بشرة خير

[alfath8]

السلام عليكم
والله العظيم انا شاهد على هاحكيه الوقتى مع تزايد دور الشرطة بصورة ملحوظة فى مدينة بورسعيد ومن امام منزلى الآن احكى لكم معركة بالاسلحة النارية بين منطقتين الحى الذى اسكن فيه والحى المجاور استمرت حوالى ربع ساعة العجيب والمدهش والله العظيم الشرطة تدخلت بسرعة رهيبة جدا مع بعد اقرب قسم شرطة عن المكان وتدخل مباشر واستطاعت القبض على عدد من البلطجية وتثبيتهم ومع اعتراض الاهالى على الوضع قامموا بأخذهم معهم بالقوة والفكرة اللى شوفتها كانت زى الكماشة بالضبط سياراتان من الشرطة من الشارع الرئيسى وسيارتان من الشارع الجانبى والله بجد تدخل مباشر والشرطة والجيش فى السيارت انا حاسس ان الوضع بدأ يتحسن شوية بس يارب الوضع يفضل على كده على طول والبلد تنضف من البلطجية ويا رب نشوف مصر احسن بلاد الدنيا

[waleedfesal]

ربنا يسهل

[night_whisper]

بسم الله ما شاء الله
ربنا يحفظ مصر و يجعلها دايمآ بلد الأن و الأمان
مفيش طريقة تقدر الشرطة تكسب بيها الشعب الا بقيامهم بواجبهم

[hazoom2006]

اللى مخلى الشرطة تقوم بواجبها حاليا هو وجود الجيش لو الجيش مش موجود للاسف لا حياه لمن تنادى والجيش

[yoko]

بصراحة الوزير الجديد حاسس معاه بفرق كبير القاهرة المرور ماشي زي الألف معظم الأماكن وبين كل عسكري وعسكري بوكس بوليس واللجان شايفة شغلها وسواقين الميكروباصات ماشيين زي الألف

[alfath8]

والله يا جماعة دى تانى مرة اشهد المنظر ده بصراحة الوزير ده ربنا يحفظه مشغلهم شغل جامد حملات مرور واكمنة ودوريات متحركة بجد حاجة تفرح بس يا رب يفضلوا كده على طول من غير ظلم

[mahmoud_afifi]

بصراحة الوزير الجديد حاسس معاه بفرق كبير القاهرة المرور ماشي زي الألف معظم الأماكن وبين كل عسكري وعسكري بوكس بوليس واللجان شايفة شغلها وسواقين الميكروباصات ماشيين زي الألف

+1

[wael3m]

فى تحليل فى دماغى ومش عارف اذا كان صح ولا غلط

متهيألى ان المجلس العسكرى عاوز ينجح حكومة الجنزورى بأى شكل
(و دا طبعا لمصلحنتا اولا كمواطنين ) وفى نفس الوقت مصلحة للمجلس
علشان يقول للناس إن إختيار الجنزورى كان صحيح مش زيكم يا ثوار اخترتوا عصام شرف
وفشل فى مهمة


الدليل على كلامى ان كان فى توقع للبلطجة أثناء الانتخابات ومحصلش حاجة

تفسروا بأيه ؟؟؟

[akramlail]

فى تحليل فى دماغى ومش عارف اذا كان صح ولا غلط

متهيألى ان المجلس العسكرى عاوز ينجح حكومة الجنزورى بأى شكل
(و دا طبعا لمصلحنتا اولا كمواطنين ) وفى نفس الوقت مصلحة للمجلس
علشان يقول للناس إن إختيار الجنزورى كان صحيح مش زيكم يا ثوار اخترتوا عصام شرف
وفشل فى مهمة


الدليل على كلامى ان كان فى توقع للبلطجة أثناء الانتخابات ومحصلش حاجة

تفسروا بأيه ؟؟؟

تفسير مقنع

[rompo10]

المجلس العسكري عاوز حاجه معينه ايه هي الله واعلم

[bmya]

نفس كلام استاذ وائل كنت لسه بقوله لاختي اهارده والله المجلس عاوز ينجح الجنزوري ويحسس الناس ان هو عارف مصلحتهم اكتر منهم ويبين فشل الثوار وعدم قدرتهم على الاختيار خصوصا بعد فشل شرف واللي كان سبب في هذ الفشل او له دور كبير فيه كان المجلس العسكري برده !!
عموما هي مصلحه ان البلد تتظبط بس تكون نيه المجلس العسكري فعلا سليمه ميكنش بيخطط لحاجه من تحت الطربيزه ربنا يسهل يارب