خدمة عملاء tedata

[hossam_elwani]

عندى مشكله فى دفع اشتراك النت من خلال الموقع الرسمى للشركه بالفيزا

بقالى سنه بدفع عادى مفيش اى مشاكل

الشهرده جاى ادفع لقيت رساله بتقولى عزيزى العميل هذه الخدمه غير متاحه الان لك لمزيد من الايضاح اتصل بخدمة العملاء 19777

اتصلت اكدولى ان الخدمه شغاله مفيش مشاكل بالنسبه ليه

حاولت تانى وتالت نفس الكلام

اتصلت بيهم تانى قلولى خلاص تمام مفيش مشاكل حاول تانى وحتلاقى الخدمة شغاله تمام

حاولت نفس الكلام

حد مر بالتجربه دى قبل كده

وايه حلها مع العلم ان دى وسيلة الدفع الوحيده السهله بالنسبلى وباقى طرق الدفع بعيدة المنال

[romieh]

اتصل بيهم وحاول تدفع الاشتراك وانت على التليفون معاه

علشان لو مش شغال هو يقولك تعمل ايه بالظبط

[hossam_elwani]

اتصل بيهم وحاول تدفع الاشتراك وانت على التليفون معاه

علشان لو مش شغال هو يقولك تعمل ايه بالظبط

ولا بيعملو حاجه وفى الاخر يقولك ادفع فى الفرع

[Mahmoud Mosaad]

مشكلة غريبة فعلا ، أنا لسة دافع حالا والعملية تمت بنجاح

[kar!m]

كلمهم تانى .. أو ادفع فى الفرع و خلاص.

[Sherifmt]

انا كنت بعمل زيك الأول لكن من 3 شهور كانو عاملين أعلان انك ممكن تديهم بيانات الفيزا بتعتك علي ورقة مطبوعة زي تفويض انهم يخصموا كل شهر قيمة الأشتراك من كارت الأتمان بشكل تلقائي وعملتها وبعتها ليهم علي ألأيميل وخلصت كل شهر تلقائي يخصموا قيمة الاشتراك والخدمة دي فرقت معايا كتير علشان انا مش عايش في مصر وولادي بيحتاجو النت علشان بكلمهم عليه ولو حصل وكنت نسيت أدفع كانت الخدمة بتقف أيام لكن مع الحل ده بقي الدفع تلقائي ..... تحياتي

[hosar]

ممكن تدفع من خلال خدمة ( فورى ) المنتشرة فى المحلات

[hossam_elwani]

اتحلت المشكله بعتلهم ايميل بالشكوى المذكوره وتم تفعيل الخدمة من خلالهم ودفعت وكله تمام شكرا جزيلا ............

[ALshahba]

الف مبروك

[sasaasso]

ممكن تدفع في فروع تي داتا أو بالفيزا او عن طريق فوري