تفاصيل العملية الجراحية للاب بتاعى :)

[Mahmoud Nagieb]

السلام عليكم يا شباب

انا من فترة كده كنت جبت لاب توب جديد xps 17 وكان كاستميز ... وكنت علشان اقلل التكلفة جبته بشبكة وايرليس فقط من غير بلوتوث .... المهم طبعا مع الاستخدان اتضح انى كنت غلطان وانى محتاج البلوتوث معايا وكمان قوة الاستقبال بتاعة الوايرليس مكنتش عجبانى (الشريحة Intel centrino N 1000)

المهم قولت اتفزلك شوية واغير الشريحة بتاعى الxps باللى موجودة فى اللاب التانى hp علشان فيها بلوتوث وكمان استقبالها اقوى ... الشريحة التانية Broadcom 4313

للاسف قابلت مشكلة ان اللاب ال xps يتاعى شريحة الوايرليس بتاعته تحت الكيبورد مش زى معظم اللابات التانية جنب الهارد والرامات .... وبصيت على طريقة فك اللاب كانت مرعبة بالنسبة لى ... بس قولت يا واد جمد قلبك وتيجى زى ما تيجى (اللاب من امريكا وملهوش ضمان هنا)

المهم فكيت اللاب ال hp وجبت منه شريحة الوايلريس ال Broadcom وبعدين قعدت افك ال xps لحد لما وصلت لشريحة الوايرليس ال Intel وبعدين بدلتهم وركبت كل حاجة مكانها

طبعا العملية مش بالسهولة ده ... لان اللاب ال xps فكيته كله علشان اوصل للشريحة اللى تحت الكيبورد (كفاية اصلا منظر اللاب وهو متقطع يعينى)

خلونا نشوف الصور كده :



Uploaded with ImageShack.us



Uploaded with ImageShack.us



Uploaded with ImageShack.us



Uploaded with ImageShack.us



Uploaded with ImageShack.us



Uploaded with ImageShack.us



Uploaded with ImageShack.us



Uploaded with ImageShack.us



Uploaded with ImageShack.us



Uploaded with ImageShack.us



Uploaded with ImageShack.us



Uploaded with ImageShack.us



Uploaded with ImageShack.us



تقييم الاداء:

ما شاء الله الدنيا شغالة زى الفل والبلوتوث شغال و الوايرليس ادائه تمام .... بصراحة الموضوع كان يستحق التعب والمجازفة

وان شاء الله نتقابل مرة تانية لما اجى ابدل البروسيسور ... بعد عمر طويل ان شاء الله

[ahmadyusuf]

ايه ده , انا اول مره اعرف ان كروت اللاب توب كمان الـ Socket بتاعها و مقاسها بيكون Standard

بس انت جريء اوى , يعنى ممكن احط اى كارت لاب توب فى واحد تانى ؟

[tareksakr]

الحمد لله نتيجة العملية كانت مرضية جدا انت زيي قلبك جامد وبتحب تعمل كل حاجة بايدك

[DreAmO]

برنس يابني والله

ان شاء الله هبقى اجبلك اللاب بتاعي تركبله حنفيه ميه .. حنفيه واير ليس لو امكن

رائع

[Eng.Geo]

حوووووووووووودة :)
مبروك نجاح العملية
انا مكنتش أعرف ان لابك نسخة من لابي للدرجادي :)

[msa142]

انا غيرت البروسيسور بتاعى من سيليرون لكور تو ديو .. واللاب شغال عادى جدا جدا ماعدا مشكلة مسامير متبقية ولحد دلوقتى محتفظ بيهم ومش عايز افتحه تانى عشان اركبهم .. بس بصراحة هيا متعة لما تشوف الجهاز بيشتغل وكل حاجة تمام .. والى يعمل الخطوة دى يكون قلبه ميت

[eng.m7md.ali]

ابويا لو شافني بعمل كدة في اللاب بتاعي ممكن يخبطني بيه هههههههههههههههههههههههههههه

[karim fathy]

انا اول مرة اعرف ان ممكن اغير بروسيسور اللاب طب محدش يعرف اسعار
انا عندى سيلرون لو هجيب كور تو ديو يعمل كام

[karim fathy]

انا غيرت البروسيسور بتاعى من سيليرون لكور تو ديو .. واللاب شغال عادى جدا جدا ماعدا مشكلة مسامير متبقية ولحد دلوقتى محتفظ بيهم ومش عايز افتحه تانى عشان اركبهم .. بس بصراحة هيا متعة لما تشوف الجهاز بيشتغل وكل حاجة تمام .. والى يعمل الخطوة دى يكون قلبه ميت

اتكلفت كام يا باشا لو سمحت

[Mahmoud Nagieb]

برنس يابني والله

ان شاء الله هبقى اجبلك اللاب بتاعي تركبله حنفيه ميه .. حنفيه واير ليس لو امكن

رائع

[COLOR="rgb(72, 61, 139)"]

عاوزها ساقع وسخن ولا ساقع بس

[/COLOR]

ايه ده , انا اول مره اعرف ان كروت اللاب توب كمان الـ Socket بتاعها و مقاسها بيكون Standard

بس انت جريء اوى , يعنى ممكن احط اى كارت لاب توب فى واحد تانى ؟

[COLOR="rgb(72, 61, 139)"]المفروض يعنى كلهم يشتغلوا
[/COLOR]

حوووووووووووودة :)
مبروك نجاح العملية
انا مكنتش أعرف ان لابك نسخة من لابي للدرجادي :)

[COLOR="rgb(72, 61, 139)"]انت ناسى يا جيو انهم اخوات ... بس بتاعى اخوه الكبير
[/COLOR]

انا غيرت البروسيسور بتاعى من سيليرون لكور تو ديو .. واللاب شغال عادى جدا جدا ماعدا مشكلة مسامير متبقية ولحد دلوقتى محتفظ بيهم ومش عايز افتحه تانى عشان اركبهم .. بس بصراحة هيا متعة لما تشوف الجهاز بيشتغل وكل حاجة تمام .. والى يعمل الخطوة دى يكون قلبه ميت

انا عاوز برضه اغير البروسيسور ل i7 .... بس هستنى سنة كده ولا حاجة يكون رخص

وبصراحة هيا فيها رهبة فى الاول ... بس دلوقتى عادى كانى بفتح التلاجة يعنى

[Mahmoud Nagieb]

ابويا لو شافني بعمل كدة في اللاب بتاعي ممكن يخبطني بيه هههههههههههههههههههههههههههه

انا ابويا اول مشافنى بدات فى الفك ... قالى يبنى حرام عليك وبتاع

شوية وانا بفك فيه مسمار راسه بوشت منى ... ومنفعش معاه اى مفك من اللى عندى ... روحت جايب الصاروح وقصيت راس مفك علشان يبقى على الراس المبوشة ... ابويا شاف كده ... راح شادد فيشة الصاروح وقاللى ده شكلها هربت منك

[د/أحمد ابراهيم]

موضوع جميل بجد

كنت هفك مرة اللاب بتاع اخويا بس تراجعت في اخر لحظة (مش ناقصة خساير)

بس بجد لو حد يعرف تكلفة القطع الداخليه وموضوع التوافق بينها يبقى الموضوع تحفة

[hani945]

فى 2003 فكيت جهاز لابتوب ديل والحمد لله مكانش فيه مسامير زيادة تم نسيانها أثناء تقفيل الجهاز
البروسيسور اللى فى اللاب كان 2.4 كاش 512 ركبته على الجهاز الديسكتوب على بوردة سولتيك وكان شغال زى الفل ، والحرارة الصادرة منه كانت أقل من البروسيسور اللى كان فى الجهاز الديسكتوب

[msa142]

اتكلفت كام يا باشا لو سمحت

انا جالى البروسيسور على باب بيتى ب 280 جنيه .. وسعره على موقع ايباى 15 دولار !! مع العلم انا فى محافظة السويس وركبته بنفسى عشان انا شغال فى الصيانة من اولى اعدادى .. لو حضرتك فى القاهرة يبئى الموضوع سهل .. حضرتك تنزل على اى محل صيانة لابتوبات والبروسيسور هيتكلف فى حدود من 100 الى 500 حسب السرعة الى حضرتك عايزها كمان فى ملحوظة بيقف عليها الشغل دا كلو socket البروسيسور بتاع جهاز حضرتك دا ممكن تعمل عليه سيرش وتشوف بيركب عليه سرعات لحد اد ايه

[medododo]

مبروك وربنا يحفظهولك يارب