!!! طريق اسكندرية الزراعي !!!!!!!!!

[ahmediz2000]

سلام عليكم

ارجو النصيجة يا جماعة .. انا نازل من السفر قريب ولسه مش عارف حالة الامن علي الطرق السريعة << خصوصا طريق اسكنرية الزراااااعي ... هل هو امن للسير فيه ليلا ؟؟

ارجو الرد من الناس اللي بيسافروا علي الطريق ده كتيير ..

[wesam_salom]

انا بسافر عليه كل اسبوع اكتر من مره من نطا للقاهره والعكس
الريق امن جدا والحمد لله متقلقش بس هو زحمه جدا
وحاول برده متتأخرش قوى

[eng_maged]

الطريق الزراعي بالذات لما بيبقى فاضي بيكون اكثر امانا من زحمته هتقولي ازاي
هقولك عشان مليان عربيات نقل بطريقه رهيبه ودول نصهم شاربين
سوق على مهلك وابعد عن العربيات النقل وبلاش تتاخر عن 12 بالليل
وبلاش تقف تشتري اي حاجه من المحلات اللي على الطريق (مهم جدا)

[Ashraf_Ibrahim]

بالنسبة لقطاع الطرق وكدة الطريق امان لا تقلق
انت بس حرص من بتوع النقل بس مش اكتر عشان سواقتهم على السريع غشيمة شوية

[ahmediz2000]

شكرا يا جماعة علي النصيحة .. انا اللي يهمني موضوع السرقة والتثبيت اللي بيحصل ... ولا ده صعب حدوثه علي طريق زحمة زي الطريق الزراعي

[AutoTycoon]

الطريق دا امان عشان زحمة :) يخرب بيت الزحمة اللي فيه
بس بجد لو بتسافر عليه تكون فايق مش عايز تنام ولو معاك حد في الكرسي الخلفي خليه يربط الحزام.... انا بتشاهد اول ما اخلص الطريق دا

[KHALED AYMAN]

يفضل تخليك بالنهار لانى اعرف ظابط جيش اتثبت و عربيته اتاخدت بمراته و بنته !! اه نادرا لما بيحصل على الزراعى بس اهو حصل
لو مصمم تسافر باليل توكل على الله بس متقفش على الطريق لاى سبب
انا شخصيا مقضى حياتى من على الدولى (نهارا) و مش بمشى على الزراعى ده خالص

[pro_samir]

شبه يوميا بكون علي الزراعي من بعد 12 بالليل والحمد لله مفيش قلق

هو الميزه ان حتي بالليل متأخر بيكون كله عربيات نقل

ومتشغلش بالك لأن اللي عايز يعمل حاجه دلوقتي بيعملها في أي وقت نهار ليل مبقتش تفرق

ياما ناس بيتاخد منهم العربيات بالنهار عادي