هحكي عن أول أيام العيد ... يا رب كل الأيام تبقي كدة

[Eng.Geo]

يوم عالمي يوم عظيم يوم رهيب :)
مصر فااااااااااااااااااااااااااااااااااااااااااااااااا ااااااااضية .... من الصبح لغاية 11 بالليل
يوم الحد أول أيام عيد الأضحى
نزلت علي الساعة 11 الصبح
مسكت دائري ... مفيش عربية شفتها !
الله ! ... انا متوقع هتبقي زحمة بصورة بشعة
قلت أحط بنزين بقي ... دخلت بنزينة علي طول زحمة عشان فيها 80
دخلت لقيته بيحط مسدس 80 في العربية .... حطلي بتاع 20 لتر وانا مش واخد بالي !
علي ما حدت بالي بقي راح مكمل الباقي 92
البنزينة مفيهاش ولا عربية !
وفي 80
والناس وشها مبتسم وجميل ومفيش حد مشدود
ركبت ومشيت شوية
كنت في شارع شبرا والدنيا فاضية ... مفيش غير كام عربية بتتحرك
علي الساعة 4 كنت باتحرك عشان رايح أكتوبر
ميدان لبنان وكوبري أكتوبر والمحور فاضيييييييييييييييييييييييين
انا كنت علي كوبري أكتوبر ودنزلت نزلة غلط وعدلت ورجعت وطلعت الكوبري تاني
ومسكت محور
من شارع شبرا ( سانت تريز ) لغاية أكتوبر ... عند النادي كدة
في 20 دقيقة
12 دقيقة من شبرا لغاية محور ... عشان النزلة الغلط اللي نزلتها
2 دقيقة محور
6 دقايق لغاية النادي عشان المطبات كتير شوية بس
الطريق ده في أي يوم الساعة 4 كان ممكن أوصل علي 6
المحور معليهوش أي عربيات .... كلهم بتاع كام عربية
انا كنت ماشي 210
والدتي كانت جمبي ومكانتش حاسة اني بجري
يا سلام لو كل يوم يبقي كدة
الدنيا واسعة وفاضية ومحدش بيرخم وكله مبسوط وتاخد الطريق في مدة بسيطة جدا
طبعا مش همشي انا كدة علي طول
يعني انا مستعد أخد الطريق في ساعة وامشي هادي بس يكون فاضي
بجد من أجمل أيام حياتي اليوم ده
وغير طبعا تاني يوم كنت رحت أسكندرية ورجعت تاني
الصبح فاضية خااااالص
بالليل لما رجعت كانت بدأت تزحم شوية
البلد ده عايزة تفضي
دوروا معايا علي حل سريييييييييييع



تم التعديل بناء على طلب العضو صاحب الموضوع
مشرف الاجتماعي
ب9

[kar!m]

يوم الحد أول أيام عيد الفطر

هو ده عيد الأضحى مش عيد الفطر :-)

كل سنه و انت طيب يا جو :-)

[alaasaid]

أنا بحب مصر جدا فى الاعياد و الاجازات الرسمية , كأنك عايش فى فيلم عربى قديم

[Eng.Geo]

هو ده عيد الأضحى مش عيد الفطر :-)

كل سنه و انت طيب يا جو :-)

ههههههههههههههههههههههههههه
انا كتبتها غلط أزاي ده ! :)
كل سنة وانت طيب :)

أنا بحب مصر جدا فى الاعياد و الاجازات الرسمية , كأنك عايش فى فيلم عربى قديم

انا الحقيقة مكنتش بحب انزل في الأعيا علي اساس الدنيا زحمة
بس ده كانت فاضية ... ولا كأننا يوم الجمعة الصبح :)

[BLOODY_STONE]

اه فعلا اول يوم العيد ده عندنا في اسكندرية كان فاضي اوي
و انا بقى نازل و عامل حسابي اني رايح مارينا او اي حتة في الساحل على اساس ان اسكندرية زحمة
الاقي الدنيا فاضية و مارينا قافلة و اتمسك لجنة في طريق الساحل
و ارجع اسكندرية تاني ابقى حتشل ازاي فاضية كده؟!

عموما هو الحل سهل اوي نعمل عيد كل خميس مثلا ...

[Eng.Geo]

اه فعلا اول يوم العيد ده عندنا في اسكندرية كان فاضي اوي
و انا بقى نازل و عامل حسابي اني رايح مارينا او اي حتة في الساحل على اساس ان اسكندرية زحمة
الاقي الدنيا فاضية و مارينا قافلة و اتمسك لجنة في طريق الساحل
و ارجع اسكندرية تاني ابقى حتشل ازاي فاضية كده؟!

عموما هو الحل سهل اوي نعمل عيد كل خميس مثلا ...

هههههههههههههه
يا وقعة الخرفان السودة :)

[MOSHAKS]

اولا كل عام وانت بخير . انا والاسرة مقيمين فى العاشر من رمضان ولما نحب ننزل القاهرة عند جدتى فى حدائق القبة بننزل الفجر ايوة الفجر غير كده استحالة ننزل الا للطوارئ فقط. الفجر بئا الدنيا فاضية زى منت شوفت كده ونرجع على الساعة 8 الصبح نكون فى العاشر ولو اتاخرت بعد كده نص ساعة الدنيا بتقف و القاهرة فعلا بئت تخنق الواحد فى مشيها فى الطبيعى والايام العادية. والحل من وجهة نظرى اننا لازم نتوسع خارج القاهرة ونتجه للمدن الجديدة وياريت الحكومة تساعدنا على كده يعنى انا مثلا علشان اعمل فيش لازم انزل العباسية . ولو عملتو من العاشر بياخد 6 ايام والعادى كمان مش الكومبيوتر . ومقياس على كده حاجات كتير. ان الحكومة تتطور وتربط الجمهورية كلها بشبكة خدمات واحدة مش اعد الف كعب داير علشان اطلع ورقة او فيش او قيد عائلى وحاجة مش واخده 5 دقايق من الموظف علشان تعملها اسافرله ساعة ونص .لازم نتوسع ونخرج بره حدود القاهرة الاراضى واسعه كتير اهم شئ الحكومة تراعى الناس وتعمل ليهم مساكن وخدمات باسعار معقولة مش مبالغ فيها . ديه وجهة نظرى

[icehearted girl]

ديما اول يوم فلعيد الكبير كدا

الناس بتنشغل بالدبح واللحمة


السنة اللي فاتت اخدت تاكس كان ماشي ف ش الهرم 140

[Eng.Geo]

اولا كل عام وانت بخير . انا والاسرة مقيمين فى العاشر من رمضان ولما نحب ننزل القاهرة عند جدتى فى حدائق القبة بننزل الفجر ايوة الفجر غير كده استحالة ننزل الا للطوارئ فقط. الفجر بئا الدنيا فاضية زى منت شوفت كده ونرجع على الساعة 8 الصبح نكون فى العاشر ولو اتاخرت بعد كده نص ساعة الدنيا بتقف و القاهرة فعلا بئت تخنق الواحد فى مشيها فى الطبيعى والايام العادية. والحل من وجهة نظرى اننا لازم نتوسع خارج القاهرة ونتجه للمدن الجديدة وياريت الحكومة تساعدنا على كده يعنى انا مثلا علشان اعمل فيش لازم انزل العباسية . ولو عملتو من العاشر بياخد 6 ايام والعادى كمان مش الكومبيوتر . ومقياس على كده حاجات كتير. ان الحكومة تتطور وتربط الجمهورية كلها بشبكة خدمات واحدة مش اعد الف كعب داير علشان اطلع ورقة او فيش او قيد عائلى وحاجة مش واخده 5 دقايق من الموظف علشان تعملها اسافرله ساعة ونص .لازم نتوسع ونخرج بره حدود القاهرة الاراضى واسعه كتير اهم شئ الحكومة تراعى الناس وتعمل ليهم مساكن وخدمات باسعار معقولة مش مبالغ فيها . ديه وجهة نظرى

وحضرتك بخير :)
ربنا يعينك عالمشاوير ده
مصر بقت زحمة بشكل بشع
انا معاك جداااااااااااااا في الحوار ده
بس شايف انه هياخد وقت
انا عايز حاجة تجيب من الأخر
زي مثلا مش كل يوم ننزل بالعربية
مش كل واحد ينزل بعربيته ... ممكن الناس تركب مع بعضها
يعني حاجات زي كدة
بس برضه نفسي في حل أقوي منهم ... أديني بفكر :)

ديما اول يوم فلعيد الكبير كدا

الناس بتنشغل بالدبح واللحمة


السنة اللي فاتت اخدت تاكس كان ماشي ف ش الهرم 140

تاكس !
ماشي :)

[KHALED AYMAN]

نقتل نص الشعب ونلبسك القضيه يا جو هههههه

[Eng.Geo]

نقتل نص الشعب ونلبسك القضيه يا جو هههههه

هههههههههههه
هقولوهم انا فِلّة وهيهربوني :)

[KHALED AYMAN]

هههههه خلاص شوفلنا حد يلبسها اصل القضيه دى مش مقاسى فمش هينفع البسها انا

[Eng.Geo]

هههههه خلاص شوفلنا حد يلبسها اصل القضيه دى مش مقاسى فمش هينفع البسها انا

طاب مانخليها عملية انتحارية
بس ده كدة محتاجة نووي

[Fadi Ezzat]

او نخليها انك عملت كدة علشان عندك اختلال عقلى

[Eng.Geo]

او نخليها انك عملت كدة علشان عندك اختلال عقلى

طاب نثبتها أزاي ده يا فادي ؟
أموت عشوائي ؟
بقول أيه ... بلاش نموت الناس
أحنا عارفين اننا كامصريين طيبين قوي
ممكن نضحك عالشعب ونقول ان الشمس طالعة لمدة شهرين وهتصدر أشعة فوق محشية خطرة جدا
ولما يخلص الشهرين نغير السبب
ماحنا بقالنا 30 سنة بنصدق العجب
:)