فضفضه مع مواطن مصري

[Islam_galal]

- أيوه أنا مصري و فخور إني مصري
- متزوج و عندي طفلين
- عايش إزاي مش باحسب
- آآه نحاول نحسبها سوا
- 20 ج بواب و 20ج كهرباء و 15ج ماء و حوالي 50ج في الشهر تليفون يبقي حوالي 100ج
- عيش حوالي 0.5ج في اليوم يبقي 15 + 10 توصيل (25ج ) في الشهر.
- لبن 1 ك (4ج) في اليوم يبقي 120ج في الشهر.
- لحمة و فراخ بحوالي 100 ج في الشهر
- خضار بحوالي 40 ج في لشهر
- بقالة بحوالي 80ج في الشهر
- مواصلات بحوالي 150ج في الشهر
- مصروف للأولاد 100 ج في الشهر
- مرتبي كام . . . 500ج ليه هي المصاريف وصلت لكام
- أهو ربنا بيرزق

تفتكروا الناس دي عايشة إزاي؟

[Ashraf A.Kader]

ايه يا اسلام باشا موضوع الفضفضة معاك النهاردة0 خليها علي الله

[Islam_galal]

الدنيا تقلت عليا شوية و شايف حواليا ناس بتتعصر
مش عارف بحاول افضفض عنهم يمكن استريح شويه

[Ashraf A.Kader]

يا اسلام باشا ربنا يرقق قلبك كمان وكمان ويجعله في ميزان حسناتك0واالله الواحد لو ساب نفسه للهموم والمشاكل يبقي مش حيقدر يسعد اللي حواليه0ياما ناس بتضحك من برة لكن جواها مرار0بس كفاية كدة احسن نقلبها غم

[دموع الثلج]

تصـــــــــــدق بالله
وانا بقراء الارقام اللى انت كاتبها دى حسيت انى من الهونو لولو


لحمه وفراخ ب 100 جنيه فى الشهر دول ميكفوش حتى مرقه دجاج مش لحمه وفراخ

ومرتب ايه اللى 500 جنيه فى الشهر

انا الحمد لله مش متزوجه ولا اعــــــول ووويمكن مصروفى الشهرى 6 اضعاف المرتب ده ولا بعمل شى مفيد ولا بحس بيتصرفوا ازاى

انت كده والله جبت لى احباط جامد جدا

[Islam_galal]

أنا مش قصدي أنكد عليكم و الله
بس لو رققت قلب واحد بحيث ينعكس علي تعاملاته مع الناس يبقي ده الخير اللي باتمناه

[Ashraf A.Kader]

يعني حضرنك بالراحة شوية احسن فعلا فيه ناس ممكن يجيلها احباط من كلامك0 يا استاذ اسلام قلتلك خليها علي الله

[samehafez]

كيلو الفراخ المخلية ب 40 جنيه .....
يعني ايه فراخ ؟!؟!؟!؟!

[aif]

كيلو الفراخ المخلية ب 40 جنيه .....
يعني ايه فراخ ؟!؟!؟!؟!

يا سامح باشا
انا اعرف ناس كل اللي بيقدرو عليه انهم بيشتروا هياكل فراخ .... يعني الفراخ بعد ما يشيلو منها الصدور والوراك .... بيبقي شوية عضم مختلط ببواقي اللحم .....والله العظيم الكلام ده مش مبالغة .... دة واقع ......
اللهم ارفع عنا البلاء والغلاء ...

[محمد المشد]

اللهم ارحمنا برحمتك 00 وان كان هذا الموضوع يجب ان يدفعنا لان نكون رحماء بالاقل منا ، حتى وان كان هناك من هو اعلى منا بكثير ولكن الاهم ان نكون رحماء بالاقل وان نخرج زكاة اموالنا لمن لدية مال، وان تكون زكاتنا وصداقتنا الى الى الاقارب الضعفاء اولا، ثم من يليهم ، ويجب ان نراعى الله فيمن هم اقل منافى المستوى المادى ولاجتماعى ، ولا نبخل بقدر الامكان عليهم
اعاننا الله واعانكم للخير، ونشكرك يا عزيزى للتذكير بما نحن فيه
اما سؤالك هل تكفى ال500 جنية لعائلة قول لك اننى اعرف عائلة تعيش بثلاثمائة جنية ومنهم طالب فى الطب والباقى بالتعليم ، لاتسأل لان الله هو المعين وان شاء الله يبارك الله للجميع فى رزقة ، وحسبنا الله ونعم الوكيل فيمن كان السبب فيما نحن فية

[aif]

اما سؤالك هل تكفى ال500 جنية لعائلة قول لك اننى اعرف عائلة تعيش بثلاثمائة جنية ومنهم طالب فى الطب والباقى بالتعليم ، لاتسأل لان الله هو المعين وان شاء الله يبارك الله للجميع فى رزقة ، وحسبنا الله ونعم الوكيل فيمن كان السبب فيما نحن فية

دي معادلة الحل الوحيد لها .... علمه عند ربي
لكن فيه ناس بالوضع اللي انت ذكرته وفعلا عايشين وبيطلعو ولادهم دكاترة وجامعيين .... ازاي؟؟؟؟ ........ الله وحده اللي يعلم

[محمد المشد]

دي معادلة الحل الوحيد لها .... علمه عند ربي
لكن فيه ناس بالوضع اللي انت ذكرته وفعلا عايشين وبيطلعو ولادهم دكاترة وجامعيين .... ازاي؟؟؟؟ ........ الله وحده اللي يعلم

نعم ، وكان يعمل فراش فى احد المواقع الحكومية 000 بس للامانة كان مؤجر فدان ويقوم بزراعتة ويقتسم مع صاحب الارض ، وكان سعيد بما قسمة الله ، وللاحاطة ابنتة تخرجت طبيبة وتوفى هذا الرجل منذ عام واولادة الان كل من يتخرج يقوم بالمساعدة للباقيين وهكذا 00 اعانهم الله

[bishoo33]

الحمد لله
كلكم راع وكل مسئول عن رعيته

[ASHRAFL2]

حسبنا الله ونعم الوكيل

[MohabSaeed]

الله يكون فى عونا جميعا ............ تفائل ف غداً يوماً اخر