عاوز اشتري برنامج من علي النت

[khaloooda]

عاوز اشتري برنامج من علي النت
والشركة بتاعته ملهاش اي فرع في مصر
ومش عارف اشتريه ازاي

الموقع بتاعه يقبل الدفع بالفيزا
لكن انا مش عارف يا تري يقبلوا فيزا البنك الاهلي بتاعنا ولا بنك ايه
وبعد ما احولهم الفلوس هيبعتوه ازاي وانا معنديش عنوان في امريكا
ياريت حد يكون اشتري قبل كده حاجة زي كده يقولي

[fepsceasar]

المهم يكونوا بيقبلوا فيزا او ماستر على حسب الكارت بتاعك مش مهم البنك المصدر
هل انت بتاخد ترخيص للبرنامج ولا اسطوانات لو ترخيص ما فيش مشكلة الشحن
لو اسطوانات شوفهم بيشحنوا لمصر ولا لا
لو مش بيشحنوا هتعمل عنوان فى امريكا ويشحن لامريكا ومنه لمصر بس ده هيكلفك اظن حوالي 300 جنيه
فى موقع اسمه myus
شوفوا كده

[أبو صلاح]

المهم يكونوا بيقبلوا فيزا او ماستر على حسب الكارت بتاعك مش مهم البنك المصدر
هل انت بتاخد ترخيص للبرنامج ولا اسطوانات لو ترخيص ما فيش مشكلة الشحن
لو اسطوانات شوفهم بيشحنوا لمصر ولا لا
لو مش بيشحنوا هتعمل عنوان فى امريكا ويشحن لامريكا ومنه لمصر بس ده هيكلفك اظن حوالي 300 جنيه
فى موقع اسمه myus
شوفوا كده

ممكن تعمل عنوان في امريكا عن طريق شركة ارامكس بمبلغ 50ج تقريبا

[al_manara]

ممكن تعمل عنوان في امريكا عن طريق شركة ارامكس بمبلغ 50ج تقريبا

تمام كدة . بس هو ب 300 جنية بيديك عنوانين في امريكا وانجلترا .
وعندك ال dhl بيديك عنوان في امريكا اول ما تشترك عندهم ودة ب 150 جنية .

لو انت عاوز البرنامج بس .يعني مالوش اي ترخيص لو بتشترية بالفيزا اول ما بتتم عملية الشراء هو بيديلك لنك تنزل البرنامج واللينك دة بيكون صالح لمدة معينة وبعدها بيقفل وبيديك السيريال نمبر بتاع البرنامج .

[askanas]

مش لازم عنوان في امريكا
فيه International shipping وش يعني بس هتكون غالية بحوالي 39 دولار
الشحن فقط والخيار ده هتلاقيه موجود وانت بتشتري
ممكن بئا حوار العنوان في امريكا ده بس مش هتشتري اكونت في ارامكس عشان مرة واحدة يعني ملهاش لازمة فا ممكن تعملها عن طريق وسيط و دول كتيير ومنهم موقع edfa3ly.com

[shaddadfalcon1]

طالما انت عايز البرنامج يبقي مش مهم شحن وفلوس ذياده علي الفاضي
اهم حاجه ال License وابقي نزله من علي موقعهم وخلاص ومتديش ال License لحد