حد بيعرف في الكلاب (اللولو) d:

[HeMa_LanCeR]

محدش يفهمني غلط
انا مطلوب مني اجيب كلب لولو هدية لبنت
والمشكلة اني معرفش عنهم اي حاجه ولا انواعهم ولا اسعارهم
فا ياريت اللي يعرف اجيبة منين وفي حدود كام يقولي
ويقولي اخد بالي من ايه وانا بجيبة
بس الشرط الوحيد انه يكون صغير علشان تعرف تعلمة وكمان لسه هتسافر بيه

وللكلاب حظوظ

[zago]

هات اي فار ابيض شعره طويل
مش حتحس بفرق كبير
:)

[masterzmind]

بص يا باشا انا مليش فى اللولو انا بربى كلاب جيرمن شيبرد ..... فى عندك حورين
1- فى موقع بتاع كلاب وقطط والناس بتبيع فى عاددى على ال facebook اسمه animalsfanclub والمشكله ان الكلاب ممكن تلاقيها غالية يعنى الكلب ممكن يعمل من 350 جنيه الى 600
2- سوق الجمعه الحل دة ارخص شوية ممكن تلاقى الى انت عاوزه باسعار اقل من 80 جنيه الى 350 جينة وممكن تلاقى عيل معفن كدة ماسك كلب للولو حلو ومش عارف سعرة هوة اكيد سرقه بس حرام تشترى

اى حاجة تحت امرك يا برنس

[HeMa_LanCeR]

حلو حل سوق الجمعة ده
بس ايه مسروق دي بقي :)

انا عموما عايزة صغير يعني عنده شهر ولا حاجة :)

[masterzmind]

يعنى كلاب مسروقة بس الى سارق فاهم يعنى مش عبيط ... بس اكمن الكلاب اللولو معلهاش اقبال زى الكلاب التانية ف انشاء الله هتلاقيها بسهوله وبسعر حلو بس الخووووووووووف حد ينصب عليك ويبعلك كلب بلدى على اساس انو كل لولو لازم تكووووون فاهم شوية وتعرف شكلهم ممكن برضو تشووف الموقع مش الجروب فى معلومات عن اللولو منتدي رابطة محبي الحيوانات

[minicooper20]

فى محل فى جسر السويس فى كلاب لولو جراوى
و الله لو بربيهم لكنت ادتك واحد لاكن مليش فى الكلاب السيس

[أبو صلاح]

ف
و الله لو بربيهم لكنت ادتك واحد لاكن مليش فى الكلاب السيس

انا بقالي ربع ساعة ماسكني هستريا ضحك متواصل على الجملة دي

كلاب سيس

[Amr Axel]

بص يا باشا انا مليش فى اللولو انا بربى كلاب جيرمن شيبرد ..... فى عندك حورين
1- فى موقع بتاع كلاب وقطط والناس بتبيع فى عاددى على ال facebook اسمه animalsfanclub والمشكله ان الكلاب ممكن تلاقيها غالية يعنى الكلب ممكن يعمل من 350 جنيه الى 600
2- سوق الجمعه الحل دة ارخص شوية ممكن تلاقى الى انت عاوزه باسعار اقل من 80 جنيه الى 350 جينة وممكن تلاقى عيل معفن كدة ماسك كلب للولو حلو ومش عارف سعرة هوة اكيد سرقه بس حرام تشترى

اى حاجة تحت امرك يا برنس

+1111111111
انا كذلك ليا اكتر في الجيرمن و الدوبر
بس عامة ممكن تشوف حاجة زي الجريفون كلب صغير و ابيض و لما تبصله يفكرك بالكلاب اللعبة و النضيف منه سعره في حدود 300 جنيه

و معلش هقولك حاجة تقبلها مني انا مش بجبرك لكن مجرد توعية عشان ابقي ريحت ضميري عشان بينقح عليا اوي ههههههه
تربية الكلاب في حالة غير الحراسة او الصيد او الحرث او المنفعة زي مساعدة المكفوفين و هكذا حرام انا بربي كلاب لكن للحراسة و المنفعة مش اكتر
ممكن تشوف قطة مثلا تبقي بديل و حضرتك حر برده انا بس بقولك

و عايز اضيف حاجة ان عشان حيوان يسافر لازم تصريح

بالنسبة تاخد بالك من ايه بصراحة انا مفهمش في مواصفاته اوي بس ممكن تشوف في الموقع اللي الاخوة الاعضاء قالولك عليه

و بالتوفيق ان شاء الله

[heshamzaky]

فى شارع جسر السويس قبل اشارة روكسى حا تلاقى 3 محلات قريبين جدا من بعض بتوع اسماك زينة و كلاب
الى بيبيع الكلاب محل نورا و محل اسلام و مؤمن
بس اسلام و مؤمن مش هما الى بيبعو الكلاب بس قدام المحل قفص كبير بة كلاب كثيرة
أنت عايز كلب جريفون دة شكلة احلا من الكلب اللولو
انا بصراحة مش عارف اسعارهم لانى عمرى ما ربيت كلب من النوعيات دى
هههههههههه بصراحة رأيى فى الكلاب الصغيرة دى انها كلاب بالبطارية
اشترى الكلب عمرة شهرين مثلا دة معقول جدا

[HeMa_LanCeR]

ياباشا انا متقبل كلامك
بس زي ما انا قلت انة هدية مش ليا
ده لبنت صاحب الحج
وهي مش مسلمة :)
ولا مصرية حتي :))))
بس هي قاعده هنا للدراسة وطلبت مني الطلب ده علشان هي نتعرفش ممكن تجيبو منين
اكيد يعني مش اخرتها هربي كلب لولو
ههههههههههههههههههههههههههه

[heshamzaky]

الكلب الولو بيبقى لة بوز زى الصورة دى كدة



الكلب الجيرفون شكلة احلا و بيبقى شكلة زى الصورة دى كدة

[HeMa_LanCeR]

الكلب الولو بيبقى لة بوز زى الصورة دى كدة



الكلب الجيرفون شكلة احلا و بيبقى شكلة زى الصورة دى كدة

شكلك كده ليك خبرة
طيب ما تقولي ابص علي اية وانا بجيبة
يعني اعرف منين انه راشش دواخل ولا مشيس ولا حاجه

[heshamzaky]

بص الكلاب دى نسبيا مش قوية البنية بس عموما و انت بتشترية
اتأكد أن عنية مفيش عليها اى افرازات زى عماص كدة و أن الكلب مش هزيل
و طلع الكلب من القفص و سيبة على الارض شوف حركتة اية لو نشيط و مش خامل يبقى مبدئيا كويس
اتاكد أن مفيش شعر واقع من أجزاء من الفروة بتاعتة
امسك الكلب و بص فى قدمية من الاسفل ((( بين المخدات يعنى ))) و اتاكد أن مفيش حشرات ((( قراض يعنى )))
امسك بقة بصباعين و اضغط شوية حا يتفتح بقة تلقائيا من الضغط البسيط و شوف سقف الحلق بتاعة لونة أية و اتأكد أن مفيش فية اى تقيحات من الداخل
أتأكد أن رجلية كلها سليمة مفيش أى عرج فى المشى
لو حاولت تلاعبة و الكلب وقف على رجلية الخلفية و شب لفوق شوية دة دليل جيد انة بيستجيب للصوت و عصبة كويس
بص يا باشا أنا فى الكلاب الاحجام الصعيرة دى مش بفهم قوى فيها لآنى عمرى ما ربيت كلب من الاحجام دى كلهم كانو أحجام كبيرة و أنواع شرسة شوية
بعد 3 شهور من عمر الكلب حا تروح تطعمة لان فية مرض اسمة ((( بارفو )) دة لو جة للكلب بيبقى فرصة بقائة حيا قليلة نسبيا
و بتطعمة تطعيم اخر عند 6 شهور
التطعيم اسمة (((( ريبز )))) يعنى السعار

[AhMeD EzZ]

بص الكلاب دى نسبيا مش قوية البنية بس عموما و انت بتشترية
اتأكد أن عنية مفيش عليها اى افرازات زى عماص كدة و أن الكلب مش هزيل
و طلع الكلب من القفص و سيبة على الارض شوف حركتة اية لو نشيط و مش خامل يبقى مبدئيا كويس
اتاكد أن مفيش شعر واقع من أجزاء من الفروة بتاعتة
امسك الكلب و بص فى قدمية من الاسفل ((( بين المخدات يعنى ))) و اتاكد أن مفيش حشرات ((( قراض يعنى )))
امسك بقة بصباعين و اضغط شوية حا يتفتح بقة تلقائيا من الضغط البسيط و شوف سقف الحلق بتاعة لونة أية و اتأكد أن مفيش فية اى تقيحات من الداخل
أتأكد أن رجلية كلها سليمة مفيش أى عرج فى المشى
لو حاولت تلاعبة و الكلب وقف على رجلية الخلفية و شب لفوق شوية دة دليل جيد انة بيستجيب للصوت و عصبة كويس
بص يا باشا أنا فى الكلاب الاحجام الصعيرة دى مش بفهم قوى فيها لآنى عمرى ما ربيت كلب من الاحجام دى كلهم كانو أحجام كبيرة و أنواع شرسة شوية
بعد 3 شهور من عمر الكلب حا تروح تطعمة لان فية مرض اسمة ((( بارفو )) دة لو جة للكلب بيبقى فرصة بقائة حيا قليلة نسبيا
و بتطعمة تطعيم اخر عند 6 شهور
التطعيم اسمة (((( ريبز )))) يعنى السعار

بسم الله ما شاء الله موسوعة متنقلة بجد يا استاذ هشام :)

[ahmedbasto]

متابع