عاجل : عايز اروح من المريوطية دائرى الى فندق السلام بمصر الجديدة

[elbeheri]

عايز اروح من المريوطية دائرى الى فندق السلام بمصر الجديدة

ياريت الرد بالتفصيل وبسرعة مع الشكر

[mado83]

بص ياسيدى
هتاخد الدائرى اللى هو اتجاه المرج والسلام مش اتجاه المنيب والمعادى
وهتفضل ماسك الدائرى لحد مدينه السلام ولو مش عارفها هتفضل ماسك الدائرى لحد ماتلاقى نفق ماتنزلش النفق واطلع من جنبه يمين
ده موقف العاشر
بعد ماتاخد يمين هتفضل ماشى لحد ماتلاقى كوبرى اسمه كوبرى المطار
هتطلعه وتنزل منه على السندباد هتفضل ماشى ولا يمين ولا شمال
لحد الكليه الحربيه اول ماتخلص طريق السندباد ده هتلاقى قدامك سور الكليه الحربيه عندك بقه طريقين شمال مساكن شيراتون
ويمين هتلاقى طريق يوديك على نادى الشمس بوبابه كونكورد بعد بوابه نادى الشمس بشويه صغيرين
يارب اكون عرفت اوصلك

[Karim_Monir]

زي ما شضرح ميدو بالظبط
وللتفصيل اكتر سواء جاي من اي دائري المرج او المعادي
المرج تخرج مخرج مطار القاهرة
ولو المعادي تنزل نزلة طريق اسماعيلية الصحراوي اللي قبل نفق السلام وتاخد اول يوترن وترجع
في الحالتين هاتخرج قبل نفق السلام
تمشي 2 كم وتطلع الكوبري تنزل طريق جوزيف تيتو والمطار هايكون على شنالك
تمشي شارع المطار ده طوله حوالي 5 كم لغاية الاخر
بعد الندباد وبعد مالطريق يخصل خالص ادخل يمين
تفضل ماشي على طول وعلي شمال شريط لمترو وعلي يمينك سور نادي الشمس
لا يمين ولا شمال هاتلاقي بوابة الكونكرد علي يمينك
ولو تهت كلمني دي منطقتي :-)
01001263030
تحياتي

[elbeheri]

شكرا يا شباب على الرد
بس فى استفسار نفق السلام من دائرى المرج بعد حوالى كام كيلو من نزلة قليوب
وايضا نزلة اسماعيلية الصحراوى من دائري المعادى بعد اد ايه من نزلة السويس الصحراوى

مع جزبل الشكر

[Karim_Monir]

معرفش نزلة قليوب كام كيلوبس من نزلة اسماعيلية الزراعي حوالي 15 كم
ومن نزلة السويس حوالي 18 او 20 كم

[mailo]

لو هتروح من اتجاه المرج
احسنلك قبل النفق تاخد يمين على طول ده امتداد شارع جسر السويس هتمشي فيه تعدي على السلام وقباء وشارع عبدالناصر والجراج والعرب تلاقي فندق السلام

لو المعادي معرفش من طريق اسماعيلية
بس ممكن تنزل نزلت طريق السويس وتنزل على ألماظة وتخش هناك من مصر الجديدة "الجلاء فاتيما تريامف الحجاز 1000 مسكن جسر السويس فندق السلام

[Karim_Monir]

حرام تمشيه وسط ميكروباصات جسر السويس جوزيف تيتو انضفلة