انابيب الغاز والجيش؟

[yoko]

طبعا أنا مش عاجبني تصرفات كتير للمجلس العسكري
وعارف إن الناس هتقعد تتهم فيا بعد الموضوع ده بس لازم نفرق ولما حد يغلط نقول غلط ولما يعمل حاجة صح نشكرة
النهارده وأنا ماشي في الأتوستراد عند طره كده الناس كانت طالعة بالأنابيب الفاضيه وقافلين الطريق عشان خاطر مفيش أنابيب والدنيا خربانه
المهم وأنا راجع بعدها بساعة ونص لقيت بوكس شرطه وتريليتين مليانين انابيب غاز متبرشمه وكذا ضابط جيش وبينزلوا الأنابيب للناس بصراحة أشكرهم على الحكايه دي وأشكر الي طلع الأمر ده (هو أكيد مش المجلس العسكري الي فكر في الموضوع ده ولا الي إدى أوامر) بس أشكر الي طلع أوامر بالموضوع ده أيا كان موقعة في الجيش

[hussein]

يعنى هما يمنعو الحاجه عن الناس ويطهقهوهم فى عيشتهم ولما يقطعو الطريق و يستجيبو تحت ضغط يبقى كتر خيرهم؟؟
العربيتين دول ماطلعوش من زمان ليه؟؟؟

[yoko]

يعنى هما يمنعو الحاجه عن الناس ويطهقهوهم فى عيشتهم ولما يقطعو الطريق و يستجيبو تحت ضغط يبقى كتر خيرهم؟؟
العربيتين دول ماطلعوش من زمان ليه؟؟؟

هما الناس مكنتش قفل الطريق هما كانوا واقفيين على جمب وأنا كنت ماشي عادي
أما هما منعوا أو مش منعوا معرفش السبب الي سبب الأزمة بس الي أنا شايفه إن في أزمة وفيه حد إتصرف

[zago]

وبالنسبه للغاز اللي بيروح اسرائيل ؟

[A7MED_PHARMA]

الغاز المصري لازم يوصل لكل محافظات مصر يازاجو
المنوفية - الدقهلية - كفر الشيخ - تل أبيب -الجيزة - القاهرة .... إلخ
وده حق لكل مواطن
والحق ده بيكفله المجلس العسكري بحيادية تامة

[yoko]

حقوكوا عليا يا جماعة ومحسسني إني مبسوط إن الغاز بيتباع لإسرائيل
أكيد طبعا مش عاجبني لكن انا بقول إنهم إتحركوا وبيحالوا يحلوا المشكله لا قلت أقل من كده ولا أكتر
وللعلم الغاز بتاع الانابيب غير الغاز الطبيعي الي بيجي للناس لحد البيت أو الي بيتصدر لإسرائيل (يا رب يولعوا بيه)

[shaddadfalcon1]

احيانا ده بيبقي بسبب جشع الناس نفسها اللي بتاخد الانابيب وتبيعها بسعر عال يعني عندنا الانبوبه ب 5 من المخزن و ب 7 من الراجل اللي بيلف ولو قلت شويه يبيعوها ب 10

مش معني ان الناس طالعه تشتكي ان المجلس او المسئول عارف ومطنش جايز بالنسبه ليه كل حاجه ماشيه تمام وتكون كده فعلا بس اخر واحد اخد الانابيب موزعهاش وبيغليها علي الناس

[A7MED_PHARMA]

أسعار الأنبوبة هنا بــ 35 ج

محدش يعرف رقم أتصل عليه علشان أبلغ عن الحاجات الي زي دي؟؟

[elnakshabandy]

سعر انبوبة الغاز40 ج فى عين شمس الغربيه
بس انا مبحبش الاستغلال فاشتريت بوتوجاز كهرباء وامرى الى الله
حسبى الله ونعم الوكيل فى اللى يعطل مصالح الناس

[أبو صلاح]

سعر انبوبة الغاز40 ج فى عين شمس الغربيه
بس انا مبحبش الاستغلال فاشتريت بوتوجاز كهرباء وامرى الى الله
حسبى الله ونعم الوكيل فى اللى يعطل مصالح الناس

كنت داخل اقول نفس الكلام
40 ج يا عالم يا مفترية
حسبي الله ونعم الوكيل

[shaddadfalcon1]

ياواقعه منيله
40 جنيه !!! واحنا بنتخانق معاهم عشان بيبعوها ب 10

[أبو صلاح]

ياواقعه منيله
40 جنيه !!! واحنا بنتخانق معاهم عشان بيبعوها ب 10

ده فين وانا ابعت اعبي 3 انابيب ؟

[hemalotfy]

احنا من قبل العيد ومش لاقين انابيب والانبوبة بضرب الجزم 25 جنيه ومش موجوده
عامله زي ازمة الحشيش

[shaddadfalcon1]

ده فين وانا ابعت اعبي 3 انابيب ؟

كفر الدوار

[الغزالى]

طيب قولو الحمد لله بئى انا الحج وقف 12 ساعه عند المستودع ... عشان ياخد بون عشان يبدل بيه الانبوبه لما تبئى تيجى .. حد شاف كدة قبل كدة .... وعندنا الانبوبه ب 50 جنيه وبيتنك كمان .... ربنا ياخد الى كان السبب يارب ..