اثنين حينفصلوا او بمعني اوضح حيطلقوا بسبب.......

[nonetta]

علي فكرة انتي كدة حيرتيني جدا انا كنت قررت ان خلاص حسيبها ومش حتكلم خالص لحد ما ترجع هيا لعقلها وتحس ببيتها
لكن دلوقتي بتقوليلي اتكلم معاها بالتليفون والخطوة دي فيها عيبوب كتير
اولا ممكن اتكلم ومتردش عليا اصلا وتتقل وبالتالي كدة انا حتضايق جدااااااااا وممكن اخد موقف او قرار غلط.
ثانيا ممكن تخاف انها ترد عليا اصلا ودة لان اهلها مثلا يكونوا قالوا ليها اوعي تردي علية نهائي لو كلمك لحد ما يجي عندنا هنا ذي ما احنا عاوزيين
ثالثا ممكن ترد عليا وتكلمني بطريقة مش لطيفة خاااالص وبالتالي انا حيكون ردي عنيييييف جدا
رابعا انا كنت كلمتها وقلت ليها ارجعي واثناء الخصام بعت ليها رسائل حلوة ذي ما قلتي وقلت ليها ارجعي بيتك واحنا حنحل مشاكلنا ,,,,,تقولي مقدرش انا ليا اهل لازم تاخدني من عندهم فاقولها انتي مراتي ورايحة بيتك وبيت جوزك هو انتي نازله مع خطيبك برضو مفيش فايدة
خامسا انا شديت في الكلام جامد مع اختها الكبيرة وبالتالي اهلها زعلانين جدا ,,, ولو رجعت البيت يبقي هي كدة نصرتني علي اهلها ومخلتنيش اروح البيت وبالتالي اهلها حيزعلوا منها جدا وممكن يقولوا ليها احنا مش حندخلك في حاجة تاني وهي استحالة تزعلهم عشاني
سادسا هيا دلوقتي بتتخدم خدمة خمس نجوم ورجعت للدلع من تاني فطبعا استحالة تفكر انها ترجع البيت وحيكون عليها مسؤلية اكبر من الاول نتيجة للكلام اللي اتقال عنها وتقصرها وكدة وخصوصا انها حامل ومدلعة ومش حاسة بريحة المسئولية عندهم في البيت دلوقتي.
سابعا اهلها لما بتمشي من عندهم بيكونوا مضايقيين اوي وبيكون عندهم احساس بالفراغ رهيب لانهم اتعودوا انها تكون موجودة وعاملة ليهم حس في البيت,,, حتي مرة والدتها طلبت مني في تاني شهر من الحمل انها تقعد فترة الحمل كلها عندهم وكان طلب عادي من غير ما يكون بينا اي خلاف
ثامنا هما بيخافوا عليها خوف مرضي ومش بيكونوا مطمنين غير وهي معاهم لدرجة ان مرة ضغطها كان 140 / 90 في اول الحمل (رغم انة اساسا طبيعي جدا ولا تعاني من اي ضغط ) فقلت ليها دة يعتبر اعلي معدلات الطبيعي مش مشكلة ولما قالت لاهلها كانوا قلقانين واتصلت وسالت الدكتور قال لي عادي جدااااا دة ذي ما قلت ليها ولا يهمك دة مش ضغط تلقيها تعبانة شوية ولا حاجة متحتش في بالك وطبعا لما قلت ليها كدة مقتنعتش وقالت ليا دة دكتور بطيخ فروحت سالت 3 اطباء اخرين وكلهم اساتذة في النساء والتوليد برضو مقتنعتش بكلامهم ولا حتي اهلها اقتنعوا وراحوا لدكتور يعرفوة وروحت معاهم وقاسة وطلع طبيعي جدا 120 / 80


علشان كدة لو انا كلمتها وقولت ليها ارجعي تاني حتفسرها ان دة ضعف مني وانا مش قادر استحمل وحتحس انها انتصرت وحتصر اكتر واكتر اني اروح عندهم والا مش راجعة

لان انا كنت كلمتها قبل كدة وكان دة موقفها لانها لاسف اهلها هما سيد القرار.

انا مش قصدي احيرك والله
انا بس قصدي تطرق اخر باب باللين والحنية مش بالعند والخناق
يمكن في لحظتها تكون بتفكر فيك وبتحن لك بس العند راكبها والدلع مستهويها
يظهر ان اهلها مرتبطين بيها عاطفيا جدا
انا قصدي انك تخطو الخطوة دي بعد ما عدى مدة عالشد والجذب
وعلى فكرة الحب مش ضعف
لو انت بتحبها وبينتلها حبك دة
لو هيا بتفهم مصلحتها هتقدر كل دة وتشيلهالك
انا باقول مجرد رأي طبعا وليك الخيار انه يعجبك او ما يعجبكش
رسالة صغيرة بالليل.. وهما نايمين.. على رنة .. على رسالة كمان
كأنكوا مخطوبين
من غير ما تقول لها ارجعي .. ولا تتكلم في تفاصيلف المشكلة
انتي كويسة..
انتي مبسوطة ..
بتاكلي كويس..
مش محتاجة حاجة..
عاملة ايه في مشوار الشغل..
مش عاوزة تخرجي ولا تروحي حتة اوديكي؟
كأن مفيش حاجة
وتصبحي على خير

ولو لقيت منها رد فعل ما عجبكش
ما تضايقش
بالعكس
تعرف انك عداك العيب وازح

وبعد كدة لو ما رجعتش
سيبها
على فكرة
هيا ممكن يكون بينها وبين نفسها عاوزة ترجع بس اهلها بيمنعوها
جهل منهم وغباء
ماهو مش معقول واحد ربنا بزوج مريحها في كل حاجة وتتبطر
بس اللي مكانش مفروض يحصل انك تشد مع اختها الكبيرة
ممكن تكلم زوج اختها يهدي الخلاف بينكو عشان الموضوع ما يوسعش وتدخل فيه اطراف مالهاش لازمة

وابقى طمنا عليك



المنتدى امبارح كان فيه مشكلة عشان كدة المشاركات كانت ملخبطة

[Samah AbdAllah]

الموضوع ده عدى عليه سنة
ومعرفناش المشكلة اتحلت ازاى ؟

[Khaled Online]

بصراحة...الموضوعات اللي من النوع ده بفضل معرفش انتهت على إيه أيا كان اللي حصل.

[hamada2u2000]

بصراحة مشاركتوا وكلامكوا صحيح جدا
بس بالنسبة لنقطة ان حيروحلها هو حلف انة مش حيروحلها لان رافض التدخل تماما من اهلها لان هما بيكونوا في صفها وخلاص ومش بيقولوا كلمة حق , ولكن عرض عليها انة يروح ياخدها من عند بيت اهلها من غير ما يطلع ويروحوا ويتفاهموا مع بعض بالراحة وهيا رفضت وبتقولة لازم تطلع وتكلم اهلي والموضوع وقف علي كدة خاصة انة مجروح من كلامها اللي قلتة علية جدا ,
فانا اعتقد ان الحل ذي ما كتير شاروا علية انة يسبها لحد ما,ترجع لعقلها لانها فعلا مدلعة اوي وجوازهم لسة اصلا,مكملش سنة ولو رجعت لعقلها,خلاص ولو مرجعتش هيا اللي خسرانة اكتر وبعدين كفاية انها ضيعت فرحتوا باول طفل ليهم ,,, بصراحة الظلم وحش في اي حال من الاحوال.

شوفى موضوع انه يسيبها لحد ماتعرف ان الله حق ده اكبر غلط لانى عن تجربه شخصية وجواز مكملش سنة زعلت اسبوعين جبتها اتنططت عليا
زعلت تانى طنشت شوية شهر ونص وبرضه جبتها اتنمردت
زعلت مرة كمان قولت مش رايح ومش متكلم مع حد اتقال عليا كلاااااااااااااااااااااااااااااااااام لا حصر له ( مالوش اول من اخر ) قعدت 6 شهور متواصلين لما الناس مرجعاها امها بتقولها على باب البيت يالا يا بنتى اهى عيشة وخلاص
زعلت مرة كمان وانا كنت فى مشوار رجعت مالقيتهاش وعرفت انها اتصلت بابوها جيه خدها من غير حتى ما اعرف ولقيت عليا شوية قضايا محترمييييييييييييييييين ( ضرب - نفقه - طلاق -نفقة لصغيرة - والعفش ) وابوها يقول عايزنى اتنازل عن كل ده ترجعها قولت له ده بعينك خالينا فى المحاكم وبقالى سنة ونص كل يومين تلاته جلسه وابوها فرحان قوى ربنا كرمه ب 250 جنيه من المحكمة كل شهر انما كل القضايا التانيه ربنا كرمنى بيها حتى الطاعه كسبتها وخطبت وببدأ حياتى من تانى



خلاصة القول قولى للزوج اللى تتكلم فى الاكل والشرب حتى لو فعلا ما بيجيبلهاش تبقى من بيت جعان مايعرفوش الاصول
اللى تخرج اسرار بيتها وجوزها ما تلزموش العيشه معاها
فرغت عينها من جوزها ما تنفعش تعيش خالص
فا النصيحة بتاعتى ليه عن تجربه شخصية مع واحده ما صانتش العيش والملح ولا النعمه اللى فى ايديها اديها مهله يومين ترجع باللتى هى احسن يا اما انك هاتطلقها وخاليها تبقى تروح المحكمة تدور على حقوقهااللى هاتاخدها مش اقل من سنتين او اخلص من الارف ده واديلها حاجتها وانت الكسبان وقت وجهد ونفسيه وتفكير وعيشة وربنا يوفق للى فيه الخير
سيدنا ابراهيم ساب رساله لابنه عند مراته لما سالها عن الحاله قولتله مش كويسة وان الظروف والحاله مش كويسه سيدنا ابراهيم قاله ((((( غير عتبة دارك )))))

[شريف]

ياة علي الموضوعات دي - انا فاكر الموضوع دة بحزافيرة و اداني خبرة كويسة ازاي الواحد يقدر يقرأ الناس و يعرف بيت الاصل من البيت المسخ - بس فعلا اية اللي حصل - اعتقد ان الموضوع اتلم و الا كنا لقينا ملحق للموضوع دة عن محكمة الاسرة

[A.Saad]

شوفى موضوع انه يسيبها لحد ماتعرف ان الله حق ده اكبر غلط لانى عن تجربه شخصية وجواز مكملش سنة زعلت اسبوعين جبتها اتنططت عليا
زعلت تانى طنشت شوية شهر ونص وبرضه جبتها اتنمردت
زعلت مرة كمان قولت مش رايح ومش متكلم مع حد اتقال عليا كلاااااااااااااااااااااااااااااااااام لا حصر له ( مالوش اول من اخر ) قعدت 6 شهور متواصلين لما الناس مرجعاها امها بتقولها على باب البيت يالا يا بنتى اهى عيشة وخلاص
زعلت مرة كمان وانا كنت فى مشوار رجعت مالقيتهاش وعرفت انها اتصلت بابوها جيه خدها من غير حتى ما اعرف ولقيت عليا شوية قضايا محترمييييييييييييييييين ( ضرب - نفقه - طلاق -نفقة لصغيرة - والعفش ) وابوها يقول عايزنى اتنازل عن كل ده ترجعها قولت له ده بعينك خالينا فى المحاكم وبقالى سنة ونص كل يومين تلاته جلسه وابوها فرحان قوى ربنا كرمه ب 250 جنيه من المحكمة كل شهر انما كل القضايا التانيه ربنا كرمنى بيها حتى الطاعه كسبتها وخطبت وببدأ حياتى من تانى



خلاصة القول قولى للزوج اللى تتكلم فى الاكل والشرب حتى لو فعلا ما بيجيبلهاش تبقى من بيت جعان مايعرفوش الاصول
اللى تخرج اسرار بيتها وجوزها ما تلزموش العيشه معاها
فرغت عينها من جوزها ما تنفعش تعيش خالص
فا النصيحة بتاعتى ليه عن تجربه شخصية مع واحده ما صانتش العيش والملح ولا النعمه اللى فى ايديها اديها مهله يومين ترجع باللتى هى احسن يا اما انك هاتطلقها وخاليها تبقى تروح المحكمة تدور على حقوقهااللى هاتاخدها مش اقل من سنتين او اخلص من الارف ده واديلها حاجتها وانت الكسبان وقت وجهد ونفسيه وتفكير وعيشة وربنا يوفق للى فيه الخير
سيدنا ابراهيم ساب رساله لابنه عند مراته لما سالها عن الحاله قولتله مش كويسة وان الظروف والحاله مش كويسه سيدنا ابراهيم قاله ((((( غير عتبة دارك )))))

بعد الطاعة
اثبت النشوز ومش هيكون ليها نفقة

[yousef1978]

يا جماعة عن تجربة شخصية


المشاكل الأسرية ما ينفعش يتحكم فيها عن طريق النت

ده الأهل بيتدخلوا ومش بيبقوا عارفين جذور المشكلة فين وكل واحد بيحاول يجيب اسباب بعيدة عن الحقيقة


دي حياة مشتركة بين واحد وزوجته وما حدش غيرهم الاتنين بعد ربنا سبحانه وتعالى يعرف إيه المشاعر والمواقف اللي بينهم


وممكن يكون كل اللي بيتحكي بعيد تماما عن المشاكل الأساسية واللي ممكن تكون بسيطة جدا لكن بتدور في عقل كل واحد فيهم ومستحيل يصرح بيها إما حفاظا على صورته أو احيانا حفاظا على صورة شريك عمره اللي بيتخانق معاه ومبهدلين بعض لكن مش هاين عليه يسئ إليه بشكل حقيقي




الموضوع إن الرجل لو بيحب واحدة بيحاول يعالج فيها اللي مش متقبله ولو ما قدرش يغيره بيحاول يغلفه أو يتغاضى عنه ويتعايش معه

ولو شايف إن العيشة معها لا تستحق وبيحلم بالحياة مع واحدة أفضل له - فبيتوقف امام عيبها أو عيوبها ويشعر إنه وقع في أكبر مقلب في حياته



أكيد خروج أسرار البيت إلى أي حد حتى لو اهل الزوجة أمها وأبوها - شئ بيحسس إن الراجل ماشي في الشارع عريان

لكن ده شئ مش مستحيل علاجه وتخطيه


بس المهم تكون فيه نية للإصلاح ولمعرفة كل واحد لأخطاءه


والرجل لازم يحلي حياة مراته بحاجات تفرحها سواء مادية أو معنوية أو حتى حميمية


المهم يخلي في حياتها تغيير ولحظات تتذكرها فتتساعدها على تخطي أي مشكلة


والكلام ده تماما بالنسبة للمرأة- لازم تخلي زوجها لما حتى يشوف واحدة حلوة ولا حتى مش لابسه وماشية قدامه في الشارع نلاقيه يفتكر زوجته في لحظات جميلة ولا يلتفت للثانية إلا لحظات عابرة



اللحظات المضيئة في حياتنا بتعمل فرق كبير وبتساعد





.

[sas5]

السلام عليكم ورحمه الله
من الاخر الزواج مثل البطيخه انت وحظك لو ربنا عايز يكرمك يكرمك بالزوجه التى تعشش على البيت

[hossam_elwani]

شوفى موضوع انه يسيبها لحد ماتعرف ان الله حق ده اكبر غلط لانى عن تجربه شخصية وجواز مكملش سنة زعلت اسبوعين جبتها اتنططت عليا
زعلت تانى طنشت شوية شهر ونص وبرضه جبتها اتنمردت
زعلت مرة كمان قولت مش رايح ومش متكلم مع حد اتقال عليا كلاااااااااااااااااااااااااااااااااام لا حصر له ( مالوش اول من اخر ) قعدت 6 شهور متواصلين لما الناس مرجعاها امها بتقولها على باب البيت يالا يا بنتى اهى عيشة وخلاص
زعلت مرة كمان وانا كنت فى مشوار رجعت مالقيتهاش وعرفت انها اتصلت بابوها جيه خدها من غير حتى ما اعرف ولقيت عليا شوية قضايا محترمييييييييييييييييين ( ضرب - نفقه - طلاق -نفقة لصغيرة - والعفش ) وابوها يقول عايزنى اتنازل عن كل ده ترجعها قولت له ده بعينك خالينا فى المحاكم وبقالى سنة ونص كل يومين تلاته جلسه وابوها فرحان قوى ربنا كرمه ب 250 جنيه من المحكمة كل شهر انما كل القضايا التانيه ربنا كرمنى بيها حتى الطاعه كسبتها وخطبت وببدأ حياتى من تانى



خلاصة القول قولى للزوج اللى تتكلم فى الاكل والشرب حتى لو فعلا ما بيجيبلهاش تبقى من بيت جعان مايعرفوش الاصول
اللى تخرج اسرار بيتها وجوزها ما تلزموش العيشه معاها
فرغت عينها من جوزها ما تنفعش تعيش خالص
فا النصيحة بتاعتى ليه عن تجربه شخصية مع واحده ما صانتش العيش والملح ولا النعمه اللى فى ايديها اديها مهله يومين ترجع باللتى هى احسن يا اما انك هاتطلقها وخاليها تبقى تروح المحكمة تدور على حقوقهااللى هاتاخدها مش اقل من سنتين او اخلص من الارف ده واديلها حاجتها وانت الكسبان وقت وجهد ونفسيه وتفكير وعيشة وربنا يوفق للى فيه الخير
سيدنا ابراهيم ساب رساله لابنه عند مراته لما سالها عن الحاله قولتله مش كويسة وان الظروف والحاله مش كويسه سيدنا ابراهيم قاله ((((( غير عتبة دارك )))))

انت كده جبت من الاخر ............. وزى ما كانو بيقولو زمان عفارم عليك يافندم

[smsmxxxxxx]

للاسف الاهل هما السبب فى كل المشاكل الزوجية سواء اهل الزوج او الزوجة
والراجل اللى ميقدرش يقف قصاد اهل مراته ويدافع عن نفسه ويعرفهم غلطهم
مراته عمره ما هيملي عينها
الست مش محتاجة فلوس وعاطفة وبس بتبقي محتاجة تحس انها مع راجل يقدر يقف قصاد الدنيا كلها
مش بيخاف من ابوها ويتحجج بالاحترام
الاحترام مع الناس المحترمة فقط
وانا من الناس اللى ضد الطلاق خصوصا فى حالة وجود اطفال
الاطفال ملهاش زنب تتحمل سوء اختيار ابائهم
ازاى راجل مش عاجبه اهل مراته ولا طباعهم يدلهم ولاده يربوهم
دا الواحد لو اهل مراته وحشين بيخاف يوم الزيارة العيال تلقط كلمة كدة او حركة كدة
مش اسيبهم هناك على طول

[khaled_legend]

من تريد ان تجلس في حضن اهلها فلتجلس "خليه يطلقها مش ناقصه فقع مراره"