ماهو افضل سخان غاز صغير الحجم موجود فى السوق

[JAM]

انا عندى يونيفرسال 10 لتر ومكرهنى فى عيشتى علشان المياه لما بتكون حتى مش ضعيفة اوى
بصراحة انا كنت شفت واحد عند قريبى ونوعه بناسونيك يابانى.. وسالت على فى شركة مصر حلوان وقالولى انهم هيجيبوه قريب... بس سعره عالى حبتين... 1500 من حوالى 3 سنين ومش عارف كام دلوقتى.
بس بصراحة انسى... يعنى لو سرسوب مياه هتاخد درجة الحرارة اللى انتا عايزها

[hossam_elwani]

انا عندى يونيفرسال 10 لتر ومكرهنى فى عيشتى علشان المياه لما بتكون حتى مش ضعيفة اوى
بصراحة انا كنت شفت واحد عند قريبى ونوعه بناسونيك يابانى.. وسالت على فى شركة مصر حلوان وقالولى انهم هيجيبوه قريب... بس سعره عالى حبتين... 1500 من حوالى 3 سنين ومش عارف كام دلوقتى.
بس بصراحة انسى... يعنى لو سرسوب مياه هتاخد درجة الحرارة اللى انتا عايزها

طيب ومزعلك فى ايه على الرغم ان الميه زى ما بتقول مش ضعيفه ايه السلبيات ؟؟

[A_H_M_A_D]

أنا عندي كيريازي الصغير 5 لتر , بس مش كويس بيفصل لوحده كل شوية ولازم تقفل الحنفية و تفتحها تاني عشان يرجع يشتغل

[أحمد الجندى]

امال على كده ايه الكويس فى السوق ان كان كله بيشتكى من السخانات الجديدة اللى عنده؟!

أنا كنت ناوى اغير السخان بتاع المصانع الحربية اللى عندى بواحد جديد بس على كلامكم ده مش حاتفرق معايا كتير

[JAM]

طيب ومزعلك فى ايه على الرغم ان الميه زى ما بتقول مش ضعيفه ايه السلبيات ؟؟

السلبيات كتيرة وعلى سبيل المثال لا الحصر
لو المياه ضعفت لازم تغلق الدش خالص وبعدين تفتحه تانى علشان السخان يشتغل تانى
لو المياه ضعيفة والسخان لقطت وإشتغل المياه بتنزل سخنة بطرقة غبية لدرجة انها حملة حروق فى ايد بنتى الطفلة.. فا بصراحة اليونيفرسال دا سخان زبالة فعلآ.. وانا بقول كدة لإنى شوفت اليابانى وجربته.. وبحاول بإستماته إنى الاقيه

[أحمد الجندى]

طيب بما ان المصرى مضروب وممكن يسبب الاذى يبقى خلينا نشوف اليابانى اللى الناس بتشكر فيه ، ايه الانواع والاسعار واماكن البيع ؟

[aboomar22]

انا عندى يونيفرسال 10 لتر ومكرهنى فى عيشتى علشان المياه لما بتكون حتى مش ضعيفة اوى
بصراحة انا كنت شفت واحد عند قريبى ونوعه بناسونيك يابانى.. وسالت على فى شركة مصر حلوان وقالولى انهم هيجيبوه قريب... بس سعره عالى حبتين... 1500 من حوالى 3 سنين ومش عارف كام دلوقتى.
بس بصراحة انسى... يعنى لو سرسوب مياه هتاخد درجة الحرارة اللى انتا عايزها

صح ياباشا السخان ناشيونال اليابانى الان اسمه باناسونيك انا شفته من فترة وموجود فى شارع عبد العزيز او الاسواق الحرة بصراحة رائع رائع هو عشرة عمر معايا من 15 سنة ماشاء الله ياريت تلاقى منه هو كان غالى اظن زى حضرتك ماقلت حوالى 1500 هو 5 لتر لكن ممتاز واللى ليه حد فى الخليج ممكن يبجيبه لانه منتشر جدا هناك واظن ارخص من هنا كتير

[TaoTao]

عندي أوليمبك 6 لتر بدون مدخنة، أنا دورت عليه بالاسم لأني البيت عندي ماينفعش اركب مدخنة، السخان ممتاز وشكله عصري بس ماعرفش ظروفه مع ضغط المياه المنخفض. سعره كان في حدود 500 جنيه.
لو محتاج لسخان صغير عشان المدخنة تأكد من إنه مكتوب عليه "بدون مدخنة" لأن فيه نوع تاني 6 لتر عادي يحتاج لمدخنة.