استشارة فى مشروع جراج ..... ياريت المشاركة من الجميع

[A.Saad]

السلام عليكم
فيه قدامى جراج اسفل عمارة معروض للايجار
العمارة فى المريوطية قرب فندق سياج تحت التشطيب
العمارة حوالى 64 شقة وطبعاً لسه مش ساكنه والارضى محلات ودور تجارى فى الميزان
حواليه فيلات وارض فضاء فكدة اللى هيكون مشترك فيه غالباً سكان البرج فقط
السعة حوالى 30 او 32 عربية
فالفائض بعد مصاريف الايجار والكهربا والمياة مش هيكون كتير لو اتأجر مبيت فقط
ولو اتعمل نظام دخول بالساعة هيكون صعب متابعته علشان كدة عايز تفرغ او يتعمل نظام بوابة اليكترونية وكروت للحساب ومش عارف تكلفتهم لسه كام
وغير كدة حتى فى المبيت زى مانتم شايفين تصميمه لازم كل مشترك يسيب المفتاح


وبالتالى متوقع حدوث مشاكل سواء سرقة محتويات عربية او خبطة عربية وهيا بتتركن من السايس
وانا وقتى مش بيسمح بالتفرغ لحاجة زى كدة
فياريت رأيكم انى أخده ولا لا
واشغله مبيت فقط ولا مبيت ودخول بالساعة او اليوم

[minicooper20]

بص يا باشا
مشروج الجراج مشروع متعب اوى
حضرتك يلازمك 4 5 عمال اهم حاجه فيهم الامانه الامانه الامانه
2 حراس كل واحد 12 ساعه
2 سياس على درحه على من الموهبه فى السواقه كل واحد 12 ساعه لان طبعا كل واحد هيخرج فى الساعه الهو عايزها فا لازم يكون فيه سايس 24 ساعه
وواحد مساول عن المغسله بمساعده السياس برضو
اعملو مبيت و خصوصان للتاكسى الابيض الجديد ده لانو اصحابو بيخافو عليه
و طبعا الناس هتسيب المفاتيح فيستحسن ان بواب العماره يكون من الاتنين حراس دول
و متابعه دائمه و رقابه على الناس الشغاله
30 عربيه فى 150 جنيه فى الشهر ب4500 جنيه
هتشغل 5 بمرتباتهم و بعد الكهرباء و المياه دنتى كده هتخسر
بصراحه الصفقه مش رابحه من وجهة نظرى

[Mshawky]

بص يا باشا
مشروج الجراج مشروع متعب اوى
حضرتك يلازمك 4 5 عمال اهم حاجه فيهم الامانه الامانه الامانه
2 حراس كل واحد 12 ساعه
2 سياس على درحه على من الموهبه فى السواقه كل واحد 12 ساعه لان طبعا كل واحد هيخرج فى الساعه الهو عايزها فا لازم يكون فيه سايس 24 ساعه
وواحد مساول عن المغسله بمساعده السياس برضو
اعملو مبيت و خصوصان للتاكسى الابيض الجديد ده لانو اصحابو بيخافو عليه
و طبعا الناس هتسيب المفاتيح فيستحسن ان بواب العماره يكون من الاتنين حراس دول
و متابعه دائمه و رقابه على الناس الشغاله
30 عربيه فى 150 جنيه فى الشهر ب4500 جنيه
هتشغل 5 بمرتباتهم و بعد الكهرباء و المياه دنتى كده هتخسر
بصراحه الصفقه مش رابحه من وجهة نظرى

++++++++111111111

[A.Saad]

شكراً minicooper20
وعقبال ما تكون العربية دى معاك
محمد بك شوقى
نمر من نمور كيا الاشداء
باقى الاعضاء فين ؟؟؟؟؟؟؟؟؟؟؟؟؟؟؟؟؟؟؟؟؟؟

[nabaster]

احمد باشا

احنا هنا مجمع ابراج 13 برج والجراج الي تحتينا في فتره من الفترات كانت عيني عليه .. لغايت ما لاقيته أتاجر وانا معرفش .. والراجل الي اخده طلع معرفه ورتبنا انا وهوا الجراج وقدرته كانت من 150 لـ 200 عربيه ... فمبدأيا عندي فكره عن تنظيم الجراج وكده



مبدايا تنسي حوار ان حد يسيب المفتاح ده خالص ... مشاكله كتير وممكن واحد تكون ضايعه من عربيته حاجه اصلا وتيجي في وشك انتا

حاول تقسم الجراج بحيس يبقيوا عربيتين في ضهر بعض فمتحتجش ان حد يسيب مفتاحه علشان قافل علي عربيه تاني

تشوف المناطق بحيس في اماكن بره جمب الرصيف في الشارع ولا منطقه زحمه مفيهاش اماكن بره ؟؟؟

لان ده الي هيحدد وهيجبر الناس تنزلك عربياتها الجراش

هنا عندنا العربيه بـ 80 جنيه في الشهر ... فمش عارف بصراحه ظروف المنطقه عندك ايه

تحدد اذا كان المبلغ شامل تطويق العربيه كل يوم وهيا خارجه ولالا

هنا عندنا واحد سايس بالليل وواحد بالنهار مش شرط اتنين ... بس لازم يكون في حد موجود لان هتقابل ناس سواقتها علي قدها وهيقولك تعالي طلعلي العربيه

يحبذ يكون المسئول عن الجراش ليه في شغل المكانيكا والكهربا الخفيفه ... بس قوله ميفتيييييييييييييييش والي يعرفه يعمله ولو معرفش يقول معرفش

ويكون معاه رقم كهربائي وميكانيكي متخصص يقدر يجي الجراش لو في مشكله مش هتخلي العربيه تتحرك

المسئول عن المغسله او الكار كير غير الي مسئولين عن الجراش ... علشان هتقابل مشاكل كتير لو ده هوا ده

اكيد في مناور للشقق بتبص علي الجراش ... متركنش عربيات تحت المناور

تحط تليفونك الشخصي ( او رقم تاني تخصصه للجراش) في اماكن ظاهره جوه الجراش ... مع التأكيد ان لو في اي مشكله يكلموك شخصيا ... ميتكلموش مع الولد الي قاعد

انا مش عارف ايجار الجراش كام اصلا

بس لو محققتش 2000 جنيه ربح صااااااااافي بعد مصاريفك (مرتبات ايجار كهربا ميه مصاريف اخري) احسنلك تنسي الموضوع لأنك هتلاقي مصاريف بتطلعلك منن تحت الارض هتقلل من الـ 2000

واي استفسار اسأل وعنيا ليك

A.Yakout

[A.Saad]

احمد باشا ياقوت
ليك وحشة
مش هينفع يكونوا عربيتين فى ضهر بعض
لان التصميم بتاع الجراش مش هينفع فيه تعمل عربيات فى ضهر بعض علشان الاعمدة اللى موجودة
فكدة لازم اللى يركن بره على الاقل يكون سايب المفتاح
وده موضوع مشاكله كتير زى مانت قلت وده اللى مخلينى اتردد في التنفيذ
فيه اماكن جنب الرصيف
بس على طريق يعتبر سريع شوية -
والطريق 3 حارات بس
المناور من المعاينة مفيش
ياريت ايضاح اكتر لنقطة المشاكل اللى تخللى العائد يقل
وايه المشاكل المتوقعة بخلاف
1 عربية ضاع منها حاجة
2 عربية اتحكت

[nabaster]

الاول بس يا احمد بيه ليا سؤالين كده علشان اقدر اقولك اصلا تاخده ولا تنسي الفكره

الجراش يشيل كام عربيه بحد اقصي

وممكن توصل للحد الاقصي لجراش في كام شهر؟؟

ومطلوب فيه كام فلوس؟؟؟

A.Yakout

[Ayman-Ahmed]

ازيك يا استاذ احمد.بص بقى يا سيدى هكلمك من واقع خبرة طويلة :

لو بتتكلم عن الربح الاول فده بيعتمد على عدد العربيات والعمال هياخدوا كام (وايوه العمال هياخدوا كام) لانهم يا سيدى الفاضل حاليا بيطلبوا مرتبات لا تقل عن 800-1000 جنيه ده غير حسنته وديه انا مليش دعوة بيها اساسا.بس استعد لسايس طريقة كلامه متعجبكش وزبون هتستحمله لانه زبونك.

يا سيدى الفاضل انا بقالى شهر بدور على سايس ب 700 جنيه يشتغل 6-8 ساعات ومش لاقى عشان الجو شتا.

-هتشوف المساحة كام متر وتتصل بالامن الصناعى يجى يقولك كام طفاية وكام جردل رمل ويتوزعوا ازاى.

-الامانة - الامانة - الامانة ده شئ مهم جدا فى العمال لانهم معاهم امانات فى رقبتك انت.

-مصاريفك هتبقى ( فواتير مياه - كهربا -لاقدر الله عربية اتخبطت - ايجار الجراج - اجرة العمال - حاجة ضاعت وانت ملزم بيها حتى لو مضعتش عندك - صحتك بقى لو حد من السياس خد اجازة او مشى ومش لاقى غيره وتشيل انت المهمة بتاعة الركن والحراسة وممكن تجيب بواب جارك او اى حد يغسلك او يطوق وكله بحسابه)

-تخليه بالساعة ولا مبيت ارشحلك المبيت لسكان العمارة واللى حواليها لانه احسن ما تخلى اكتر من رجل غير معروفة تخش وفيه عربيات ناس عندك.

-طالما الجراج بواكى او اعمدة يبقى لازم المفتاح لان لو حد قفل على اللى وراه ومطلعش ونام او او او يبقى لازم العربية تتحرك.

المحصلة : المشروع ده عاوزله تفرغ تام او تشوف سايس يمشيلك الموضوع كله ويديره وتاخد انت منه مبلغ ما كل شهر تحدده.

واى استفسار انا فى الخدمة.