تجربتي لمالكي مواتير مياه منازل و غيرهم و تخلص من مشاكل البالونة

[Bishoy.Girgis]

أحبائي اعضاء نادي نايل موتورز الموقريين

أحب انقل ليكم تجربتي في الجديد في ماتور المياه الخاص بي بالمنزل بعد عناء استمر لمدة كبيرة

الايام ديه نلاقي ان الكثير من المنازل يمتلكون مواتير المياه و السبب طبعا اننا في ادوار عالية

المهم طبعا حصل كذا مرة تغيير البالونة الداخلية للماتور حوالي 3 مرات لكن دون جدي يمكن كنت بغيرها كل 5 او 6 شهور لغاية ما زهقت و قولت اشتري البالونة كلها الخارجية اللي هي بتبقي لونها ازرق لكن للاسف مقعدتش 3 شهور و برده الماتور ابتدأ يخلي المياه تروح و تيجي و مش ثابتة

المهم سمعت عن جهاز جديد من حوالي شهر يمكن يكون من زمان بس لسه عارفه قريب بس بجد جهاز خطير و اللي بيحصل انه :

السباك بيشيل كل حاجه من فوق الماتور يعني البالونة و الاوتوماتيك و مبيفضلش غير ماتور المياه فقط لا غير

اشتريت جهاز بيركب بدل البالونة و الاوتوماتيك و هعرض عليكوا صور الكتالوج بس اعذروني لأني للاسف مصورتوش الا بعد ما السباك بهدله ..

الجهاز علي فكرة في منه انواع كتيره و اسعار كتيره

في منه الصيني نوعيات و مستويات كتيرة و بيعمل في حدود 150 جنيه
أنا جبت الايطالي عامل 250 جنيه حاجه محترمة هو عبارة عن علبة لونها اسود و الغطاء فضي و مكتوب فوقيه Made In Italy و تحت الكلمة مفتاح مكتوب عليه Restart

كل اللي شافه الجهاز شكره فيه و قاله انه فعلا حاجه محترمة

مميزات الجهاز

1- الجهاز بيقوم تشغيل الموتور و ضخ المياه في حالة فتح حنفية المياه من اي مكان في البيت ثم يفصل الموتور عند خلق الحنفية

2- عند انقطاع المياه يقوم الجهاز بفصل الكهرباء عن الموتور لحين عودة المياه مره اخري و بيقوم بعمل تيست صغير كل 10 دقائق للتاكد من وجود المياه من عدمها .

3- الجهاز لا يعمل في حالة ان المياه قوية في المواسير .

اليكــــــم الصـــــــور من واقع الكتالوج

يارب يكون التقرير عجبكوا و اكون أفادتكم بتجرتبي

أخوكم

بيشوي PEACEMAN

[oousaoo]

+1111111111111111111111111111+

[smsm2015]

طيب الجهاز ده اخى العزيز اسمه ايه يعنى لما احب اشتريه اقول للراجل ايه لانى ساكن فى اخر دور والمياه مدوخانى برده وحضرتك جبته منين ... والف شكر لحضرتك ..

[abou-yahia]

شكرا

[Bishoy.Girgis]

طيب الجهاز ده اخى العزيز اسمه ايه يعنى لما احب اشتريه اقول للراجل ايه لانى ساكن فى اخر دور والمياه مدوخانى برده وحضرتك جبته منين ... والف شكر لحضرتك ..

الجهاز ده اسمه "أفوماك" ده اسم الجهاز مش نوعه و بصراحة السباك هو اللي جابه من القاهرة من مكان مخصص لموضوع المواتير اعتقد في العتبة .
بس خلي بالك من حاجه ان الجهاز اللي هتجيبه تشوفه هيطلع مياه لغاية كام متر عشان كل جهاز و له سعة معينة بيطلعها للادوار يعني انا اللي جبته بيطلع مثلا 15 متر يعني 5 ادوار

شكرا

لا شكر علي واجب

[mesaharaty]

الله عليك وعلى أفكارك

بس السؤال :
فى حالة إستخدامه هل بيتم الإستغناء عن المجموعة اللى بتبقى بعد الموتور (مؤشر البار - البالونة - الأوتوماتيك ) ولا كمان اللى بتبقى قبله (السيكس بلف) ؟
أرجو الإفادة

[Bishoy.Girgis]

الله عليك وعلى أفكارك

بس السؤال :
فى حالة إستخدامه هل بيتم الإستغناء عن المجموعة اللى بتبقى بعد الموتور (مؤشر البار - البالونة - الأوتوماتيك ) ولا كمان اللى بتبقى قبله (السيكس بلف) ؟
أرجو الإفادة

بتم الاستغناء عن كل حاجه بعد الماتور "المؤشر و البالونة و الاوتوماتيك" زي ماهو موضح بالصورة ديه بالظبط .. حاجه 100% بصراحة

الجهاز اللي مكتوب عليه Controller هو ده فقط بعد الماتور مباشرة و منه للشقة مباشرة

[sas5]

شى جميل جدا بافكر اغير البالونه التى لدى
بس فيه شى مهم لازم تكون السباكه جيده لانه لو كانت اى حنفيه بتنقط سوف يستمر فى العمل بدون توقف.

هل ياتى هذا الجهاز معاه مؤشر لضغض المياه ام لا

[Bishoy.Girgis]

شى جميل جدا بافكر اغير البالونه التى لدى
بس فيه شى مهم لازم تكون السباكه جيده لانه لو كانت اى حنفيه بتنقط سوف يستمر فى العمل بدون توقف.

هل ياتى هذا الجهاز معاه مؤشر لضغض المياه ام لا

الجهاز فعلا فيه مؤشر ضغط المياه

[smsm2015]

الجهاز ده اسمه "أفوماك" ده اسم الجهاز مش نوعه و بصراحة السباك هو اللي جابه من القاهرة من مكان مخصص لموضوع المواتير اعتقد في العتبة .
بس خلي بالك من حاجه ان الجهاز اللي هتجيبه تشوفه هيطلع مياه لغاية كام متر عشان كل جهاز و له سعة معينة بيطلعها للادوار يعني انا اللي جبته بيطلع مثلا 15 متر يعني 5 ادوار

لى استفسار اخر هل لاقيت فرق فى قوة المياه وشدتها بعد ما ركبت الجهاز ده عن قبل ما تركبه اى مع البالونه والاتوماتيك لانى بصراحة عندى نفس المشكلة فى العمارة اللى انا فيها خصوصا مع السخان مجننى و شكرا اخى الفاضل على ردك جزاءاك الله كل خير

[Bishoy.Girgis]

لى استفسار اخر هل لاقيت فرق فى قوة المياه وشدتها بعد ما ركبت الجهاز ده عن قبل ما تركبه اى مع البالونه والاتوماتيك لانى بصراحة عندى نفس المشكلة فى العمارة اللى انا فيها خصوصا مع السخان مجننى و شكرا اخى الفاضل على ردك جزاءاك الله كل خير

أولا متشكرنيش لأني واجب عليا اني اعرض تجربتي علي منتدي نايل موتورز بيتي الثاني ..

بص يا باشا هقول لك علي كام حاجه كده :

1- ضخ المياه فرق كتير عن البالونة و يكفي ان الموتور بيفضل شغال لغاية ما بقفل الحنفية لأن فعلا السخان عندي كان بيرخم جدا مع البالونة و كانت البالونة بتغلق السخان ساعة ما بتقل المياه فكنت ساعة مباخد دش كنت بضطر افتح حنفية تانية عشان تفضل المياه تضخ لكن الجهاز ظبط الدنيا.

2- انا ساكن في الدور السابع بس الموتور متركب في الدور الثاني فجبت الجهاز بيضخ 15 متر و فعلا طلع 100%

3- الموتور عندي من 7 سنين و كنت جايبه كالبيدا ايطالي 1 حصان

4- انا كان عندي سخان رخم يونيفرسال 6 لتر و كنت بعمله صيانة يمكن كل كام شهر فبيعته و اشتريت سخان اوليمبيك 6 لتر بس بصراحة تحفة

الجهاز ده من الاخر تمام اخر حاجه ..

[yascro]

متابع باهتمام

[aboomar22]

انا جبت موتور جديد كالبيدا وجيت اسال على البالونة والاتوماتيك قالى لا خلاص مالهمش لازمة وركبت الجهاز ده لا كويس صحيح كفاية لما المية تقطع بيقصل كهرباء

[fepsceasar]

موضوع مفيد ورائع

[tkamal]

طيب استشارة

تم تغير خط المياة فى الحى واصبحت المياة لا تصل الا فى الليل والصباح الباكر فقط

عايز اركب ماتور كالبيدا لعدد 3 شقق فى البيت الدور اول بلكونه تانى وثالث بلكونه

الماتور يكون كام حصان ؟