اهداء الي كل زوج شايف نفسه انه اختار....................

[النوبي]

برغم اني مش بسمع اغاني (غير اغاني الاطفال وغصب عني علشان خاطر محمد بيه)
إلا إني حاليا بجد مش عارف اقول ايه بس بجد ياريتني قعدت جنب امي انا كان مالي ومال الجواز
علشان كده انا اقدم هذه الكلمات الي كل متزوج شايف نفسه معايا
‫ط§ظ†ط§ ط§ظٹط© ط®ظ„ط§ظ†ظٹ ط§طھط¬ظˆط² ,,, ظˆط§ظ‚ط¹ط¯ ظپظٹ ط§ظ„ط¨ظٹطھ ظˆط§ط¨ظˆط² ..‬‎ - YouTube

[AHMEDCAR]

باشا انا بسمعها من ايام الخطوبه :)

[hosamsief]

ابويا رحمه الله اول ما تجوزت قاللى بص يا حبيبى المغفلين زادوا واحد ...
و اخويا سأل ابويا مرة و قاله هى الحمير يا بابا بتتجوز ... ابويه رد علية و قاله ..... هو اصلا بيتجوز غير ......... كمل انت الباقى

[النوبي]

ابويا رحمه الله اول ما تجوزت قاللى بص يا حبيبى المغفلين زادوا واحد ...
و اخويا سأل ابويا مرة و قاله هى الحمير يا بابا بتتجوز ... ابويه رد علية و قاله ..... هو اصلا بيتجوز غير ......... كمل انت الباقى

بعيدا عن الهزار انا بعترف بمنتهي الجديه انا حماااااااااااااااااااااار وغبي
انا ايه اللي يخليني اتربط الربطه السوده دي ماانا كنت نجم وعايش حياتي من البيت للشغل ومن الشغل لاصحابي للدردشه والقعده واللمه ياااااااااااااااااااه
دلوقتي الواحد معندهوش مساحه لنفسه نهائي ومع ذلك مش بيبطلوا شكوه طيب لما الموضوع ان عمري ماهرضيها يبقي خلاص انا اللي غلطااااااااااااااااااان واستااااااااااااهل ضرب الجزم
انا ايه خلاني اتجوز مانا كنت قاعد جنب امي بتاكلني وبتشربني وبتكويلي واحيانا كانت بتقص لي ضوافري وكل شويه عصير ولو يوم تعبت ولا عييت الدنيا تخرب
دلوقتي انا لو مت مراتي هتقول احسن
معلش اصلي محرووووووووووووووووووووووق قوي قوي حاسس اني هطلع غلي واقوم اخنقها

[AHMEDCAR]

صلى على النبى يا حاج نوبى كلنا بنفوت بفتره زى دى و بنرجع تانى نقول الجواز حلو اهم حاجه قوم من جنبها دلوقتى و اخرج شم حبه هواء

[FunnyMickey]

النكد عند الستات اعتقد انه هوايه عندهم وبعد الزواج بتوصل لمرحله الاحتراف
فلازم نستحمل عشان المركب تمشي
يااما مفاضلش غير اننا نرميهم بره المركب :) :)

[النوبي]

صلى على النبى يا حاج نوبى كلنا بنفوت بفتره زى دى و بنرجع تانى نقول الجواز حلو اهم حاجه قوم من جنبها دلوقتى و اخرج شم حبه هواء

انا روحت عند امي
كده احسن 100 مره

[النوبي]

النكد عند الستات اعتقد انه هوايه عندهم وبعد الزواج بتوصل لمرحله الاحتراف
فلازم نستحمل عشان المركب تمشي
يااما مفاضلش غير اننا نرميهم بره المركب :) :)

والله ياصبحي ياخويا انا تعبت شفت الويل وضلام الليل وصحتي والضغط خلاص هنفجر ياهتحصلي حاجه
وانا مش زعلان من طلبات ولا من شكاوي ولا اي حاجه بس كفايه انك تحس انك بتحرق في دمك واللي قدامك مش مقدر قد ايه انت بتتعب
ومتخافش كله بيمر بالمرحله دي يعني قدامك كده سنتين وشويه واقابلك علي الصفحه دي واقولك فاكر مش قلتلك انه كله

[AHMEDCAR]

ايوه جيت على الجرح حته انهم مش مقدريين دى بتجيبلى كل حاجه انا بتخنق الله يكرمك و ماتجيبش سيره الحته دى تانى لحسن لو اتكلمت المنتدى ممكن يعمل ترافك محترم

بالنسبه للقعده عند الحاجه ميه ميه انت كده اصلى بس خلى بالك هيه كده ممكن تحط الحاجه فى دماغها و تقول انها مقوياك عليها

[mohamedbook]

هي دي سنة الحياة
والرسول صلي الله علية وسلم يقول علي النساء في صحيح البخاري
من كان يؤمن بالله واليوم الآخر فلا يؤذي جاره واستوصوا بالنساء خيرا ، فإنهن خلقن من ضلع ، وإن أعوج شيء في الضلع أعلاه ، فإن ذهبت تقيمه كسرته ، وأن تركته لم يزل أعوج ، فاستوصوا بالنساء خيرا
الراوي: أبو هريرة المحدث: البخاري - المصدر: صحيح البخاري - الصفحة أو الرقم: 5185
خلاصة حكم المحدث: [صحيح]
-----------------------------
وقال ايضا في صحيح مسلم
إن المرأة خلقت من ضلع . لن تستقيم لك على طريقة . فإن استمتعت بها استمتعت بها وبها عوج . وإن ذهبت تقيمها كسرتها . وكسرها طلاقها
الراوي: أبو هريرة المحدث: مسلم - المصدر: صحيح مسلم - الصفحة أو الرقم: 1468
خلاصة حكم المحدث: صحيح

[friendship7897]

ياااااه - أنت مضغوط أوي يا أ/ النوبي ،
بس رويداً على نفسك - كل الناس مضغوطة وكل البيوت فيها مشاكل ولازم نهدي علشان المركب لازم تمشي علشان أولادنا ونحاول نشوف الإيجابيات ونستمتع بها ونحاول نعدل في السلبيات وإذا لم تتعدل نحاول نرضى بيها ، وقريت في كتاب لا تحزن :-
إذا رأيت الصحراء تمتدُّ وتمتدُّ ، فاعلم أنَّ وراءها رياضاً خضراء، إذا رأيت الحِبْل يشتدُّ ويشتدُّ ، فاعلمْ أنه سوف يَنْقطُعِ . مع الدمعةِ بسمةٌ ، ومع الخوفِ أمْنٌ ، ومع الفَزَعِ سكينةٌ .
إذاً فلا تضِقْ ذرعاً فمن المُحالِ دوامُ الحالِ ، وأفضلُ العبادِة انتظارُ الفرجِ ، الأيامُ دُولٌ ، والدهرُ قُلّبٌ ،والليالي حُبَالى ، والغيبُ مستورٌ ، والحكيمُ كلَّ يوم هو في شأنٍ ،ولعلَّ الله يُحْدِثُ بعد ذلك أمراً ،وإن مع العُسْرِ يُسْراً ، إن مع العُسْرِ يُسْراً .

[أحمد كمال]

دلوقتي الواحد معندهوش مساحه لنفسه نهائي ومع ذلك مش بيبطلوا شكوه طيب لما الموضوع ان عمري ماهرضيها يبقي خلاص انا اللي غلطااااااااااااااااااان واستااااااااااااهل ضرب الجزم

دلوقتي انا لو مت مراتي هتقول احسن

اهلا بيك في عالم المتجوزين .....


مشكلتك تتلخص في كده .... لو ولعت في نفسك هتقول لك بقرف "ولعت بجاز ليه مش ببنزين يااااااااي الجاز بيئة" .......



مش في ان مفيش مساحة و لا ان مفيش حرية و لا انك مخنوق


الراجل المصري راجل حمول بطبعه و عبيط زي العيل الصغير يعني لو ولع في نفسه و مراته بصت له و بربشت شوية و قالت له ميرسي يا روحي محدش بيولع لنا في نفسه زيك بيبقى مبسوط


بس المشكلة في عدم الرضا اللي عند 99.9999999% من الستات و ده اسبابه كتيرة


1- اللت و العجن بين البنات زي الموقع اياه الله يحرقه بجاز اللي بوظ دماغ بنات نص البلد ...... طبعا ده بيرفع سقف الطموحات و التوقعات من الراجل في كل الاصعدة (خروج فسح مشاوير مساعدة في شغل البيت فلوس هدايا الخ الخ الخ) و مهما عملت هيبقى فيه الاحسن منك .... انا اكتشفت ان الستات بترغي مع بعض في الاسرار الزوجية الخاصة !!! اللي الرجالة تتكسف تتكلم فيها اصلا ده طبعا بجانب انها حرام .......

2- احساس المرأة المصرية الغير مبرر بالاستحقاق entitlement .... "أيوة انت ما بتعملش حاجة زيادة يعني هو المفروض كده و كل الازواج بتعمل كده"

3- المقارنة بين الستات و بعضها البعض ..... السلايف و العدايل و الاخوات و الصاحبات و الجارات ..... حاجة تقرف ....... و مفيش حاجة تحرق دم راجل زي ان مراته تمدح في جوز اختها او قريبتها او صاحبتها و تقول ده بيعمل لها كذا و كذا ....... خلاص ياختي تحبي تتطلقي و اول ما العدة تخلص ياخدك ضرة لصاحبتك اياكش تولعوا في بعض ؟؟؟؟؟؟؟؟؟؟

4- الزوجات المصريات بيتجوزوا لاسباب كتير جدا غير اللي شرعها ربنا او غير الحب اولها و اهمها للبنت هي التنطيط على خلق الله بالشبكة و الدبلة و انها اتخطبت و ان ليها راجل و ثانيها الهروب من تهمة العنوسة و السنة الناس (هما مال ابوهم اصلا !!!!) و ثالثها الستر الاجتماعي و المادي و الاحتماء بظل راجل (و يا ريته بيتشكر !!!!) ......و طبعا الخلفة عشان تبقى "مامي" و تجيب هدوم البيبي و تعمل سبوع و و و (و الخلفة هي بداية النهاية لوضع الزوج المصري في بيته حيث يتحول من ذكر الأسرة الى البتاع اللي بيجيب فلوس اخر الشهر و بيشتري قوطة و بطاطس في سكته من الشغل) .... و لذلك بعد الوصول للغرض خلااااااااااص خلصت زي موظف الحكومة اللي بيموت عالتعيين عشان يضمن وظيفة دائمة مدى الحياة ....... مجرد ما يتعين بيأنتخ ........



اخيرا و ليس اخرا ............... اللهم انصر الاخوان و السلفيين ....... عايزين قانون اللي قادر يتجوز تاني و ما يتجوزش مراته تتسجن ......

[prisoner]

بسم الله الرحمن الرحيم

انا طبعا قريت الموضوع ولسة ناس كتير مدخلتش تقرا علشان كده الردود مش كتيير بس فى الاول احب اشكر صاحب الموضوع والاخوة وخصوصا حبيبى صبحى وهوة عارفنى كويس يعنى اتمنى قبول كلامى ومرورى وبصراحة رغم انى ترددت كتيير انى ادخل فى حاجة اجتماعية فى المنتدى بس حلاوة الموضوع والناس اللى في المنتدى كله تدينى الثقة دى انى اكتب عن حاجة بقت تخصنى لدرجة كبيرة وكمان انا معرفش حضراتكم متجوزين من قد ايه علشان انا عندى خبرة شوية 5 سنوات جواز وسنة و4 شهور خطوبة وسنتين بحاول اوصلها يعنى داخل فى 10 سنين والحمد لله رب العالمين اعيش فى احلى واجمل نعم ربى ورزق احمد الله عليه كثيرا.

هاختصر المراحل السابقة علشان اللى اتجوز عدى بيها زى بالظبط انا بقالى 5 سنين متجوز والحمد لله رزقت بسلمى فى الاول وبفضل الله رزقت بانس والحمد لله على كل شئ انا بقى اخوكم مر بشوية مشاكل والله لا حصر لها لدرجة انى حاولت اعد الايام اللى بعيش فيها حياتى طبيعى وكويس معرفتش احصرها ولغاية فترة قريبة جدا كانت عندى مشاكل طبيعية جدا بس حسيت انى قربت جدا من مراتى وحبيت البيت قوى واكتشفت انى انااللى غلطان فى ايه بقى غلطان انى مقدرتش افكر قبل ما اعمل اى مشكلة او استقبل اى مشكلة او غضب سواء انا اللى غلطان والا مش انا كلنا نتفق ان عقلهم صغير جدا جدا جدا لاتفه الاسباب واصغرها واكتشفت بعد كده انها ميزة وحاجة ممكن استغلها فى صفى كمان مش اغضب واتخانق وازعق وخلاص لان الواحد بعد تعب يوم شغل ومشاكل وخناقات برة بيحب يجى البيت ميلاقيش مشاكل او حتى يسمع صوت المهم انا عايز اقول من غير اطالة ان الراجل هوة اللى بشكل حياته والله مش كلام شعارات شوية تفاصيل بسيطة وجربتها ولقيتها زى السحر وكنت قريت اكتر من مقالة عن المواضيع دى وكنت بتكبر واقول انا كده كويس بس اكتشفت انى كويس من وجهة نظرى انا مش الطرفين حاولوا تحبوا الموضوع ونكبر دماغنا شوية ونحاول ننسى الجو اللى بنعيشه برة خالص وننساه نحاول نعقل لان اكتشفت ان احنا متجوزين عيال صغيرة فى ابتدائى مش امهاتنا شافوا الويل ولسة بيضحكوا الزمن بقى غير الزمن شوف ازاى انت قدرت تتعود على امك علشان عايش معاها سنين عمرك كلو ومينفعش تسيبها او تفك الارتباط الزوجين برضوا لو فهموا بعض وتيقنوا ان التربية كويسة اه لكن مش واحدة والطباع برضوا نفس الموضوع يمكن مشعارف اشرح قوى بس بحاول اقول حاجات عامة كل واحد يقعد مع نفسه شوية ويشوف اللى ليه واللى عليه والله هانبقى احسن الناس ده غير ان نص الدين وكلنا كنا بنحارب علشان نوصلوا اكيد ربنا مش بيقدر حاجة وحشة وكل حاجة ليها سبب لو فكرنا بهدوء كل حاجة هاتمشى والله مش عارف انا عكيت الموضوع والا ايه بس حبيت اعبر عن اللى جوايا وحاسس بيه معظم الناس و هاقول حكمة اخترعتها من وحى دماغى وتفكيرى متشوفش امك على انها امك شوفها من عين ابيك او زوجة لابيك هتلاقى المشاكل برضوا موجودة لكن التفاهم برضوا والحب موجودين والدماغ الكبيرة تكسب وسامحونى تحياتى واتمنى من الله عز وجل ان يسعد كل الناس

[Amr_tika88]

كلام ميه في الميه

[wesam_salom]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههه
كفايه مش قادر