إستطلاع : ياترى تحب أن المدام تشتغل ؟

[mohamedbook]

لو رفضت عمل المراه يبقى ارفض تعليمها
لو رفض عمل المراه يبقى ارفض لما مراتك او بنتك تتعب لقدر الله انك توديها لدكتور مش دكتوره
وحاجات كتيير لو عاوز تقيسها على المجال ده
ولك عندى اكبر تحيه وتقدير واحترام
وفى الاول والاخر الوضع لكل واحد بيبصله من منظور معين

ياباشا احنا بنتكلم من وجهة نظر شخصية يعني انت بتحب ولا متحبش مراتك تشتغل ايه دخلها بالتعليم وخلافة كل واحد بينظرلها من منظور شخصي ويشوف الي يريحة زي مافي رجالة مش عايزة مراتتهم تشتغل زي مافي ستت بترفض الوضع ده وفي ستتات تحب تقعد في البيت
حضرتك دخلت في موضوع تاني خالص غير الي انا اقصده انا رديت علي الي بيتهم الناس الي بيرفضوا عمل المراءة ان تفكرهم قديم وده حجر علي الرائ يعني كل واحد ووجهة نظرة في الحياة وكل واحده ووجهة نظرها في الحياة
تقبل تحياتي

[ahmedfoud]

بالعكس الام موجوده بس للاسف مش عارفه ايه معنى التربيه
وكان فى موضوع انا عمله لسه قريب
كيفية تربيه الاولاد http://www.nilemotors.net/nile/253436-a.html
صدقنى انا مش رافض دى ومش رافض دى
بمعنى انا رائى لازم للام دور كبير اوى فى البيت بس مفيش مانع لو حبت تنزل الشغل وفى نفس الوقت تقدر تحافظ على نفس النسبة بتاعتها فى البيت
ولو حضرتك تقصد المعاكسات والمضيقات الى بتقابلها فى الشغل
فالمراه المحترمه هى الى تقدر تصد الى قدمها وهى برده الى تقدر تشجع الى قدمها يعكسها ولا لا
اكيد راى وصل لحضرتك

انا طبعا عارف ان حضرتك بتدافع عشان زوجتك بتشتغل ..... بس نحسبها بالعقل
1- حضرتك بتقول ( انا رائي لازم للام دور كبير اوي في البيت بس مفيش مانع لو حبت تنزل الشغل و في نفس الوقت تقدر تحافظ علي نفس النسبه بتاعتها في البيت )
منطقيا الكلام دا مستحيل مستحيل مستحيل اي انسانه في الوجود تعرف تحافظ علي نفس النسبه بتاعتها في البيت و هيا بتشتغل .... و مش هشرح كتير اكيد احنا كلنا عارفين .. بس مطنشين

2- بخصوص المعاكسات و المضايقات في الشغل و الست المحترمه هيا مش عارف ايه الي اخر كلام حضرتك
طب انا ليه احط زوجتي في موقف زي دا .....!!

[abou_ruqi]

انا موافق تماما على عمل المرأة
انما مراتي انا ، على جثتي !

[MOUSTAFA_SAAD]

قديمه كده !!!!
لزمه التعليم ( من غير ال16 سنه دول ) انها تعرف تربي اولادها و تتعامل مع الناس و تساعدك لو احتاجت مساعدتها

الموضوع احيانا بيكون مبدأ .....

زي ما هو مبدأ ان الرجل يسيب زوجته الطبيبه او المدرسه تشتغل - مبدأ -

انما 90% من الرجال بيقدموا تنازلات كثيره جدا في راحتهم و استقرارهم و هدوء الاسره و راحه البال و الاهتمام بالاولاد .......... الخ
كل الحجات دي بيتنازل عنها في مقابل العائد المادي للزوجه حتي لو كان بسيط و الاوهام الي الناس عايشه فيها زي اهي ريحتني من ايجار البيت ..... او ,, اهي عشان تعرف القرش بييجي ازاي ........ دي فئه
الفئه التانيه ..... زوجه متسلطه و مسيطره علي الزوج ...... و رغم انه عامل نفسه عنتر فجله
الا انه بيقنع نفسه و الناس و زوجته كمان انه راجل مودرن و سبور و مؤيد للحريات و سايبها بمزاجه ههههه
الفئه الثالثه ..... الي انا ذكرتهم اول حاجه و هم دول ال 10 %
الزوجه بتشتغل من منطلق خدمه المجتمع و المباديء و المثاليه بس الفئه دي مش بتطول اول ما بتحس ان بيتها اولي بترجع تتفرغ لتأديه رسالتها في الحياه الاساسيه علي اكمل وجه
و هو تربيه الاولاد و رعايتهم و مفيش مانع تراعي ابوهم بالمره

طول عمرهم من زمان بيربوا ولادهم وهما جهله مش بيعرفوا يقروا ولا يكتبوا وكانوا بيربوهم احسن تربيه

التعليم ملهوش علاقه بانها تربى اولادها كويس

[shaddadfalcon1]

كان في دفعتنا بنات كتيير نشطاء قوي وبيعملو شغل كتيير وفي اخر يوم في الامتحانات بتاعة اخر سنه كنا بنعمل حفله للدكاتره للي بنحبهم قوي وبعدين زميله نشيطه من اللي بيحبو الشغل دوول قالت للدكتور قولنا نصايح عشان الشغل وكده وكانت الصدمه
الدكتور قال نصيحتي الأول للبنات: شغلك مهم بس بيتك اهم - لو لقيتي شغلانه لحد الساعه 2 ولا حاجه وتخلصي ترجعني لبيتك وجوزك ومياثرش عليهم في حاجه يبقي اهلا وسهلا ولو ملاقيتش يبقي تقعدي في بيتك اكرملك واحسنلك واوعو تسمعو كلام الناس بتاع اثبت نفسي والكلام الفاضي ده لان الواحده بتثبت نفسها في بيتها مش في الشغل
ونصحيتي للشباب وخصوصا اللي هيسافر منهم اوعي تسافر من غير ماتتجوز او علي الأقل تخطب

بصراحه البنات اتصدمت لانهم كانو فاكرين الدكتور هيقولهم الكلام بتاع اثبات النفس والكلام ده

[shaddadfalcon1]

طول عمرهم من زمان بيربوا ولادهم وهما جهله مش بيعرفوا يقروا ولا يكتبوا وكانوا بيربوهم احسن تربيه

التعليم ملهوش علاقه بانها تربى اولادها كويس

الكلام ده لما مكنش في نت ودش
لما كان في حادجه اسمها تربيه وتعليم
لما كان طلاب تانيه ابتدائي خايفين يروحو اعدادي عشان المدرس الفلاني اللي في تانيه اعدادي
مش دلوقتي خالص

[abogogo]

انا موافق تماما على عمل المرأة
انما مراتي انا ، على جثتي !

[mohammedabdallh]

انا طبعا عارف ان حضرتك بتدافع عشان زوجتك بتشتغل ..... بس نحسبها بالعقل
1- حضرتك بتقول ( انا رائي لازم للام دور كبير اوي في البيت بس مفيش مانع لو حبت تنزل الشغل و في نفس الوقت تقدر تحافظ علي نفس النسبه بتاعتها في البيت )
منطقيا الكلام دا مستحيل مستحيل مستحيل اي انسانه في الوجود تعرف تحافظ علي نفس النسبه بتاعتها في البيت و هيا بتشتغل .... و مش هشرح كتير اكيد احنا كلنا عارفين .. بس مطنشين

2- بخصوص المعاكسات و المضايقات في الشغل و الست المحترمه هيا مش عارف ايه الي اخر كلام حضرتك
طب انا ليه احط زوجتي في موقف زي دا .....!!

انا مش بدافع ولا حاجه
بس بقول فى مهن معينه لازم تكون المراة فيها علشان احنا بنحتجلهم
وزى برده ما قولت دور الام كبير برده فى ىالبيت فى النقطه دى مش هتلاقى كل الستات بتقدر تعملها والحمد لله مراتى بتقدر على الموضوع ده علشان وقت شغلها صغير جدا + البيت جنب الشغل
وفى الاول والاخر كل واحد له وجهة نظر فى الموضوع ده

[Ghosts]

يا عينى بقى لو المدام بتشتغل بمرتب أكبر من جوزها ....
شوفوا بتعمل فية أية ....

بتربية من أول وجديد وبتخلية يمشى على العجين مايلغبطوش ....
بتبقى هى الراجل وهو الست ....

بتبقى هى صاحبة الأمر والنهى و الولاد بيبقوا عارفين كدة ....
عشان كدة مش بيعملوا للأب أى حساب ....

[Al-Farooq]

إذا كان شغل محترم ومناسب لطبيعتها وبدون ما يعرضها لإهانه وبدون ما يأثر على بيتها وأسرتها ... الخ ،ايه المانع!
يعني انا مش من مؤيدين جلوس الست فى البيت لو ليها مجال عمل محترم ومتناسب مع قيمنا ، لأن فى مرحلة معينة من حياتها لو فى أطفال هتكبر مثلا ، لو مفيش هيبقي وقت فراغ أكثر ،
وبالتالي هتلاقي عندها وقت فراغ كبير هتكون قاعده فيه فاضية ، ومش كلهم هيقدروا يستغلوا الوقت الفاضي مثلا فى حفظ قرآن او تعلم حاجة تنفعها فى الدين والدنيا مثلا ...
، وانا مثلا مش عاوزها تقعد فى النميمة فى التليفون او تفتحها قهوة مع ستات العمارة ويقعدوا مع بعض قعدات النميمة إيها اللى بشوفها أحياناً عند بعض الجيران ، تلاقيهم عصابة كدة خارجين من بيت واحد :D ، وكل واحدة عند التانية شوية ، حاجات غريبة بتحصل نتيجة الفراغ ، والأجتماعيات اللى من النوع دة فارغة وملهاش لازمة ،
والنظام دة ممكن يمشي مع ناس تانية غيري او غير اللى اتربوا على نفس نظام الإسقلال وعدم الإختلاط مع الناس إلا فى حدود السلام والدردشة الخفيفة إذا لزم الأمر ، فلا خليها تتحرك أحسن ، بس على الله الحركة تجي بفايدة ويحافظوا على وزنهم :D
وكمان فى تخصصات بالذات مينفعش فيها غير الستات ، لو إحنا فى منتدي سيارات ، فأكيد اللى هيعلم ست السواقة مثلا فيضل طبعاً انها تكون ست زيها ، هو صحيح الأثنين ميبعرفوش يسوقوا ، واللى هتتعلم السواقة سواقتها هتبقي ألعن من اللى علمتها ، بس يلا نعمل ايه أمرنا لله :d
وينفعوا فى التدريس خصوصاً للأطفال ، وبعض التخصصات الطبية ، بعض الأعمال المنزلية او اليدوية ... إلخ ،
يعني اقصد لهم تخصصات ومجالات يليق فيها النساء أكثر من الرجال .

[MOUSTAFA_SAAD]

هو مفيش ستات دخلوا وعرفونا رايهم ليه

[شريف]

انا لسه متجوزتش و معرفش الحياه الفعليه عامله ازاي بس نقرا الايه الكريمه قال تعالى: وما كان لمؤمن ولا مؤمنة إذا قضى الله ورسوله أمرا أن يكون لهم الخيرة من أمرهم [الأحزاب:36]
طب امر من الامور اللي امر بها اهل بيت الرسول و لنا بهم اسوه حسنه
وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا. [الأحزاب:33

يَا أَيُّهَا النَّاسُ اتَّقُواْ رَبَّكُمُ الَّذِي خَلَقَكُم مِّن نَّفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيرًا وَنِسَاء وَاتَّقُواْ اللّهَ الَّذِي تَسَاءلُونَ بِهِ وَالأَرْحَامَ إِنَّ اللّهَ كَانَ عَلَيْكُمْ رَقِيبًا
سوره ا النساء ١
و انا رايي المتواضع حفاضا علي زوجتي و اكراما لها ان لا ارهقها بالعمل و ان اتقي ربنا بها و ان اعمل ان يكون عملها في تنشيه الاولاد و ان اكون معاونا لها ابتغا مراضاه الله اولا و كما قال سيدنا محمد - النساء شقايق الرجال

[Ghosts]

أنا شخصيآ لو أتجوزت ....
أتمنى أنى أقدر أتكفل بكل المصاريف من غير ما أخلى المدام تشتغل ....

أنا ضد عمل المرأة ....
تقولوا عليا متخلف , رجعى , قديم ...الخ مفيش أى مشكلة ....

عشان بأختصار الست لما بتشتغل ....
بتسترجل , بتتبهدل , بتقصر فى وجبات الزوج و الأولاد والمنزل ....

[SheNo0o]

أنا شخصيآ لو أتجوزت ....
أتمنى أنى أقدر أتكفل بكل المصاريف من غير ما أخلى المدام تشتغل ....

أنا ضد عمل المرأة ....
تقولوا عليا متخلف , رجعى , قديم ...الخ مفيش أى مشكلة ....

عشان بأختصار الست لما بتشتغل ....
بتسترجل , بتتبهدل , بتقصر فى وجبات الزوج و الأولاد والمنزل ....

+11111

لو لابس قبعه كنت رفعتها والله لكلامك
لاني لا املك غير اني احييك علي رايك الجميل الي اعتقد ان اغلبيه الشباب بتفكر كده بعيد عن الفلسفه واحنا بعيد عن الواقع وعن الموقف متحطيناش فيه

[magyver]

أنا شخصيآ لو أتجوزت ....
أتمنى أنى أقدر أتكفل بكل المصاريف من غير ما أخلى المدام تشتغل ....

أنا ضد عمل المرأة ....
تقولوا عليا متخلف , رجعى , قديم ...الخ مفيش أى مشكلة ....

عشان بأختصار الست لما بتشتغل ....
بتسترجل , بتتبهدل , بتقصر فى وجبات الزوج و الأولاد والمنزل ....

بالظبط كدة لازم هايبقي في تقصيييييييييييييير