موضوع خاص بمستقبلى ومحتاج ارائكم

[midoabdeen]

ازيكم يا جماعة عاملين اية
انا الحمد لله نجحت فى المادة اللى كانت معايا وخدت الشهادة امبارح
بس دلوقتى انا قاعد مستنى اشوف اعمل اية فى الجيش
وربنا يسهل لانى خايف جدا من موضوع الجيش دا
المهم بقى الفترة دى انا عايز بس ارتب افكارى
لان انا عندى مشكلة فى الشهادة ومخليانى خايف جدا من التقديم لاى شغل وهى ان التقدير مقبول وكمان دور اكتوبر
انا خريج تجارة عين شمس
والدى بيحاول يزقنى فى مكتب علشان اقعد فترة التدريب وبعدين طبعا هاكمل فى المكاتب
وانا بصراحة مش ميال لموضوع المكاتب انا من اولوياتى ان ربنا يكرمنى فى شركة محترمة وتكون قطاع خاص
لان انا بحترم جد الشغل فى القطاع الخاص على قد ماتشتغل على قد ما بتاخد حقك
وطبعا موضوع البنوك دا استحالة بسبب التقدير
انا دماغى فى 100 اتجاة مش عارف اعمل اية بصراحة ومحتاج خبراتكم فى الموضوع دا

انا اسف جدا على الاطالة
واسف ان كلامى مش مرتب بس انا مشتت جدا

[zago]

اسمع كلام ابوك

[أبو صلاح]

ياباشا التقدير مش هو العقبة الكبيرة

انت ادخل في اي شغل حسابات
مكتب ماشي
شركة ماشي

بس اهم شيء تكون في الحسابات
اهم شيء الخبرة العملية
انت بتعرف تعمل ايه وهتكتسب خبرة في اد ايه ؟
ما تقوليش اشتغل كاشير ومندوب تحصيل وكلام فارغ من ده
شهر واحد في مكتب محترم بمقام سنة من الكلام ده
عايز تظبط الدنيا بسرعة وتنفض لشهادتك عليك بالكورسات وخصوصا الكورسات الاجنبية
cma
cia (للاسف بدأت فيها ومكملتش)
cba

على فكرة موضوع البنوك ده انا عارف ناس والله دخلت بمقبول وبدون واسطة (طبعا في البنوك الخاصة)
بس الناس دي تجارة انجليش ومعاها كورسات اجنبية مش قليلة
انسى موضوع الشهادة تماما

[midoabdeen]

ياباشا التقدير مش هو العقبة الكبيرة

انت ادخل في اي شغل حسابات
مكتب ماشي
شركة ماشي

بس اهم شيء تكون في الحسابات
اهم شيء الخبرة العملية
انت بتعرف تعمل ايه وهتكتسب خبرة في اد ايه ؟
ما تقوليش اشتغل كاشير ومندوب تحصيل وكلام فارغ من ده
شهر واحد في مكتب محترم بمقام سنة من الكلام ده
عايز تظبط الدنيا بسرعة وتنفض لشهادتك عليك بالكورسات وخصوصا الكورسات الاجنبية
cma
cia (للاسف بدأت فيها ومكملتش)
cba

على فكرة موضوع البنوك ده انا عارف ناس والله دخلت بمقبول وبدون واسطة (طبعا في البنوك الخاصة)
بس الناس دي تجارة انجليش ومعاها كورسات اجنبية مش قليلة
انسى موضوع الشهادة تماما

بس اللى انا اعرفة ان الكورسات غالية جدا وطبعا مش معقول انى لسة ببدأ حياتى ومعايا مبلغ جامد كدة

[أبو صلاح]

بس اللى انا اعرفة ان الكورسات غالية جدا وطبعا مش معقول انى لسة ببدأ حياتى ومعايا مبلغ جامد كدة

ياباشا الكورسات دي تعرف تعمل
self study

الاول تنزل اي شغل في الحسابات زي ماقلتلك
مجرد ما تشتغل هتلاقي الدنيا نورت قدامك وتعرف تحدد اتجاهك واهدافك

من غير شغل مش هتعرف تعمل اي حاجة

[midoabdeen]

اولا شكرا جدا على نصيحة حضرتك الغالية
بس انا لو حبيت اعمل دراسات عليا اية المطلوب وكمان تنفع فى فترة الجيش ولا لازم اكون مخلص جيش ولا مالهاش لازمة من اصلة ؟؟؟؟؟؟؟؟!!

[أبو صلاح]

اولا شكرا جدا على نصيحة حضرتك الغالية
بس انا لو حبيت اعمل دراسات عليا اية المطلوب وكمان تنفع فى فترة الجيش ولا لازم اكون مخلص جيش ولا مالهاش لازمة من اصلة ؟؟؟؟؟؟؟؟!!

سيبك من الدراسات العليا في مصر
وجع قلب وحاضرات وامتحانات كتير

خش على الشهادات العالمية
لو الانجليزي بتاعك كويس ممكن متحتاجش كورسات

بس اكيد محتاج تكون شغال في الحسابات لانها كلها معلومات بتفهمها بناء على خبرتك العملية

[midoabdeen]

شكرا جدا لحضرتك بجد مش عارف اشكرك ازاى
اللى انا استقريت علية دلوقتى ان اى شغل فى مجالى ايا كان فى شركة او مكتب ادخل فية وانمى نفسى وانا فية لغاية مايجيلى فرصة احسن
كدة صح ولا اية

[minicooper20]

شوف موقفك من الجيش الاول لان ده خازوق

[midoabdeen]

شوف موقفك من الجيش الاول لان ده خازوق

والله دى اكتر حاجة قلقان منها
بس كنت بفكر انى استغل الفترة تاعت الجيش فى اى حاجة فى الدراسة كورسات مثلا بس مش عارف هاينفع ولا لا