إعـــــــلان

Collapse

.

,
See more
See less

تقرير إسترجاع موبايل مسروق

Collapse
X
 
  • Filter
  • الوقت
  • Show
Clear All
new posts

  • تقرير إسترجاع موبايل مسروق

    شهر يوليو 2011 أتسرق مني الموبايل قدام سيتي ستارز وأنا سايق
    أحد الباعة المتجولين (بيبيع نعناع) لاحظ أن الموبايل (E72) محطوط في الباب، فضل يأفلم عشان يبيعلي نعناع بالعافية وراح ساحب الموبايل من غير ما ألاحظ وهرب (طبعا غباء مني)
    بعدها بأقل من دقيقة أخدت بالي أن الموبايل مش موجود وقفت ونزلت أدور عليه بس طبعا فص ملح وداب ..

    رحت قسم مدينة نصر أول عملت محضر في ساعتها (من غير السيريال لأنه مكانش معايا)
    طبعا ماكنش فيه إهتمام كفاية من الشرطة، على سبيل المثال مرضاش ياخد مواصفات الحرامي

    دورت على نايل موتورز لقيت مواضيع قديمة ومعظم الناس بتقول إستحالة يرجع .. بس قلت خليني أعمل اللي عليا وخلاص

    بعدها بيومين رحت عشان أثبت السيريال في المحضر وأعرف الإجراءات قالولي ده راح النيابة اللي في الحي السابع
    رحت النيابة بعديها لقيت المحضر أتحفظ
    المهم قالولي ممكن نطلعه ونعملك طلب تتبع ..وطبعا اضطريت أدفع المعلوم عشان الموضوع يمشي، وقالولي الطلب ده هيتبعت العباسية ومنه يتبعت لشركات المحمول
    وبعد ما راح بحوالي أسبوع أداني رقم سري وقاللي تخليه معاك وتسأل بيه بعد كده وتتابع معايا بالتليفون عشان لما يوصلنا رد

    أنا شغال في أتصالات، ومالقتش سيريال الموبايل عندنا على الشبكة
    وليا معارف في فودافون وبرده مش موجود عندهم، بس معرفش حد في موبينيل
    أنا قلت إما يكون محطوط فيه خط موبينيل ، أو يكونوا غيروا سيريال الموبايل زي ما بيعملوا

    المهم فضلت أتابع معاه كتير ومفيش أي رد من الشركات لحد ما جالي يأس وهو قاللي من الآخر لو عندك واسطة في الشركات تخليهم يتحركوا غير كده الأمل صعب

    لحد ما صحيت يوم على تليفون منه (بعد حوالي شهرين) بيقوللي وصلنا رد من موبينيل بتليفون واسم صاحب الخط المحطوط في الموبايل بتاعك
    رحت أخدت منه الرد الرسمي وأديته اللي فيه النصيب وطلع الخط باسم شركة في المعادي..

    طلعت على مباحث التليفونات اللي في ألماظة، قالولي أسرعلك روح مباحث تليفونات المعادي لأنه تبع مربعهم
    رحت المعادي عملولي محضر ضبط وإحضار وقالولي تابع معانا بالتليفون
    كلمتهم أكتر من مرة قالولي أتبعت إستدعاء بس لسه ماحدش جه

    لحد ما لقيت مقدم بيكلمني يوم الوقفة قاللي مبروك الموبايل رجع تعالى أستلمه

    ورحت انهارده أستلمته وأديتهم الحلاوة - الشهادة لله محدش منهم طلب أي حاجة وكانوا ذوق معايا ..
    واللي عرفتوا أن اللي كان معاه الموبايل سائق وأشتراه من محل موبايلات في شبرا

    هو المشوار طويل وممل بس أنا كان صعبان عليا الموبايل عشان كنت جايبه بـ 2200 جنيه وكان بقاله معايا 6 شهور بس

    الدروس المستفادة:
    1- أحترسوا من الباعة المتجولين والمتسولين ويفضل تقفل الشباك
    2- ما ضاع حق وراءة مطالب

    أنا عملت التقرير ده عسى أنه ينتفع به أخواني في المنتدى
    [CENTER][FONT=Arial][SIZE=4][COLOR=DarkGreen]سبحان الله وبحمده .. سبحان الله العظيم[/COLOR][/SIZE][/FONT]
    .....
    << Busy Mode >>

    [SIGPIC][/SIGPIC]
    [/CENTER]

  • #2
    الله ينور عليك والله ياباشا. يعجبني اوي الرجالة اللي مبتسبش حقها وحاجتها مهما كانت قيمتها.

    Comment


    • #3
      طيب هو في الحالة دي بياخدو الموبايل من السائق مع انو اشتراه ولا ايه اللي بيتم بالظبط

      Comment


      • #4
        الف مبروك على رجوع الموبايل انا كنت عارف انه ممكن يرجع لانه حصل مع واحد صاحبي بس الموبايل بتاعه اتسرق في اسيوط راح جابه من الاسماعيلية خد تقريبا نفس المدة عقبال ما رجع
        https://t.me/pump_upp

        Comment


        • #5
          انا عاجبنى ايجابيتك واصرا رك والحمد لله جه بفايدة
          واشكرك على نقل التجربة لنا

          Comment


          • #6
            الف مبروك والحمد لله جت سليمه

            Comment


            • #7
              احيي فيك الاجابية

              جروب ورشة نايل موتورز علي الفيس بوك


              صفحة ورشة نايل موتورز على الفيس بوك

              Comment


              • #8
                الف مبروك على ايجابيتك بصراحة وانك مستسلمتش .. انا اعرف واحدة صاحبة اختي جابت ايفون 4 وفي اقل من شهر اتسرق منها ومعرفتش تجيبه .. بس اعتقد في برامج تتبع للموبايلات الحديثة
                [shr71=http://media.il.edmunds-media.com/scion/fr-s/2013/fe/2013_scion_fr-s_actf34_fe_823124_717.jpg][/shr71]

                Comment


                • #9
                  المشاركة الأصلية كتبت بواسطة shark_3li مشاهدة المشاركة
                  طيب هو في الحالة دي بياخدو الموبايل من السائق مع انو اشتراه ولا ايه اللي بيتم بالظبط

                  اللي بيتم بالظبط أن سواق النقل اللي أتعكش معاه التليفون وسلمه هيرجع للمحل اللي أشتراه منه وهينفخ صاحب المحل لحد ما يرجع فلوسه علشان باعله تلفيون مسروق .
                  [CENTER][SIZE=3][/SIZE] [/CENTER]

                  Comment


                  • #10
                    الف مبروك واحييك على ايجابيتك قبل رجوع الموبايل بالسلامة
                    [FONT=Arial Black][SIZE=6][COLOR=seagreen]يقول اللورد كرومر فى مذكراته: لم اجد فى مصر الا المصريين فقط.. بعضهم يصلى فى المسجد وبعضهم يصلى فى الكنيسة لكن كلهم مصريون.
                    [/COLOR][/SIZE][/FONT][CENTER][FONT=Arial Black][SIZE=6][COLOR=seagreen]أبو كمال[/COLOR][/SIZE][/FONT][/CENTER]

                    Comment


                    • #11
                      الف مبروك رجوع التليفون
                      وشكرا علي نقل التجربة

                      والله المستعان
                      ،
                      ،
                      [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                      [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                      [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                      [CENTER]
                      [COLOR=DarkRed]صفحة القسم علي الفيس بوك[/COLOR]
                      [/CENTER]
                      [CENTER][URL]http://www.facebook.com/SeatNileMotors[/URL]

                      [COLOR=Navy]صفحتي الشخصية
                      [url]https://www.facebook.com/ITNetworksWay[/url]
                      [/COLOR] [/CENTER]

                      Comment


                      • #12
                        بجد الله ينور علييييييييييييييييييك
                        والف مبرووك
                        [CENTER][media]http://www6.0zz0.com/thumbs/2011/09/14/04/347541799.jpg[/media]
                        MY BMW 2500CC
                        :tumb:
                        [/CENTER]

                        Comment


                        • #13
                          برافو عليك فعلا
                          [sor2]http://img266.imageshack.us/img266/2162/f04g.jpg[/sor2]

                          Comment


                          • #14
                            أهنئك على الايجابية و على نشر الموضوع للاستفادة و عشان نحس انه فى أمل دايما
                            [B][FONT=Times New Roman][SIZE=3][COLOR=blue]السلام عليكم و رحمة الله و بركاتة[/COLOR][/SIZE][/FONT][/B]
                            [B][FONT=Times New Roman][SIZE=3][COLOR=blue][/COLOR][/SIZE][/FONT][/B]
                            [B][FONT=Times New Roman][SIZE=3][COLOR=blue] علاء سعيد[/COLOR][/SIZE][/FONT][/B]

                            Comment


                            • #15
                              مبروك التليفون
                              بس انت بتقول كنت حاطهه فى الباب والحرامى شافه
                              ممكن افهم النقطة دى لانى برده بحطه فى جيب الباب اللى جنبى
                              باعتبر انه أمن عن التابلوة والكونصول كله
                              A.Saad

                              Comment

                              Working...
                              X