سؤال فى البيع والشراء اختصاص اهل الدين

[Mshawky]

واحد صحبى محتار جدا فى مشكله بتقابله ومش عارف يحلها ازى وموقفه حاله جدا

اول حاجه الراجل ده كان بيجيب بضاعه من الصين وكان الصبلاير بتاعه بيدهاله على انها اصليه وانتو عارفينهم هناك طبعا ابو الكدب كله المهم الراجل ده اتاكد ان المنتج مش اصلى اوى ولكن فى نفس فعاليه الاصلى شكلا وموضوعا ولا يتفرق ابدا الفرق بس انه مش من المصدر الرسمى فى امريكا للمنتج ده

ولما ابتدى يعرف الناس كده ان المنتج مش من المصر الاصلى وانه بيتباع على انه منتج هاى كوبى حاله وقف طبعا لانه بيتقى الله جدا وخايف يغش حد فهو محتار جدا وحاله واقف مش عارف يعمل ايه


والمشكله الاكبر الناس تيجى تساله هل المنتج اصلى ولالا ؟ مبيبقاش عارف يرد رغم ان الصبلاير بره يقولى اصلى ولكن هو مش مقتنع طبعا


المهم هو دلوقتى يعمل ايه بما انها ارتبط مع تجار كتير ومحلات بنزول الشغل ومجرد الشغل وصله هو محتار وخايف يغش حد رغم ان المنتج فعال وشغال وعليه ضمان من الشركه وكل شيىء فيه تمام لكن ديه النقطه فقط هو يخشى الغش التجارى


ياريت الاجابه الشافيه العلميه لعل الله يفتح له من ابواب الخير ويجعل له مخرجا

[Khaled Seif]

بسم الله والحمد لله والصلاة والسلام على رسول الله وبعد

السلام عليكم ورحمة الله أخي الحبيب

أجيب حضرتك بما علمني الله ورسوله صلى الله عليه وسلم من فقه البيوع

علمنا رسول الله صلى الله عليه وسلم أنه يحل لأحد يبيع شيء به عيب إلا بينه

وقد كان أحد الصحابة يبيع ناقة له فكلما جاء أحد يشتري يسأله الصحابي تريد الظهر أم

اللحم ( أي هل ستستخدمها لنقل الأشياء أو ستذبحها للطعام )

فإن قال للظهر فيقول له لاتشتريها فإنها لاتثبت على أربع

فقال له من حضرته إنك بهذا لايتم لك بيع , قال وكني عاهدت رسول الله صلى الله عليه

وسلم على النصح لكل مسلم

وغير هذا الكثير أخي في الله

فعلى صاحبك هذا جزاه الله خيرا وزاده الله ورعا , أن يبين ما في هذه السلعة من نوعية

لها وكذا وكذا , وأن عليها ضمان وأنها مثل الأصلي ولكنها ليست الأصلي

فمن أن أن يشتري فبها ونعمت حتى يحافظ على دينه من الوقوع في الغش الذي حذر منه

المصطفى صلى الله عليه وسلم

[محمد عز]

منقول

الحمد لله والصلاة والسلام على رسوله الكريم ، وبعد
فقد انتشرت في مجتماعتنا ظاهرة السلع المقلدة لماركات عالمية معروفة، شنط نسائية، أحذية، ملافع ، وشالات، وكلها تحمل العلامة التجارية أو الأسم التجاري للماركة ،،،
والمرأة كعادتها جبلت على حب الزينة ، قال تعالى:{ أومن ينشأ في الحلية وهو في الخصام غير مبين} قال أهل التفاسير: هي المرأة تلبس الحلي مذ تكون طفلة
فما حكم الشرع في شراء هذه السلع، أو المتاجرة بها ، أو تصنيعها?
في البداية نشير إلى قرار مجمع الفقه الإسلامي بشأن الحقوق المعنوية
إذ نص على " الاسم التجاري ، والعنوان التجاري ، والعلامة التجارية ، والتأليف والاختراع أو الابتكار هي حقوق خاصة لأصحابها أصبح لها في العرف المعاصر قيمة مالية معتبرة لتمول الناس لها . وهذه الحقوق يعتد بها شرعًا فلا يجوز الاعتداء عليها".
فإذا كان التقليد بحيث يكتب على هذه الشنط العلامة التجارية أو الاسم التجاري الخاص بتلك الماركات بغير إذن منها، فهذا تزوير واضح وهو حرام شرعا لأنه تعد على حق الشركات في العلامة والاسم التجاريين، وهما حقان ماليان معتبران ، فلا يجوز الاتجار أو شراء أو صنع الماركات المقلدة لأنه مشاركة في الاعتداء، مالم تجزه الشركات صاحبة هذا الحق
لقوله تعالى:{ ياأيها الذين آمنوا أوفوا بالعقود}، وبيننا وبيهم قوانين تنظم التجارة الدولية ومن بينها حماية العلامة التجارية والحقوق الفكرية عامة
وعصمة مال المسلم والكافر غير الحربي كعصمة دمه، وكما قال عليه الصلاة والسلام :" لاضرر ولا ضرار"
أما المحاكاة، بأن أصنع أو أشتري بضاعة مشابهة للبضائع المعروفة وليست مطابقة لها تماما ، كما يصنع الصينيون اليوم على سبيل المثال مع عدم وضع العلامة التجارية فهذا مما أجاز المعاصرون التعامل به
والله تعالى أعلى وأعلم

لا يجوز الاعتداء على العلامة التجارية أو الاسم التجاري الخاص بتلك الماركات بغير إذن من أصحابها، وإلا فهو تزوير واضح، وهو حرام شرعاً لأنه تعد على حق الشركات في العلامة والاسم التجاريين، وهما حقان ماليان معتبران، وللشركة صاحبة العلامة التجارية متابعة ومقاضاة من يقلدون شعارها إن لم تكن أذنت لهم في ذلك.
ولا تجوز المتاجرة في مثل تلك المواد المقلدة، لئلا يكون شريكاً لأصحابها في الإثم وعوناً لهم على الباطل، كما أن كثيراً منها لا تراعى فيه الجودة وأسباب السلامة فيضر الناس.
وبناء عليه فلا تجوز المتاجرة فيها ولو لمن يبين كونها تقليداً، وقد نص أهل العلم على أن الآخذ من الغاصب أو السارق أو المعتدى مثلهم ما دام يعلم أنهم قد اعتدوا على حق غيرهم، وللفائدة انظر الفتوى الموضحه أعلاه.
والله أعلم.

[MohssenRashed]

سؤال بس عشان بيحصل معايا كتير في مجال عملي. هو المنتج تقليد ولا مصنع في الصين للمورد الامريكي؟؟؟؟

لو تقليد لازم يقول حتى لو عليه ضمان لكن لو مصنع تاني مفيش مشاكل لأن ده بيبقى توفير من جهه المورد عشان العماله رخيصه في الصين لكن الجوده بتكون واحده لأن ده سمعه المورد.

ارجو اكون قدرت افيدك.

[Mshawky]

سؤال بس عشان بيحصل معايا كتير في مجال عملي. هو المنتج تقليد ولا مصنع في الصين للمورد الامريكي؟؟؟؟

لو تقليد لازم يقول حتى لو عليه ضمان لكن لو مصنع تاني مفيش مشاكل لأن ده بيبقى توفير من جهه المورد عشان العماله رخيصه في الصين لكن الجوده بتكون واحده لأن ده سمعه المورد.

ارجو اكون قدرت افيدك.

هو انا كنت فاكر زى حضرتك انه مكتب وسيط فى التصدير وبيجيب المنتج من المصنع هناك لان الشركه الام ليها مصنع فى الصين فعلا ولكن اتضح ليا ان هما بيصنوعها فى مصانعهم خارج مصنع الشركه الام ولكن نفس القوه والفاعليه وكل حاجه عايز اقولك المنتج محدش يقدر يفرقه ابدا لولا المصداقيه مع الله بس

ولكن هو منتج مفيد وشغال وبه كل العلامات والضمانات وكل حاجه فمش عارف اعمل ايه واول ماقولت للناس ده نفس المنتج بس تنصيع شركه تانيه وقف حاله ومحدش بقا ياخد حاجه منه

[medododo]

ينزل في السعر شوية ويقول الحقيقة

[MohssenRashed]

هو انا كنت فاكر زى حضرتك انه مكتب وسيط فى التصدير وبيجيب المنتج من المصنع هناك لان الشركه الام ليها مصنع فى الصين فعلا ولكن اتضح ليا ان هما بيصنوعها فى مصانعهم خارج مصنع الشركه الام ولكن نفس القوه والفاعليه وكل حاجه عايز اقولك المنتج محدش يقدر يفرقه ابدا لولا المصداقيه مع الله بس

ولكن هو منتج مفيد وشغال وبه كل العلامات والضمانات وكل حاجه فمش عارف اعمل ايه واول ماقولت للناس ده نفس المنتج بس تنصيع شركه تانيه وقف حاله ومحدش بقا ياخد حاجه منه

هو المفروض يوضح الكلام ده عشان كده يبقى غش.

معلش بدون زعل هو الغلطان من الاول عشان متأكدش من الشركه الام ( امريكا ) ان هو ده الوسيط Distributor لأن دي اول حاجه لازم تعملها و انت بتتعامل من الصين.

[Mshawky]

هو المفروض يوضح الكلام ده عشان كده يبقى غش.

معلش بدون زعل هو الغلطان من الاول عشان متأكدش من الشركه الام ( امريكا ) ان هو ده الوسيط distributor لأن دي اول حاجه لازم تعملها و انت بتتعامل من الصين.

يعنى الحل انه يعرف الناس لا مفر ؟

[MohssenRashed]

يعنى الحل انه يعرف الناس لا مفر ؟

أيون.... لأن لو هو مقالش و اللي اشترا عرف ان ال Origin صيني و مضروب هيعمل مشاكل.

[Mshawky]

جزاكم الله كل خير

[mohamedbook]

قال رسول الله صلي الله علية وسلم
التاجر الأمين الصدوق مع الشهداء يوم القيامة .
الراوي: عبدالله بن عمر المحدث: الألباني - المصدر: صحيح الترغيب - الصفحة أو الرقم: 1783
خلاصة حكم المحدث: حسن صحيح
ط§ظ„ط¯ط±ط± ط§ظ„ط³ظ†ظٹط© - ط§ظ„ظ…ظˆط³ظˆط¹ط© ط§ظ„طط¯ظٹط«ظٹط©

[ahmed4000]

من ترك شئ مخافتى ابدلته خيراً منها