موقف محرج ..!!!!!

[OlaOsman]

اللي يغيظ بجد إن عمري ما عرفت افرقع كيس مرمي ع الأرض لما كنت صغير والعيال كانوا يتريقوا علي عشان معنديش المهارات الفردية دي، آجي ادوس على كيس بالصدفة يفرقع لوحده؟!!!!!

هي الدنيا كده يا تاوتاو مش دايما بتقدر تعمل اللي انت عايزه وقت ما تكون عايزه، انما ممكن تلاقي نفسك بتعمله وقت ما انت مش عايزه يحصل :)

[Nile_Storm]

ايييييييه ده كاه ايييييييه ده كلو
بصراحه يادموع انتي متألقه
انتي عارفه انا علشان كده مجبتش عربيتي سودا :) ههههههههههههههه

كملي كملي

[bee]

بص والله المواقف دى بتحصل صدفه واحيانا الواحد بعدها بيحس انه كتله غباء ماشيه على الارض لكن ربك بيسترها

معاكي حق
بس يا ريت تكلمي لانك فعلا المواقف بتاعت واضح انها كلها تحفةةةةة :)

مستنيين مشاركاتك تاني
تحياتي

[aif]

انا مرة كنت في شركة ليه معاهم شغل وباروح عندهم باستمرار ... وكنا بنصلي الظهر جماعة في الشركة .... الموظفين كلهم والمديرين ورئيس مجلس الادارة ... كلنا .... وانا الأمام ... وانا في الركعة الاولي ... افتكرت اني نسيت اتوضأ
.... والشيطان بقي قعد يزن عليه .... ويوسوسلي اني اكمل وبلاش احراج ... لكن قولت لنفسي هو انا ح اشيل ذنب الناس دي كلها .....لأ يا عم الإحراج ارحم من الذنوب دي كلها
وخرجت من الصلاه .................... .....
لكن كنت في نص هدومي
علي فكرة دة مش تكرار غير مقصود
لكن الموقف نفسه في نفس الشركة ومع نفس الناس حصل معايا تاني .....
لكن المرة دي كنت خدت خبرة واتصرفت صح .... قدمت واحد من الصف اللي ورايا يكمل بدالي ... لكن الناس ما عجبهاش الحل ده وطلعو من الصلاه واعادوها ... ولما سألو اتضح انهم كان مفروض يكملو ورا الامام الجديد .... المتوضي

[TaoTao]

ايييييييه ده كاه ايييييييه ده كلو
بصراحه يادموع انتي متألقه
انتي عارفه انا علشان كده مجبتش عربيتي سودا :) ههههههههههههههه

كملي كملي

هو مش كل الاسود .. الاسود لون شيك جدا في كل العربيات ماعدا الشاهين !! لو شفت شاهين سودا ماتخيلهاش تكون ملاكي ابدا.
أنا لما قريت الموقف قلت لنفسي أكيد كانت عربية شاهين
وياريت أستاذة "دموع الثلج" تقولنا ماركة العربية لو لسة فاكراها يعني :)

[sa3dawy]

يااااااااااااااااااااااااااااااااة
مانا بقول الشارع كلة بيوقفنى لية :(:(:(:(
اظاهر علشان عربيتى سودااا

[Karim_Monir]

بصراحة من قبقاب نايل لجاتوة دموع يا قلبي لا تحزن
انا ماشي من هنا احسن

[دموع الثلج]

بصراحة من قبقاب نايل لجاتوة دموع يا قلبي لا تحزن
انا ماشي من هنا احسن

هههههه كريم باشا انا متاكده ان سعادتك مريت بظروف صعبه
قصدى مواقف محرجه فبلاش تريقه سعادتك الطيب احسن

انا مرضتش اقول باقى اللى المأسى اللى حصلت فى حياتى ربنا امر بالستر برضوه

اه على فكره العربيه كان نوعها ملهوش ملامح محدده
هى شكلها 128 مديه على 131 داخله على شاهين

يا جماعه والله انا ركبت من غير ما اشوف ونزلت برضوه من غير ماابص هو انا كان ليا عين ابص على العربيه كمان بعد النيله اللى عملتها

[goodwave]

بصراحة المنتدى والتعليقات مسخرة.... من قبقاب .... لمعاكسات غريبة ..... ودموع التلج مبرووك عليكي حائزة الإحراج الكبرى!:)

المواقف كتير بس أفتكر من حاجة حصلتلي مؤخرا :

كنت كالعدة بصطاد في مارينا الساحل الشمالي وبنطلع دايما من بالليل على البحيرات وساعات بتكون الإضاءة مش ولا بد .... المهم بنقف جنب بعض وبنرمي .... إللي ميعرفش الصيد بنحط سنار وبعدين ثقل من الرصاص (الكيلو عدى 25 جنية اليومين دول) ونحدف.... طبعا نظرا لتواجد الصخور والأعشاب البحرية في القاع وإللي بيتغذى عليها الاسماك فإن الرصاص (الثقل) عرضة لأنه يوعر (يشبك) في الصخر.

المهم انا رامي وبعدين ألم الأاقي حاجة تقيلة وافضل أسحب وأسحب ألاقي خيط صيد وفية رصاصة وأبص يمين وشمال مفيش حد بيعمل تصرف غريب وكله باصص للبوصة بتاعته والدنيا ليل ولو انا بشد خيط حد كان أكيد حيحس..... المهم قلت خير ورزق (بدل السمك) واقوم قاطع الرصاصة بالمقص وأرمي الخيط في المية تاني

وهكذا كل نص ساعة او ساعة يحصل معايا نفس الموقف وأقص الرصاصة لحد ما جمعت حوالي كيلو رصاص.

ولما طلع النهار وجينا ماشيين لقيت واحد من الناس إللي بيصطادوا جنب مني جاي بيقولي إنتم إصطدتم حاجة .... قلتله لأ النهاردة ما كانش فية سمك لأن الريح ضعيف والجو مش مناسب.... قام رد عليا وقالي لا الموضوع مش موضوع جو .... الموضوع إن في سمك كبير في المية بيقص !!!! قلتله إزاي قالي أصلي من بالليل أرمي الطعم والرصاصة (الثقل) وأطلع الاقي الرصاصة مقصوصة !!! وده بيبقى سمك كبير مياس او دراك وبياكل الرصاصة وكمان بيخوف السمك الأحجام الصغيرة!

طبعا أنا إتسمرت مكاني وإتنين صحابي وقعوا من الضحك بس انا وشي إحمر وبصيت لهم (في عرضكم بلاش فضايح) !

المهم الراجل كان كله ذوق وأدب وكان جاي يطلب كام واحدة رصاص علشان يكمل صيد وكان مكسوف قوي وهو بيطلب!!!! طبعا ما قدرتش أعترفله بالحقيقة وإني انا إللي بوظت له اليوم بتاعه .... بس إديته نفس الكمية من معايا (مش بتاعته) والراجل يحلف مش عاوز وانا أحلف ... وفي الأخر مشى وفي عيونه نظرات الشكر والإمتنان وأنا في عيوني كل نظرات البراءة والكرم :)

بس قضينا السكة وإحنا مروحين ميتين على نفسنا من الضحك:)

[Khalid_Mostafa]

بصراحة المنتدى والتعليقات مسخرة.... من قبقاب .... لمعاكسات غريبة ..... ودموع التلج مبرووك عليكي حائزة الإحراج الكبرى!:)

المواقف كتير بس أفتكر من حاجة حصلتلي مؤخرا :

كنت كالعدة بصطاد في مارينا الساحل الشمالي وبنطلع دايما من بالليل على البحيرات وساعات بتكون الإضاءة مش ولا بد .... المهم بنقف جنب بعض وبنرمي .... إللي ميعرفش الصيد بنحط سنار وبعدين ثقل من الرصاص (الكيلو عدى 25 جنية اليومين دول) ونحدف.... طبعا نظرا لتواجد الصخور والأعشاب البحرية في القاع وإللي بيتغذى عليها الاسماك فإن الرصاص (الثقل) عرضة لأنه يوعر (يشبك) في الصخر.

المهم انا رامي وبعدين ألم الأاقي حاجة تقيلة وافضل أسحب وأسحب ألاقي خيط صيد وفية رصاصة وأبص يمين وشمال مفيش حد بيعمل تصرف غريب وكله باصص للبوصة بتاعته والدنيا ليل ولو انا بشد خيط حد كان أكيد حيحس..... المهم قلت خير ورزق (بدل السمك) واقوم قاطع الرصاصة بالمقص وأرمي الخيط في المية تاني

وهكذا كل نص ساعة او ساعة يحصل معايا نفس الموقف وأقص الرصاصة لحد ما جمعت حوالي كيلو رصاص.

ولما طلع النهار وجينا ماشيين لقيت واحد من الناس إللي بيصطادوا جنب مني جاي بيقولي إنتم إصطدتم حاجة .... قلتله لأ النهاردة ما كانش فية سمك لأن الريح ضعيف والجو مش مناسب.... قام رد عليا وقالي لا الموضوع مش موضوع جو .... الموضوع إن في سمك كبير في المية بيقص !!!! قلتله إزاي قالي أصلي من بالليل أرمي الطعم والرصاصة (الثقل) وأطلع الاقي الرصاصة مقصوصة !!! وده بيبقى سمك كبير مياس او دراك وبياكل الرصاصة وكمان بيخوف السمك الأحجام الصغيرة!

طبعا أنا إتسمرت مكاني وإتنين صحابي وقعوا من الضحك بس انا وشي إحمر وبصيت لهم (في عرضكم بلاش فضايح) !

المهم الراجل كان كله ذوق وأدب وكان جاي يطلب كام واحدة رصاص علشان يكمل صيد وكان مكسوف قوي وهو بيطلب!!!! طبعا ما قدرتش أعترفله بالحقيقة وإني انا إللي بوظت له اليوم بتاعه .... بس إديته نفس الكمية من معايا (مش بتاعته) والراجل يحلف مش عاوز وانا أحلف ... وفي الأخر مشى وفي عيونه نظرات الشكر والإمتنان وأنا في عيوني كل نظرات البراءة والكرم :)

بس قضينا السكة وإحنا مروحين ميتين على نفسنا من الضحك:)

نيااااهههههههههههههه
اهي دي بقي ميدركهاش غير الي بيروحوا يصطادوا فعلاًًً ...حرام عليك يا راجل بوظتله يومه وكمان تلاقيه قعد يعمل أرم صيد لما اتهرا :)
:)

[mbluethunder]

طيب اسمع بئه

مره كنت نازله متاخره على الكليه

واقفه فى الشارع بدعى ربنا يعدى تاكسى بعد وقفه طويله لقيت تاكســى ((او تخيلت ))

وفيه واحد راكب جمب السواق قلت مش مشكله مضطره لانى متاخره
شاورت له وقف هــــــــــــــــــب رحت فاتحه الباب اللى وراء وركبــــــت قلت له الجامعـــــه لو سمحت الراجل بص للى جمبه ومشى لما قرب من الجامعه قلت له لو سمحت الباب الرئيسى لمـــــا وصلــت بدفع له الفلوس مرضيش ياخدها قالى لا مش عاوز فلــــــوس انا اترعبت ليه مش راضى ياخد فلوس قلت له طيب عاوز فلوس زياده لازم تاخد الاجره حضرتك عاوز كم بالظبط

قالى يا انسسسسسسسه انا مش عاوز فلوس لانى مش سواق تاكســـــــــى
ولا ن عربيتى مـــــــــــــلاكى مش تاكسى والراجل ده صاحبى وانتى شاورتى لنا وقفت افتكرتك هتسالى على مكان انتى هـــــــــــب فتحتى وركبتى

اى حد ممكن يتخيل الموقف ده الا انا مش قادره افتكره ساعتها اتمنيت العربيه تبلعنى او او ونش يجى ينزلنى من العربيه مقدرتش اتسمرت مكانى وهاتك يا اعتذرات وتاسف وششششى كان ف الارض من الراجل وصاحبه ومن تصرفى من الخضه لما نزلت قلت له انت ليه داهن عربيتك اسود ذى التاكسى

جامد أوي الموقف ده..

[bee]

انا شاكر جدا لاهتمامكوا بالموضوع

بس عشان تعم الفايده حبيت اضيف حاجه

دموع الثلج بما انها بالاجماع بطلة الموضوع اتعلمنا بجدددددددد من مواقفها
مثلا اتعلمنا مهما نكون مستعجلين لازم ندقق كويس ... لانه مكنش تاكسي
فمهما كان البال مشغول لازم نركز زز
وعرفنا ان الدنيا لسه بخير بدليل ان الراجل وقف ووصلها .. واستحمل انها تقوله انت ماشي بشويش ليه :)

وزي موقف الجزمة الي اتسرقت .. اتعلمنا زي كريم انه سايب طقم كامل في الشنطة اسبير ودي حاجه مفيده ..وهو نفسه ذكر انه عمل كده بعد ما اتعلم من موقف مشابه لموقف نايل ستورم..
اعتقد يعنى الحمد لله فيه مواقف شفناها هنا صعب تحصلنا لانها لو جت تتكرر معانا هنفتكر الي حصل هنا ومش هنقع فيها ...

اتمنى دوام تواصلكم وفي انتظار المزيد

تحياتي

[AHMEDCAR]

انا فى مره كان فى واحد بيعاكسنا على تليفون البيت كل شويه واخر مازهقت رفعت السماعه و اديته من المنقى يا خيار فى الاخر لقيت عمى هو اللى بيتكلم بس حظه جه انه اتكلم بعد اللى بيعاكسنا

و مره واحده ظريفه ركنت عربيتها قدام باب الجراج بتاعى لمده يومين و لكوا ان تتخيلوا الواحد بيروح الشغل بتاكسى بسبب واحده تافهه و عربيته مركونه تحت البيت و المشكله انى عامل يافطه تغرم العين جراج حاص برجاء عدم الانتظار و كانت عربيتها لانوس ففتحت الكابوت بتعها و شيلت سلوك الوجيهات بتاعتها علشان اردلها القلم ولكوا ان تتخيلوا منظرها و هى بتتدور عربيتها لما افتكرت ان ليها عربيه بعد يومين من تعطيلى و المشكله انها كانت جايه زياره لواحده يومي و مشيت

[shady_elkady]

كنت فى محاضرة و اعد اشتم فى الدكتور مع و احد صحبى فى الكلية لقيت و شة احمر بقلة مالك قلى دة بابا و مكنش قايل لحد

[dr_3eshoo]

حصلي موقف الكليه كلها بتحكي عليه لحد النهرده
معيد دخل و قالي خد شييت من العيان اخده و تمام التمام دخل دكتور و هو داخل رزع الباب رزعه و قعت واحد زميلنا على الارض و زقع زي مايكون بيزعق لعيال في حضانه اقعوووووووووووووووووووودوا طبعا كلنا قعدنا طبعا الي عملها على روحه و الي و شه احمر كده
و بعدين قال بصوت رقيق مين الي اخد الشييت قلتله انا
قالي ها سمعني
قلتله محمد سنه 30 سنه و عايش في الهرم و طبعا كل ده بالانجليزي
لحد اما وصلت للطامه الكبر
قلت 15 بالانجليزي قلتها 50 يعني المفروض اقول من 15 سنه كان بيشتكي من كزا لا قلتها من 50 سنه كان بيشتكي من كزا
طبعا بصلي بصه التنين الي بيطلع نار و قالي هو عنده كام سنه قلتله 30
قالي يبقى ازاي من 50 سنه كان بيشتكي
قلته يا دكتور انا ماقلتش 50 انا قلت 15
قالي طب هاسالك سؤال قلتله اتفضل قالي ايه الفرق بين فيفتي و فيفتين
اتلبخت لبخه عمري ما اتلبختها في حياتي
قلتله ماعرفش
و هاتك يا ضحك و شتايم يا بهيم يا حمار دانت في الجهل عايم و هاتك سمعني قصيده
المهم ضحكت و كملت الشيت
و لان دي كانت حاله مخ و اعصاب لازم اكشف على 12 عصب بيخرجوا من المخ
قالي سمعهلي قلتله يا باشا انا عرفت فيفتي من فيفتين بالضالين هاعرف 12 عصب دول


قالي لا عندك حق انا غلطانلك يا سيدي معلش ماعرفش عدت عليا ازاي
و لقيته بيشرحهم
شافني في امتحان الروند قلت استخبى لقيته جايبني من قفايا و قالي ايه الي موقفك
كده تعالى طبعا انا بطلب النجده غريييييييييييييييييييييييييييييييييييييييييييقد
لقيته دخلني و اداني الفول مارك و قالي انت الوحيد الي صمد قدامي