أرجو الرد سريعا Samsung Galaxy Mini S5570

[أبو صلاح]

في عرض حاليا في السعودية في سوبر ماركت بندة على التليفون ده ب 600 ريال

ايه رايكم
اشتريه ؟

يفرق ايه عن الجلاكسي اس تو
غير الكاميرا والشاشة والبروسيسور ؟

يعني هل هو نفسه مع امكانيات اضعف ؟

[amrrashed]

انت بنفسك جاوبت هو تليفون تاتش ظريف امكانياته معقوله بس مينفعش تقارنه بالاس تو

[أبو صلاح]

هو فيه gps على القمر الصناعي مباشرة ؟
ولا بيحسب من الرصيد؟

طيب والسامسونج ال galaxy fit ايه ظروفه؟

[AhMeD EzZ]

الفيت في جي بي اس مباشرة

بس الفرق بينه و بين الاس 2

عامل زي العربية الالنترا و البي ام 2011

الاتنين فيهم كماليات و ثبات علي الطريق بس فرق طبعاً

[Mzeid]

دي مقارنة بينهم يا ابو صلاح


Samsung I9100 Galaxy S II vs. Samsung Galaxy Mini S5570 - GSMArena.com

لو عايز تعرف فرق البروسيسور الميني 600 ميجا و الاس 2 1.2 ثنائي النواة :)

[ابو سيف]

على فكرة في الشناوي بالضمان ب 1090 تقريبا

[أبو صلاح]

خلاص انا صرفت وجهة نظر
لسببين
الاول كان واحد بياع مصري واقف في الهايبر شكله عبيط او مش فاهم
قالي مفيش اي تليفون فيه gps خالص هي شركة نوكيا اللي نزلت عرض واحد نيفيجيشن والباقي كله من رصيدك على النت
قعدك اساله عن الفيت والميني ان فيهم رغم اني متأكد وشف مواصافتهم على النت قالي لا يمكن انت شفت حاجة تانية
قلت خليني في الامان وبلاش وطبعا رجعت ودخلت على النت واتأكدت من معلوماتي

السبب التاني
ان شاء الله نويت بأمر الله على اول الشهر الجديد هشتري s2 واريح نفسي
هو عليه عرض هنا ب 2099 ريال
ايه رايكم

بالمناسبة هو s3 هينزل امتى ؟

[Mahmoud Mosaad]

خلاص انا صرفت وجهة نظر

السبب التاني
ان شاء الله نويت بأمر الله على اول الشهر الجديد هشتري s2 واريح نفسي
هو عليه عرض هنا ب 2099 ريال
ايه رايكم

بالمناسبة هو s3 هينزل امتى ؟

أنا أرشحلك ال-s2 بشدة ، هتحس انك فعلاً غيرت التلفون
بس دور علا عروض أفضل ، أنا إبن خالتي لسة بعاعتهولي من جدة وكان عليه عرض في max ب-1999 ريال
ومبروك مقدما

[Mzeid]

و انا واحد صاحبي بعته لواحد صاحبي تاني من السعودية من العيد او قبله بشوية ب 2000 ريال

[MOUSTAFA_SAAD]

ال fit معايا يابوصلاح وفيه gps مباشر من غير مايايخد من رصيدك وشغال زى الفل على كل البرامج

[El.Hossieny]

ايوة يا ابو صلاااااح .... لعبت و هتجيب ال s2 يا معلم ...بس بجد ما شاء الله علي التليفون ده ... جميل جدا .. ربنا يباركلك فيه

سوال بقي ...يعني ايه gps مباشرة من غير ما ياخد من الرصيد ؟؟؟

[أبو صلاح]

ايوة يا ابو صلاااااح .... لعبت و هتجيب ال s2 يا معلم ...بس بجد ما شاء الله علي التليفون ده ... جميل جدا .. ربنا يباركلك فيه

سوال بقي ...يعني ايه gps مباشرة من غير ما ياخد من الرصيد ؟؟؟

ياعم انت بالذات محدش عارف يكلمك من ساعة لما جيبت اللوجان
ده ياراجل شغلي جنبك لمدة 3 سنين ماشوفكش فيهم غير مرتين بالعدد

gps
زي ما انت عارف ده طريقة تحديد مواقع على الخرائط
دي مفهومة ؟
في طريقتين علشان تشغل الخدمة دي
انك تدخل على 3g بتاع شبكتك ويحدد موقعك عن طريق الشبكة ودي بتستهلك رصبد ممكن يكون كبير شوية خصوصا لو هتعمل navigation يعني تتبع موقعك الحالي وكمان غير دقيق لانه بيحدد موقعك لاقرب برج شبكة ليك

الطريقة التانية وهي الافضل
ان الجهاز فيه امكانية ال navigation وبدل ما تستقبل اشارة تحديد المواقع من الشبكة تستقبل عن طريق القمر الصناعي
مزاياه :
أسرع
أدق
بدون تكلفة
تغطية اوسع لاي منطقة

ده شرح عامي شوية بس حاولت اوصلك الفكرة

[mody3on]

على فكرة كل ال gps بما فيها ال s2
A-GPS
بمعنى انه لازم يدخل على النت لو عايز Directions و نافيجيشن
انما ممكن من غير نت لو بتشوف الخريطة بس
الا في النوكيا بينزل فيها الخرايط كاملة عالجهاز ومش بتحتاج نت وهي دي اكبر ميزة في نوكيا maps

[أبو صلاح]

على فكرة كل ال gps بما فيها ال s2
A-GPS
بمعنى انه لازم يدخل على النت لو عايز Directions و نافيجيشن
انما ممكن من غير نت لو بتشوف الخريطة بس
الا في النوكيا بينزل فيها الخرايط كاملة عالجهاز ومش بتحتاج نت وهي دي اكبر ميزة في نوكيا maps

مهي دي أهم نقطة عندي

يعني مقدرش احدد اتجاهات وطرق من غير نت على السامسونج ؟

حد من الناس اللي معايا s2 يفيدنا

[Mzeid]

مهي دي أهم نقطة عندي

يعني مقدرش احدد اتجاهات وطرق من غير نت على السامسونج ؟

حد من الناس اللي معايا s2 يفيدنا

هي الفكرة يا ابو صلاح ان التليفون بيدخل على النت علشان يحمل الخريطة اللي هيحددلك عليها مكانك طبقا لإشارة ال gps

بس فيه برامج تانية بتحمل عليها مسبقا الخرائط علشان يحمل الخريطة مباشرة من الجهاز