ساعدونى عقد عمل

[Col. Eng. Khaled]

حتى لو زعلان على فراقك هيبقى من جواه فرحان ان ابنه وقف على رجليه و ما بقاش محتاج له و مطمئن عليك و انك راجل ملو هدومك مسافر و شغال

الله يفتح عليك

مشاعر الوالد أنا مقدرها جدا و حاسسها لإن إبني - إن شاء الله - سنتين تلاتة ممكن يكون زيّك

و من مدة بيمُر السناريو ده قدام عيني و ربنا يستر عليا لإن - إن شاء الله - بردو مش متخيّل ألاقي نفسي عقبة قدام مستقبله .

راضي والدك قدر المستطاع و إن شاء الله ربنا معاك .

[أبو صلاح]

هما 5 الف ريال دول هناك زى 5 الف جنيه هنا كده
ا

بص بالنسبة لتحويل العملة 5000 ريال = 8000 جنيه
لكن قيمة الريال هنا او القوة الشرائية تقريبا زي الجنيه
لو ربنا كرمك ومعاك زوجتك آخرك هتصرف 1500 ريال ويبقى كتير كمان
لو لوحدك بقى انت وظروفك على حسب طبيعة معيشتك
يعني أكلك فين في البيت ولا في الشارع ؟
ملابسك ومكوتك في البيت ولا مغسلة
نظفة الشقة بنفسك ولا حد ييجي ينظفهالك
الخ

[minicooper20]

الله يفتح عليك

مشاعر الوالد أنا مقدرها جدا و حاسسها لإن إبني - إن شاء الله - سنتين تلاتة ممكن يكون زيّك

و من مدة بيمُر السناريو ده قدام عيني و ربنا يستر عليا لإن - إن شاء الله - بردو مش متخيّل ألاقي نفسي عقبة قدام مستقبله .

راضي والدك قدر المستطاع و إن شاء الله ربنا معاك .

اهم حاجه اسافر و هو راضى ده هدفى والله لو فيه نصيب
لان انا مقدرش اخطى خطوه من غير رضاه و اكيد هو هيبدى مصلحطى

بص بالنسبة لتحويل العملة 5000 ريال = 8000 جنيه
لكن قيمة الريال هنا او القوة الشرائية تقريبا زي الجنيه
لو ربنا كرمك ومعاك زوجتك آخرك هتصرف 1500 ريال ويبقى كتير كمان
لو لوحدك بقى انت وظروفك على حسب طبيعة معيشتك
يعني أكلك فين في البيت ولا في الشارع ؟
ملابسك ومكوتك في البيت ولا مغسلة
نظفة الشقة بنفسك ولا حد ييجي ينظفهالك
الخ

طيب و لو لوحدى اصرف كام
هجيب حد ينظف و يغسل و يكوى و اكلى هيكون من بره
و لو العكس
بس بينى وبينك انا فاشل فى اى حاجه فى البيت

[أبو صلاح]

طيب و لو لوحدى اصرف كام
هجيب حد ينظف و يغسل و يكوى و اكلى هيكون من بره
و لو العكس
بس بينى وبينك انا فاشل فى اى حاجه فى البيت

انت فاشل
الغربة هتعملك غصب عنك علشان انت طالع توفر فلوس مش تصرفها
طبعا لو اعتمدت على الاكل من بره والمغاسل والخدم في النظافة طبعا ملهاش حد لان كل واحد ليه مستوى معين مش بيقل عنه

وبعدين ياباشا انت وقت الشغل مش هيسمحلك تعمل حاجات زي ما انت متخيل
الاكل مفيش اسهل من تجهيزه في البيت (في ناس بتجهز اكل الاسبوع كله وتحطه في الثلاجة على التسخين)
الغسل لو غسالة اوتوماتيك يبقى 10/10 لو نص اوتوماتيك شغال برضه هتبقى مرة في الاسبوع نص ساعة
النظافة مكنسة وعيش حياتك مرة كل اسبوعين عكت خالص منك امرك لله هات واحد يمسح وينظف كل شهر مثلا

[MoHaMed HaMeD]

ربنا يوفقك ياريس وصلى استخاره وانا برده الارجاء بتعاتى بكره ربنا معانا ان شاء الله ومترشح ظابط ههههههههههه

[amr_lamor]

بص....الراتب كويس ماشاء الله زمتنساش ان ده اول شغل ليك....زبعدين مكه متهيألي رأيي هيختلف كمان

[minicooper20]

انت فاشل
الغربة هتعملك غصب عنك علشان انت طالع توفر فلوس مش تصرفها
طبعا لو اعتمدت على الاكل من بره والمغاسل والخدم في النظافة طبعا ملهاش حد لان كل واحد ليه مستوى معين مش بيقل عنه

وبعدين ياباشا انت وقت الشغل مش هيسمحلك تعمل حاجات زي ما انت متخيل
الاكل مفيش اسهل من تجهيزه في البيت (في ناس بتجهز اكل الاسبوع كله وتحطه في الثلاجة على التسخين)
الغسل لو غسالة اوتوماتيك يبقى 10/10 لو نص اوتوماتيك شغال برضه هتبقى مرة في الاسبوع نص ساعة
النظافة مكنسة وعيش حياتك مرة كل اسبوعين عكت خالص منك امرك لله هات واحد يمسح وينظف كل شهر مثلا

طيب ماهو الاكل البيتعمل فى البيت ده مش بعرف اعملو بس نقضيها مكرونه و تونه و ربنا يستر

ربنا يوفقك ياريس وصلى استخاره وانا برده الارجاء بتعاتى بكره ربنا معانا ان شاء الله ومترشح ظابط ههههههههههه

انا وانتا ظباط هههههههههههه

بص....الراتب كويس ماشاء الله زمتنساش ان ده اول شغل ليك....زبعدين مكه متهيألي رأيي هيختلف كمان

ربنا يخليك

[M.Moustafa]

باشا انا مع احترامي الكامل ليك ولكل الناس اللي نصحتك للسفر انا هقولك العكس تماما ما تسافرش وهقولك ليه:

1- واضح من مشاركاتك انك ابن ناس وانك بتحب تمنجه نفسك وبالمرتب اللي انت بتتكلم عليه ده وبالذات بدل السكن اللي مش عارف هوا حسبهولك بناءا على ايه لان الطبيعي ان بدل السكن بيكون شهرين للعازب و3 شهور للمتزوج ومتزعلش مني لو انت مش واخد على البهدلة 12 الف دول مش هيسكنوك غير في شقة اقل من متواضعه في مكة او جدة.

2- لو شغل والدك كويس وبيطلعلك نص المرتب اللي انت هتاخده في السعودية هقولك خليك في مصر لو انت شايف ان الدنيا بتطور معاك وانت فاهم الشغل لانك لسه في بداية حياتك فبدل ما تطور في شغل الغير طور في شغل والدك اللي هوا بالتدريج هيبقى شغلك وفلوسك.

3- مع احترامي الكامل لابو صلاح 1500 دول لو انت متجوز هيكفوك مصاريف بيت وبس لكن انت راجل هتتجوز وتجب مراتك من مصر للسعودية وعشان تعوض عنها الغربة هتلاقي نفسك على الاقل بتدفع قدهم تاني خروج وفسح ولبس وتليفونات وانترنت.

نصيحتي ليك فكر لقدام شوية لو الشغل مع والدك بيكبر وانت بدات تفهمه وعندك افكار تكبره اكتر يبقى خليك مع والدك، لكن لو شايف ان السفر احسنلك هيبقى هنصحك ان على الاقل خالص يظبطلك بدل السكن يخليه 3 شهور من المرتب عشان حتى كل ما تزيد كل سنة بدل السكن يزيد معاه وبالتالي حتى لو بدات سكنت في شقة على قد الحال تقدر تنقل بعد كده.

على فكرة انا بكلمك من خبرة اني شغال هنا في السعودية من 2004 وعايش في السعودية من 1991 بس بلعن اليوم اللي ابويا مفكرش يعملني فيه حاجة في مصر او كان عنده شغل خاص بيه في مصر عشان الواحد يبقى شغال بينمى في ماله بدل ما بينمي في مال غيره.

[أحمد كمال]

هو 12 الف بدل ده سنوي و لا شهري ؟؟؟؟ اصل لو سنوي يبقى فعلا قليل جدا جدا جدا

[M.Moustafa]

شهري ايه بس يا عم احمد في حد هيكون بياخد مرتب اساسي 5000 ريال وياخد 12 الف ريال بدل سكن شهري.

لو كده انا مستعد اروح اشتغل الشغلانه دي وفورا بلا برمجيات بلا نيلة.

[أبو صلاح]

يا جماعة 12 الف مش قليل زي ما انتوا متخيلين
لسه واحد قريبي مسافر السعودية وقاعد في الرياض
ومأجر شقة في حي النسيم
هي غرفتين بس وصالة وحمام ومطبخ
بيدفع 8500 كل سنة

هو مش لازم يجيب شقة كبيرة لانه اصلا مش هيقعد فيها لان الشغل بيسحل

وبالنسبة 1500 مصاريف في الشهر (ليك ولزوجتك) فعلا كويس ده بخلاف الفسح والرفاهيات الباهظة لكن تاخد بالك انك جاي غربة علشان تحوش مش علشان تسرف
ممكن يبقى فيه شوية رفاهيات لكن خير الامور الوسط

[Nistelrooy]

انتا عملت اية شكلها مافيش سفر الاخر وهترافقنا في الجيش :(

[minicooper20]

طبعا انا بشكر كل الناس الردت انا الراجل عرف انى قبلت فى الجيش ثالى انا مستعد استناك لحد متخلص الجنه الطبيه
و منتظر ردى يوم 15 12 باذن الله
انا استفدت كتير من الردود ربنا يخليكو
ادعولى فى الجنه الطبيه بقا

[M.Moustafa]

يا جماعة 12 الف مش قليل زي ما انتوا متخيلين
لسه واحد قريبي مسافر السعودية وقاعد في الرياض
ومأجر شقة في حي النسيم
هي غرفتين بس وصالة وحمام ومطبخ
بيدفع 8500 كل سنة

هو مش لازم يجيب شقة كبيرة لانه اصلا مش هيقعد فيها لان الشغل بيسحل

وبالنسبة 1500 مصاريف في الشهر (ليك ولزوجتك) فعلا كويس ده بخلاف الفسح والرفاهيات الباهظة لكن تاخد بالك انك جاي غربة علشان تحوش مش علشان تسرف
ممكن يبقى فيه شوية رفاهيات لكن خير الامور الوسط

معلش حضرتك اتاكد من رقم 8500 ده لانه رقم مش موجود في الرياض كلها وانا عارف بتكلم ازاي حتى لو في النسيم، اذا كان المنفوحة اللي هيا العمارة لو فتحت الشباك هتقعد في حجر جارك الشقق فيها ب 12 وساعات اكتر كمان.

عموما انا قولت رائي من وجهة نظري لاني ليا راي في موضوع الغربة ده ان السنين اللي بتروح منك في الغربة دي في الاول والاخر سنين بضيع من عمرك فزي ما انا عايز احوش برضه لازم اعيش حياة كويسه لاني مش عارف هرجع امتى ولما ارجع برضه الفلوس اللي عملتها دي هبقى خايف اصرفها في مصر عشان مش هعرف اجيبها تاني.

عشان كده بقول دايما الواحد يوازي بين انه يعيش حياة كريمة يستمتع فيها بحياته وبرضه يحوش فلا يبقى اسراف ولا برضه يبقى تبذير.

[Nistelrooy]

انتا رايح لجنة طبية عليا لية ؟ وان شاء الله اعفا ..