مطلوب اقتراحات لبوتجاز المصنع

[MaZaGAngeE]

حاليا بفرش المصنع و محتاج اجيب بوتوجاز للبوفيه , و مش مقتنع بالمسطح لله في لله كده من غير سبب معين ...
كمان عايز اجيب حاجة معقولة مش غالية ..
الاستخدام هيكون للمشروبات في الغالب , و ممكن الواحد يسخن اكل مثلا بس ده هيكون في حالات قليلة جدا ..
طبعا مفيش غاز طبيعي , و هشتري انبوبة ..
عايز صور و اسعار و مكان الشراء يا شباب لو سمحتم .
بفكر اجيب بوتوجاز المصانع الابيض بس مش عارف لسه بيتعمل و لا بطلوه ..

[michohat]

اعتقد للبوفيه هتكون محتاج غلايه مياه زي بتاعت الفنادق والمستشفيات هيا بتكون ستيل و بتكون شغاله كهرباء
ومش عارف دي بتتباع فين لاني برضه بدور عليها

[MaZaGAngeE]

اعتقد للبوفيه هتكون محتاج غلايه مياه زي بتاعت الفنادق والمستشفيات هيا بتكون ستيل و بتكون شغاله كهرباء
ومش عارف دي بتتباع فين لاني برضه بدور عليها

لو قصدك على بويلر فده انا جبته ب 50 جنيه , لكن مش مناسب للقهوة و المشروبات اللي محتاجة غليان ...
كمان هوه مش عملي و بيبوظ على طول ..

[michohat]

قصدي على غلايه حجم كبير استانلس بيكون ليها حنفيه ملحقه بها علشان تنزل منها المياه السخنه و بتاخد مياه من وصله مياه موصوله بها بيكون حجمها كبير تقريبا من 20 : 50 لتر ودي بيكون وظيفتها انها توفر مياه سخنه ( معظم المشروبات بتكون شاي او اعشاب او حاجات مشابهه نسكافيه )
اما القهوه فعلي حسب حجم الاستهلاك المتوقع يمكن بمسطح يونيفرسال او نور و انبوبه تقضيك فتره و بالغلايه تخف الحمل عن استهلاك الانابيب

[MaZaGAngeE]

قصدي على غلايه حجم كبير استانلس بيكون ليها حنفيه ملحقه بها علشان تنزل منها المياه السخنه و بتاخد مياه من وصله مياه موصوله بها بيكون حجمها كبير تقريبا من 20 : 50 لتر ودي بيكون وظيفتها انها توفر مياه سخنه ( معظم المشروبات بتكون شاي او اعشاب او حاجات مشابهه نسكافيه )
اما القهوه فعلي حسب حجم الاستهلاك المتوقع يمكن بمسطح يونيفرسال او نور و انبوبه تقضيك فتره و بالغلايه تخف الحمل عن استهلاك الانابيب

ده جامد السخان ده
منين و بكام و ظروفه ايه ؟

مش برتاح للمسطح خالص
محتاج بوتوجاز عادي كده ابن حلال و رخيص و حمال اسية و حلو قوي شعلتين او 3 و مش فارق وجود فرن من عدم وجوده

[michohat]

يونيفرسال مسطح اشعال ذاتي حمال اسيه شغال في الشغل عندي ومش بيقول بم
الغلايه مش عارف تتجاب منين انا برضه بدور عليها علشان اجيبها للشغل اعتقد انها تبقي عند الناس بتوع مهمات المطابخ المتعاملين مع الفنادق او الكافتريات

[MaZaGAngeE]

يونيفرسال مسطح اشعال ذاتي حمال اسيه شغال في الشغل عندي ومش بيقول بم
الغلايه مش عارف تتجاب منين انا برضه بدور عليها علشان اجيبها للشغل اعتقد انها تبقي عند الناس بتوع مهمات المطابخ المتعاملين مع الفنادق او الكافتريات

و يونيفرسال ده بكام ؟
ولو مش مسطح بكام ؟

[michohat]

معرفش الاسعار والله

[A.Saad]

المسطح الكهربا حلو ليك
لانه كهربا على طول
مين هيغير انبوبة وفى ازمة زى دى مين اللى هيغير وهيضيع وقت قد ايه

الغلاية اللى فوق دى جامدة
عيبها
بتاخد وقت على الغليان
الاملاح تترسب فيها علشان كدة بتحتاج غسيل بالخل
اعتقد تلاقى فى محلات بتبيع مستلزمات الفنادق زى ما هو مكتوب فوق
وفيه نوع فيه ترموستات بيفصلها بعد غلى المياة
والموظف يعيد تشغيلها تانى والمياة تغلى فى خلال 2 دقيقة

والبويلر الماركة كويسة بيعيش حوالى سنة او اكتر
فيه موليينكس
هاته من توكيله اخر ش شريف ناحية باب اللوق ووزارة الاوقاف