ايوه مش هشترى المصرى

[mazagngi2010]

وجهه نظر برضه
---------------------
أنا مش هاشارك فى حملة اشتري مصرى.... اللي هتزود مكاسب رجال أعمال إللى أصلا مش بيدوا للعمال حقوقهم

أنا باشتري مصري بطريقتي اللي أنا مقتنع بيها ...
اركن عربيتي و اركب تاكسي .. أكل فريسكا ، درة مشوي أو بطاطا من بياع سريح عالكورنيش هيروح لعيلته بالفلوس ... اشتري كل الخضار و الفاكهة من حد واقف في الشارع مش من السوبر ماركت ..

... ... لو هتجيب هدايا لزمايلك أو لصحابك او لحد بتحبه .. انزل خان الخليلي و اشتري نحاس أو ازاز معشق معمول في الخان مش حاجات صيني

.. جرب تلبس جزمة معمولة في مصر ..
جرب مرة تشرب عرقسوس من الشارع ( سمي و اتكل على الله مش هتموت .. كانوا ال 50 مليون ماتوا) ..
افطر مرة من على عربية فول .. و اسمع الراجل اللي على العربية و هو بيدعيلك بصباح نادي و زي الورد ...

اشتري باكو منديل من واد غلبان في اشارة مرور .. حتى لو شكله مش عاجبك ما تبقاش انت و الناس عليه ...

دول وزيهم كتير هما إللى يستحقو المساعده ....
مش رجال الاعمال إللى اصلا معاهم ميارات من البلد ...

ومفكروش يعملو حاجه بجد للبلد ... مصانعهم معموله عشان هما يكسبو وبس ميعرفوش حاجه تانيه وده إحدى اسباب الغلاء إللى حارق البلد .... محدش فيهم حاول يعمل مشروع قومى يساعد الاقتصاد المصرى بجد ... ويرخص الاسعار بجد

لو عايز فعلا تساعد مصر .... ساعد العامل الشقيان... ساعد البياع الغلبان... ساعد بتاع المناديل ... ساعد المنتجات المصريه الصغيره ... وساعد وساعد ... ساعد المحتاج المساعده فعلا .... ومتديش صدقه لحد مبيبعش حاجه ... ساعد إللى بيكافع بجد

متساعدش إللى خلو كيلو اللحمه ب 70 جنيه
متساعدش إللى خلو كيلو اللبن ب 7 فى علبه
متساعدش إللى خلو متر سلك الكهربا ب 8 جنيه
متساعدش إللى خلو السندوتش ب 30 جنيه
متساعدش إللى خلو متر السيراميك 100 جنيه
متساعدش إللى خلو كيس المكرونه ب 3جنيه
متساعدش متساعدش متساعدش ... كتير اوى اوى

ممكن تكون الاسعار دى تافهه بالنسبةلك ... لكن 60 % من الشعب المصرى ميعرفش يشتريها .... وعشان كدا الاقتصاد المصرى خرب لأنه غالى جدا وفئه قليله هى إللى قادره عليه

دا بسبب رجال الاعمال اللى عمالين يدفعو ملاين من ارباحهم المهوله على حملات إعلانيه ويلمو فلوسها من الشعب

وسايبين الغلابه مش لاقين ياكلو ولا يسكنو ولا يتعلمو ولا قادرين على مصاريف حاجه ... بيتمنو الموت عشان يوفرو لقمه لإخواتهم... والاسعار بتزيد عليهم يوم ورا التانى

عايز تساعد .... ساعد الصناعات الصغيره بجد .. ولو تعرف شغل اى حد ... خلى فلوسك رايحه للى فعلا محتاج ... ومتخليش رجال الاعمال يضحكو عليك

اما الاقتصاد المصرى عالميا ... فلا يستطيع احد إصلاحه إلا الحكومه
بوضع حد اعلى للأجور وتخفيض الجمارك والضرائب على المواد الخام الغير موجوده فى مصر ... والماكينات والصناعات الثقيله إلى ان توجد هذه الصناعه مره اخرى حتى يستطيعو إدخال مواد خام رخيصه وتصنيع منتجات مصريه تنافسيه حقيقيه
تساعد على زياده وتنوع المصانع والمنتجات
ومن ثم خفض الاسعار وزياده الجوده
منقوووووووووووووول

[M.Mosaad]

من الفيس يوك


نزلت اشتريت علبة كبريت مصرى عشان اشجع بلدى وعلبة كبريت صينى عشان اولع البوتاجاز :) .........منقول

[Abo_Lina]

أنا مش عارف إيه الجديد
ما ٩٠ % من المنتجات اللي بنشتريها كده كده مصري ~ عيش و خضار و جبنة بيضا و رومي و لحمة و سمك و فراخ ما كل ده مصري إيه الجديد اللي الحملة عاوزة تنفذه ?
يعني قصدهم على الجبنة الأولد أمستردام و الأيس كريم الهاجندااز و الشيكولاته الهيرشي و السناكس المياومياو الماليزي ? هو حجم مبيعات الحاجات دي أد إيه أصلا و هل ليها بديل مصري ? و الأهم أد إيه مصريين بيشتروا المستورد أصلا علشان نقولهم إشتروا المصري
ما كلنا بنشتري المصري و الماركتس ٩٠% من معروضاتها مصري

[megaman]

هو احنا ملاحقين على اسعار المصرى عشان نشترى غيره اكلنا كله مصرى الاجهزه اللى فى البيت مصرى السجاد مصرى الملابس اللى اسعارها مش منطقيه مصرى وبعدين اديكو مثل حذاء لطفله 7 سنوات مصرى ومش جلد طبيعى 120 جنيه ليه الصينى احلى وارخص

[hazemhany]

كلام في الجون بصراحة ...فعلا كله بيصب في جيوب الحيتان اللي اسمهم رجال الاعمال والعمال لا بتشوف منهم ابيض ولا اسود ...زائد انه فعلا اغلب الاغذية اللي بنشتريها مصرية 100 % ...

[icehearted girl]

من الفيس يوك


نزلت اشتريت علبة كبريت مصرى عشان اشجع بلدى وعلبة كبريت صينى عشان اولع البوتاجاز :) .........منقول

حلوة

بس انا عندي وجهة نظر مختلفة..انا عمري مهشتري منتج لمجرد انه مصري وبس وجودته تبقي ممش لاوبد لاني كدا بشجعه ع الانتخة وعدم التجديد للأفضل

انا هشتري المنتج الافضل تشجيع مني له

خصوصا لو مكان بيكيل بمكيالين زي مصانع الملابس المصرية اللي بتصدر افضل الاقطان وتقرفنا احنا بهدوم زبالة فلمحلات....

[akramlail]

دة اللى بقولة لنفسى لان الواحد مبقاش يحب يتكلم لان هايطلعلة ميت واحد يعمل فيها عنتر
دى حملة مش لاقتصاد مصر لا
دى لرجال الاعمال الحرامية عاوزين يعوضوا الفترة اللى فاتت اللى معرفوش يستكردوا الناس فيها زى ما متعدودين
عشان ظروف البلد قالوا يلا بينا نركب فى الثورة ونستغل الروح الوطنية

[medododo]

حلوة

بس انا عندي وجهة نظر مختلفة..انا عمري مهشتري منتج لمجرد انه مصري وبس وجودته تبقي ممش لاوبد لاني كدا بشجعه ع الانتخة وعدم التجديد للأفضل

انا هشتري المنتج الافضل تشجيع مني له

خصوصا لو مكان بيكيل بمكيالين زي مصانع الملابس المصرية اللي بتصدر افضل الاقطان وتقرفنا احنا بهدوم زبالة فلمحلات....

ولا الفاكهة
وأنا في العمرة كلت برتقال بصرة مصري
مكلتوش فحياتي
ذي ما يكون حرام علي الشعب ياكل من خير بلده

[Ghamrawy]

النهارده اشترى مصرى و احتفظ بالايصال و الحاجة بدون استعمال
و الجمعة الجاية روح رجعه و خد فلوسك

[A.Saad]

ما الاقتصاد المصرى عالميا ... فلا يستطيع احد إصلاحه إلا الحكومه
بوضع حد اعلى للأجور وتخفيض الجمارك والضرائب على المواد الخام الغير موجوده فى مصر ... والماكينات والصناعات الثقيله إلى ان توجد هذه الصناعه مره اخرى حتى يستطيعو إدخال مواد خام رخيصه وتصنيع منتجات مصريه تنافسيه حقيقيه
تساعد على زياده وتنوع المصانع والمنتجات
ومن ثم خفض الاسعار وزياده الجوده

النقطة دى بالذات بتوضح ان اللى كتب الكلام علاقته بالاقتصاد صفر
اى اقتصاد فيه ركود ممكن تنشطه بزيادة الطلب على المنتجات بشرط استعداد المصانع والمنتجين للانتاج حتى لا يحدث تضخم
الطلب ممكن يكون حكومى او خاص

[assaf]

كلام سليم
شوف اصحاب المصانع المصريين عامليين ايه في العمال
من تدني للمرتبات وظروف عمل .انا ليا واحد صاحبي اخو كانت شغال في مصنع سجاد بعد كاس الامم صاحب المصنع صرف للاعبي المنتخب مكافئه حوالي 2 مليون جنيه طبعا عشان يطلع في التلفزيون وبعد كده شغل العمال زياده من غير اوفر تايم عشان يعوض بقي دا يستاهل الدعم

[mazagngi2010]

كلام سليم
شوف اصحاب المصانع المصريين عامليين ايه في العمال
من تدني للمرتبات وظروف عمل .انا ليا واحد صاحبي اخو كانت شغال في مصنع سجاد بعد كاس الامم صاحب المصنع صرف للاعبي المنتخب مكافئه حوالي 2 مليون جنيه طبعا عشان يطلع في التلفزيون وبعد كده شغل العمال زياده من غير اوفر تايم عشان يعوض بقي دا يستاهل الدعم

النساجون الشرقيون مش كده؟

[assaf]

النساجون الشرقيون مش كده؟

اه هي النساجون

[KHALED AYMAN]

ردا على وجهه النظر
هو لما واحد يشترى ملابس مصرى ..صاحب مصنع الملابس ده ملياردير ؟؟
صاحب مصنع الملابس ده مش احمد عز ولا رشيد محمد رشيد ولا نجيب ساويرس ..
لا ده واحد عادى ..من فئه متوسطه عنده مصنع فيه عمال ..اه معاه عربيه و ساكن كويس ..بس بقاله كتيييييير بيخسر و معرض للافلاس ..والى ليه فلوس عنده هتروح ..والعمال الى عنده هتتشرد ..
وفى عنده مصنع و فقير ولا معاه عربيه ولا ساكن كويس ولا اى شىء..الى جاى على اد الى رايح و يمكن اى موظف بيكسب فى الشهر احسن منه على الاقل اشتغل مشتغلش بياخد مرتبه و غير معرض للخساره
و فى بردو اصحاب مصانع بالملايين
هو مش هيفرق معاه يكسب او يخسر ..لانه يوم ما يزهق هيقفل المصنع و يعمل بفلوسه مشروع تانى ..لكن مش هياخد العمال معاه فى المشروع التانى ..العمال دول هيجوعو ..منهم الى هيسرق..ومنهم الى هيموت و منهم الى ربنا هيسهله شغل فى مكان تانى ..
فبلاش النظره الضيقه ان صاحب المصنع هو فقط احمد عز و امثاله

[KHALED AYMAN]

كلام سليم
شوف اصحاب المصانع المصريين عامليين ايه في العمال
من تدني للمرتبات وظروف عمل .انا ليا واحد صاحبي اخو كانت شغال في مصنع سجاد بعد كاس الامم صاحب المصنع صرف للاعبي المنتخب مكافئه حوالي 2 مليون جنيه طبعا عشان يطلع في التلفزيون وبعد كده شغل العمال زياده من غير اوفر تايم عشان يعوض بقي دا يستاهل الدعم

وفى اصحاب مصانع مصريين ايام الثوره قفلو المصانع و صرفو مرتبات العمال عادى جدا ...
وفى اصحاب مصانع بيساعدو العامل الى بيتجوز او بيجوز بنته ..
بيساعدو العامل المريض او الى فى حد من اهله مريض
بيساعدو العامل الى يتصاب فى العمل (معلش فى اللفظ بس بسبب غباؤه) و بيعالجوه على حسابهم و مرتبه يفضل يتصرف طول فتره غيابه من العمل
وفى اصحاب مصانع بيعاملو العمال كويس من غير تكبر و بيعتبروهم شركاء فى المصنع ..لان المصنع من غير عمال ملوش لازمه ..والعمال من غير صاحب مصنع ملهمش لازمه ...