هديه لزوجتك

[Hossam_Hassan]

الحكوووووووووووووومة
يبقي كدة عرفنا الاجابة يا سيادة اللواء:):)

أيووووووون الحكومة، انا اقول كلمة الحق و ميهمنيش لا أعتقال و لا غيره، لحد امتى هنفضل سلبيين و متكتفين و ساكتين، لازم كلنا نتحرك علشان نوقف الحكومة عند حدها، ياريت كلكم يا اخوانى تتجمعوا علشان نقف وقفة رجل واحد و أنا هخلص المواعين و احصلكم

[dr_3eshoo]

عمري ما جبتلها هديه علشان انا مش متجوز :):)

[memo_hefnawy]

أولا تحية كبيرة أوى لحبيبى شريف شاكـــــــــــــر :)

يا رافع من معنوياتى بس خلى بالك ماتقولش الكلام ده كثير أحسن ناس هاتحسدك هههههههه

بالنسبة لسؤال أختنا أم مالك الإجابة عليه بسيطة جدا :
-----------------

هو مفيش حد هو السبب الأساسى فى العكننة و النكد لأن أحيانا ممكن يكون أى طرف من الطرفيين

لكن إحقاقا للحق الطرف الأكثر نكدا عادة بيكون الزوجة لأن الست بطبعها متقلبة المزاج ممكن تصحى من النوم مقريفه لوحدها كده بدون سبب مجرد إنها مكتئبة
هنا بيظهر دور الرجل إنه يحتويها و مش يثقل عليها

يعنى المفرود إنه حبل رايح جاىُ حبة يرخى و حبة يشد المهم مايتشدش كثير ولا يترخى كثير

[MTAK]

لكن إحقاقا للحق الطرف الأكثر نكدا عادة بيكون الزوجة لأن الست بطبعها متقلبة المزاج ممكن تصحى من النوم مقريفه لوحدها كده بدون سبب مجرد إنها مكتئبة
هنا بيظهر دور الرجل إنه يحتويها و مش يثقل عليها

اه يا ميمو
انت كده بتعلن عن حرب جديدة عليك
هو انت لسه خلصت من حرب بين الاطلال و اذكرينى :)

بس على فكرة كلامك صح فى الاحتواء
الزوج و الزوجه حياتهم عبارة عن احتواء للبعض
لا يوجد منهم من يكون سبب اساسى للعكننه
و كما يحتوى الرجل زوجته فى حالتها المزاجيه الصعبة
من باب اولى ان تحتويه زوجته"لكثرة ما يتعرض له الرجل من مواقف تعكنن عليه حياته من عمل و مشاغل و ظروف حياه---انها المسؤليه"

[Karim_Monir]

والله سبقتتني يا محمد باشا
لان الزوجة هيا اللي بتهون على الواحد القرف اللي بيشوفوة برة البيت
خاصة اذا كانت هيا ليها مملكتها لوحدها واقصد بيه بيتها
ماتجيش هيا كمان تزود على الراجل كمية الضغوط اللي بيشوفها جوة وبرة
اكيد هاتكون هيا اول واحد بينفجر في وشها
خاصة ان الست الذكية هيا اللي بتعرف تحتوي الراجل لان كل منا بداخلة طفل صغير محتاج للمسة المرأة

محمود ماتسعش كلام شريف كتير
ده هايجوزك ويقعدك جنبة في ال .......
نيييييهههههه

[Noha.M]

على فكرة انتو ظالمين الستاااات

احنا على طول بنجييب او انا على طووول بجييييييب لما اتخرب بيتي !!!! بعدين قلت اوفر فلوسي بصراحة و كفاية لحد كدة اوى

المفروض هو باة يجيب شوية

[Hossam_Hassan]

على فكرة انتو ظالمين الستاااات

احنا على طول بنجييب او انا على طووول بجييييييب لما اتخرب بيتي !!!! بعدين قلت اوفر فلوسي بصراحة و كفاية لحد كدة اوى

المفروض هو باة يجيب شوية

كده انت اثبتى كل الكلام اللى اتقال على الستات، عارفة ليه؟ علشان مفيش راجل هيستنى مراته تردله الهدية :boxing_smiley:
نيييييييهههههههه

[Ahmed Selim]

محمود يا رومانسى
و حياتك بعد أول عيل حتيجى تقعد على الدكة معايا أنا وكريم و تنسى الرومانسية

شاركى .......... هو لسه فى مكان على الدكة جنبكو ؟؟؟؟؟؟؟؟ :-)

[Sharky]

اهلا بيك يا أحمد
شوف كده كريم هو المسئول عن الدكة و الحجز فيها :)

[hamedo0]

كده انت اثبتى كل الكلام اللى اتقال على الستات، عارفة ليه؟ علشان مفيش راجل هيستنى مراته تردله الهدية :boxing_smiley:
نيييييييهههههههه

في جون يا سياده اللواء

ميمو انت كلامك صح في ان الازم الحبل لا يتشد اوى ولا يترخي اوى
وسمع كلام شريف وعيش شويه اقبل القفص الذهبي

[Ahmed Selim]

اهلا بيك يا أحمد
شوف كده كريم هو المسئول عن الدكة و الحجز فيها :)

كريم باشا
أنا كنت بسأل على مكان فاضى على الدكة لو أمكن :-)

[Abonora]

والله سبقتتني يا محمد باشا
لان الزوجة هيا اللي بتهون على الواحد القرف اللي بيشوفوة برة البيت
خاصة اذا كانت هيا ليها مملكتها لوحدها واقصد بيه بيتها
ماتجيش هيا كمان تزود على الراجل كمية الضغوط اللي بيشوفها جوة وبرة
اكيد هاتكون هيا اول واحد بينفجر في وشها

شوفتوا بقى فى كلام استاذ كريم اول ما يكون الراجل تعبان او زهقان شويه فى شغله بينفجر فى زوجته وهى المفروض انها تستحمل زوجها وتحتويه ايا كان حالتها المزاجيه فى هذا الوقت
يبقى مين بقى بالله عليكم اساس العكننه فى البيت

[Abonora]

ده سؤال سهل جدا

اساس العكننة هى الحكومة و زيادة الأسعار

اعتقد ان اساس العكننه هو السيد الاستاذ رئيس الوزراء:)

[Abonora]

على فكرة انتو ظالمين الستاااات

احنا على طول بنجييب او انا على طووول بجييييييب لما اتخرب بيتي !!!! بعدين قلت اوفر فلوسي بصراحة و كفاية لحد كدة اوى

المفروض هو باة يجيب شوية

طب هو جاب وال لسه:):)

[Karim_Monir]

شوفتوا بقى فى كلام استاذ كريم اول ما يكون الراجل تعبان او زهقان شويه فى شغله بينفجر فى زوجته وهى المفروض انها تستحمل زوجها وتحتويه ايا كان حالتها المزاجيه فى هذا الوقت
يبقى مين بقى بالله عليكم اساس العكننه فى البيت

هيا طبعا لانهم ما بيقدروش امتي بيكون هو مخنوق وتضايق وامتي بيكون كويس وتقدر تطلب منه او يجيبلها او يستحملها
مش اول ما يكون متضايق يا اخت ام مالك
ماهو بيشيل كتير برة وجوة
مش ناقصة نكدة وعكننة كمان
وفي الاخر ترجعو تقولو ما بيجيبش هدايا ليه
الا ممكن تبعتيلنا تليفون الاخ ابو مالك عشان حاجزينلة مكان معانا في قهوة المتزوجون
-------

كريم باشا
أنا كنت بسأل على مكان فاضى على الدكة لو أمكن :-)

يا باشا الدكة تساع من الحبايب الف
بس يكونو رجالة بس ويكون عدى على جوازهم اكتر من 6 شهور
مش شرط الخلف وان كان بيديلك مكان مميز على الدكة باعتبار انك بتعاني الامرين(من المر يعني)
المستندات المطلوبة
1-قسيمة جواز
2-شهادة ميلاد طفل (مكان مميز)
3-شهادة ميلاد طفلين(مكان سوبر)
4-اثبات عكننة (هايبقي باين على وشك خلقة)
5-20 جنيها رسم استضافة (اول مرة مجانا)

وتنور يا باشا من بعد 8 الى تاني يوم الصبح حسب وقتك وشغلك
العنوان ممكن رسالة على الخاص عشان الحزب النسائي مراقب المنتدي اليومين دول
وزيادة اطمئنان ابعتلي رقم موبيلك وهابعتلك رسالة مشفرة بالمكان
وكلمة سر الليل (كفارة يا ريس)
نييييييييييييههههههههههههههههههههههههههههههههههههه