الذاكرة عند ابني ضعيفة

[mikho83]

السلام عليكم
انا معايا مشكلة مع ابني، هو عنده 4 سنين ونص، المشكلة حاسس إن ذاكرته ضعيفة وبيحفظ بصعوبة شديدة. انا وديته لدكتور تنمية مهارات قالي الذاكرة السمعية عنده ضعيفة بس الذاكرة المرئية كويسة. انا محتار ومش عارف أعمل ايه عشان أخلي الذاكرة تبقى قوية عنده. بالذات إنه لسا صغير ومش عايز الموضوع ده يكبر معاه. أفيدونا أفادكم الله

[fahd_628]

اولا انا مش دكتور ولا حاجة

ربنا يشفية يا رب

المهم انا رأى ان حضرتك تحاول معاة عن طريق العاب الذاكرة

يعنى تقعدة على الكمبيوتر و تلعب معاة العاب الذاكرة

او تلعب معاة Puzzle و الحاجات دية بتشغل المخ و ممكن تفيدة

اهم حاجة طبعا انك يبقى عندك طولة بال كبيرة جدا و متزعقلوش خاااااااااااااااااااااالص و العب معاة يعنى دور و دور مثلا خلى اللعب شيق و قولة مثلا لو حليت ليفيل 4 مثلا حجيبلك حاجة انت بتحبها و تجبهالة فعلا

و حاول متحسسوش ان عندة مشكلة

لو زهق مثلا قولة كفاية كدة و روحو اعملو مع بعض اى نشاط تانى خارج عن التدريبات دية

كدة يعنى

و ربنا يوفقك و يوفقة

[mohammedabdallh]

اولا انا مش دكتور ولا حاجة

ربنا يشفية يا رب

المهم انا رأى ان حضرتك تحاول معاة عن طريق العاب الذاكرة

يعنى تقعدة على الكمبيوتر و تلعب معاة العاب الذاكرة

او تلعب معاة puzzle و الحاجات دية بتشغل المخ و ممكن تفيدة

اهم حاجة طبعا انك يبقى عندك طولة بال كبيرة جدا و متزعقلوش خاااااااااااااااااااااالص و العب معاة يعنى دور و دور مثلا خلى اللعب شيق و قولة مثلا لو حليت ليفيل 4 مثلا حجيبلك حاجة انت بتحبها و تجبهالة فعلا

و حاول متحسسوش ان عندة مشكلة

لو زهق مثلا قولة كفاية كدة و روحو اعملو مع بعض اى نشاط تانى خارج عن التدريبات دية

كدة يعنى

و ربنا يوفقك و يوفقة

كلام سليم
حضرتك محتاج العاب كتيير الى اساسها الذاكره
ثانيا حاول تاكله صفار بيض لانه بينمى الذاكره بس طبعا مش البيض الى بيتباع فى المحلات خلى اى حد تعرفه فى الفلاحين يبجلك بيض بلدى
وربنا معاك

[hugan]

ربنا يشفيه ويعافيه

[dr.hazem]

عايز اضيف انه انماط الناس بتختلف مابين قوة الذاكره
في ناس سمعية
وناس مرئيه وناس حسيه وهكذا
واعتقد ان عمره لسا ميقدرش يحدد
جرب معاه حفظ سور من القرآن ومتستعجلش عالنتيجه
الذاكره حاجه قابله للمرونه وبالذات في العمر ده...

تحياتي

[nimaster]

اكله سمك كتير في زيت فى السمك بيقوى الذاكرة .
وماتقلقشى ان شاء الله خيرهو لسه سنه صغير

[amrrashed]

مع كامل احترامى للاراء الاجتهادية اللى فاتت ... لازم تستشير دكتور او اخصائى تنمية مهارات وبعملك برنامج وتمشى عليه ...

[نور القمر]

كان في طفل قريبي حالته اشد من حالة ابنك
التحق بحضانة خاصة بتمية المهارات والولد اتحسن كتير
طبعا الحضانة فيها اطباء واخصائيين تخاطب واخصائيين تنمية مهارات
وخلاص الحمد لله اصبح مؤهل انه يدخل مدرسة عادية
فياريت لو شايف اي مشكلة في ابنك غير عادية ودي يقررها الطبيب تلحقه بدري بحضانة مناسبة

[mikho83]

جزاكم الله خيرا يا جماعة على الردود الجميلة، انا الحمد لله بحفظه قرآن وببذل معاه مجهود كبير جدا، وهو قرب يحفظ جزء، بس انا أملى فيه يكون حاجة كبيرة وده اللي مخليني أدور على حل للمشكلة دي من الان.

[tutankhamoun]

كلام سليم
حضرتك محتاج العاب كتيير الى اساسها الذاكره
ثانيا حاول تاكله صفار بيض لانه بينمى الذاكره بس طبعا مش البيض الى بيتباع فى المحلات خلى اى حد تعرفه فى الفلاحين يبجلك بيض بلدى
وربنا معاك

معلش يا فندم هو مين قال لحضرتك أن صفار البيض بيقوي الذاكرة ؟؟؟

صفار البيض كمية الدهون متشبعة الكثافة فيه عالية جدا مما يؤدي بالنهاية لكثرة تناوله لزيادة نسبة الكوليسترول الضارة و بالتالي أضرار على القلب و تصلب الشرايين و تجلط الدم.

أهم المكونات اللي بتساعد على تقوية أو تشغيل المخ (الحاجات العضوية )
هي البروتين اللي موجود بكثرة في اللحوم الحمراء و بياض البيض مش صفاره و الأسماك طبعا
زيت السمك من الأشياء الهامة لوجود أوميجا 3 فيه
زيت الكتان به نسبه عالية من أوميجا 3
و زيت عباد الشمس أيضا
طبعا علشان تستفيد بأي زيت (يتاكل على السلطة بدون غلى أو تحمير ) لازم يكون غير متشتبع علشان يكون غير ضار .
طبعا كمان الفيتامنيات هامة جدا خصوصا فيتامينات ب بأنواعها
يعني من الآخر .... من ناحية الأكل لازم يكون متوازن علشان يقدر يحصل على كمية بروتين و فيتامينات تساعد في بناء الخلايا .
و الناحية الآخري المسائل الرياضية البسيطة و الفوازير (اللي بيقوله عليها Puzzles ) و الكلمات المتقاطعة البسيطة .
أي تدريبات ذهنية لتشغيل المخ .

أما الحفط (زي حفط القرآن ) ده و الله أعلم مش تشغيل لخلايا المخ خالص ده تحفيظ بالتكرار و ليس لتشغيل خلايا المخ ..... إنما حفظ القرآن نفسه شئ جميل و مطلوب لتعليم أطفالنا مبادئ دينا الحنيف خصوصا لما يكون متبوع بتنفيذ ما هو مكتوب (مش ترديد فقط لا غير لكلام الله عز و جل )

و ربنا يكون معاك و يكرمك فيه و يباركلك فيه إن شاء الله

[tutankhamoun]

كلام سليم
حضرتك محتاج العاب كتيير الى اساسها الذاكره
ثانيا حاول تاكله صفار بيض لانه بينمى الذاكره بس طبعا مش البيض الى بيتباع فى المحلات خلى اى حد تعرفه فى الفلاحين يبجلك بيض بلدى
وربنا معاك

فوائد الصفار مقابل البياض (علشان بس الصفار برضه فيه فوائد مش كله أضرار و علشان أكون صادق مع الكلام اللي قلته في المداخلة اللي قبل دي )

سعرات حرارية 59 مقابل 17 للبياض (واضح أن الصفار علشان أعلى في الدهون فسعراته الحرارية أعلى )
الدهون 4.5 مقابل 0.06 للبياض (واضح طبعا أن الصفار أعلى في الدهون )
الدهون المشبعة 1.6 مقابل 0 للبياض (الصفار أعلى في الدهون )
بروتين 2.7 مقابل 3.6 في البياض (الصفار أقل قليلا )
كوليسترول 210 مقابل 0 في البياض (طبعا الصفار قاتل )
الصوديوم 8 مقابل 55 في البياض (أعتقد أن النسبة هنا أفضل للصفار لأن الصوديوم مش من الحاجات الحلوة الكتير منها
الكالسيوم 21.9 مقابل 2.3 في البياض (الصفار أفضل )
فيتامين د 18 مقابل 0 في البياض (الصفار أفضل )
حمض الفوليك 24.8 مقابل 1.3 في البياض (الصفار أفضل )

[aboomar22]

طيب ان عندى راىء كده يمكن يكون مفيد ممكن تحاول تجيب حد يحفظوا سور قصيرة من القران ويكرر معاه كذا مرة لحد مايحفظ قصار السور

[tutankhamoun]

جزاكم الله خيرا يا جماعة على الردود الجميلة، انا الحمد لله بحفظه قرآن وببذل معاه مجهود كبير جدا، وهو قرب يحفظ جزء، بس انا أملى فيه يكون حاجة كبيرة وده اللي مخليني أدور على حل للمشكلة دي من الان.

طيب ان عندى راىء كده يمكن يكون مفيد ممكن تحاول تجيب حد يحفظوا سور قصيرة من القران ويكرر معاه كذا مرة لحد مايحفظ قصار السور

ما هو بدء فعلا يعمل كدا ... أقرأ مداخلته الأخيرة يا أخي أبو عمر

[icahmed]

السلام عليكم
ابني كان عنده نفس المشكلة وتبعت مع دكتور تخاطب لمدة حوالي 6 شهور والحمد لله هو احسن بكتيييييييير دلوقتي
يعني اهم حاجة المتابعة مع دكتور متخصص لحد ما يتحسن ويا ريت متتاخرش

[mikho83]

شكرا ليكم يا جماعة. واللي استنتجته الاتي:
1- الاهتمام بأنواع معينة من الأكل
2- ألعاب ذاكرة وبازل
3- دكتور تخاطب كويس
لو حد يعرف بقى دكتور كويس قريب من الجيزة يقولي عليه. وجزاكم الله كل خير