هو الجو ممطر بكرة؟

[Eng.Geo]

يا خسارة الغسلة :(
انا ماشي والدنيا بتمطر مش بغزارة ... ده أقل ما يتقال عنها ... غباوة
علي الدائري .... المية في مناطق بتوصل لربع الباب
الرؤية منخفضة جداااااا
أحذروا
بكرة كدة برده

[tananybasha]

مش هاغسل العربية
هيييييييه

[heshamzaky]

طقس غير مستقر لمدة 72 ساعة

بوابة الوفد- متابعات: منذ 19 دقيقة 59 ثانية
بدأت مساء أمس الأحد موجة برد وطقس غير مستقر تستمر نحو 72 ساعة تشهدها القاهرة والإسكندرية, والوجه البحري حيث تعرضت معظم محافظات الجمهورية لهطول الأمطار.

ويتوقع خبراء هيئة الأرصاد الجوية أن تتكاثر اليوم الاثنين السحب المنخفضة والمتوسطة شمالا يصاحبها سقوط الأمطار على شمال البلاد وسيناء تمتد حتى القاهرة وبعض محافظات شمال الصعيد.. تكون غزيرة ورعدية على السواحل الشمالية وسيناء .
ففي كل من الإسكندرية وكفر الشيخ استمر هطول الامطار الغزيرة لعدة ساعات، مما أدي إلي تحويل شوارع المدن والقري إلي برك من مياه الأمطار والأوحال وإعاقة السير في العديد من المناطق، وأدت إلي توقف حركة المرور علي الطرق.
كما أدت الأحوال الجوية السيئة إلي غلق ميناء الصيد بالبرلس لفترة بسيطة، وسقوط العديد من الأشجار علي الطرق والأراضي الزراعية، وانقطاع التيار الكهربائي عن قري ومناطق عديدة.
كما تسببت الأمطار الغزيرة في محافظة الإسماعيلية في إعلان حالة الطوارئ تحسبا لوجود أي بلاغات تفيد تصدع المساكن خاصة القديمة، مع الحفاظ على إنارة الأعمدة والتنسيق بين رجال الشرطة والجيش لمواجهة أي خروقات أمنية قد تحدث في هذا التوقيت.
وشهدت محافظة مطروح استمرارا لتساقط أمطار ثلجية صاحبها موجات متواصلة من البرق والرعد، لم تشهده أهالى مطروح منذ سنوات، من حيث غزارة الثلوج.
وتسببت الأمطار الغزيرة فى حدوث العديد من أعطال الكهرباء وتراكم كميات كبيرة من المياه بمعظم شوارع مطروح كما تأثرت حركة السفر على الطرق السريعة خاصة على الطريق الدولى الإسكندرية – مطروح – ليبيا.



اقرأ المقال الأصلي علي بوابة الوفد الاليكترونية الوفد - طقس غير مستقر لمدة 72 ساعة

[heshamzaky]

أمطار غزيرة مصحوبة بعواصف بالإسماعيلية
بوابة الوفد- خاص: منذ 1 ساعة 13 دقيقة
تعرضت محافظة الإسماعيلية مساء امس لموجة شديدة من المطر مصحوبة بعواصف رعدية وهى الأولى من نوعها قبل بدء فصل الشتاء فلكيا .

وقد أدى الهطول الشديد للامطار الى إغلاق المحال التجارية أبوابها وعودة المواطنين لمنازلهم .
ورغم أن اللواء جمال إمبابي محافظ الإسماعيلية قد أصدر تعليماته لرؤساء الأحياء والمراكز والمدن بإعلان حالة الطوارئ وإعادة النظافة للشوارع والميادين بإزالة المياه الراكدة إلا أنه مازالت المياه الراكدة تمتلأ الشوارع خاصة عند المناطق المنخفضة بالمحافظة وذلك لان محطات صرف الامطار مغلقة ومسدودة ولم يتم اعادة تصليحها .



اقرأ المقال الأصلي علي بوابة الوفد الاليكترونية الوفد - أمطار غزيرة مصحوبة بعواصف بالإسماعيلية

[HOSSAM99]

لا شايف مطرة ولا حاجة لحد دلوقتي ؟

في الهرم لا تمطر

[No Comment]

فعلا مطرت جامد دلوقتي
بعد ما افتكرت خلاص اليوم خلص ومفيش مطر

لا ودى تيجى برضوا .. الدنيا متمطرش ... لازم تمطر علشان يبقى فى مصداقية على مواضيعك بعد كدة . :w_022:

[AshTurbo]

مين اللي قال ياريتها تمطر ؟

[shaddadfalcon1]

النهارده شتا غبي من اول ماطلعت علي الزارعي من كفر الدوار وماشي الحمد لله علي مهلي في وسط العربيات 80 90
في اول الطريق كان في عربييتن كارو عايزه تعدي ايدتهم نور قام واحد فيهم معدي قمت مدي انتظار ولما عدي شديت تاني وصلت 80 مثلا لقيت واحد غبي قصاده علي طول بين الطريقين بعربيه ميكروباص دودج الغببيه دي وانا بيني وبينه مش اكتر من 20 متر قام معدي وقاطع الطريق والحمد لله فرملت بس العربيه زحفت كتيير طبعا وصوت فرامل يخض وبالعالفيه لحد ماعدي كان بيني وبيننه متر يادول والمتخلف عدي ولا في دماغه

والصبح نازل وناسي المفتاح في الباب من جوه وكان يوم من اوله فل

[dodo2000]

يا جماعة اسكندرية السنة دى هتغرق بمعنى الكلمة امبارح الى شاف المنظر قدام كارفور عامل ازاى مش هيصدق نفسه و النهاردة كمان نفس الوضع و كل ده من يومين شتا امال لو حصل زى السنة الى فاتت ايه الى هيحصل

منه لله الى كسر الشوارع بالمنظر ده و خلى مفيش شارع مستوى الا لازم يكون فيه حفرة او بركة

[زينة الله]

ليلة امبارح والنهاردة من شوية أمطار رعدية فظيعة فى الاسماعيلية و شكلها هتشتغل تانى :)))

[Lion_Heart]

حد سمع اخبار الجو؟
هوا الجو في مطر بكرة
برنامج الطقس عاللاب بيقول ان بكرة وبعده مطر
صح الكلام دة؟

حضرتك بتستخدمى برنامج معين و لا اللى مع الويندوز و تبع msn