أمي مقتنعة إنها هتموت قريب ..لا حول ولا قوة إلا بالله

[Dr.Mostafa Anwar]

والدتي العزيزة رأت كذا رؤية أنها مع والدي رحمه الله وحكت لي وفسرت الموضوع أنها ستلحق به قريبا... وأسقط في يدي ولم أدرى ماذا أرد عليها وأنا الآن في حالة نفسية صعبة للغاية ولا أعرف كيف أتصرف في هذا الموضوع

أرجو منكم أن تشاركوني لعل يكون عند أحدكم كلمات تنفعني في مثل هذا الموقف

و لا حول ولا قوة إلا بالله

[EsmatKazem]

الاعمار بأيد الله... و بعدين قال تعالى "وما تدري نفس ماذا تكسب غداً وما تدري نفس بأي أرض تموت " فلا انت ولا ماما ولا حد يقدر يقول ماما هاتموت قريب ولا بعد عمر طويل.... مقصود كلامى.. استعيذ بالله من الشيطان و من وسوسته و اعلم جيدا انه لولا الموت ما كانت الحياه و ان الموت رحمه و راحه للمؤمنين... و يارب يسلمك انت و ماما و كل اللى بتحبهم يارب.

[egyptiandiver]

الاعمار بأيد الله

[abou-yahia]

ربنا يتم ليها علي خير
تعامل بايجابيه مع الموقف
انك تطمنئها وتقنعها انها اشاره جيده من الله سبحانه وتعالي لها
انها تزيد من احسانها في الاعمال في الفتره القادمه التي سواء طالت ام قصرت
فسيصب هذا في ميزان حسناتها
وذكر بقول الرسول عليه الصلاه والسلام انه اذا قامت الساعه وفي يد احدكم فسيله فليزرعها
وان تذذكر الاموات فهو دعوه لهم بلرحمه والمغفره من الله والذي سيكون له مردود ايجابي عليها
وربنا ان شاء الله يباركلك فيها

[Dr.Mostafa Anwar]

جزاكم الله خيرا

أرجو منكم الدعاء بظهر الغيب

[mohammadrashee]

الله يكون في عونك
انا في فتره من حياتي رأيت حلم وتم تفسيره أني سوف اموت قريبا
والأدهى والأمر أني رايت حلم آخر يؤكد الحلم الأول
وانقلبت حياتي رأساً على عقب وأخيرت زوجتي بهذا لكي ندبر الأمور ورتبت كل شىء حتى الغسل
ولم يحدث شىء ثم تكلمت مع شخص أثق في قدرته على تفسيره للأحلام
قال لي أن التفسير خاطىء تماماً وقال لي تفسير آخر
وقد حدث التفسير الآخر تماماً
فاحذر أن يتم تفسير الأحلام بالبلدي كما نحن متعودين
الأحلام بحر كبير تعمقت فيه بعد هذا الحلم واشتريت كتب كثيره وقرأت كثير جدا في هذا الموضوع
والخلاصه أن تفسير الأحلام لا يكون بالكتب انما هي قدره من الله عز وجل لبعض الأشخاص
فحاول تفسير هذا الحلم عند من يقدر ومن عنده هذه الموهبه من الله عز وجل
وعلى فكره حسب ما قرأت زيارة الموتى لا تعني أبداً أن هذا الشخص سوف يموت
لكن لها شروط معينه و حتى لو انطبقت بعض هذه الشروط من الجائز أن يكون تفشير الحلم ليس لمن رآه
الموضوع بحر واسع
وفي الآخر كرم الله عز وجل أكبر من كل شىء
والله أعلم

[AshTurbo]

أقعد وأتكلم معاها وقولها ده دليل على حبك لوالدي وأشتياقك ليه فربنا بيصبرك برؤيته وبعدين يا حاجة أنتي عاوزة تسيبيني وتمشي ينفع كده دانتي حبيبتي ونور عيني وبركتي في الدنيا وقولها كلنا هنموت يا أمي وماتدري نفس بأي أرض تموت وحاول تخرجها من المود ده ولو نفسها تتفسح غيرلها جو يمكن تخرج من الحالة اللي فيها أنت وهي وأن شاء الله خير وربنا يديها طولة العمر والصحة هي وكل أمهاتنا اللهم آمين .

[Dr.Mostafa Anwar]

الله يكون في عونك
انا في فتره من حياتي رأيت حلم وتم تفسيره أني سوف اموت قريبا
والأدهى والأمر أني رايت حلم آخر يؤكد الحلم الأول
وانقلبت حياتي رأساً على عقب وأخيرت زوجتي بهذا لكي ندبر الأمور ورتبت كل شىء حتى الغسل
ولم يحدث شىء ثم تكلمت مع شخص أثق في قدرته على تفسيره للأحلام
قال لي أن التفسير خاطىء تماماً وقال لي تفسير آخر
وقد حدث التفسير الآخر تماماً
فاحذر أن يتم تفسير الأحلام بالبلدي كما نحن متعودين
الأحلام بحر كبير تعمقت فيه بعد هذا الحلم واشتريت كتب كثيره وقرأت كثير جدا في هذا الموضوع
والخلاصه أن تفسير الأحلام لا يكون بالكتب انما هي قدره من الله عز وجل لبعض الأشخاص
فحاول تفسير هذا الحلم عند من يقدر ومن عنده هذه الموهبه من الله عز وجل
وعلى فكره حسب ما قرأت زيارة الموتى لا تعني أبداً أن هذا الشخص سوف يموت
لكن لها شروط معينه و حتى لو انطبقت بعض هذه الشروط من الجائز أن يكون تفشير الحلم ليس لمن رآه
الموضوع بحر واسع
وفي الآخر كرم الله عز وجل أكبر من كل شىء
والله أعلم

ربنا يكرمك...أنا قعدت معاها وحكيتلها كلامك ده واقتنعت بيه... وربنا يحفظ للجميع أمهاتم ووالديهم

جزاك الله خيرا

[Dr.Mostafa Anwar]

أقعد وأتكلم معاها وقولها ده دليل على حبك لوالدي وأشتياقك ليه فربنا بيصبرك برؤيته وبعدين يا حاجة أنتي عاوزة تسيبيني وتمشي ينفع كده دانتي حبيبتي ونور عيني وبركتي في الدنيا وقولها كلنا هنموت يا أمي وماتدري نفس بأي أرض تموت وحاول تخرجها من المود ده ولو نفسها تتفسح غيرلها جو يمكن تخرج من الحالة اللي فيها أنت وهي وأن شاء الله خير وربنا يديها طولة العمر والصحة هي وكل أمهاتنا اللهم آمين .

اللهم آمين...جزاك الله خيرا

[نور القمر]

بابا توفى من اكثر من 3 سنين وكذلك تيته والدته قبله ب 8 شهور
ومن يوم وفاتهم وانا بحلم بيهم على الاقل مرة اسبوعيا ومنها احلام اني طالعة عندهم او هم عندنا
وده دليل على تعلقي الشديد بهم وافتقادي لهم
وكان في حلم اني في مستشفى بزور قريبتي بتعمل عملية في ضهرها وجدتي ام ماما الله يرحمها جات لي في المستشفى وقالت لي هتموتي وانت راجعة من المستشفى
ويجي الحلم بعد كام شهر يتحقق وقريبتي دي والله العظيم يتحدد لها عملية في ضهرها واعتذرت لها انا مش هروح لك المستشفى عشان حلمت كذا كذا من مدة
ويوم العملية قلت العمر واحد والرب واحد ولو ربنا كاتب لي الموت هموت في سريري
وروحت ورجعت واديني حية ارزق
لكن ده ميمنعش اننا نعمل لحياتنا كأننا نعيش ابدا ونعمل لاخرتنا كأننا نموت غدا
ربنا يخلي لك الوالدة ويديها الصحة

[zago]

انا لو مكانك اقلب الموضوع تهريج


زمان وانا صغير كانت والدتي تعبانه
كنت كل شويه اخش الاوضه أقولها ( ماما أوعي تموتي لحسن ملقيش حد يعملي الاكل :))
اعوذ بالله طول عمري بتاع مصلحه
:)

[mohammadrashee]

ربنا يكرمك...أنا قعدت معاها وحكيتلها كلامك ده واقتنعت بيه... وربنا يحفظ للجميع أمهاتم ووالديهم

جزاك الله خيرا

الحمد لله اني قدرت اوصلها المعلومه ولوعايزني اكلمها كمان اشرحها الموضوع بالتفصيل انا تحت امرك

[shaddadfalcon1]

اكيد واحشها بس او بتفكر فيه كتيير عشان كده بتحلم بيه
قولها كده وعلي فكره احنا دايما لما حد يحلم انه مات الناس تقوله عمرك طويل مش عارف ليه الموضع ده بيبقي بالعكس في الأحلام

[Dr.Mostafa Anwar]

بابا توفى من اكثر من 3 سنين وكذلك تيته والدته قبله ب 8 شهور
ومن يوم وفاتهم وانا بحلم بيهم على الاقل مرة اسبوعيا ومنها احلام اني طالعة عندهم او هم عندنا
وده دليل على تعلقي الشديد بهم وافتقادي لهم
وكان في حلم اني في مستشفى بزور قريبتي بتعمل عملية في ضهرها وجدتي ام ماما الله يرحمها جات لي في المستشفى وقالت لي هتموتي وانت راجعة من المستشفى
ويجي الحلم بعد كام شهر يتحقق وقريبتي دي والله العظيم يتحدد لها عملية في ضهرها واعتذرت لها انا مش هروح لك المستشفى عشان حلمت كذا كذا من مدة
ويوم العملية قلت العمر واحد والرب واحد ولو ربنا كاتب لي الموت هموت في سريري
وروحت ورجعت واديني حية ارزق
لكن ده ميمنعش اننا نعمل لحياتنا كأننا نعيش ابدا ونعمل لاخرتنا كأننا نموت غدا
ربنا يخلي لك الوالدة ويديها الصحة

:) واضح إن الموضوع شائع عند الجنس اللطيف... شكرا جزيلا على ردك والأمور كويسة دلوقتي الحمد لله

[Dr.Mostafa Anwar]

انا لو مكانك اقلب الموضوع تهريج


زمان وانا صغير كانت والدتي تعبانه
كنت كل شويه اخش الاوضه أقولها ( ماما أوعي تموتي لحسن ملقيش حد يعملي الاكل :))
اعوذ بالله طول عمري بتاع مصلحه
:)

ههههه أحلى مصلحة اللى تاخدها من والديك ...لأنهم بيعطوها بحب