إعـــــــلان

Collapse

.

,
See more
See less

حملة اشترى المصرى ياترى حتشترى ايه

Collapse
X
 
  • Filter
  • الوقت
  • Show
Clear All
new posts

  • #16
    المشاركة الأصلية كتبت بواسطة bunsh_fox مشاهدة المشاركة
    جدول صغنتوط :

    1. Zara , h&m , diesel & ck = bata .
    2. Pringles & lay's = chipsy .
    3. Kitkat , kinder & ferrero rocher = sima , corona & covertina
    4. Ariel & tide = savo & rapso .
    5. Royal canin , friskies & meowmix = catway (cat food) ;)

    ف حاجة تانية
    +1 . و للأسف اغلب الحاجات دي يا سقطت تماما زي سافو و رابسو يا اسقطت و اتباعت ببلاش لحوت زي ما حصل مع شيبسي

    المشاركة الأصلية كتبت بواسطة autotycoon مشاهدة المشاركة
    المطاعم
    انا هدي مثال بسيط ان الناس يوم الجمعة تبقى بداية يبطلوا ياكلوا في مطاعم فرانشايز اجنبية و ياكلوا في مطاعم محلية

    يعني بدل ما تاكل في mac كل في كووك دوور .. مؤمن ... اي مطعم محلي... مفرقتش يعني!
    الفرانشايز الأجبني بياخد نسبة كبيرة من الأرباح لكن سلسلة المطاعم المحلية ارباحها هتبقى في داخل الإقتصاد المصري :))

    نفس المثال بينطبق على خدمات تانية كتير زي البنوك و الإتصالات و و و
    و الأفضل , في مثال المطاعم , التعامل مع المطاعم العادية , مش السلاسل الكبيرة , ده فيه دعم فعلا للرواج الاقتصادي لأنه اكيد هايرجع لايد مصرية مش هايتحط في حساب في سويسرا

    دي مشاركتي في نفس الموضوع هنا احب تشاركوني فيها

    مبدئيا و للأمانة , وجهة النظر اللي هاقولها دي مش من اختراعي , لكني لما قريتها اقتنعت بيها
    و هاعرضها على حضرتك و على الناس هنا و القول الفصل طبعا لكل انسان فيما ذهب اليه

    دلوقت الحملة نفسها فيها مشكلة, انا شايف ان اللي دعموها رجال اعمال من الفلول
    هل المشكلة الاصلية انهم فلول و منهم مثلا محمد ابو العينين بتاع موقعة الجمل و فريد خميس اظن بتاع سيراميكا كليوباترا و حسن راتب بتاع قناة المحور و مصنع الاسمنت اللي بيصدر لاسرائيل و طلعت مصطفى و منصور وزير النقل السابق و امثالهم ؟

    مش بالظبط , انما المشكلة الاصلية ان كل رجال الاعمال اللي من النوعية دي الفلوس اللي بتروح لهم بتطلع على حسابات البنوك في الخارج و غالبا احنا يا مواطنين مش بنشوف منها حاجة تاني لأنهم من ايام مبارك لحد دلوقت بيتهربوا من الضرايب و مش بيدفعوا اجور محترمة للعمال و الموظفين اللي عندهم و بيتعمل لهم تسهيلات خرافية في البلد و اعفائات و في نفس الوقت بيبيعوا بهامش ربح عالي جدا ده غير طبعا فسادهم اللي فاق كل الحدود , و النتيجة ان الاقتصاد بيرتفع كرقم نظري ممتااااااااااااز كان بيقوله بطرس غالي على طول بس داخل في جيوب قلة من سكان القصور و بيقابله ارتفاع اسعار كل حاجة في وشنا احنا كمواطنين عاديين و ازدياد في فقر الناس العاديين

    بالنسبة لي - لو اتفقنا على الكلام ده - فده يسقط الحملة دي تماما و يخليها مشبوهة كمان و محاولة للضحك على عقولنا

    لكن

    بصراحة المبدأ (اشتري المصري) ممتاز , لكنه محتاج اضافة صغيرة , احنا ممكن نخليه (اشتري المصري بجد) اللي لما ندعمه خيره هايرجع لنا تاني
    ازاي دي بقى راجعة لينا احنا

    الاقتراح اللي انا قريته كان بيتكلم في دعم المشروعات الصغيرة و التعامل معاها بدل التوكيلات الكبيرة
    امثلة:
    * بدل ما تشتري لبن بخيره و جهينة , اشتري لبن سايب من اللبان , بكده تبقى بتدعم مشروع صغير هايرجع لنا اثره في صورة رواج اقتصادي
    * بدل ما بنشتري تي شيرتات ماركات نشتري صناعة مصري غالبا هايبقى طالع من مصانع صغيرة
    * بدل ما نشتري شيبسي و لايز , نشوف مطعم صغير نشتري منه سندوتشات بطاطس زي زمان :)
    و هكذا , الامثلة كتير فيما اظن و انا مقتنع ان الاخوة يقدروا يطلعوا امثلة احسن من اللي باقولها دي
    و دي اول فكرة بس
    و انا برده مقتنع ان الاخوة يقدروا يطلعوا بأفكار افضل من كده كمان و يا سلام لو تطلع من عندنا المبادرة دي
    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]

    Comment


    • #17
      انا مش معاكوا .................... كفاية انها طالعة من عمرو اديب ( اكبر منافق في العالم )

      Comment


      • #18
        المشاركة الأصلية كتبت بواسطة friendship7897 مشاهدة المشاركة
        أعمل أيه يا ربي .:u_thin1[1]:... أشتري أيه يا ربي ....:u_thin1[1]:
        دا أغلبية اللي حولينا صناعة غير مصري أو جودة مش ولا بُد - يعني لو اللمبة أتحرقت - هشتري صيني أوفر وأحسن ومتوفرة بأغلبية المحلات ، الموبايل ياباني أو تيواني - العربية توكيل - الموز مستورد - الفوووول أمريكانا .
        يا ريت كانو سموا الحملة دي ( شجعنى أشتري المصري ) أو ( رجعلي الثقة في المنتج المصري) - لأن كل الأفضل بيتصدر والبواقي للشعب - وأحنا الشعب .
        فمفيش حل غير أني أشتري أنبوبه بوتاجاز مصرية مع أني عندى في البيت غاز ( مصري الحمد لله ) ، وإييد الأستاذ / zago ، وآكل كشري .
        لكن إحققاً للحق المشروع دا كويس وأنا ضد الناس اللي بتقول دا لمصلحة رجال الأعمال اللي عملين الحملة - لأن رجال الأعمال دول مصريين والموظفين والعمال مصريين والمصانع على أرض مصرية - يعني في الآخر المكسب لمصر والمصرين وليس لهم فقط .
        والله الموفق

        لو مش هاتجيبي يبقي بلاش تحبطي غيرك

        احنا بنحب بلدنا ولو كان لفت مصري هاشتريه
        [B][I][SIZE=4]لو علمتم الغيب لاخترتم الواقع[/SIZE][/I][/B]

        Comment


        • #19
          المشاركة الأصلية كتبت بواسطة mustafavet مشاهدة المشاركة
          انا مش معاكوا .................... كفاية انها طالعة من عمرو اديب ( اكبر منافق في العالم )
          خد الحاجة اللي فيها فائدة و ليها هدف حتى لو من منافق كبييييييييييييييييييير زي عمورة
          [mshosh2]http://www.4shared.com/photo/lCkSz74F/morsee.html[/mshosh2]

          Comment


          • #20
            التشجيع بيكون للعامل فى النهاية
            مش لصاحب الشركة
            لان الطلب على المنتجات فى اوقات كتير منخفض بسبب الاقتصاد المتردى حالياً
            A.Saad

            Comment


            • #21
              المشاركة الأصلية كتبت بواسطة nouranwar مشاهدة المشاركة
              ياريت قائمة بالمنتجات المصرية ...





              ... منتجات دومتي مكرونة روجينا ومكرونة مصرية ... منتجات بسكو مصر منتجات اجا للمشروبات والخضار ... سباسيي-لحوم مجمده كل عربيات الفول فى مصر.. والشبرواى وأعوانه وكووك دوور و مؤمن مشروبات:- سينا كولا منتجات بونجرنو مياه صافى.. واكوا سيوة منتجات جهينة وانجوي مصر كافيه-بدل نسكافيه كوفي بريك شاى العروسة عصير قصب منظفات:- كامينيا (شامبو وشور جيل وما شبه) لافو(فى المطبخ بدل بريل مسحوق غسيل ليدر ومنظفات ليدر أخرى:- منتجات النساجون الشرقيون منتجات قطونيل الهلال والنجمة الذهبية منتجات زهران للادوات المنزلية بالنسبة لمدخنين مارلبورو ، كنت ، وينستون ، لارك ، ميريت ، جولد كوست ، كارلتون ، إل إم ، مور .. ""انسوالكلام ده"".. كليوباترا تناديك ..وانصحك بطل تدخين قبل ما تجرب كليوباترا و دي اسماء محلات وشركات عامله تخفيضات يوم الجمعة 16-12 بمناسبة مليونية اشتري المصري : - مصر للطيران تخفض تذاكرها الداخلية 20% الجمعة المقبلة تضامنا مع الحملة - منتجات زهران - تخفيض 10% - منتجات فرج الله - تخفيض 10 % - منتجات النساجون الشرقيون - تخفيض من 15:50 % - منتجات اجا - تخفيض 5% - منتجات دومتي - تخفيض10% - محلات بورتو سخنه - اشتري وحده سكنيه تاخد عليها العفش مجانا و كل المحلات هناك عامله تخفيض 10% - مطاعم الاحمر ف المنتزه الاسكندريه - تخفيض 40% - منتجات قطونيل - تخفيض50% - منتجات الكحال للسجاد اليدوي في خان الخليلي - تخفيض 15% - شركة فرجلو - تخفيض 10% - شركة سيتى مول للكمبيوتر (شارع سيفنكس المهندسين) - خصم 5% - رجل الاعمال منصور عامر ف جميع مطاعمة زى تشيلز- استوديو مصر- حلقة السمك - تخفيض10% - شركة ريجينا للمكرونه - تخفيض 5% - شركه ارام للدهب و الالماس - تخفيض40% - سراميكا رويال - اي عرض نازل عليه خصم عليه كمان اضافه 10% و اي حاجه من المصنع خصم 50% - موبليات العرائس حسن الشناوي اللي ف حدايق القبه - تخفيص 25% - قريه عزاز للمشويات اسكندريه سيدي بشر - خصم على قائمه اللحوم البلدى وقائمه المأكولات الشهيه 15% - شركه معامل الحياه للتحاليل الطبيه - خصم 35% طوال الاسبوع - اول مصنع موبايل ف مصر youshi - خصم 15% على كل انواع الموبايل - خصم 50% على سيراميكا رويال فى المصنع - مدارس انترناشيونال بريتش وموليير بالاسكندرية - خصم 10% على كل اقساط المصروفات يوم 16-12 - الاهلى ستورز - خصم 20% - سلسلة محلات سلمي فاشون للملابس - خصم 15% - رجل الاعمال منصور عامر (عامر جروب) : من سيشترى شقة سيكون أثاثه مجانا
              [B][I][SIZE=4]لو علمتم الغيب لاخترتم الواقع[/SIZE][/I][/B]

              Comment


              • #22
                المشاركة الأصلية كتبت بواسطة heshamzaky مشاهدة المشاركة

                4- منصور عامر صاحب "بورتو السخنة" يقدم عرضا مذهلا لمن يشترى شقة وهو الحصول على الأثاث مجاناً، كما تقدم مطاعمه تخفيضاً بنسبة 10 %.

                عرض مستفز بصراحة

                5- رجل الأعمال كريم أبو غالى صاحب شركة "ريجينا" المنتجة لمكرونة ريجينا يقدم تخفيضاً بنسبة 5 %.

                جي على نفسه اوي

                6- مصطفى نصار صاحب محلات مجوهرات يقدم تخفيضاً مذهلا يصل إلى 40 % بفرع الكوربة.

                ممكن دة يبقى حلو لو كان حقيقي بس مين اللي هيشتري مجوهرات اليومين دول

                12- "الاهلي ستورز" يقدم 20 % خصما في فرع المهندسين.

                مش قادر يبحبح ايده شوية

                18- "قطونيل" 50% على كل منتجاتها.

                22- "مصر للطيران" خصم 20% على اسعار تذاكر الطيران الداخلي.

                23- مطاعم "الأحمر" -المنتزه بالاسكندرية- تخفيض 40%.
                عروض حلوة اوي


                27- مدارس "انترناشيونال بريتش وموليير" بالإسكندرية خصم 10% على كل اقساط المصروفات.

                يعني باقي المدارس مش قادرة تعمل الاوفر دة ؟

                28- سلسلة محلات "سلمى فاشون" للملابس خصم 15 %.

                ماعرفوش

                .

                المهم ان صاحب فكرة الحملة نفسه اتحداه لو كان بيستخدم حاجة مصري

                وبعدين انا احساسي اننا كشعب مصري هيعملو زي بتاع الطماطم ورقة آآآآآآآآآآآآآآآآد كدة مكتوب عليها 50 قرش وتروح تنقي يشاور لك على شوية مفعصين ويقول لك دي الل ب50 النقاوة ب 5 جنيه
                هيعملو كدة بردو

                هيحطو اردأ بضاعة هيا اللي عليها الخصم والبضاعة الكويسة مش داخلة العرض
                حد عنده رأي تاني ؟ ولا انا مبالغة ومتشائمة ؟
                بصراحة
                نفسي الاقي العكس و يخيب ظني
                هاحس بشوية تفاؤل
                وان لسة في امل
                [CENTER][shfaf]http://img140.imageshack.us/img140/9236/nile5th2resize.jpg[/shfaf][/CENTER]

                Comment


                • #23
                  المشاركة الأصلية كتبت بواسطة nonetta مشاهدة المشاركة
                  المهم ان صاحب فكرة الحملة نفسه اتحداه لو كان بيستخدم حاجة مصري

                  وبعدين انا احساسي اننا كشعب مصري هيعملو زي بتاع الطماطم ورقة آآآآآآآآآآآآآآآآد كدة مكتوب عليها 50 قرش وتروح تنقي يشاور لك على شوية مفعصين ويقول لك دي الل ب50 النقاوة ب 5 جنيه
                  هيعملو كدة بردو

                  هيحطو اردأ بضاعة هيا اللي عليها الخصم والبضاعة الكويسة مش داخلة العرض
                  حد عنده رأي تاني ؟ ولا انا مبالغة ومتشائمة ؟
                  بصراحة
                  نفسي الاقي العكس و يخيب ظني
                  هاحس بشوية تفاؤل
                  وان لسة في امل
                  +1
                  لا إله إلا أنت. سبحانك. إني كنت من الظالمين

                  Comment


                  • #24
                    ياجماعة مش وقت تشكيك وتخويف وضع البلد بقى زي الزفت ومحتجين أي خطوة للأمام مهما كانت عاوزين نزق البلد ولو بأي حاجة .....

                    أنا أخترت كام عرض كدة وأن شاء الله أشارك في الحملة :

                    - هأشتري من النساجون الشرقيون موكيت شاج علشان بحبوا وشكله شيك ده سعره بيتراوح ما بين 400 لحد 700 جنيه .

                    - هأشتري ملابس من قوطونيل مع أن عندي كتير بس ومالوا وممكن أجيب حاجات ب 100 جنيه .

                    - هأشتري أي منتج من منتجات فرجللوا أحتمال أشتري كرتونة عصير فرجللوا جولد أو أي عصير من بتاع الشركة آدي كمان حوالي 100 جنيه .


                    - أحتمال أتغدى في أي مطعم من المطاعم المشاركة في الحملة 200 جنية .

                    - لو موضوع بورتو سخنة دة كويس ممكن أفكر بشرط أن السعر يكون حلو وفرش الشقة ميبقاش من الصين الشعبية .

                    يعني هدعم أقتصاد بلدي بحوالي 1000 جنيه يوم الجمعة بأذن الله يعني لو كل واحد شارك لو ب 100 جنيه أضربوا 100 في 85 مليون يبقى 8500000000 ثمانية مليار ونص هيدخلوا البلد في يوم واحد دي هيدي أشارة أيجابية للأقتصاد المصري صورة المصريين هتتحسن قدام العالم بأننا مش سلبيين .
                    [CENTER][SIZE=3][/SIZE] [/CENTER]

                    Comment


                    • #25
                      اشترى ايه -- هو حد معاه فلوس يشترى
                      دى عالم بتستهبل عشان تمشى البضاعه
                      مصر هتفضل غالية عليا
                      -------------------------------
                      الديك الحلبي هايفضل يدن لغاية ما يتدبح

                      Comment


                      • #26
                        و ايه فايده يوم واحد يا جماعه طالما عندنا مشكله ازليه فى الجوده و الامانه و نجبر الناس تيجى على نفسها و تشترى فيه المنتج المصرى غصب عنها. بصراحه أنا مش شايف ان ده حل دائم لمشكلتنا. احنا ممكن نعمل حاجات ممتازه و الناس تتهافت عليها كمان بس تكون ليها جوده عاليه و نعملها بضمير و هو ده الحل الواقعى للمشكله و بكده ننتج و نصدر و الحاله الاقتصاديه تتحسن بجد بدل اسلوب الاستجداء التعبان ده .

                        Comment


                        • #27
                          منصور عامر دا من كبار الفلول اللي انا مستغرب إنه إزاي لم يقدم للمحاكمة الى الآن
                          دا من كبار شلة جمال مبارك والحاشية بتاعته وكان منزل ناس في القناطر شايلين صورته وحسني مبارك يوم ٢٨ يناير وبيشتم في الثورة والثوار
                          وعجبي
                          https://t.me/pump_upp

                          Comment


                          • #28
                            ممكن اشتري من قطونيل شوية شرابات ولو عجبني تيشيرتات

                            ونص كيلو ترمس .. خلي الاقتصاد ينتعش شويه
                            [RIGHT][B][I]Mohamed Samir[/I][/B]
                            :sleeping:
                            [CENTER]'
                            [/CENTER]
                            [/RIGHT]

                            Comment


                            • #29
                              المشاركة الأصلية كتبت بواسطة pro_samir مشاهدة المشاركة
                              ممكن اشتري من قطونيل شوية شرابات ولو عجبني تيشيرتات

                              ونص كيلو ترمس .. خلي الاقتصاد ينتعش شويه
                              انا جبت امبارح نص كيلو لب سوري
                              بشجع المعارضه السوريه هههههههه

                              Comment


                              • #30
                                ال مش هيشارك في الحملة مش لازم يحبطها

                                بس انا ملاحظ ان في شركات مش مصرية مشتركة في الحملة برضة :d :d :d

                                Comment

                                Working...
                                X