هى TE data ضايعة اوى كدة ؟؟؟؟؟؟؟؟ اكتب تجربتك لو سمحت

[ashouhdy]

بقالى 2 سنة مع فودافون adsl بدفع 133جنية لسرعة 1ميجا بحد اقصى 20 جيجا

والخدمة بصراحة ممتازة والسرعة ثابتة وحلوة

جة العرض بتاع تى داتا ذى القنبلة 150جنية سرعة 2ميجا بحد اقصى 20جيجا

كلمت فودافون عشان الغى الخدمة (بغض النظر بقالى 21يوم بحاول الغى وهم يستهبلوا)

المهم

كتيير اوى حذرونى من تى داتا وانهم نصابين والسرعة بطيئة وتقعد تكلمهم ميردوش وان الناس بتهرب منها وهكذا


عايز اعرف منكم انا كدة بغلط ولا صح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

[رزق]

بص أنا باسمع شكاوي من طوب الارض
لكن أنا مشترك معاهم من بتاع 10 سنين (يعني مش قوي بس من أول مدخل ال dsl مصر) و لحد دلوقتي زي الفل مفيش مشاكل و واخد سرعتي و نادر جدا أما يحصل عطل
1 ميجا

[phantom0xx0]

معاهم من 2007 ، سرعة 2 ميجا
Download حوالي 200-210 K/sec
من 2007 لحد الأن دخلت tedata مره وحدة ساعة الإشتراك ،، و بعد كدة بدفع عن طريق انترنت

[wa7d_tany]

بقالي سنتين معاهم وقليل لما بيحصل مشاكل وبرضوا بدفع عن طريق النت

[Dr_Mido]

زى الفل طول مانت بعيد عن خدمه العملاء مشكلتهم الكبرى خدمه العملاء معادا ذلك كويسين انا بتعامل معاهمف ى المكتب وفودافون فى البيت الاتنين زى الفل

[gebreel]

يا جماعة سنترالات و سنترالات

انا شفت معاهم الويل في سنترال مدينة نصر 2 و خدمة العملاء بتاعتهم سيئة لأقصى درجة و نقلت ل لينك و مبسوط معاهم في نفس السنترال بالرغم من ان في ناس بتشتكي من لينك

لكن اللي اققدر ااكده هو ان فودافون مسمعتش ناس بتشتكي منهم و لو انا مكانك هخليني معاهم بصراحة

[Dr/ P.K.Sh]

انا معاهم من 10-2009 وهما كويسين انا 512 unlimited وبدفع فى اى فرع بى تك

[adel1212]

اسأل الناس اللى عندك فى المنطقة اخبار TE data اية عندهم
علشان عندى معلومة ان خدمة السنترال هى اللى بتفرق بالدرجة الأولى وبتختلف بأختلاف المناطق
وطول ما انت بعيد عن خدمة العملاء يبقى كله تمام
تحياتى

[رزق]

كلام السنترالات ده مظبوط 100%

[ashouhdy]

انا شايف ان كلكم شكرتم فيهم !! امال اللى بيتقالى دة من مين؟ فلول !!

[hafeztamer]

من اسوا الشركات من حيث خدمة العملاء

[yoko]

خدمة عملاء 0 من 10
خدمة كويسه بس عمري ما أخدت سرعتي كمله لكن مفيش قطع أو أي مشاكل 8من10
الدفع زحمة جدا وأنا دويتو فلازم شهر بشهرة ومفيش من النت

[aly_hosny]

انا مجربهم
اسوا خدمة عملة على الاطلاق
مماطلة و غباء بطريقة لا يمكن تتخيلها
لينك منزلة عرض ال 2 ميجا ب 115
شركة محترمة و خدمة عملا على اعلى مستوى

[ghareeb]

تى اى داتا هى افضل شركة انترنت فى مصر بالفعل لكن خدمة الانترنت الكويسة بتعتمد على كذا حاجة

اولا - خبرتك انت فى التعامل مع الانترنت لان بصراحة انا بقابل ناس صحابى كتير بيشتكوا من النت و بيكون العيب عندهم فى الجهاز ساء كان فيروس او اد ويير

ثانيا السنترال ده راجع إذا كانت الشركة الى بشترك فيها عندها خطوط كتير و زحمة فى السنترال و لا الدنيا ملائمة عشان كدة لازم تعمل كدة إستقصاء بسيط لجيرانك و صحابك و تشوف إية أحسن شركة و إشترك فيها

من ناحية تى أى داتا و خدمة العملاء هم فعلا صعب جدا لأن عدد العملاء عندهم كتيييييييير جدا و كل واحد فى مصر عندوا فيروس و مش فاهم بيتصل بيهم

[human]

فل الفله