كل حسب زوجته .. يعني معلش زوجتك ست محترمة وعارفة الحدود والاداب .. مش هتروح تفشي اسرار البيت يعني

[Ghosts]

لأ و ما اكتر الزوجات اللي بيقتلوا ازواجهم عشان خاطر عيون العشيق الولهان اللي مالوش تاني,
بجد يا جماعة الجرائم دي كترت جدا مش عارف في اية؟؟!!

فى أزمة فى الأخلاق والضمير ما بين معظم المصريين رجالة وستات ....
هو الواحد مش عارف يتجوز من شوية ؟
ماهو من اللى بنشوفة ....

[shaddadfalcon1]

طب وانت مبتشوفش ستات بيشتغلوا من غير ما " يفشوا اسرار البيت " خالص ؟؟
حضرتك بنفسك قلت ان في وفي .. يبقى خد الحلو وسيب الوحش .. كل حسب زوجته .. يعني معلش زوجتك ست محترمة وعارفة الحدود والاداب .. مش هتروح تفشي اسرار البيت يعني

مااحنا بنتناقش عشان كده بنقول الاتنين بس الغالبيه العظمي لازم تلاقي حاجه من دول يعني ياانا هزار وضحك ياما حاجات تانيه وفيه اللي بتحافظ نفسها من كل حاجه
بس انا عن نفسي مقدرش اشغل مراتي في مكان وابقي عارف ان في راجل ممكن بس حتي يقولها الساعه كام

[mody3on]

عامة هي وجهات نظر وكل واحد حر في زوجته بقى ههههههه
بس اهم حاجة محدش يحجر على راي التاني يعني مثلا بنلاقي واحد يقولك مينفعش الست تشتغل انتوا معندكوش غيرة على حرماتكم .. واتقوا الله وبتاع .. وواحد تاني يقولك دول عايشين في العصور الحجرية ومش عايزين يخلوا الستات يشتغلوا
لا اللي عايز يقول رايه يقول من غير التعدي على الاخر

[mustafavet]

طيب في اصلا زوجات بيتمسكوا بالشفل
لدرجه انها ممكن تطلب الطلاق لو طلبت منها تسيب الشغل
انا كنت سمعت احد المشايخ بيقول ان لو في زوجه عامله يبقي الزوج ليه حق في مرتبها دا بعدد ساعات تغيبها عن المنزل
ايه رايكم في الكلام دا

[Ghosts]

طيب في اصلا زوجات بيتمسكوا بالشفل
لدرجه انها ممكن تطلب الطلاق لو طلبت منها تسيب الشغل

الستات اللى من النوع دة حاجة من أتنين :
يا أما مسترجلة ....

يا أما الشغل بالنسبة لها وسيلة للهروب من البيت ....
ودة اللى بيحصل غالبآ ....

[SYD]

اخي الكريم جوست
اعرف انك تقصد بالعمل كظروف شخصية لكل عضو علي حده و ليس لعموم عمل المرأة
و اسمح لي ان انقلكم لحظيا للعموم
اري ان شغل المرأة واجب شرعي في بعض المهن
كالطبيبة لبعض التخصصات و المعلمة و الضابطة و بعض الوظائف الاخري
و لكن المهم في رأيي ان يكون هذا العمل كما هو الحال في توزيع الانصبة ( للذكر مثل حظ الانثيين )
و عند الشهادة مثلا يشهد الرجل بمقدار سيدتين و هذا ارجو الا يفهم علي انه فتوي حاشا لله
او انها تريقة علي ان المرأة نصف الرجل بل علي العكس تماما فأنا اري ان المرأة لها قدرات في امور معينة خصها بها الله تعالي تفوق 4 رجال مجتمعين و هو تربية الاجيال
الموضوع بأختصار
ان واجب شغل المرأة في بعض المهن المهمة التي اشرت اليها هي انه في حالة عدم توفرها فيها بتحدث مفاسد كثيرة كالطبيبة امراض النساء الماهرة ماذا لو انها لم تتوفر بكثرة و بخبرة و الخبرة تلزمها ممارسة و الممارسة يلزمها زمن و كل التخصصات الطبية الاخري بعيدا عن الجراحة اذا لم تحب هي ذلك
و التدريس لبعض المراحل العمرية كرياض الاطفال و المرحلة الابتدائية مثلا و هكذا
و الضابطة نحتاج لها في كثير من الوقت
و ايضا البائعة في اماكن معينة
و غيرها من الاماكن التي تحتك فيها المرأة المسلمة و يجب ان يكون تعاملها مع سيدة مثلها
فلو ان كل رجل اغلق بابه و قال لا لن تعملي لبحثنا نحن ايضا عنهن ما وجدنا منهن الا الغير ماهرات لانهن سرعان ما يتخرجن و حين يتزوجن يتركن العمل و هكذا تأتي اخري مازالت في بيت ابيها بعد تخرجها و حين تتزوج تترك
و لكن ايه حكاية اتنين سيدات برجل دي
الحكاية اننا ندعها تعمل نصف الوقت و تحل محلها اخري النصف الاخر فأن كانت مدرسة فالتعمل 3 حصص فقط في اليوم و اخري تكمل ال ثلاثة الاخرين و هكذا في المستشفيات و في اي مكان يعملن فيه و هذا الوقت البسيط تكون قد شاركت فيه المرأة المجتمع في بناءه و في نفس الوقت تكون لم تسبب ضرر لبيتها و في تربية ابنائها مع الاخذ طبعا في الاعتبار ان تأخذ اجازة سنتين كاملتين عند كل ولادة و ما الي ذلك
هذا رأيي و بالمناسبة زوجتي لا تعمل بل هي متطوعة في مكان ما
جزاكم الله خيرا

م.حاتم السباعي

كلامك سليم 100%

فعلا في وظائف ماينفعش تقوم بيها غير الستات ولو مفيش ستات بتشتغلها يبقي تقريبا هتنقرض او احنا هنتنازل

انا متأكد 100% ان الي بيمنع مراته من الشغل عشان بيغير عليها لو مراته لا قدر الله تعبت اكيد هيكون حريص انه يوديها لدكتورة مش دكتور ولما تسأله هيقولك عشان بغير عليها طب ماهو بردو جوز الدكتورة دة راجل وبيغير علي مراته بس هيغير عليها من مين ؟؟؟ من ستات زيها ؟؟؟؟ ولا من عيال (لو هي مدرسة في رياض اطفال)

فعلا في دور اجتماعي المرأة بتقوم بيه

ماننساش ان مدرسة الأبتدائي اكتر واحدة مأثرة فيك والراجل لا يمكن يحل محلها في المرحلة دي
سبحان الله علي طوول بال الست مع العيال وحنيتها علي حتي مش ولادها لكن الراجل من دوول حنين بس علي عياله والباقيين بالجزمة

البائعات في محلات الأكسسوارات الحريمي والملابس الحريمي

بالله عليك لو راجل الي بيبيع ملابس حريمي هينفع واحدة تشتري منه ؟؟؟؟

معلمة القيادة في مدارس تعليم قيادة السيارات

الممرضات والصيدلانيات الي بيدو حقن للسيدات (لو لا قدر الله مراتك تعبت وعايزة حقنة مين هيديهالها)

لو هتدي بنتك درس خصوصي تبعتها لمدرسة ولا مدرس في بيته ؟؟؟؟

الست الي بتيجي تمسحلك بيتك قبل العيد واول كل شهر هتجيب راجل يمسح البيت وحضرتك في الشغل ولا هتاخد اجازة وتمسح انت معاه ؟؟؟؟؟؟؟؟

والأمثلة كتير جدا جدا

انت مراتك مش بتشتغل دي حريتك الشخصية لكن ماتقولش انا ارفض عمل المرأة لأنك بتدور عليها بملقاط لما تحتاجلها

المرأة ليها دور في المجتمع لا يمكن ننكره

والله المستعان
،
،

[megamoudy]

هقول رأيي من غير زعل

الست ملهاش غير بيتها فعلا

وللايف الست لما بتشتغل بتفكر ان مخها زيه زي الراجل في تعقيده وتنفيذه مهام مركبه ومعقده وبتكون قرارتها عاطفية بطبيعتها

[ahmedfoud]

ايه المشكله
هو لسه فيه ناس قديمه كده
طب كان لزمته ايه 16 سنه تعليم

قديمه كده !!!!
لزمه التعليم ( من غير ال16 سنه دول ) انها تعرف تربي اولادها و تتعامل مع الناس و تساعدك لو احتاجت مساعدتها

الموضوع احيانا بيكون مبدأ .....

زي ما هو مبدأ ان الرجل يسيب زوجته الطبيبه او المدرسه تشتغل - مبدأ -

انما 90% من الرجال بيقدموا تنازلات كثيره جدا في راحتهم و استقرارهم و هدوء الاسره و راحه البال و الاهتمام بالاولاد .......... الخ
كل الحجات دي بيتنازل عنها في مقابل العائد المادي للزوجه حتي لو كان بسيط و الاوهام الي الناس عايشه فيها زي اهي ريحتني من ايجار البيت ..... او ,, اهي عشان تعرف القرش بييجي ازاي ........ دي فئه
الفئه التانيه ..... زوجه متسلطه و مسيطره علي الزوج ...... و رغم انه عامل نفسه عنتر فجله
الا انه بيقنع نفسه و الناس و زوجته كمان انه راجل مودرن و سبور و مؤيد للحريات و سايبها بمزاجه ههههه
الفئه الثالثه ..... الي انا ذكرتهم اول حاجه و هم دول ال 10 %
الزوجه بتشتغل من منطلق خدمه المجتمع و المباديء و المثاليه بس الفئه دي مش بتطول اول ما بتحس ان بيتها اولي بترجع تتفرغ لتأديه رسالتها في الحياه الاساسيه علي اكمل وجه
و هو تربيه الاولاد و رعايتهم و مفيش مانع تراعي ابوهم بالمره