هل هذا حقيقى ام ليس حقيقى (هاااام جدااا ) ما هى حقيقة كلمة (con)....

[sokasoon]

وصلنى على الايميل هذه الرسالة

كلمة لايكتبها الكمبيوتر ابدأ لم يستطع علماء شركة مايكروسفت الاجابه على هذا الموضوع فى البدايه, ولكن اخيرا عرفوا الاجابة وان لم يعرفوها فهم ممن جحدوها واستيقنتها انفسهم جرب في سطح المكتب واضغط بالزر الايمن بالماوس بيطلع قائمة اضغط على جديد(( مجلد)) بعدين بيطلعلك اسمه {مجلد جديد} "new foLder" ثم حاول تغيير اسمه ل "con" يرفض الجهاز ان يقبل هذا التغيير ولكن لماذا !! الاجابة ان الله هو الذى يقول للشي ((كُن)) فيكون فسبحان الله العظيم

عندما قرأتها استغربت واصابنى شىء من الدهشة وقمت بالتجربة وفى ثوانى تأكدت بالفعل من صحة الكلام ان الكمبيوتر لا يقبل كلمة (con) ولاكن لم اتأكد
انه شىء إلاهى وبدأت فى البحث

بحثت عن كلمة (con) علشان اعرف السر فى كده

وجدت انه ليس con فقط ولاكن CON, PRN, AUX, NUL,

COM1, COM2, COM3, COM4, COM5, COM6, COM7,

COM8, COM9, LPT1, LPT2, LPT3, LPT4, LPT5, LPT6, LPT7, LPT8, LPT9

والموضوع ليس له علاقة خالص ان الله هو الذى يقول للشي ((كُن)) فيكون

واكتشفت ايضا انك ممكن بالفعل تخلى الجهاز يقبل كلمة (con) او اى كلمة موجودة

بالاتى

افتح مجلد

اضغط كليك يمين قبل كتابة con واختار

Insert Unicode control character

ومنها اختار

Rlm

اكتب كلمة (con)

هتتكتب معاك عادى جدااا

اللى عايز اوصلو فى الاخر انك لازم تتأكد من اى معلومة توصلك

على الايميل وماتصدقهاش غير لما تتأكد

[Nile_Storm]

كلام مظبوط ياباشا
يا جودعان قلناها قبل كده
ده من الامتدادات اللي محفوظه لميكروسوفت لبرمجه الويندوز
زي dll وكده
اللي يضايق ان الحاجات دي تخلي اي حد مش مسلم يقراها يضحك من الجهل اللي الناس بقت فيه

معجزات ربنا محيطه بينا من كل جانب
مش مستنيين ميكروسوفت تعمل ويندوز عشان المعجزه تيجي فيه
ولا حول ولا قوه الا بالله

[ASD peugeot]

انا جربت وفعلا انا استغربت جدا بس عادي

[Moh.Fahmy]

و الله يا جماعة دايما اللي بيربط المواضيع دي بالدين بيكون علي غير دين الاسلام علشان احنا نتداولها و يشوهوا صورة المسلمين امام العالم كله و يظهرونا ان احنا بنؤمن بخرافات
الله ينور علي كاتب الموضوع


محمد فهمي

[AhmedGen2]

http://in.answers.yahoo.com/question/index?qid=20070914012839AAJcmFk

زى فى البرمجة كدة لو حد ليه خبرة دايما بيبقى فيه Keywords مينفعش تستخدمهم ك Variables مثلا ً ...

[kingnoro]

هي الحكاية دية اصبحت مملة جدا كل يوم و التاني يطلع واحد بصور مالعوب فيها بالفوتوشوب
ولا يتبعتلك email زي اللي جالك

حكمة الله في كل شيء في السماء و الارض

[Yarisawy]

كلام مظبوط ياباشا
يا جودعان قلناها قبل كده
ده من الامتدادات اللي محفوظه لميكروسوفت لبرمجه الويندوز
زي dll وكده
اللي يضايق ان الحاجات دي تخلي اي حد مش مسلم يقراها يضحك من الجهل اللي الناس بقت فيه

معجزات ربنا محيطه بينا من كل جانب
مش مستنيين ميكروسوفت تعمل ويندوز عشان المعجزه تيجي فيه
ولا حول ولا قوه الا بالله

صح الكلام يا جودعان :)

[MTAK]

بالفعل و بجدارة و عن كامل الاستحقاق اصبحنا

أمه ضحكت من جهلها الامم

[Islam_galal]

شكرا لصاحب الموضوع ، فيه شريحه من اللي بتألف عن جهل و متخيلين انهم بيفيدوا الإسلامالإسلام أعظم من أن يضيف إليه إنسان جاهل بالكذبممكن يكون فيه شريحة بيألفوا من أعداء الإسلام بس اللي أنا متأكد منه إن معظم الإيميلات دي مصدرها الخليج و بالذات السعودية

[Goodle]

تم حذف المشاركة لعدم وجود نص

تنبيه للعضو بالإلتزام بقواعد المنتدى - قاعدة 3

[sokasoon]

===========
تنبيه مشدد للعضو لسوء الأدب مع الخالق

لو سمحت تقولى ايه اللى انا غلط فيه بالظبط

وبعدين فين هيا الجملة ديه وما اتحذفتش ليه

[محمد السكري]

لا أري أن الاخ صاحب المشاركه أساء الادب كما نوهت الاداره وان كنتم تقصدون سؤاله (فى الاخر عاوز اقول حاجة مهمة هو ربنا لما قال ( كــن ) قالها بالانجليـزى ولا العربــى ) فالرجل لم يقل جمله خبريه مثبته بل ساق سؤال تهكمي ليدلل علي سطحيه وسذاجه أصحاب الفكره
أخي
أشكرك علي أدبك فحتي حين سألت عن خطأك سألت بهدوء ودون انفعال وهكذا يجب ان يكون الحوار الهادئ الهادف وليس المتعجل
تحياتي

[sss]

يا جماعة مقام الله عز و جل ارفع من ان نضعه في تساءل زي ده
انا عارف ان الاخ ما يقصدش لكن برضه لازم نبقى في منتهى الحذر والادب لما نتكلم عن ربنا عز و جل لان كلام ربنا من صفاته اللي ما ينفعش نعرفها غير من طريق الوحي في القران او السنة
ربنا يجازي الاخ خير عن توضيحه لسطحية بعض الناس في التعامل مع بعض الاشياء لكن انا كمان بشدد عليه في البعد عن الكلام عن الله عز و جل الا فيما يليق به سبحانه

[sokasoon]

يا جماعة مقام الله عز و جل ارفع من ان نضعه في تساءل زي ده
انا عارف ان الاخ ما يقصدش لكن برضه لازم نبقى في منتهى الحذر والادب لما نتكلم عن ربنا عز و جل لان كلام ربنا من صفاته اللي ما ينفعش نعرفها غير من طريق الوحي في القران او السنة

كلامك مظبوط

ربنا يجازي الاخ خير عن توضيحه لسطحية بعض الناس في التعامل مع بعض الاشياء لكن انا كمان بشدد عليه في البعد عن الكلام عن الله عز و جل الا فيما يليق به سبحانه

انا كلامى عن (فى الاخر عاوز اقول حاجة مهمة هو ربنا لما قال ( كــن )

قالها بالانجليـزى ولا العربــى ) لم اقصد تماما اى شى مما دار فى اذهان حد

ثانيا هذه الجملة انا اردت منها توضيح سذاجة الناس فى تصديق هذا الكلام

والذى يروجون له عبر الانترنت وماقصدش ان ربنا قالها بالمعنى اللى فهمتوه

يعنى اشمعنا الكمبيوتر بالانجليزى مايقبلهاش والعربى يقبلها مش محتاجة تفسير

تانى اكثر من كده

[wsamir]

اخوانى لسنا فى حاجة الى ربط كل ما نجد من ظواهر حولنا بالدين حتى نثبت اننا على الحق
ان الدين الاسلامى قد اكتمل بموت النبى صلى الله عليه و سلم
نرجوا ان لا ننجرف وراء تللك الاشياء التى لا نفع منها سوى الجدل الذى لا يثمر عن شىء
اعدء الاسلام يسخرون منا بهذة الاشياء يجب ان نفوت عليهم تلك الفرصة
جزاكم الله خيرا