التراما دول ودماغ المجاري

[SHNORY]

من شويه كنت واقف عند الميكانيكي بتاعي
وبلاعه المجري ضاربه ومغرقه الشارع
وواقفين نلعن سنسفيل الريحه
شويه ولقيت اتنين من المنحرفين معديين
راح واحد فيهم متنح شويه كده تحت رجله ومد صباعه علي حاجه عجبته وسط ميه المجاري والدهشه في عينه
بصيت اشوف بيلعب في ايه فشوفت حته بلاستيك خضرا رفيعه ومميزتش ايه دي
المهم سابها ومشي وشويه ورجع تاني هو وصاحبه ودار الحديث ده
منحرف 1:دي وقعت من مين (اللي كان بيلعب بصباعه)
منحرف 2: مش مهم هاتها ناخدها
منحرف 1: بس دي عليها مجاري (ونزل يلعب فيها بصباعه تاني)
منحرف 2: مش مهم حفضي البودره منها واخدها
منحرف 1: لا ياعم دي باشت (ولسه بيلعب فيها بصباعه)
منحرف 2: ياعم انا حاخدها مليكش دعوه
وراح مادد ايده يلعب فيها بصباعه هو كمان
ولاحظت انها تقريبا ساحت وفيه ماده بيضا جواها
كل ده وهي لسه في ميه المجاري
وراح منحرف 2 واخدها في ايده
ومشي بيها وزهوه الانتصار في عينه وفرحه انه حيتكيف
سالت الميكانيكي ايه دي؟؟؟
قالي دي حبايه تراما دول
هههههههههههههههه
ودمتم
مش عارف هو حيعمل دماغ بالحبايه ولا بميه المجاري

[ahmed_mido1889]

عادي يا عمنا

رزق وجالهم


هتبص للناس في رزقها

[walidzakzok]

يبقى واحد بلعها وما اتهضمتش ونزلت المجاري راحت لصاحب نصيبها..........ههههههههههههه

[l0new0lf]

حاجه من اتنين
يا اما وقعت من الميكانيكى
يا اما البلاعه دى منفده على مستودع ترامادول و الميكانيكى برضه بيسترزق منها
:0

[zago]

الله يرحم ايام مبارك
مكانش المنحرف يضطر يعمل كده ابدا
ده كان يجيب شريط بحاله من اي امين شرطه ب 15 جنيه بس

[icehearted girl]

طب ودي شافها ازاي ف وسط مية المجاري..ولا الجعان بيححلم بسوق العيش؟؟؟

[zago]

طب ودي شافها ازاي ف وسط مية المجاري..ولا الجعان بيححلم بسوق العيش؟؟؟

عندهم سنسور بيبين مكان الحاجات دي
:)

[icehearted girl]

مهو دا بداية الخيط..وفوقت الترامال ولا هيأثر فيه هيدور علي مسكن أقوي

[zago]

مهو دا بداية الخيط..وفوقت الترامال ولا هيأثر فيه هيدور علي مسكن أقوي

يبقى ياخد طلقتين في نافوخه
مفيش مسكن اقوى من كده
:)

[masterzmind]

الشعب المصرى نصفه بياخد ترامادول والله حتى الى مش منحرف يقولك عشان اعرف اقف على حيلى ولى يقولك عشان الحياة الزوجية والكلام دةةةةة

[kar!m]

على فكرة أنا فعلا معرفش الترامادول ده بيعمل ايه .. بس بحس ان الناس كلها بتتكلم و كأنه شىء محدش ميعرفوش .. فا بتكسف أسأل.

[icehearted girl]

مفيش مسكن اقوى من كده

في طبعا ..جنبي خزنة المخدرات كلها فيها ما لذ وطاب...بس ف عيادة الألم لمرضي السرطان....ربنا يعافينا جميعا...فما بالك بالصحيح السليم اللي بياخده؟

[Medicalist]

والله اكبر غلط والى مثقف شوى وعارف هيفهم الى انا بقوله
ولا اقولك خلى دكاتره الادمان تشتغل شوى

[Medicalist]

في طبعا ..جنبي خزنة المخدرات كلها فيها ما لذ وطاب...بس ف عيادة الألم لمرضي السرطان....ربنا يعافينا جميعا...فما بالك بالصحيح السليم اللي بياخده؟

فعلا وخصوصا حالات الhcc الناس دى بتتعذب من الالم و الترامادول ده كمان مش بيعمل معاهم حاجه

[icehearted girl]

المشكلة فعلا بمرور الوقت كبيرة جدا ومبيكنش قادر علي تحمل أدني ألم

شفت قدامي شخص بيعاني جدا بعد عملية بسيطة جدا جدا من كتر الالم عشان مش قادر ياخد ترامال فلوقت دا

لدرجة اني احترت هو بيزود ولا بيقلل ال threshold of pain