انا اعترض !! ...

[wsamir]

انا اعترض اذا انا موجود !!!
و الله يا جماعة لو اعترضنا للصبح مفيش حاجة هتتغير
بس المفروض اننا نبدأ بنفسنا و فى امل إن شاء الله و لو كلة خد باله من الروح اللى فى المنتدى هنا هتعرفوا ان فى امل فى تغيير البلد و احنا هنبدا بنفسنا

"إن بعد العسر يسرا"

[محمد المشد]

انا اعترض اذا انا موجود !!!
و الله يا جماعة لو اعترضنا للصبح مفيش حاجة هتتغير
بس المفروض اننا نبدأ بنفسنا و فى امل إن شاء الله و لو كلة خد باله من الروح اللى فى المنتدى هنا هتعرفوا ان فى امل فى تغيير البلد و احنا هنبدا بنفسنا

"إن بعد العسر يسرا"

كلامك مش راكب على بعضة 000 ازاى لو اعترضنا للصبح مفيش حاجة هتتغير وفى نفس الوقت
تقول ان نبدأ بأنفسنا 00000 واحنا هنبدا بنفسنا
اؤكد لك ان شاء الله سوف يتغير كل شىء بأرادة المصريين الشرفاء

[CryptonX]

انا بطلت اتفرج علي التلفزيون او الاخبار و بطلت اقرأ جرائد :)

و في فرصة عمل جايالي في امريكا علي اول السنة الجديدة .. كنت كاره افكر فيها ..

بس حاليا ... بتشعشع :)

[wsamir]

اخى العزيز محمد المشد
اقصد انا الاعتراض لمجرد الاعتراض لن يثمر بشىء و لكن نبدا بانفسنا من اجل التغير
و متشكر على رايك

[Xpert]

==============

يرجى من العضو الكريم اختيار الساحة المناسبة لمحتوي الموضوع
ويرجى مراجعة قوانين المنتدى
وشكرا

الادارة 3

معلش يا اداره سورس .. بس مش هوه راح المنتدي العام برضه ولا كان فين ؟ ساعات العمليه بتضبش معايا .. انتو عارفين بقي العتب علي النظر .. و الجهل و اللي الواحد شايفه في البلد ....

يا جدعان الموضوع كان لسه هايطول بس للاسف استعجلت ... الموضوع ان الاتجاه العام بقي للغلاء .. طب موارد الدوله راحت فين ؟ فين موارد قناه السويس .. طب ما يخلوها بالجنيه المصري و بكده الجنيه بتاعنا قيمته ترفع شويه و فرق الدولار يتقلص شويه .. حتي لو هايرخص جنيه واحد ! .. طب فين ايرادات الجمارك ؟ ده انا لسه جايلي اخباريه بان الجمارك كلها زادت !! ... هوه فيه ايه بالظبط ؟
طب بلاش .. البند اللي يقولك لو ماشي و بابك مفتوح تاخد غرامه ... ايه الهبل ده ؟ ولا يقولك مخالفه لو العربيه انوارها مش شغاله ... دي بره يقولك fixing ticket .. و مابتدفعش غرامه عليها .. اشمعني احنا ؟
ولا هوه لازم نغرم قد ثمن العلاوه 20 مره ؟ طب ما يخللو المعاش من 50 سنه ؟ .. علي الاقل الشباب هاتلاقي شغل شويه ...


.......
كلام كتير الواحد مش لاقي يقوله ... بس من الاخر .. البلد دي عمرها ما يتصلح حالها ...

[Xpert]

لما كلكم تروحوا وتتركوا البلد للفاسدين والمفسدين وحرامية البنوك واإكِلى مال الشعب 000 يبقى مين اللى هيفضل 000 ارجوكم اعترضوا كما تشاءون وتكلموا كما تشاءون ولكن لاتتركوا بلادكم من اجل حفة حرامية ، سوف يخلصنا منهم الله وامثالكم هم الباقية 00 الباقية من محبى مصر ومن الشرفاء ، وبأذن الله يأتى الاصلاح على يد كل فرد منكم

يا باشا انا هاتركها هاتركها ... انا احمل جنسيه اخري و الجنسيه الاخري دي سويسريه ... و العيشه هناك علي الاقل تعمل تلاقي ماتعملش ماتلاقيش ... انما العيشه هنا موت و خراب ديار ! .. لا حج حجيت و خربت البيت !:boxing_smiley:

[Xpert]

انا بطلت اتفرج علي التلفزيون او الاخبار و بطلت اقرأ جرائد :)

و في فرصة عمل جايالي في امريكا علي اول السنة الجديدة .. كنت كاره افكر فيها ..

بس حاليا ... بتشعشع :)

متسبهاش تشعشع ... انتهز الفرصه و اقلع من البلد !