موقف محرج ..!!!!!

[solycar]

انا بقي ليه موقف مش حنساه ...انا ساكن في الدور 11 وكنت في اليوم ده قاعد لوحدي (مراتي كانت في المنصوره مع حماتي ) واهلي كانوا في الساحل الشمالي وقاعد بشورت و مش لابس حاجه فوق وخرجت بره الشقه عشان احط كيس الزباله وهووووووب الباب اتقفل عليا و انا من غير شبشب وبالنمظر ده !!! طب و العمل ؟؟؟ نزلت حافي في الأسنسير واستلفت من البواب تيشيرت و شبشب وكان منظري هوزؤ جداً ورحت لجاري في الشقه الي جنبي و اضطريت انط من بلكونه لبلكونه ...وتقريباً قدرت اعمل كده لأن الأدرينالين كان عالي جداً من شدة الإحراج ...بس حعمل ايه ؟؟؟

لالالالالالالالالالالا مش ممكن بجد
دة ينفع مشهد تليفزيونى

الموقف الوحيد اللى كان نفسى اشوفة
تحفة;):D

[MoToRiZeR]

مرة كنت رايح الجامعة و انا ماشي عالدائري واحد كسر عليا كسرة وحشة اوي .. فا جريت وراه و جيت جنبه و رحت شاتمه شتيمة وحشة اوي .. ببص لقيته الدكتور اللي انا رايح المحاضرة بتاعته .. و اضطريت اعمل drop للمادة دي

الموقف التاني بقي عمري ما هنساه و كل ما افتكره اقعد اضحك

ده كان من 5 سنين ايام ثانوي .. كنت بكلم واحدة من التليفون المباشر في البيت علي موبايلها كتير .. فا جت في الفاتورة 550 جنيه مباشر و ابويا عمل كشف عالفاتورة لقاها معظمها لنمرة واحدة اللي هي بتاعتها .. في مرة بقي كنا مع بعض فا بتقولي النمرة دي بتتصل بيا بقالها 3 ايام واحد مش عارفة اعمله ايه .. فا انا خت الموبايل و متحمس بقي للبني ادم اللي هكلمه ده .. قاللي سلامو عليكم .. هي النمرة دي بتاعة مين؟ قلتله ليه و انت مالك انت ؟! قاللي يا استاذ اتكلم بإحترام .. انا النمرة دي جالي في الفاتورة بتاعتي مكالمات ليها ب 500 جنيه .. عايز اعرف مين صاحب النمرة دي .. و فجأة ابتديت استوعب الدنيا ماشية ازاي .. قفلت علي طول و قلتلها اوعي في يوم من الايام تردي عالنمرة دي خااالص !!

[PRO-DRIVE]

مرة كنت رايح الجامعة و انا ماشي عالدائري واحد كسر عليا كسرة وحشة اوي .. فا جريت وراه و جيت جنبه و رحت شاتمه شتيمة وحشة اوي .. ببص لقيته الدكتور اللي انا رايح المحاضرة بتاعته .. و اضطريت اعمل drop للمادة دي

الموقف التاني بقي عمري ما هنساه و كل ما افتكره اقعد اضحك

ده كان من 5 سنين ايام ثانوي .. كنت بكلم واحدة من التليفون المباشر في البيت علي موبايلها كتير .. فا جت في الفاتورة 550 جنيه مباشر و ابويا عمل كشف عالفاتورة لقاها معظمها لنمرة واحدة اللي هي بتاعتها .. في مرة بقي كنا مع بعض فا بتقولي النمرة دي بتتصل بيا بقالها 3 ايام واحد مش عارفة اعمله ايه .. فا انا خت الموبايل و متحمس بقي للبني ادم اللي هكلمه ده .. قاللي سلامو عليكم .. هي النمرة دي بتاعة مين؟ قلتله ليه و انت مالك انت ؟! قاللي يا استاذ اتكلم بإحترام .. انا النمرة دي جالي في الفاتورة بتاعتي مكالمات ليها ب 500 جنيه .. عايز اعرف مين صاحب النمرة دي .. و فجأة ابتديت استوعب الدنيا ماشية ازاي .. قفلت علي طول و قلتلها اوعي في يوم من الايام تردي عالنمرة دي خااالص !!

عجيب الموقف التاني دا

[kimo-nubira]

أول مرة اروح اعزى فى حد، كنت فى اعدادى و كان والد احد زملائى بالمدرسة و زميلى ده كان أهلاوى متعصب أوى، و يوم العزاء صباحا كان ماتش للأهلى مش فاكر مع مين و الأهلى اتغلب، المهم و انا داخل على العزاء، عمال احضر الكلمتين اللى باسمعهم فى الأفلام، زى "شد حيلك" و "البقاء لله"، بس ساعة ما مديت ايدى فى ايده لقيت نفسى بمنتهى التلقائية بقوله "هارد لك يا أيمن"، الحمد لله مسكت نفسى بالعافية انى اجرى و دخلت العزاء و انا مكسوف قوى، قعدت ربع واحد و طلعت اجرى، و انا خارج حركت شفايفى من غير ما اتكلم.

لغاية النهاردة باتكسف كل ما افتكر الموقف، بس زميلى ده لو مكنش متعصب قوى و دايما بيتكلم عن الكورة، يمكن مكنش ده حصل

انا بارضو حصل معايا موقف شبه ده شويه كان فيه عزا ورايح انا وابن خالتي المهم ابن خالتي ماشي قدام وداخلين علي الناس اللي بتاخد العزا

وهوووووب راح ابن خالتي متلغبط وبدل ويقول البقاء لله راح قايلهم البقاء للاقووووووي

وانا طبعا رحت لافف ومن كتر الضحك رحت خارج بره ومدخلتش تاني كان موقف عمري ما هنساه وقعدنا نضحك انا وبن خالتي لغايه ماروحنا

[hazem_khidr]

موقف بس مش معايا بس كنت طرف فيه.
كنت في فرح وحد صاحبي و ابن خالي معايا :party:
المهم في الفرح دا قابلت واحد زميلي بالصدفه و كان من اهل العروسه.
فواقفين بنتفرج انا و ابن خالي و زميلي
ففي واحده كانت بترقص
ف ابن خالي بيقولي ابنت دي بترقص حلو اوي
وا نا بغمزه و دا مش عاوز يسكت :):):wacko:

راح صاحبي قاله علي فكره دي بنت عمي !!!!!:boxing_smiley:
فابن خالي اتكسف و قاله انا مش قصدي علي دي انا قصدي علي اللي جنبها
راح صاحبي قاله اللي جنبها تبقي اختها هههههههههههه
حتت موقف كل ما نفتكره نضحك ضحك علي الكسفه

[bee]

ههههههههههههههههههههههههههههههههههه
بجد مواقف كتير كلها اجمل من بعض ولما بنفتكرها بنموت من الضحك

فين الباقي عايزين جديد

يا جماعة حد ينادي على سبعاوي باشاااااا

يا سبعاوىىىىىىىىىىىىىىىىىىىىىىىىىىىىىىىىىىىىىىىىىىىىى


:)

[Mido80]

انا كنت في الكليه وعندي سكشن الساعه 2
المهم قلت ادخل اصلي
و للاسف الجزمه اتسرقت
طبعا ادور عليها مش لاقيها خالص
و السكشن معاده جه المصيبه اني كنت لازم احضر عشان رئيس القسم نازل

تخيلو منظري داخل السكشن متاخر و لابس قبقاب في رجليا
و المصيبه ان السكش سيراميك فماشي و القبقاب عمال يطرقع :) تك تك تك تك
و قاعد الدرس طويله وهما في اخرها
و ده بيزعئلي اتاخرت ليه ياولد
مردتش شاورتله علي القبقاب
و انفجرت ماسوره الضحك حواليا :) :)
بجد مش هنسي الموقف ده ابدا

ههههههههههههههههههههههههههههههههههههههه...جامدة ..جامدة يا مان

[hatem_badawe]

مرة كنت رايح اعزي واحد صاحبي والدة مات في اسكندرية


المهم وانا قاعد عندة في البيت ومرة واحدة لقيت قطة نطت علي رجلي (انا بخاف جدا من اي كائن حي من اول الصرصار لحد الفراخ والكتاكيت والكلاب والقطط) المهم تقريبا طلع مني صوت كاني شوفت عفريت المهم ان كل زمايلي الي قاعدين ضحكوا عليا لدرجة انهم حبسوا القطة علشان خاطرى

[Nile_Storm]

ههههههههههههههههههههههههههههههههههههههه...جامدة ..جامدة يا مان

هوا كان موقف جامد بعقل ده كان كارثه خصوصا اني كنت لسف في سنه اولي و بتعرف بالناس

نييييييييههههههههههه
عشان موقف مشابه للموقف المهبب بتاعك ده
اتعلمت اسيب في العربية كوتش خفيف كدة(اسبدرين)وتيشرت خفيف بكم وبنطلون برضه
ومطبقم ومابيتشالوش من العربية صيف شتاء عشان الطوارئ
نيييييهههههههه
قباب
هلكتني من الضحك وكنت هاتطرد من الاجتماع بسببك

طب كوتشي ماشي بس ليه بنطلون و قميص :):)
حد قالك تدخل من اجتماع
صحيح مش عارف ليه الواحد بيحب يدخل المنتدي في اوقات غريبه
انا مش بيحلالي ادخل عليه الا و انا في السكشن او الروند
لو اتمسكت مره ابقي تعالو خلصوني من ايديهم
مش انتو الاداره بتاعتنا برضه :):)

[Hossam.Hamdy]

انا كنت في الكليه وعندي سكشن الساعه 2
المهم قلت ادخل اصلي
و للاسف الجزمه اتسرقت
طبعا ادور عليها مش لاقيها خالص
و السكشن معاده جه المصيبه اني كنت لازم احضر عشان رئيس القسم نازل

تخيلو منظري داخل السكشن متاخر و لابس قبقاب في رجليا
و المصيبه ان السكش سيراميك فماشي و القبقاب عمال يطرقع :) تك تك تك تك
و قاعد الدرس طويله وهما في اخرها
و ده بيزعئلي اتاخرت ليه ياولد
مردتش شاورتله علي القبقاب
و انفجرت ماسوره الضحك حواليا :) :)
بجد مش هنسي الموقف ده ابدا

بجد جامد اخر حاجه....موقف تحفه

[wsamir]

مرة انا ومعايا اتنين اصحابى عدينا على واحد زميلنا تانى و هوساكن فى الدور التالت و احنا ببنادى عليه طعلت سته من الدور الى تحتة فانا بسلم عليها ازيك يا ستى ......
راحت هاتك ياشتيمة فى و فى اصحبنا طبعا سبت اصحابىوجريت خفت لابو صاحبى يطلع و يفكر اننا بنعاكسها ولا حاجة و احد من اصحابى وقع على الارض من الضحك و التانى جرى معايا

[دموع الثلج]

انا لسا حاصل معايا موقف بايخ جدا وكنت فى نص هدومى هعيط من الاحراج صراحه

جارتى ساكنه جديده رنت الجرس ووكانت بتكلمنى فى موضوع كان عندها ضيوف اصحاب جوزها وبعتت البواب يشترى لها جاتوه وحلويات

البواب جاب الطلبات واتصل بالانتركم على شقتنا بالغلط وقالى فيه حاجات ليكم فى الاسانسير خدوها

طبعا طلعت اشوف الاسانسير لقيت جارتنا ماسكه علب الحلويات فى ايدها اول شى فكرت فيه انها كانت ماسكها عشان تخبط عليا وتجبها لى رحت قايله لها الف شكر معلش تعبتك و هببببببببببببببببببببببببببببببب سحبت من ايدها العلب ودخلت على الشقه
ففكرت انه عيب لازم اقدم لها منها واضايفها رحت هببببببببببببببب برضوه مقطعه الحلويات ومقدمه لها

وهى ولا نطقت بكلمه واحده انا استغربت بقولها مش بتاكلى ليه قالت لى على فكره الحلويات دى بتاعتنا وانا اللى بعت البواب يجيبها عشان عندنا ضيوف


انا ساعتها اتمنيت يغمى عليا او تتشق الارض وتبلعنى يمكن 3 ساعات اتاسف لها ورجعت لها الحاجه وطلبت لها كمان جديد غيرها وبرضوه لحد انهارده وشى منها فى الارض

[kimo-nubira]

انا لسا حاصل معايا موقف بايخ جدا وكنت فى نص هدومى هعيط من الاحراج صراحه

جارتى ساكنه جديده رنت الجرس ووكانت بتكلمنى فى موضوع كان عندها ضيوف اصحاب جوزها وبعتت البواب يشترى لها جاتوه وحلويات

البواب جاب الطلبات واتصل بالانتركم على شقتنا بالغلط وقالى فيه حاجات ليكم فى الاسانسير خدوها

طبعا طلعت اشوف الاسانسير لقيت جارتنا ماسكه علب الحلويات فى ايدها اول شى فكرت فيه انها كانت ماسكها عشان تخبط عليا وتجبها لى رحت قايله لها الف شكر معلش تعبتك و هببببببببببببببببببببببببببببببب سحبت من ايدها العلب ودخلت على الشقه
ففكرت انه عيب لازم اقدم لها منها واضايفها رحت هببببببببببببببب برضوه مقطعه الحلويات ومقدمه لها

وهى ولا نطقت بكلمه واحده انا استغربت بقولها مش بتاكلى ليه قالت لى على فكره الحلويات دى بتاعتنا وانا اللى بعت البواب يجيبها عشان عندنا ضيوف


انا ساعتها اتمنيت يغمى عليا او تتشق الارض وتبلعنى يمكن 3 ساعات اتاسف لها ورجعت لها الحاجه وطلبت لها كمان جديد غيرها وبرضوه لحد انهارده وشى منها فى الارض

اووووووووووووووووووووووووووووووف بجد موقف بايخ جدا ليكي حق تضايقي انا ضحكت علي كل المواقف بس الموقف ده اضايقتلك والله

[دموع الثلج]

اووووووووووووووووووووووووووووووف بجد موقف بايخ جدا ليكي حق تضايقي انا ضحكت علي كل المواقف بس الموقف ده اضايقتلك والله

اهى دى الحاجات لمحرجه منه لله البواب ورطنى

لكن الحمد لله الست اقتنعت انى مكنش قصدى

[kimo-nubira]

اهى دى الحاجات لمحرجه منه لله البواب ورطنى

لكن الحمد لله الست اقتنعت انى مكنش قصدى

الحمدلله انها اقتنعت بس لازم تهزقي البواب ده علشان ميغلطش الغلطه ديه تاني اصل الموقف انا حاسس بيه بايخ اووووى