Qnet

[golfawyzz]

حضرتك عارف بما انك ازهري ، ان المفتي يستخرج الحكم الشرعي عن ما استفتاه السائل
وبما ان السائل استهبل ومشرحش الموضوع بالتفصيل ، فالمفتي مصيب والفتوى خاطئة
بدليل ان السؤال لما عرض بطريقة صحيحة في دول اسلامية اخرى خرجت فتاوى بتحريم التسويق الشبكي وكيو نت بالتحديد


جميل
احب اوصل لحضرتك ان الفتوى قبل ما تتعمل كان اتعمل برزنتيشن .. او بمعنى اصح عرض للعمل
فالراجل ولا استهبل ولا اى حاجه من الكلام ده


وكما تعلم الامر بسؤال اهل الذكر ليس بالضرورة اهل الذكر هم اعلم الناس بالشرع فقط
هذا الامر اهل الذكر فيه رجال الاقتصاد الملمين بالشريعة ، او رجال دين ملمين بالاقتصاد والتجارة تمام الالمام

وحضرتك فى الفتوى محتاج رأى الشرع ولا رأى اهل الاقتصاد !!
ولو حضرتك مؤهل انك تفتينا فى الموضوع بشكل رسمى فعلا ليه محصلش ده !
يعنى طالما الفتوى كانت خاطئه ليه مفيش ناس زى حضرتك طلعت فتوى صح
او طلعت فتوى مضاده للاولى
بس يكون فاهم الموضوع صح مش من سماع او غيره

نرد بقه على حججكم

افرض معي ان شاب اعجب بفتاه ، وذهب ليطلبها من ابيها ، ابوها قال له قبل ان نبت في هذا المر انا عندي قطعة ارض للبيع ، اشتريه اولا شرط ان ندرس امر زواجك من بنتي
فيشتري المحب قطعة الارض وهو في غير الحاجة لها ابتغاء هدف وراء هذه البيعة
فترفض البنت الزواج او تقبل لا يهم

سؤالي : هل بيعة الارض حلال ام حرام ؟

حرام ليه .. مسمعتش عن البيع المعلق على شرط او على اجل !!

بالبط كمن اشتر تايم شير في تايلند او ساعة سويسري وهو لا يريد هذه المنتجات ولولا حلم الثراء السريع والسهل ما كان في يوم من الايام سيشتري ساعة سويسري

هل عملية الشراء لهذه المنتجات حلال ام حرام ؟

يعنى حضرتك لما غبور يروح كوريا عشان ياخد توكيل هيونداى فمصر يدفع فلوس
تبقى الفلوس دى حرام !!
وتوكيل غبور بقى حرام !!
والعربيات الهيونداى نبصلها كلها على انها محرمه !!
انت بتشترى المنتج .. وحق نقل توكيله لغيرك من الاشخاص


استفت قلبك ولو افتوك

يتبع ....

ثانيا
هذا الامر عنقودي يتزايد باطراد سميه هرمي سميه شبكي سميه كما تشاء
وقمة البرنامج بالضرورة اكبر من قاعدته دائما وابدا
وعليه فانه حتما سيحدث تشبع في يوم من الايام وسيصاب البرنامج الشلل لعدم وجود ضحايا جديد يقومون بتغذية البرنامج

والتشبع امر حتمي لا احتمالات في ومثبت رياضيات في موسوعة ويكي ، لا النمو غير محدود في البرنامج بينما عدد البشر محدود

وكل الشركات التي عدت علينا في الماضي مثل بيزناس وبنتاجونو تبخرت بعد فترة ، ولن اقول ان اتشبع تم من ان كل فرد في العالم اشتري ولم يجد من يبيع له
انما النشبع حدث من ان كل شخص يمكن اقناعه ، قد اقتنع بالفعل ولم سجد من يقنعه بعد ذلك بالعدد المطلوب لتوفير العدد الهائل للقاعدة العريضة اللازمة لتغذية الهرم من اسفل


فى حاجه اسمها سقف العمولات ( Max Out ) وده اقصى ربح مش ممكن ( المسوق ) يتخطاه فى الربح عشان ميدخلش على ارباح الشركه وبالتالى ده يضمن ان الشركه تستمر

معلومه : اللى ماسك حساباات شركة كيونت هى ميكروسوفت
و سقف العمولات محدد من قبل مايكروسوفت

حضرتك اتكلمت عن شركات ظهرت سنتين واختفت تانى
انا بتكلم عن شركه شغاله من سنة 98 لحد يومنا هذا .. يعنى بقالها 13 سنه شغاله فى جميع انحاء العالم
هنيجى فمصر نقول دى شركة نصابه وهتقف .. مصر بقى فيها عباقره للدرجه دى


الفرق بين التجارة وبين الميسر هو ان التجارة هى win-win game
بينما الميسر هو win-loose game
في التجارة العادية انا اشتري منك سيارتك
انت ربحت المال وانا ربحت السيارة ، وشرط لكي اربح ان تربح انت

هى فى تجاره رابحه !! Win Win
معنى كده ان كل تاجر مبيخسرش !!
يعنى واحد صاحب معرض بيبيع عربيات .. معرضه ولع .. وخسر عربيات .. يبقى الراجل ده كده كان بيقامر مش بيبيع ؟؟
ازاى التجاره فيها مكسب بس ؟؟


بينما في النصب او الميسر لكي اربح لابد وان تخسر انت

والقمة دائما رابحة في برامجكم والقاعدة يقينا خاسرة دائما
اذا هي win-loose game
اذا هي حرام مثلها مثل الروليتا والبوكر

لو انا جبت حضرتك دخلتك تحتى فى الشبكه بتاعتى فكيو نت ومشتغلتش .. هتبقى وقفتنى وخسارتك من خسارتى
يعنى لو حضرتك فاهم كيو نت كويس مكنتش هتقول كده .. انا هفهمك جزء مهم
انا عشان اكسب لازم اللى تحتى بيكون بيكسب
وفكيو نت الشغل الوحيد اللى شوفته فحياتى بتلاقى اللى فوقيك عايزك احسن منه لان لو الراجل ده واقف انت مش هكتكسب .. ولو شغال انت هتكسب
ولذلك مفيش حد بيدخل الشركه دى غير لما بيلاقى دعم رهيب من الناس اللى فوقيه .. ومستحيل يكون طموحه فمكسب وميكسبش

يتبع ...

بيقولك اصل انا شغال مندوب مبيعات ودي شغلانة شريفة !
طيب وهو مندوب مبيعات جاجور ، شرط قبوله في الوظيفة انه يشتري جاجور ؟

لو كنت مندوب مبيعات حقيقي هانلهم التلت ضحايا اللي طالبينهم وخد نفس العمولة اللي بيقولوا عليها ومتشتريش انت !

ينفع كده ؟


انت فشغلك فكيو نت مبتبقاش مندوب مبيعات
بيبقى اسمك ممثل مستقل
يعنى زى وكيل
وانت بتشترى فى الاول المنتج + توكيل بيعه
طبقا لل إتفاقيه التجاره الالكترونيه اللى بتوافق عليها وانت بتسجل فى الشركه
e.commerce Agreement
مندوب مبيعات دى لما اكون شغال فى شركة اطباق بلاستيك او شركه بتبيع شامبوهات وصابون وبلف على البيوت
يتبع ...

بيقولك احنا حنخرب اقتصاد البلد في ايه ما احنا بنستورد كل حاجة !
التمن اللي حضرتك بتدفعه في السلعة اللي انت مش عاوزها وهو تمن عالي جدا بينقسم لتلت اقسام

1 قسم هو ثمن السلعة وبيروح للشركة المنتجة فلتكن سويسرا المنتجة للساعة

المانيا مش سويسرا ومش بيروح للشركه الالمانيه .. لان كيونت اشترت الشركه اصلا وبقت خط انتاج ليها مش اكتر

2قسم بيروح كعمولات للي دخلوك البرنامج

فعلا ومش كتير 30 دولار للمنتج


3 قسم بيروح لشركة كيو نت فلتكن ماليزية يعني بيروح ماليزيا وده نسبة كبيرة من المبلغ

باي وجه حق ماليزيا تكسب من عملية بيع وشراء تمت بين مصري وسويسري ؟

مفيش مصرى وسويسرى فى الموضوع
هو مصرى اشترى من شركة كيونت منتج من منتجاتها اللى متصنع فى خط من خطوط انتاجها فى المانيا

وما هذا النزيف الذي يخرج في اتجاه واحد من مصر لماليزيا بينما ماليزيا لم تنتج الساعة ؟

الاجابه فوق

يتبع لما افتكر بيبرروها بايه تاني ؟

اسواء ما في الموضوع بقه على المستوى الانساني ، انك بتورط اقرب الناس اليك اللي وثقين فيك وبتجرهم للخسارة علشان تكسب انت

لو انا دخلت غيرى عشان يخسر يبقى انا بخسر نفسى ليس إلا
لان مكسبى متوقف على مكسب اللى بيدخل تحتى

معلومه .. حضرتك بتتكلم بدون المام بالموضوع
تقدر تشرفنى واديك فكره كامله عن الموضوع عشان تقدر تحكم عليه صح
بدل ما حضرتك بتتكلم عن كلام المنتديات والكلام اللى حضرتك بتقراه فقط
والدعوه عامه لاى حد عايز يفهم

[abou_ruqi]

لا تبقى تشرفني انت في ماليزيا وانا اوريك صحاب كيو نت دول مين

اسلوبك ما يخلنيش ارد عليك ، كلامي موجود وكلامك موجود والموضوع موجود للعاوز يعرف هو بيعمل ايه

سرطان واستشرى في البلد لخراب اقتصادها وتضييع طاقة الشباب في عمل بلا مردود اقتصادي

بضاعتك فاسدة واسلوبك بيدي انطباع عن الحالة اللي وصلها الازهر

ربنا يحمي مصر من اللي بيعملوه فيها ولادها

بمناسبة مصر ،مصر فيها عباقرة مفيش زيهم في العالم اسخر منهم برحتك حيفضلوا برضه احسن ناس في العالم

[ahmedsamir5edr]

بارك الله فيك يا أبا رقيه
حقيقي نعم الأسلوب في الحديث و النقاش

بينتلي حاجات كتير مانت تايهه عني في التسويق الشبكي ده ..

أحب اقولك : أنا أستفدت من كلامك في الموضوع ده .. بارك الله فيك

[SaberMan]

وفيكم اخي الحبيب
نسال الله ان يصرف عن امتنا الخبائث ما ظهر منها وما بطن

الله يكثر من امثالك يا أبو رقى و يبارك لك و يزيد بالحلال

التسويق الشبكى قول الحق نصب و خيانه لأقرب الناس و الوطن أدعو من يشارك فى هذه اللعبه الرجوع عنها .

نفسى اعرف مين الشيطان الخترع النصبه دى .

[minicooper20]

golfawyzz
انتا ليه عاصبى كده ياباشا
هى شركه بيتاعتك ده نقاش بالاثبات و البراهين ليس الا
و حوار ممتع فيه هات و خد و اقنعنى و اقنعك
ليه العصبيه
ابو رقيه دكتور مصطفى مراد و ده استاذ افتصاد فى ال auc قالى بالنص لو اقتصاد مصر خرب هيكون بسبب الشركان النسويق الهرمى البيقولو عليه شبكى
لانها بتتوسع بشكل رهيب
و المشكله ان فيها ناس كبار جدا و اساتذه و داكتره
مشتركين
انا انتيمى مشترك و يصراحه كسب كتيرررررررررررررر قدام عينى

[abou_ruqi]

التسويق الهرمي أدى لحرب اهلية في ألبانيا سنة 1997 , لحدوث التشبع , لم يجد الشعب من يبيع له
وأنهار اقتصاد البانيا و لم تفيق من هذه الكارثة حتى الآن



1997 rebellion in Albania - Wikipedia, the free encyclopedia


Causes
In 1992 the Democratic Party of Albania won the first free elections in Albania and Sali Berisha became president. In the mid-1990s, Albania was becoming a liberalized economy after years under a controlled economy. The rudimentary financial system became dominated by Ponzi schemes, and government officials endorsed a series of pyramid investment funds. By January 1997, the schemes (actually fronts for laundering money and arms trafficking) could no longer make payments once the number of investors grew to include two-thirds of Albanians,[7] who had been lured by the promise of getting rich quick.[9]
[edit] Overview

By January 1997 the inevitable end came, and the people of Albania, who had lost $1.2 billion (out of a small population of three million), took their protest to the streets.[10] Beginning in February, thousands of citizens launched daily protests demanding reimbursement by the government, which they believed was profiting from the schemes.

[abou_ruqi]

الأكاذيب العشرة في التسويق متعدد المستويات MLM

The 10 Big Lies of Multi-Level Marketing

[abou_ruqi]

الدول التي حظرت شركة كيو نت من العمل على أراضيها وأسباب ذلك

QNet is Banned/Shutdown in Many Countries « joinnetworkmarketing

1. Afghanistan (2008)
2. Rwanda (2009)
3. Iran (2005)
4. Sri Lanka (2004)
5. USA & Canada (2008)
6. Syria (2009)
7. India (2010)

[abou_ruqi]

الصين تقود حملة عالمية لمحاربة التسويق الهرمي , لأنه ما ان دخل بلد إلا و دمر اقتصادها

http://www.pyramidscheme......org/PS...amidFight.html

[abou_ruqi]

موقع حقيقة التسويق متعدد المستويات MLM

The truth about MLM (multi-level or network marketing)

[abou_ruqi]

رابط موضوع الصين
فقط احذف المسافات

http://www.pyramidschemeale rt.org/P...amidFight.html

[Karim_Monir]

الله يفتح عليك يا ابو رقيه
اقنعت 4 من صحابي من الخروج منهم وفعلا اقتنعو لما فكرو وفهمو وضحو باللي خسروه عشان مايخسروش غيرهم

[Mshawky]

والله ياجماعه انا كنت امبارح فى البريزنتشين بتاعتهم قمه التلخف اللى فى الدنيا وببص على الشباب حاوليا وكانو صعباينين عليا اوى بصراحه انهم بستغلوا الظروف وانهم من غير شغل وشباب زى الفل وربنا ربنا ياخدهم بنتوع كيونت دول رغايين اوى وزنانين اوى فى كلام فارغ


يلا اهم حاجه ياجماعه تاخدوا بالكم كويس اوى

[Mo3taz Selim]

بارك الله فيك أبو رقيه

و ربنا يهدينى و يهدى الجميع إلى ما يحبه و يرضاه

[Karim_Monir]

بارك الله فيك أبو رقيه

و ربنا يهدينى و يهدى الجميع إلى ما يحبه و يرضاه

لو كيو نت هايخلينا نشوف مشاركاتك كل يوم يا معتز باشا نجيبهم كل يوم يعملو بريزنتيشن في المنتدي :-)