الهاردات غلت ؟!!!!!!!

[Deshahcoka]

رجالة في ايه انا لسه شايف ده في منتى هوا الكلام ده بجد ؟

ده علي كده الأسعار عندنا في مولات مصر الجديده حلوه
wd 500gb = 550
wd 1000gb = 750
seagate 1000gb = 700
wd 2000gb = 950
أنا يا جماعه شغال في مول الأسيوطي في مصر الجديده علي فكره أرتفاع أسعار الهاردات عامل ركود جامد في سوق الكمبيوتر معظم الناس بتيجي تسمع سعر الهارد هوب تسمع الكلمه الشهيره هاشتري لما ترخص و في ناس بتشتري أجهزه من غير هاردات و تشغل أي هارد قديم عندها و طبعا التجار الحلوين بقوا بيلمولنا زباله العالم من الهاردات المستعمله اللي أرتفع سعرها هي كمان يعني صاحب الشركه جايبلي كرتونه هاردات wd160gb ما تعرفش منين وبسعر 280 جنيه للهارد علشان الناس تقدر تشتري أجهزه ده غير مشاكل العملاء اللي هاردتهم عطلت و شاريين بسعر قديم الوكيل يعملك أرتجاع بالسعر القديم 250 جنيه تيجي للعميل يقولك ماليش دعوه أنا شاري منك مش من التوكيل أنا عايز هارد بداله و هات يا مشاكل و محاضر
وعلي فكره من اللي شغالين في التوكيلات الأزمه في الهاردات لغايه شهر 1 أو 2 و متوقع وصول سعر الهارد الwd 500gb ل 750 جنيه ده كلامهم مش عارف أي حد محتاج هارد هايعمل أيه عامل زي الذهب
حسبي الله ونعم الوكيل

ده ال 2 تيرا كان ب 580 بيقلك 950 دلوقتي ؟ و ال تيرا كان ب 320 جنيه ؟!

اكيد بيهزروا صح ؟

[ahmed_mido1889]

الحوار اللي طالع ان مصنع ويسترن ديجيتال ولع

وده سبب غلاء الهاردات

[ACC.Eslam Arif]

غرق فى الفيضان مش ولع
وده مصنع وحد من حولى 5 مصانع لشركة


كلمة وحدة بس ده....... جشع تجار مصريين

[blazer]

دا اكيد استهبال
ما الهاردات دى كانت عندهم متخزنه

[ashouhdy]

المصرى حيفضل مصرررررررررررررى

[AhMeD EzZ]

بلاش جلد الذات دة يا جدعان

الهاردات اسعارها و لععععععععععععععت علي مستوي العالم و متوقع تستمر الازمة دي لشهر 7 /2012 او اكتر كمان و مش في مصر بس

و دة بسبب غرق مصانع الهادرات الي بتنتج اكتر من 65% من اجمالي الهاردات في العالم

و دي شوية اسعار من Amazon


500 Blue ب 98$ يعني خوالي 500
1 تيرا ب 185$ يعني حوالي 1150

Amazon.com Computer Parts & Components: CPUs, Processors, Motherboards, PC Memory, DRAM, Video Cards, Graphics Cards, Hard Drives, Bare Drives, Solid-State Drives, Power Supplies, Sound Cards, Cases, Cooling Fans, Heat Sinksand, more

[Deshahcoka]

ازاااااااااي ! ده كانوا برخص التراب و مش لاقين حد يشتري !

[aly_hosny]

الحمد لله الواحد لحق في الرخص
طب هو ويسترن ال غلي بس و لا كله "يعني سامسونج ايه نظامه"
و كروت الشاشة مش ناوية ترخص

[النوبي]

الحمد لله اشتريت 2 تيرا قبل رمضان 540 +80شحن وزعلت يومها علشان الشحن طلع غالي وضيع حلاوه السعر بتاع الهارد
دلوقتي الهارد مستعمل اغلي من مااشتريته جديد

[AhMeD EzZ]

الحمد لله الواحد لحق في الرخص
طب هو ويسترن ال غلي بس و لا كله "يعني سامسونج ايه نظامه"
و كروت الشاشة مش ناوية ترخص

كلة غلي

Samsung , Hitachi , Segate

و كروت الفيجا الله اعلم بس ممكن ترخص علي نص 12 لان في يناير الجيل الجديد جي من AMD

انصحك تستني لو ناوي لان الجيل الجديد جي باداء رهييييب 45% زيادة عن جيل 6xxx

[ACC.Eslam Arif]

على فكرة السوق نايم جدا بسبب الموضوع ده وماثر على باقى اسعار الهارد وير

[Deshahcoka]

و بعدين !:( انا زعلان قوي كنت عايز اشتري واحد كدة استفزاز ال 2 تيرا يبقى ب الفين جنيه من 500 تيت بجد !

[osama.m]

انا عرفت الموضوع دا من الاسبوع اللي فات ودي صور المصنع
12 ظ†ظˆظپظ…ط¨ط±طŒ 2011 | Facebook

بس اللي عايز اعرفة باقي الهاردوير .. الاسعار زادت بردو ولا قلت ولا زي ما هي ؟
لو قلت معنديش مشاكل اجمع جهاز من غير هارد

[AhMeD EzZ]

انا عرفت الموضوع دا من الاسبوع اللي فات ودي صور المصنع
12 ظ†ظˆظپظ…ط¨ط±طŒ 2011 | facebook

بس اللي عايز اعرفة باقي الهاردوير .. الاسعار زادت بردو ولا قلت ولا زي ما هي ؟
لو قلت معنديش مشاكل اجمع جهاز من غير هارد

زي ما هي ، ولو نزلت بيبقي نزل عبيط 10 و لا 20 حنيه

يعتبر اكتر حاجة نزلت من فترة نزول معقول هي الرامات

[ABDULLAH AHMED]

يا جماعة اللي عاوز هارد 2 تيرا Western Digital Elements 2TB External Hard Drive
انا اعرف واحد ممكن يجيبه من امريكا ب 750-800 جنيه
اللي عاوز يقولي