إعـــــــلان

Collapse

.

,
See more
See less

موقف محرج ..!!!!!

Collapse
X
Collapse
 
  • Page of 12
  • Filter
  • الوقت
  • Show
Clear All
new posts
السابق 1 2 3 4 5 6 7 8 9 10 11 12 template التالي
  • #106
    مره قاعد فى المدرج وبتكلم مع واحده زميلتى وعمال ازم فى الدكتور اللى هيدى المحاضره وببص لقيت البنت وشها احمر وقامت بصت قدامها بقولها فى ايه ببص لقيت الدكتور معدى من جنبى وبيبصلى كأنه هياكلنى
    اضطررت انى مادخلش امتحان الشفوى بتاعه علشان اكيد كان هيولع فيا وجبت مقبول فى الماده بالعافيه

    Comment

    • #107
      الموقف دة حصل النهاردة الجزار دبح وكله بس شكل الجزار غلط!!! صوته كأنه هو نفسه حد دبحه , المهم لما خلص على العجل , وهو ماشى فخور بنفسه "يحسسك إنه نيرو بتاع روما!" إتزحلق ووقع فى معدة العجل وفجرها فى وش الجماهير , الحمد لله البنطلون الجينز ناله من الحب جانب و لا تعليق على لونه و لا الرائحة!!!

      انا طلعت البيت و استحميت و لسة رحتي معفنة

      يلا عيد مبارك على الكل
      [CENTER][FONT=Arial Black][SIZE=5][B]ها قد اصبحت "موديل قديم"[/B][/SIZE][/FONT]

      [/CENTER]

      Comment

      • #108
        المشاركة الأصلية كتبت بواسطة aif مشاهدة المشاركة
        انا مرة كنت في شركة ليه معاهم شغل وباروح عندهم باستمرار ... وكنا بنصلي الظهر جماعة في الشركة .... الموظفين كلهم والمديرين ورئيس مجلس الادارة ... كلنا .... وانا الأمام ... وانا في الركعة الاولي ... افتكرت اني نسيت اتوضأ
        .... والشيطان بقي قعد يزن عليه .... ويوسوسلي اني اكمل وبلاش احراج ... لكن قولت لنفسي هو انا ح اشيل ذنب الناس دي كلها .....لأ يا عم الإحراج ارحم من الذنوب دي كلها
        سلمت وخرجت من الصلاه وقولتلهم .. يا جماعة انا نسيت اتوضأ .....
        لكن كنت في نص هدومي
        فى هذة الأحوال أقرب واحد للإمام فى الصف الخلفى يتقدم و يكمل الصلاه إماما
        و هذا شئ هين فما بالك بالإمام الذى يترك الصلاه بسبب خروج ريح منه غصب عنه
        لا شك أن هذا موقف أكثر إحراجا

        Comment

        • #109
          أنا هحكلكم على موقف سخيف جدا ...
          من حوالى 3 سنين كده .. كنت فى كافيه مع أصحابى
          المهم قولت أنا عايز أدخل الحمام , فقمت دخلت عادى جدا و المهم لسة بخرج من الكابينة عشان أغسل إيدى لقيت بنتين واحدة بتظبط الميكياج (أخدت بالى انا من الروج) و التانية بتغسل إيديها حاجة كده ..
          أنا إتصعقت و إتسمرت فى مكانى ... هما بصولى بردو ... و أنا فضلت مبحلق فيهم يجى دقيقة مثلا و مش قادر أنطق حسيت إنى إتشليت يوميها ..
          فوشى جاب ألوان لدرجة إنى حسيت إنى هعيط .. قمت من سكات كده مشيت و خرجت برة الحمام و انا قلبى بيدق جامد ...
          بس اللى أحرجنى زيادة إن بعد مخرجت و الباب إتقفل سمعت صوت البنتين إنفجرو فى الضحك جامد ...
          من ساعتها مادخلتش الكافيه ده !!!
          [CENTER][SIZE=3][COLOR=DarkRed][B]نفسن براحتك ..
          إشتم براحتك ...
          إغلط و متعوزش تتحاسب ...
          إتبلطج و خدها دراع و أعمل دكر ..
          إحجر على الرأى التانى و إتريق على الناس ..
          إنت عن جدارة عالم ثالث و متتكلمش تانى على الهجرة. [/B][/COLOR][/SIZE]
          [/CENTER]

          Comment

          • #110
            بمناسبة العيد
            انا ليا ابن ابن عمى احمد 5سنين كان بيصلى صلاة العيد فى الجامع واحنا عندنا عجل هيدبح بعد الصلاة فابن عمى بيصلى فى الجامع ةالشيخ بيصلى ويكبر وابن عمى وهو بيصلى قاعد يقول هندبحوا البقرة هندبحوا البقرة طول الصلة وبصوت مسموع الراجل الى كان بيصلى جمبة فطس من الضحك وهو بيصلى
            وانا مرة رحت صلاة العيد وانا لبس فردتين شراب مختلفين كنت لسة صاحى ومستعجل لبست الشراب بسرعة ورحت الجامع الاقى ولد صغير بيبص على الشراب بتاعى ويضحك وانا مش فاهم انا بصيت على الشراب لقتنى لبس الشراب فردة لون والتانية لون تانى انا قعد اضحكوقلعت الشراب طبعا علشان الاحراج
            [SIGPIC][/SIGPIC][SIZE=3][COLOR=#68d122]من اهم انجازات مبارك :
            توحيد المصرين على كلمة حسبى الله و نعم الوكيل
            [/COLOR][/SIZE]


            محمد العصار

            Comment

            • #111
              فى كوفى شوب خرجت انا وواحد صاحبى كنا واكلين بيتزا وعايز اخش الحمام بسأل الراجل على الحمام قالى على اليمين اروح على اليمين الاقى بابين قصاد بعض رحت داخل فى واحد فيهم المهم وانا جوه لاقيت بنت شديدة جدا فتحت الباب راحت مصرخة وسرعتنى ولاقيت اخوها وابن عمها معاها بيقولولى انت ايه اللى دخلك حمام الحريم قولتلهم الراجل اللى قالى خش على اليمين وكمان مافيش العلامة بتاعت الحريمى والرجالى.. مشيت وانا هنفجر من الاحراج .... ده اصعب موقف فى حياتى
              اخوكم يوسف

              Comment

              • #112
                اغرب موقف و اول مرة يحصلي انهاردة و مخدتش بالي غير لما المدام كلمتني
                بعد صلاة العصر اليوم 20/12/2008
                تررن تررن ( الموبايل بيرن )
                المدام بتسألني سؤال غريب افتكرتها بتهزر
                السؤال : أنت لابس ايه في رجلك ؟؟!!!!!:10D5C8~1107:
                استغربت قوي قولتلها الجزمة اكيد
                قالتلي طيب بص في رجلك كدة
                و كانت الصدمة بجد صدمة
                فردة بنــــــــــــــــــــــــي و فردة تانية خالص مالهاش علاقة البفردة التانية ســـــــــــــــــوداء
                هي خدت بالها و هي بتنظف الشقة و بتلم الجزم بتاعتي لقت جزمتين كل واحدة منهم فردة واحدة
                فأتصلت تتأكد
                المشكلة اني صليت الظهر و العصر و قلعت الجزمة و و لبستها كذة مرة و ماحستش خالص
                ربنا يستر عليا
                انا مش مصدق اني وصلت للمرحلة دي
                الحمد لله اني عندي عربية و إلا كنت اتفضحت في كل حتة
                [SIGPIC][/SIGPIC]

                Comment

                • #113
                  بجد الموضوع ده تحفــــــــــــــــــــــــــــة
                  انا مش قادرة ابطل ضحك ...
                  مشاركااااااااااات وهمية بجد ..

                  انا بصراحة كل لما افتكر حاجة الاقيها مينفعش تتكتب ..
                  قمة الاحراج ومعنديش الجرأة بصراحة ..

                  Comment

                  • #114


                    إيه ده كله ؟؟

                    انا مش مصدق نفسي يا نينه على رأي عماد حمدي الموضوع فجر الدنيا مواقف وفعلا احلى من النكت بكتيرررررررررررررررررررررررررررر
                    [SIZE=3][CENTER][rmade]http://www6.0zz0.com/2009/07/09/11/723881507.jpg[/rmade]
                    [FONT=Arial Black][SIZE=3][B][COLOR=DarkSlateBlue]
                    [/COLOR][/B][/SIZE][/FONT][justify]...
                    [/justify]
                    [/CENTER]
                    [/SIZE]

                    Comment

                    • #115
                      انا لسه فاكر موقف مش عارف بقي ان كان محرج ولا ايه بالظبط ..
                      كنا فى اسكندرية مع العائلة و بالصجقة كانوا صحابي هناك ..
                      فكان والد صاحبي تعبان وراح المستشفى فرحت لهم وكنا واقفين قدام المستشفى كلنا والمستشفى كانت على اول مزلقان .. طبعا اللى بيروح اسكندرية هيبقي عارف شوارع سيدى بشر عاملة ازاى ..
                      واحنا واقفين سندنا بظهرنا على عربية 127 وهووووووب العربية راحت طايرو لتحت وطارت اخدت المزلقان طيران وانا الوحيد اللى اخدت بالى انها بتتزحلق لتحت وشديتها بس للاسف المزلقان كان غبي ..وهى نازلة بقي لتحت كان فى عربية خربانة مركونة على اول المزلقان فقلنا الحمد لله هتخبط فى العربية الخربانة و مش هيحصل حاجة كبيرة يعنى ..
                      سبحان الله لقينا العربية مرة واحدة غيرت اتجاهها ودخلت شمال على الطريق لوحدها ومخبطتش فى العربية الخربانة وكان فى تاكسي جاى وماخدش باله ان العربية نازلها لوحدها ..
                      الناس كلها كانت فاكرة ان واحد اللى سايق وهو اللى بيرجع بظهره كده .. وهووووب سواق التاكسي دخل يمين بسرعة ولحق نفسه بس خد خبطة بسيطة فى الرصيف ونزل علشان يضرب اللى سايق ..المصيبة الكبيرة بقي ان عريبة بيجو 504 كانت جاية ومعرفتش تتفادى العربية وخبطت فيها ودخلت فى عربيتين مركونين ..
                      اللى يكسف ايه ؟؟ ان عمال المستشفى هما اللى شافونا واحنا بنسند على العربية ومتكلموش .. كنا خايفين لحد يقول علينا كنا هنروح فى داهية .. والحمد لله محدش شافنا بس حصلت كوارث فى الشارع ده يوميها .. وكله كان مستنى صاحب العربية اللى سندنا عليها دى واتاكل علقة تماااااااام علشان معشقش العربية وسابها كده على اول المزلقان ..

                      Comment

                      • #116
                        الموقف ده حصل معايا انا و اخويا
                        كان فى حالة وفاة لقريب لنا من بعيد و كان راجل كبير فى السن و دخل مستشفى هليوبوليس المهم احنا عرفنا بالوفاة و رحنا على المسجد اللى جنب المستشفى قبل صلاة الظهر بساعة و نصف تقريبا و لحظنا كانت فى جنازة تانية معانا
                        المهم صلينا الظهر و صلينا صلاة الجنازة , و شيلنا الميت بتاعنا لغاية بره و رجعنا انا و اخويا نجيب الجزم بتاعتنا و خرجنا على طول و لقينا العربية بيجو 504 ستيشن و الخاصة بنقل الموتى واقفة قدام المسجد و كنا راكنين الناحية الثانية من الشارع ، المهم رحنا انا و اخويا كل واحد جاب عربيته و لفينا و مشينا ورا الجنازة و طبعا كل الناس اللى ماشية ورا العربية البيجو شفناهم قبل كده فى المسجد و فضلنا ماشيين لغارية ترب مدينة نصر و مش عايز اقولكوا سواق البيجو زى ما يكون متوصى انه مفيش حد يوصل معاه الدفن بس احنا الحمد لله كنا واخذينها غرز وراه
                        لغاية ما وصلنا المدافن و تصادف انها نفس المدافن المدفون بها والدى رحمه الله ( مادفن المهندسين ) و ركنا و نزلنا لغاية المدفن و كان الملاحظ ان احنا مش شايفين حد من اقربائنا بس قلنا احتمال نزلوا العين تحت لغاية ما نزلوا الصندوق من العربية و طلع واحد من تحت من العين و قال للناس اللى واقفة " يا جماعة يا ريت اولادها بس اللى يشيلوها "
                        طبعا انا و اخويا بصينا لبعض و كمنا حانفطس على روحنا من الضحك و رحنا ساحبين لورا قرينا الفاتحة لوالدى و كلمنا اقربائنا و عرفنا مكانهم و حصلناهم بعد كده على الاخر
                        إذا فاتك شيء فقد يذهب إلى غيرك ويحمل له السعادة
                        فلتفرح لفرحه ولا تحزن على مافاتك
                        فهل يعيد الحزن مافقدت؟

                        Comment

                        • #117
                          إحراج على مستوى دولي

                          أقول لحضراتكم على موقف محرج حصل معايا أثنا زيارتي لألمانيا سنة 2002 قمت بزيارة مدينة السيارات الخاصة بفولكس واجن في ولفسبورج و اثنا تفقد منطقة متحف السيارات شد انتباهي و جود تحفة بوجاتي كلاسيك و بدون وعي تقدمت للسيارة و فتحت الباب و جلست بداخلها و لم أنتبه لاي شي حولي و كأن الزمن توقف بي و أنا أتفحص الأبنوس و العاج و الذهب و الفضه "الخامات الأساسية في صناعة الصالون" و لم أفق من التنويم المغناطيسي إلا عندما فتح اباب و وجدت شخص ألماني و جهه قد أحمر من شدة الغضب و التكشيره ...وعمال يشاور لي على اللوحة بجوار السيارة و اللي أنا طبعا ماأخدتش بالي منها و كان مكتوب عليها " ممنوع اللمس"....
                          [CENTER]قال تعالى " [FONT=&quot] وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ [/FONT]" 281 البقرة
                          [/CENTER]

                          Comment

                          • #118
                            المشاركة الأصلية كتبت بواسطة mshamy مشاهدة المشاركة
                            أقول لحضراتكم على موقف محرج حصل معايا أثنا زيارتي لألمانيا سنة 2002 قمت بزيارة مدينة السيارات الخاصة بفولكس واجن في ولفسبورج و اثنا تفقد منطقة متحف السيارات شد انتباهي و جود تحفة بوجاتي كلاسيك و بدون وعي تقدمت للسيارة و فتحت الباب و جلست بداخلها و لم أنتبه لاي شي حولي و كأن الزمن توقف بي و أنا أتفحص الأبنوس و العاج و الذهب و الفضه "الخامات الأساسية في صناعة الصالون" و لم أفق من التنويم المغناطيسي إلا عندما فتح اباب و وجدت شخص ألماني و جهه قد أحمر من شدة الغضب و التكشيره ...وعمال يشاور لي على اللوحة بجوار السيارة و اللي أنا طبعا ماأخدتش بالي منها و كان مكتوب عليها " ممنوع اللمس"....

                            هههههههههههههههه
                            تمام اوى يا باشا الموضوع ده
                            انا كنت هعمل زيك لو كنت مكانك :k49:
                            [SIZE=3][CENTER][rmade]http://www6.0zz0.com/2009/07/09/11/723881507.jpg[/rmade]
                            [FONT=Arial Black][SIZE=3][B][COLOR=DarkSlateBlue]
                            [/COLOR][/B][/SIZE][/FONT][justify]...
                            [/justify]
                            [/CENTER]
                            [/SIZE]

                            Comment

                            • #119
                              انا حصلي موقف مش قادر أنساه ,

                              أيام ما كنت في ثانوي مره من المرات كنت بحضر درس و كان في اليوم حوالي 3 انفار زياده معانا في الدرس و اضطريت اني اقعد علي كرسي بلاستيك من اللي بيتقفلوا و يتفتحوا دول و للأسف كان رجله الخلفيه مش مظبوطه بس انا قعدت عليه لاني مش مليان و مش هيأثر معايا يعني و الدرس بدء و كل شئ تمام و انا قاعد بحل الامتحان اللي بيبقي قبل الدرس و هووووووووب طــــــــــــخ انا بقيت علي ضهري و بقيت شبه السلحفاه اللي مقلوبه علي ضهرها و مش عارفه تقوم :k48:

                              بجد كان منظري يضحك و كل الناس قعدت حوالي ربع ساعه مش علي بعضها من الضحك و الله ههههههههههههههههههه

                              انا اخدتها بضحك و الموضوع عدي و الحمدلله

                              Comment

                              • #120
                                فى الصيف الماضى كنت بصيف فى الساحل الشمالى فى احدى القرى جنب مارينا المهم طلعت فى دماغى وقولت لزوجتى تعالى اعشيكى فى seagull اللى فى مارينا المهم زوجتى لبست بلوزة غالية جدا وكانت اول لبسة ليها وانا كمان ظبطت قميص جوتشى وكله تمام روحنا واتعشينا وكان فيه واحد بيلعب جيتار ويغنى المهم بعد العشا زوجتى قالتلى انا هقعد جنبك لان الفيو عندك على البحيرة احلى من عندى- كانت قاعدة قدامى- قولتلها تعالى وروحت طالب اتنين منجة - انا بحب اشرب العصير بعد الاكل مش قبله- الجارسون جاب المنجة ولقيته بيحط المنجة من ورانا وهوب لسة بيحط المنجة لزوجتى الكوباية التانية اتزحلقت راح سايب الكوباية اللى فى ايده على ضهر زوجتى وراحت الكوباية التانية واقعة على ضهرى لاقيت زوجتى قامت وهى فى قمة النرفزة وانا واقع من الضحك والمطعم كله واقع من الضحك المهم زوجتى هديت وقالتلى يلا نخرج بسرعة علشان الحق اغسل البلوزة وكان ردى لا طبعا لان كراسى العربية هتبوظ من المنجة لو ركبنا واحنا مبلولين البلة السودة دى اقصد البلة الصفرا دى وقعدنا نشرب كوبايتين تانيين لحد ما ننشف و خرجنا جرى على العربية وسط ضحكات كل من فى الشارع. وكانت سهرة كل ما اتذكرها اقع من الضحك
                                [RIGHT][FONT=Traditional Arabic][COLOR=blue]لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ [/COLOR][/FONT][/RIGHT]

                                Comment

                                السابق 1 2 3 4 5 6 7 8 9 10 11 12 template التالي
                                Working...
                                X