حد ليه في الماك

[khaloooda]

عاوز اجيب لاب ماك
وبفكر تحديدا في الماك بوك برو

وكنت ناوي خلاص
لحد ما في مرة كنت مع واحد صاحبي مجنون كمبيوتر وموبايلات
ويعرف بتوع تريد لاين - وكيل ماك في مصر
قالي معلومة مش عارف صح ولا غلط
قالي اولا دول مش وكيل ولا حاجة دول مجرد ستور بيجيب حاجة ابل ويبيعها وبتعرف كده لو وقعت في مشكلة معاهم
وكماااااااان الاجهزة اللي بيجيوها صيني والكوليتي بتاعتها مش زي الستورز بره

يا ريت لو حدي معاه ماك واشتراه من مصر
يقولي الكلام ده صح ولا غلط
ما هو انا مش هروح ادفع اكتر من 9000 جنيه في لاب وكمان يطلع صيني وملوش وكيل

ياريت حد يفيدني - قبل الفلوس ما تتصرف

[Amr_tika88]

انا معايا ماكبوك برو ٢٠١٠ وتحت امرك

[khaloooda]

ربنا يخليك يا عمر
انا بس بسأل علي مدي صحة المعلومة اللي سمعتها
ياتري عندك فكرة

[GreekAlexander]

كلام صحبك صح بخصوص التوكيل والستور
اما حكاية الكواليتى لا
تانى حاجة الهاردوير ممتاز سوفت نوب نوب نوب
انا حاليا معايا الماك وشغال بالويندوز 7 علية - مش عيب النظام لكن عيب الدعم وتوفر البرامج المجانية وكلام تانى كتير مش مجالة دلوقت-
اما لو حابب تجرب النظام فعندك جهاز واحد بس فى العالم بيقبل النظام دة بسلاسة هو msi wind u100 plus notebook
وسعرة جديد حوالى 1600 جنية
والهاكرز- هاكنتوش- بيعملوا اصدارات مخصوص لية اخرها snowywind OSX

[Amr_tika88]

كلام صاحبك غلط الف في المية وانا اتعاملت معاهم وهما محترمين جدا وعايز اقولك اجهزة ابل في مصر انضف من اللي في السعودية مليون مرة واي حاجه ابل كلها قطع امريكي متجمعة في الصين بهاي كوالتي عالي جدا ومتقلقش الجهاز معايا بقالو اكتر من سنه وشغال تمام طبعا انا محافظ عليه جدا وفعلا مش هتندم ابدا انك اشتريته وهوا احسن لاب وهمي بكل ماتعنيه الكلمة هقولك بس حاجه واحده انسي كلمة فورمات
يعيبه بس ان حاجته غاليه فقط لاغير

[Amr_tika88]

هوا بيديك ضمان سنه وضمانهم محترم ومتخافش كلام صيني والكلام ده مش موجود وتريد لاين انضف ابل ستور لان في بست باي وحاجه تانيه بس اكترهم ثقه تريدلاين

[Amr_tika88]

وعلي فكره الماك عليه كل الجيمز والحاجات اللي ممكن تحتاجها بس هتلاقيها عالمواقع الاجنبيه اغلبها او في مواقع تانيه ممكن ابقي ابعتها لحضرتك لو تحب

[GreekAlexander]

كلام صاحبك غلط الف في المية وانا اتعاملت معاهم وهما محترمين جدا وعايز اقولك اجهزة ابل في مصر انضف من اللي في السعودية مليون مرة واي حاجه ابل كلها قطع امريكي متجمعة في الصين بهاي كوالتي عالي جدا ومتقلقش الجهاز معايا بقالو اكتر من سنه وشغال تمام طبعا انا محافظ عليه جدا وفعلا مش هتندم ابدا انك اشتريته وهوا احسن لاب وهمي بكل ماتعنيه الكلمة هقولك بس حاجه واحده انسي كلمة فورمات
يعيبه بس ان حاجته غاليه فقط لاغير

استاذ عمرو احب اقولك ( واكدلك ) ان ابل ملهاش وكيل لا فى مصر ولا فى السعودية ولا فى الشرق الاوسط كلة - دى مجرد ستورز - وممكن تسال فى مكتبة جرير فى السعوديةوهما يكادولك -وفحالة الضمان كانة ستورز عادى
كلامك صح الاجهزة ممتازة وغالبا مش هيحتاج الضمان
ولا هيحتاج يجيبة اساسا

[Amr_tika88]

حضرتك ادخل علي موقع ابل وبعد كده هات مصر هتلاقي البريميوم استور تريد لاين يعني ابل هتحط تريدلاين عالويب سايت بتاعها وهوا استور عادي
اعتقد صعب

[GreekAlexander]

البريميوم استور تريد لاين
واية المشكلة انها تحط ستور على السايت بتاعها حتى لو صغير

[GreekAlexander]

بعد ستيف جوبز ابل ولا تسوى

[Amr_tika88]

انا قصدي الويب سايت بتاع ابل نفسها تريد لاين وبست باي موجودين بس في وكيل ماسك الشرق الاوسط كله وتريد لاين هوا اللي بيوزع للتوكيل ده مش دايريكت من ابل

[أبومعاذ]

كلام صاحبك صح بنسبة كبيرة
لو حصل معاك مشكلة سوفتوير مع تريد لاين هيحلوهالك لكن لو مشكلة في الهاردوير هيدفعوك يعني كأنك من غير ضمان

[khaloooda]

كلام صاحبك صح بنسبة كبيرة
لو حصل معاك مشكلة سوفتوير مع تريد لاين هيحلوهالك لكن لو مشكلة في الهاردوير هيدفعوك يعني كأنك من غير ضمان

فعلا انا سمعت الحوار ده من واحد كان راحلهم بمشكلة في الهاردوير
بيقول الجهاز قعد عندهم حوالي 5 شهور
وبرضه دفع فلوس في الاخر

[Beam28]

ابل ليس لها وكيل في مصر ولكن لها وكيل للشرق الاوسط هو شركة أراب بيزنس ماشين وهذه الشركة لها موزعين معتمدين في مصر حسب هذا الرابط
Egypt | Apple Authorized | ARAB BUSINESS MACHINE
وتريد لاين احد هؤلاء الموزعين.
على العموم انا معايا ماك بوك برو كنت شاريه من كمبيو مي من 3 سنين تقريبا ولم احتاج الضمان ولا مرة والجهاز حتى الأن يعمل بكفاءة عالية والحمد لله.
الماك هاردوير وسوفتوير لا يعلى عليه ولا احتاج الوندوز عليه (ماليش في الالعاب يعني بس ممكن يشغل وندوز عادي). الحاجة الوحيدة من وجهة نظري اللي ممكن تفتقدها على الماك محرر النصوص زي الاوفيس وورد باللغة العربية بس ممكن تتغلب عليها بتشغيل فيرشوال ماشين وندوز من داخل الماك وتستخدمها عادي.