المايك الداخلى مش شغال فى لاب fujitsu ah530

[MOUSTAFA_SAAD]

المايك الداخلى مش شغال فى لاب fujitsu ah530


السلام عليكم ورحمة الله وبركاته

عندى المايك الداخلى اللى جنب الكاميرا مش شغال فى اللاب

ومعنديش مايك خارجى اجربه فى فتحة الصوت

ياريت تشوفولى حل لانى محتاجه ضرورى

ودى صورة الكنترول بانيل عندى

[img2]http://img268.imageshack.us/img268/7206/20111108093109.png[/img2]

[maka]

انا لما بشغل سكاى بىالمفروض بيشتغل

[ASKAFRAWY]

لا كدة الدرايفر بتاع المايك مش موجود يا مصطفى

[MOUSTAFA_SAAD]

ايه الحل ياجماعه

عمومال انا بعد العيد لما المحلات تفتح حاجيب واحد خارجى واجربه
بس نفسى اشغل الداخلى
وخايف احسن الخارجى يكون كمان مش شغال

حاولت اعمل تحديث لتعريفات كارت الصوت لاقيتها متحدثه

[maka]

شغل الاسطوانة اللى جاية مع الجهاز و خليها تسطب كله من اول و جديد

كمان فيه برنامج جى على الاسطوانة دى بيفحص الدرايفرز افحص بيه المايك و كارت الصوت

اخيرا هل الجهاز بيطلع صوت و لا مش شغال هو كمان

[MOUSTAFA_SAAD]

الصوت شغال يابشمهندس
وان شاء الله انهارده لما ارجع من الشغل حاجرب موضوع الاسطوانه ده واقولك ايه اللى حصل
بس ياريت تقولى اسم البرنامج اللى جاى مع الاسطوانه ايه او الاقيه فين

[maka]

مصطفى باشا لما بتسطب الاسطوانة بينزل على الديسك توب و هما 2 مش واحد

الاول Desk Update بيشوف ان التعريفات نازلة فى مكانها صح و لو فيه تحديث على النت بيحدث وقتى

الثانى System Diagnostics وده اللى اقصده بتفحص بيه و تشوف فيه مشكلة و لالا

الافضل الاول سطب الاسطوانة و التعريفات من اول و جديد

بالتوفيق استاذ مصطفى

[MOUSTAFA_SAAD]

بشمهندس محمد انا صطبت البرنامج التانى وعملت اسكان وبيقولى الاجهزه سليمه
عموما انا اشتريت امبارح سماعات هيدفون بالمايك والحمد لله اشتغلت تمام وده اللى كان مخوفنى انها ماتشتغلشى

بعيدا عن الموضوع ده انا الحمد لله لقيت عقد سفر للسعوديه للى كنت بدور عليه من فتره وبجهز الاجراءات ان شاء الله علشان مسافر
انت سافرت بره قبل كده يعنى عندك نصائح ممكن تفيدنى بيها فى تجهيز امورى فى الموضوع ده

[MOUSTAFA_SAAD]

نسيت اقولك ان البرنامج الاول لقيته على الاسطوانه بداخلها وحاصطبه واشوف

[maka]

بشمهندس محمد انا صطبت البرنامج التانى وعملت اسكان وبيقولى الاجهزه سليمه
عموما انا اشتريت امبارح سماعات هيدفون بالمايك والحمد لله اشتغلت تمام وده اللى كان مخوفنى انها ماتشتغلشى

بعيدا عن الموضوع ده انا الحمد لله لقيت عقد سفر للسعوديه للى كنت بدور عليه من فتره وبجهز الاجراءات ان شاء الله علشان مسافر
انت سافرت بره قبل كده يعنى عندك نصائح ممكن تفيدنى بيها فى تجهيز امورى فى الموضوع ده

تروح و ترجع بالسلامة باذن الله , انا مسفرتش بره

لكن فى 3 نصائح اولهم انك مسافر لهدف ما فعمل على تحقيقه و حط قدام عنيك على طول و تحلى بالمرونة يعنى انت مسافر تشتغل و تكون نفسك ميمنعش انك برده تترقى فى الوظائف باجتهادك و تحصل على مكانة كويسة حاول تسعى دائما , فيه ناس اول ما توصل لهدفها خلاص بخ يقف محله سر ميحاولش يوصل لهدف اعلى

ثانيهم و هى وقت فراغك و اكيد هيبقى كتيير لانعدام مسئولية الاسرة كما فى مصر , قسمه الى عبادة و خصوصا لو قريب من مكة او المدينة
+ استفادة و هى انك تقراء و يا سلام لو تدرس من عن بعد او تاخد كورسات اونلاين يبقى بدل ما انت محاسب عادى لا معاك كذا و كذا
+ الاستمتاع اتفسح فى البلد و اتفرج على معلمها و او اى شىء يسليك , لكن لا تجعل وقت فراغك كله استمتاع

اخرهم : ( احفظ الله يحفظك ، احفظ الله تجده تجاهك ، إذا سأَلت فاسأَل الله ، وإذا استعنت فاستعن بالله ) و اذا اختلاطت عليك الامور اسئل الله و استخيره

لى عندك طلب واحد بس اذا ربنا كرمك بزيارة بيته الحرام ادعيلى بالتوفيق و الهداية و المغفرة

و معلش لو هتقل عليك

نسيت اقولك ان البرنامج الاول لقيته على الاسطوانه بداخلها وحاصطبه واشوف

شوف كده و قولى

[MOUSTAFA_SAAD]

متشكر على النصايح يابشمهندس

واضح ان المايك الداخلى ضرب لان برده برنامج الفحص بيقولى مفيش مشاكل
عموما الحمد لله الخارجى اشتغل بدون مشاكل وده اللى يهمنى

وان شاء الله حادعيلك هناك بالتوفيق والهدايه

[maka]

اشكرك

و بالتوفيق استاذ مصطفى

[Mzeid]

انا بقى عندي مشكلة غريبة جدا ..

من حوالي 5 ايام و الكومبيوتر اتخرس خالص مش عارف ماله مبيطلعش اي صوت .. شيكت على الدرايفر سليم الاصوات مش مقفولة سواء في الويندوز او برنامج الصوت عندي و كل حاجة طبيعية مش عارف ماله

هو HP dv6