Tweet
اعضاء المنتدى الكرام نفسى اشاركم فى موضوع وانا قبل كده اخدت رايكم فى مواضيع تخصنى واهمها موضوع خطوبتى اللى طرحته عليكم فى شهر رمضان وكان دايماً رايكم الصواب وان فيه بسعادة وربنا يدمها عليا الحمد لله
الموضوع باختصار
انا الحمد لله ربنا رزقنى بخطيبتى الحمد لله بسم الله ماشاء الله مش بتكلفنى فوق طاقتى عارفة ظروفى وقدرتى قد ايه ودايما مع بعض عارفة معايا كم وحانعمل بيهم ايه حتى لما الحمد لله جبنا الشقة جت فى استطاعتى مش كبيرة وفى منطقة متوسطة وهى كانت دايما بتقولى ماتحملش نفسك فوق طاقتك وماتكلفش نفسك كتير مع انى ممكن كنت اضغط على نفسى شوية وكنت ناوى اخد قرض من البنك علشان اجيب حاجة تليق بها و مستواها علشان ماتحسش انى خليتها اقل من المستوى اللى كانت عايشة فيه مع اهلها بس رفضت حتى لما بنخرج مع بعض بترفض اننا نقعد فى مكان غالى تطلب اننا نتمشى او نقعد فى مكان بسيط حتى فى العيد اللى فات كنت مجهز عيدية رفضت تاخدها بالعافية بتقولى نجيب حاجة فى الشقة افيد ولما اصرت انها تاخدها فوجئت بها جايبة مكتبة لطيفة لغرفة المعيشة حتى فى تظبيط الشقة دايما تختار الحاجة المتوسطة اللى تقضى الغرض
اجى فى الموضوع انا حاسس انى مقصر فى حقها انا اختى اتخطبت فى العيد وشايف خطيبها عامل معاها ايه هدايا نفسى اعوضها بحاجة بس مش عارف ايه؟؟؟وعيد ميلادها قرب بس خايف اجيب حاجة غالية لانها حاتضايق دايما بترفض لانها عارفة ظروفى وامكانياتى وانا شايف انى ظالمها
وشايف برده من معاملة مامتها انها مش عاجبها الوضع ده حتى الفرح لاننا حددنا حانتجوز امتى فى شهر تلاتة مامتها مش عاجبها انه حايكون قاعة فى حتة بسيطة لانها وحديتها ونفسها تفرح بها
المهم اعمل ايه ؟؟؟؟؟
الموضوع باختصار
انا الحمد لله ربنا رزقنى بخطيبتى الحمد لله بسم الله ماشاء الله مش بتكلفنى فوق طاقتى عارفة ظروفى وقدرتى قد ايه ودايما مع بعض عارفة معايا كم وحانعمل بيهم ايه حتى لما الحمد لله جبنا الشقة جت فى استطاعتى مش كبيرة وفى منطقة متوسطة وهى كانت دايما بتقولى ماتحملش نفسك فوق طاقتك وماتكلفش نفسك كتير مع انى ممكن كنت اضغط على نفسى شوية وكنت ناوى اخد قرض من البنك علشان اجيب حاجة تليق بها و مستواها علشان ماتحسش انى خليتها اقل من المستوى اللى كانت عايشة فيه مع اهلها بس رفضت حتى لما بنخرج مع بعض بترفض اننا نقعد فى مكان غالى تطلب اننا نتمشى او نقعد فى مكان بسيط حتى فى العيد اللى فات كنت مجهز عيدية رفضت تاخدها بالعافية بتقولى نجيب حاجة فى الشقة افيد ولما اصرت انها تاخدها فوجئت بها جايبة مكتبة لطيفة لغرفة المعيشة حتى فى تظبيط الشقة دايما تختار الحاجة المتوسطة اللى تقضى الغرض
اجى فى الموضوع انا حاسس انى مقصر فى حقها انا اختى اتخطبت فى العيد وشايف خطيبها عامل معاها ايه هدايا نفسى اعوضها بحاجة بس مش عارف ايه؟؟؟وعيد ميلادها قرب بس خايف اجيب حاجة غالية لانها حاتضايق دايما بترفض لانها عارفة ظروفى وامكانياتى وانا شايف انى ظالمها
وشايف برده من معاملة مامتها انها مش عاجبها الوضع ده حتى الفرح لاننا حددنا حانتجوز امتى فى شهر تلاتة مامتها مش عاجبها انه حايكون قاعة فى حتة بسيطة لانها وحديتها ونفسها تفرح بها
المهم اعمل ايه ؟؟؟؟؟
Comment