إعـــــــلان

Collapse

.

,
See more
See less

>>>سلسلة كبسولات قانونية – ما حدش يضحك عليك ويقولك عقد ايجار قديم

Collapse
X
 
  • Filter
  • الوقت
  • Show
Clear All
new posts

  • >>>سلسلة كبسولات قانونية – ما حدش يضحك عليك ويقولك عقد ايجار قديم

    ما حدش يضحك عليك ويقولك عقد ايجار قديم

    كبسولات قانونية – ما حدش يضحك عليك ويقولك عقد ايجار قديم


    ضمن سلسلة مقالات الثقافة القانونية
    بقلم المستشار ق/ هانى عادل


    السلام عليكم ورحمة الله وبركاته
    ببساطة وكل وضوح
    ما فيش حاجة اسمها عقد ايجار قديم !!!!

    @ازاي يا عم ؟
    خلصت خلاص ..
    واي حد ييجي يقولك حاكتب لك عقد ايجار
    ونعمله بتاريخ قديم
    او على ورق عقد ايجار املاك بتاع زمان الحلو ده .
    عشان تقعد وتبرطع في الشقة براحتك .
    وحتدفع بس قرشين كده .. كام ألف .. زي خلو رجل ..
    بس اسمع .. حيتخصموا من الايجار ..
    وكمان حاكتبه ليك مشاهره ..

    ده واحد .. وانا أأأسف في اللفظ بيشتغلك ..


    @بيشتغلني .. مش ممكن .. قول كلام غير ده .

    اي عقد بعد 31-1-1996
    هو عقد خاضع للقانون المدني ..
    وخارج اطار ونطاق وحدود قانون الايجار الغير طبيعي وغير شرعي
    المدعو
    الايجار القديم ..

    @ايه ده ؟ طب نعمل ايه يعني .
    انا عارف انك عايز تدخل شقة وتلبد فيها ..
    عشان تستقر.. وتعيش في تبات ونبات .. وتخلف كتاكيت وكتكوتات.


    @الله ينور عليييييييك .
    مش بقولك ..
    اللي مطلوب منك اولا انك تستعين بعد الله بمحامي .. صاحبك قريبك .. خالك عمك ..
    المهم حد بيفهم بجد في القانون .. وشغال في المهنه ..

    @موجود.
    وتشوف صاحب البيت .. عنده استعداد يأجر مدة طويله .

    @ازاي بقه من غير عقد ايجار قديم ؟
    يا عم اسمع بس ..
    عقد الايجار الجديد ممكن يتكتب بأي مبلغ ..
    وبأي مدة

    @ايه ده ؟ بجد .. هوا مش تسع سنين بس ؟!
    مين اللي قال كده يا عبقري .

    @هوا . .
    تسع سنين ده رقم .. محدد عند الشهر العقاري لاثبات تاريخ عقد الايجار ..

    @واكتر من كده ما ينفعش..
    لا .. ينفع .
    بس باجراءات تانية .. عشان تسجل العقد .
    المهم ..
    انك تقدر تكتب في العقد الجديد مثلا 50 سنة .
    والايجار بيزداد كل فترة بنسبه محدده ..
    وتاخد عليه صحة توقيع ..
    بعد ما تتأكد ان اللي مضى هو المالك الفعلي ..
    يعني ما عندوش شركاء .. على المشاع مثلا ..
    او ليه شركاء ..
    وهو النسبه الحاكمة .


    @بس صاحب البيت عايزني اطلع عواميد الشقة وابنيها كلها .
    حبيب قلبي !!!
    يا سلااااااااااااااااااااااااااااااااااااااااام
    انت جيب على الحته اللي كان نفسي اسمعها منك .
    خد دي .

    @ابعت يا طيب .
    اي مبلغ ..
    واي اجراء ..
    واي همسه ..
    تنكتب في العقد .

    @ازااااااي؟
    زي الناس .. لو انت حتكمل الشقة او تبنيها او تصرف عليها في اي شئ ..
    ينكتب في العقد .

    @بس العقد ما فهوش مكان اكتب ده كله .
    انا عارف اني حيجيلي شلل منك.
    يا سيدي اكتب عقد كاااااااااااااامل على الكمبيوتر
    العقد المطبوع ده اصلا مش المفروض يتباع ..
    لان العقد لازم اللي يكتبه ويشرف عليه محامي .. وبدرجة ابتدائي على الاقل .

    @آآآآه .
    الحمد لله ..
    وتكتب العقد الجميل .. ويتظبط .. ويتراجع .. وتتفاهم .

    @طب اعذرني .. ليه ده كله .. ما هو عقد وخلاص.
    لا يا حلو
    لان حييجي وقت .. في المستقبل .. انت او ولادك .
    ويقولوا
    كاااااااااااااان يا مكان .. في سالف العصر والاوان .. ابونا منه لله .. صاحب الملك ضحك عليه ..
    وكان السبب في طردنا من البيت اللي صرفنا فيه فلوسنا .

    @حيدعوا عليا ؟!!
    طبعا .. مش انت اللي استهترت .
    لازم تكتب كل فلوس بتدفعها .. وكل شئ اتفقتوا عليه ..

    النفووووووووووووووووووووووس بتتغير
    والورق ثابت .
    وممكن بعد سنة اتنين عشره ..
    ييجي صاحب الملك .. او اولاده ..
    يقولك بره يا خفيف ..
    او تدخل في قضايا تحرق دمك سنين .. وانت مهدد بالطرد من بيييييييييييتك .
    افهم بقه يا سيدي الفاضل


    @لا يا عم الحكاية كبيره باين .. انا أجيب محامي احسن يمشى في السكه دي معايا . ممكن تيجي معايا ..
    مش فاضي الحقيقة .
    (شكله حيتعب اعصابي)


    ==ارجو ان تكون الامور وضحت بشكل مبدئي للسادة القراء .. وقد آثرت وضعها في هذا الشكل كحوار .. ليكون اكثر
    بساطه في الفهم للمواطن العادي ..

    وأذكركم ان الرسول عليه الصلاه والسلام .. والقرآن قد أمرنا كل منهم ان نكتب العقود ولا نهمل فيها .

    بالتوفيق باذن الله وشقة سعيده عليكم ..


    احترامي

    المستشار ق/ هانى عادل
    محام أمام محكمة الاستئناف المصرية العليا
    ومترجم قانونى
    lawyer.hany03@gmail.com
    [CENTER][B]محام ومستشار قانوني بمحكمة الاستئناف المصرية العليا
    ماجستير في القانون وباحث دكتوراه
    hany.a.legalcounsel@gmail.com
    [/B][/CENTER]

  • #2
    .................................................. ............
    [CENTER][B]محام ومستشار قانوني بمحكمة الاستئناف المصرية العليا
    ماجستير في القانون وباحث دكتوراه
    hany.a.legalcounsel@gmail.com
    [/B][/CENTER]

    Comment


    • #3
      الله ينور
      السلسله هتكمل فى الموضوع هنا!
      لكل داء دواء يســتطاب به اْلا الحماقة أعيت من يداويها
      يخاطبنى الســـفيه بكل قبح فأكره أن أكون له مجيبا
      يزيد ســـفاهة فأزيد حــلما كعود زاده الاْحراق طيبا

      Comment


      • #4
        ياة لو كل بتوع القانون عاملين زي سيادتك كدة!!!
        مصطفى إسماعيل

        mostafaismail سابقا

        Comment


        • #5
          تمام تمام

          الف شكر لك .. انا انتبهت لحجات كتير ماكونتش واخد بالي منها

          لكن كنت عايز اعرف .. ايه هو صحة التوقيع دة ؟ بيتعمل فين يعني وسهل ولا معقد وهل بيحتاج صاحب الملك في اجرائاته

          و على كل حال انا اتخذت قرار هنفذه في اي عمليه فيها عقد قانوني . وهو لابد من الاستعانه بمحامي جيد

          ولو اني مابثقش فيهم وليهم سوابق معايا مش حلوه .. بس هحاول على قدر المستطاع تأمين نفسي

          متابع باقي الكبسولات

          وشكراً مرة أخرى
          [CENTER]سبحانك ربي .. لا اله الا انت[/CENTER]

          Comment


          • #6
            متابع
            ومنتظر الجرعة
            قصدى الكبسولة الجاية
            اهم مواضيعى عن الريجاتا : بداخل عضويتى
            عدنا بكل قوة للرابطة .. م / Hussein
            مبرمج ومالك لشركة برمجيات وتصميم مواقع الانترنت

            Comment


            • #7
              طيب ما تكمل باقي الاجراءات بدل ما نقع في محامي من المحامين الهواه

              نبقي عارفين ايه اللي هيحصل بعد كده

              ده بعد اذنك طبعا
              ممتنع عن المشاركه

              Comment


              • #8
                كلام حلو ومتزن وعجبنى واحيك بشده
                انا خريج حقوق عين شمس السنه دى
                [CENTER][B][I][FONT=Tahoma][COLOR=SeaGreen][SIZE=4]يارب عفوك ورضاك
                [/SIZE][/COLOR][/FONT][/I][/B]
                [FONT=Comic Sans MS][SIZE=5][COLOR=Purple]MoHaMeD[/COLOR][/SIZE][/FONT][FONT=Comic Sans MS]
                [/FONT] [FONT=Comic Sans MS][COLOR=Blue][SIZE=4] [COLOR=Black][SIZE=5]HaMeD[/SIZE][/COLOR][/SIZE][/COLOR][/FONT]
                [/CENTER]

                HaMeD_73 سابقاً

                Comment


                • #9
                  متابع
                  جروب مالكى وعاشقى لانسر كريستاله
                  https://www.facebook.com/groups/lancer.egypt.1996.2000/

                  Comment


                  • #10
                    شكراا لحضرتك

                    Comment


                    • #11
                      المشاركة الأصلية كتبت بواسطة l0new0lf مشاهدة المشاركة
                      الله ينور
                      السلسله هتكمل فى الموضوع هنا!

                      عليك يا غالي
                      السلسلة هتكون موضوعات منفصلة

                      ويا ريت الادارة تثبت باب للناحية القانونية او الاستشارات المجانية فوق

                      تحياتي
                      [CENTER][B]محام ومستشار قانوني بمحكمة الاستئناف المصرية العليا
                      ماجستير في القانون وباحث دكتوراه
                      hany.a.legalcounsel@gmail.com
                      [/B][/CENTER]

                      Comment


                      • #12
                        متشكرين علي الافادة سيادة المستشار
                        صورة التوقيع كبيرة جداً بما يخل بتنسيق الصفحة.
                        الرجاء تصغير الصورة و إعادة رفعها مرة أخرى.

                        Comment


                        • #13
                          شغل عالي نرجو التثبيت
                          اللهم ارحم والدي الرحمة الواسعة وأموات المسلمين أجمعين وأكتب لنا رفقتهم في جنة الفردوس يا كريم يارحيم يا الله

                          Comment


                          • #14
                            المشاركة الأصلية كتبت بواسطة mostafaismail مشاهدة المشاركة
                            ياة لو كل بتوع القانون عاملين زي سيادتك كدة!!!

                            فيه كتير واحسن مني بالطبع

                            شكرا
                            احترامي
                            [CENTER][B]محام ومستشار قانوني بمحكمة الاستئناف المصرية العليا
                            ماجستير في القانون وباحث دكتوراه
                            hany.a.legalcounsel@gmail.com
                            [/B][/CENTER]

                            Comment


                            • #15
                              الف شكر على الموضوع ياباشا
                              [CENTER][sor2]http://www10.0zz0.com/2011/02/23/13/799582098.gif[/sor2][/CENTER]
                              [CENTER][SIZE=3][B]ورايــــــا[/B][/SIZE][/CENTER]

                              Comment

                              Working...
                              X