اسئلة فى البلاى ستيشن؟؟

[elrasy]

اسئلة فى البلاى ستيشن؟؟

اخوكم ملوش خالص فى البلاى استيشن بس بنتى 5 سنين لعبت مرة عند الجيران ومصرة انى اجيبة,,
استفساراتى
1- عايز اجيب ستيشن 2 لانة ارخض من نصف سعر ستيشن 3 ( هل هفتقد كتير لو مجبتش 3)؟؟

2- هل فى العاب تانية احسن من بلاى ستيشن 2؟؟

3- هوة بيكون محمل علية العاب ولا نظام سى دى لكل لعبة ؟؟ وبكام اللعبة؟؟



واخيرا كل سنة وانتوا طيبين

[misoalex]

3- هوة بيكون محمل علية العاب ولا نظام سى دى لكل لعبة ؟؟ وبكام اللعبة؟؟

اللى اقدر افيدك فيه
انه طبعا بيشتغل بسديهات وفيه بعض الانواع ليها موميرى شكله غريب كده بيتحط عليه العاب
وفيه تقريبا ال 3 بيركب فيه هارد ديسك كمبيوتر عن طريق كابل الداتا عادى وبتحمل عليه العاب وتشغله

[mody3on]

بلاش تجيب ps2 الجهاز بقاله 12 سنة دول دلوقتي بيفكروا في ps4 يعني اقلها تجيب ps3

[ALMAGICO]

1- عايز اجيب ستيشن 2 لانة ارخض من نصف سعر ستيشن 3 ( هل هفتقد كتير لو مجبتش 3)؟؟

اكيد يافندم البلايستيشن 2 حاجة وال3 حاجة تانية ال3 جرافيك عالى وتكنولوجيا اعلى وبيحسسك انك جوة اللعبة بس زى مقال العضو الفاضل ان البلايستيشن 2 موجود من سنة 2000 يعنى ماشى فى ال12 سنة كتير بردة
2- هل فى العاب تانية احسن من بلاى ستيشن 2؟؟

تقريبا فى العاب بتبقى معمولة للبلايستيشن 3 لوحدة
وحتى ولنفترض ان فى العاب مشتركة اكيد هيبقى فى فرق كبيييير بينهم والا مكنش نزل البلايستيشن 3
وبعدين انا كنت سامع ان العاب ال2 كانت ممكن تنزل على ال3 بس الاجهزة اللى نزلت الوقت العاب ال2 متشتغلش عليها
3- هوة بيكون محمل علية العاب ولا نظام سى دى لكل لعبة ؟؟ وبكام اللعبة؟؟

لو حضرتك تقصد ال2 ففى منة نظام سى دى ودة الجديد وفى منة هارد بيبقى 80 جيجا
اما ال3 اللى اعرفة ان فى منة هارد بيبقى 320 جيجا وفى اقل بس اللى انا شايفة متوافر ال320 جيجا
ال2 بالنسبة للهارد بيبقى محمل علية العاب ولو عايز تحمل العاب ممكن بس انا معرفش بكام بس مبتبقاش غالية
اما ال3 الى انا اعرفة واللة اعلم ان اللعبة غالية شوية
وشوف راى باقى الاعضاء

واللة اعلى واعلم فيما قلت

[SoloBiker]

بنت عندها 3 سنين يبقا بلاش 3
خليك في ال 2 لانها مش هتستفيد ب 3....
3 الcds بتاعتوا غالية و هو سعروا غالي و ميزته اللعب Online
انا بقول تجيب واحد 2 بيبقا فيه هارد تحمل عليه الالعاب و هيا شوية و هتزق منه اصلا :D

[elrasy]

بشكر كل الاخوة الافاضل على الردود والاهتمام

[mody3on]

بنت عندها 3 سنين يبقا بلاش 3
خليك في ال 2 لانها مش هتستفيد ب 3....
3 الcds بتاعتوا غالية و هو سعروا غالي و ميزته اللعب online
انا بقول تجيب واحد 2 بيبقا فيه هارد تحمل عليه الالعاب و هيا شوية و هتزق منه اصلا :d

وممكن تجيب اكس بوكس وكينكت وتعدله .. وده ممتاز للاطفال والعائلة ومسلي جدا بس مكلف شوية

[NaGaTy]

انا عندي بلاي ستشن تو مش عاوزه ممكن إديهولك بسعر التراب عشان خاطر بنتك العسوله وربنا يخليهالك يارب وممكن لو أخدته تشتري ليه هارد وتروح اي محل تحمل الألعاب عليه :) وسبب البيع عشان جبت بلاي ستشن ثري وصدقني البلاي ستشن 3 معقد جدا على طفله عندها 5 سنين لانه معقد جدا عالكبار ومحتاج تفكير ومعظم اللعب تعتمد على الألغاز :)

[Nistelrooy]

انا عندي بلاي ستشن تو مش عاوزه ممكن إديهولك بسعر التراب عشان خاطر بنتك العسوله وربنا يخليهالك يارب وممكن لو أخدته تشتري ليه هارد وتروح اي محل تحمل الألعاب عليه :) وسبب البيع عشان جبت بلاي ستشن ثري وصدقني البلاي ستشن 3 معقد جدا على طفله عندها 5 سنين لانه معقد جدا عالكبار ومحتاج تفكير ومعظم اللعب تعتمد على الألغاز :)

+1

وانا كمان عندي :)

[SheNo0o]

نصيحه بلاش 3
اشتري 2 بهارد انترنال داخلي
تنزل العاب من ع النت وتحطها ع الهارد الداخلي افضل واحسن مليون مرة من الاسطوانات
ال 3 للناس الكبيرة ومش عملي الصراحه الا لناس كبيرة وغاويه قوي

[akramlail]

ال 2 سعر الاسطوانة الكوبى بتعمل من 3 ل 5 جنية يعنى مش فارق انك تركبلوا هارد
انا مقضيها اسطوانات وخصوصا ان لو عاوز تنزل لعب بينزل اللعبة ب 2 جنية يعنى هيا هيا

[elrasy]

وممكن تجيب اكس بوكس وكينكت وتعدله .. وده ممتاز للاطفال والعائلة ومسلي جدا بس مكلف شوية

تقريبا سعرة كام؟؟

انا عندي بلاي ستشن تو مش عاوزه ممكن إديهولك بسعر التراب عشان خاطر بنتك العسوله وربنا يخليهالك يارب وممكن لو أخدته تشتري ليه هارد وتروح اي محل تحمل الألعاب عليه :) وسبب البيع عشان جبت بلاي ستشن ثري وصدقني البلاي ستشن 3 معقد جدا على طفله عندها 5 سنين لانه معقد جدا عالكبار ومحتاج تفكير ومعظم اللعب تعتمد على الألغاز :)

ربنا يخليك كلك ذوقك بس انا فى السعودية حاليا

+1


وانا كمان عندي :)

اشكرك

نصيحه بلاش 3
اشتري 2 بهارد انترنال داخلي
تنزل العاب من ع النت وتحطها ع الهارد الداخلي افضل واحسن مليون مرة من الاسطوانات
ال 3 للناس الكبيرة ومش عملي الصراحه الا لناس كبيرة وغاويه قوي

معلومة كويسة بردة لو جبت 2 اسال على اللى فية هارد داخلى

[elrasy]

ال 2 سعر الاسطوانة الكوبى بتعمل من 3 ل 5 جنية يعنى مش فارق انك تركبلوا هارد
انا مقضيها اسطوانات وخصوصا ان لو عاوز تنزل لعب بينزل اللعبة ب 2 جنية يعنى هيا هيا

على الله الاقى الكلام دة هنا فى السعودية , انا كانت فاكر لازم اسطوانات اصلية

[SheNo0o]

على الله الاقى الكلام دة هنا فى السعودية , انا كانت فاكر لازم اسطوانات اصلية

سعر الاسطوانه بتاعته هنا في مصر 15 جنيه ومش اصليه
منسوخه ولو ال2 الي مفيهوش هارد بيتعمله تعديل عادي جدا ويشتغل عليه اي العاب اسطوانات سواء اصليه او غير اصليه
بس افضلك في حالتك اخي العزيز الهارد الانترنال وبما انك ف السعوديه ممكن بكل سهوله ولعلوا السرعات اكيد عند اكتر مننا وبسهوله تنزل العاب ليه وتحطها عالهارد وتشغلها

[mody3on]

تقريبا سعرة كام؟؟

في جرير سعره 1900 ريال ومعاه لعبتين .. الكينكت عبارة عن كاميرا بترصد تحركاتك وتحولها في اللعبة .. والعابه معظمها جري وتنطيط وده كويس جدا للاطفال لانه مفيهوش الغاز وكمان ينفع تلعب معاها او المدام كمان وجرافيك طبعا احسن من ال ps2
بس ممكن يتعدل كمان وبكده بيشغل اسطوانات منسوخة ب 10 ريال