اقول ايه لابني لما يسال عن ربنا

[shaddadfalcon1]

محمد ابني 3 سنين ونص ربنا يبارك فيه ويبارك في ابنائكم جميعا دخلته حضانه جنبي هنا في مدينة نصر والحمد لله الحضانه بتعلمه قران واحاديث والنهارده زوجتي بتقولي انه بدال يسال ويقوله هو ربنا فين واحنا بنشوفه ولا لآ وبعديها بشويه ضرب اخوه الصغير فزوجتي قالتله كده ربنا هيزعل منك قالها هو ربنا شايفني ؟ هو فين انا مش شايفه؟

ايه الحل الأمثل والرودود المثلي للتعامل مع هذا النوع من الأسئله مع الأطفال مع مراعاة ان ابني من النوع اللحوح اللي بيسال علي كل صغيره وكبييره وكتيير بتخنق منه واقوله اسكت شويه لان كل سؤال بيرد عليها بسؤال تاني
يعني ابقي ماشي في الشارع مين ده يابابا وبيعمل ايه وهو ماشي كده ليه ولابس كده ليه وزعلان ليه وكل اجابه يصحبها كلمة ليه

[Ayman-Ahmed]

كان والدى الله يكرمه بيقولى ربنا ورا السحاب ده كله وشايفك دايما .طب هو انا مش شايفه ليه عشان لما تصلى وتصوم وتكبر كمان شوية تشوفه وممكن يجى فى الحلم كمان لو انت كويس وبتسمع كلام بابا وماما ومتزعلش اخواتك.لكن طالما مبتعملش كل الحاجات ديه يبقى ربنا بيزعل منك واحنا عشان بنحبه اوى مش عاوزين نزعله.

ومعلش اعذرنى ولكن طالما بسم الله ما شاء الله عليه بيسال عن كل حاجة.ده ادعى انكوا تنموا فيه التفكير وتلاعبوه العاب تنمية فكر وذكاء ومعلش حاول تجاوبه على قد ما تقدر واستحمل اسئلة طفل لا يعرف وحضرتك اللى بتعرفه.

ربنا يبارك لنا فيما رزقنا.

[maka]

طالما دائم السؤال يبقى عاوز يعرف دائما و يفهم , نمى قدراته زى ما قال استاذ ايمن و حاول تعلمه القراءة و العاب الملاحظة و ال iq

[shaddadfalcon1]

انا بالفعل دلوقتي بعلمه ا ب و a b c والالوان والحيواناات وبيحفظ قران كويس قوي وبيلقط مني وانا قاعد علي الكمبيوتر وبيعمل الحاجات تاني لوحده

[Ayman-Ahmed]

طيب بسم الله ما شاء عليه.

استمر وعلمه المفيد يعنى مثلا افتحله برنامج Paint وخليه يتعلم يرسم عليه مثلا.ده انا كنت بشوف ناس بترسم لوحة كاملة بالبرنامج. اهو منها يتعلم الالوان وممكن تدور على النت على صور بيضا مثلا لحيوانات او عربيات وتخليه يلونها بالبرنامج.وبلاش كتير بس عشان ايده وعلمه يكتب كتير.اسمه - عنوانه - رقم التيلفون.وخلى بالك طويل اهم حاجة لان الفترة ديه هى اللى بيتبنى عليها طريقة مذاكرته واستيعابه بعد كدة.

ومعلش بعد اذنك(اتفقوا حضرتك والام) : لو مش قادر تستحمل او هتتعصب عليه او حاجة ابقى قول لوالدته تاخد مكانك .

[rompo10]

ربنا يخليه وتشوفه رئيس جمهوريه كمان

[MohaMed_Refaat]

ربنا يخلهولك ويباركلك فية ويطرحلك فية البركة

[blazer]

ربنا يبارك ليك فيه
نمى فيه نقطه حب المعرفه جيب ليه كتب التاريخ والدين للاطفال
عليك وعلى المكعبات الميكانوا والبازل
وديه جنينه الحيوانات :d مش بهزر بس فعلا الاطفال بيتعلموا كتير من الحيوانات والطبيعه

[EsmatKazem]

مهما سألك .... اوعى ترد بكلمة " لما تكبر تعرف " قول له الحقيقه و بسطها له عشان يفهم ....

[ramyhekal]

ربنا يحفظه ويحفظ اطفال المسلمين لما يسأل جاوبه باجابات مبسطه ومتزهقش منه مهما سأل كتير

[human]

جنا بنتى كانت سايبه مكان فاضى جنبها فى العربيه بسألها ليه ماتقعدى جنب الشباك
قالتلى ده سايباه عشان ربنا يقعد معانا - كان تقريبا عندها 3 سنين

اللى جننا محمد ابنى
واحنا نازلين جنا تقول لا اله الا الله و اقولها محمد رسول الله يتحمق و يقول لا جنا رسول الله - طبعا نفهم فيه بالعافيه و نشرح
يجى تانى يوم عرف ان محمد رسول الله كويسه فعايز يعمل معايا واجب - فبدل جنا بقى بابا !!
اقوله انت هتودينى فى داهيه - لغاية ما عرف سيدنا محمد
و علطول يقولى احكيلى حكايه سيدنا و ينسى الاسم
مره قعد يقولى سيدنا مين تانى لغايه ما شرحت تقريبا كل الانبياء و الرسل

عموما دايما اتكلم معاهم و اشرح على اد ما تقدر - انت مش متخيل الاطفال ممكن تستوعب اد ايه

[kar!m]

على فكرة الفترة دى فى عمر الطفل حرجه جدا .. عشان بيلقط منك كل حاجه .. فلازم تركز أوى فى أفعالك.

[أبو صلاح]

ده رد لقيته على احدى المنتديات حبيت انقله للافاده

الطفـــــل:

من هو الله ؟؟ وأين يوجد ؟؟.

الوالدين
الله هو الذي خلق كل شيء وليس كمثله شيء وهو غفور رحيم رزاق كريم يحب الأطفال ويأمر الكبار برعايتهم وإفهامهم الخير لهم وللناس أجمعين وهو يحاسبنا على أعمالنا الجيدة والسيئة ثوابا أو عقابا.والله موجود في كل مكان وان كنا لانراه

الطفـــــل

: هل الله إنسان مثلنا؟

الوالدين :

لا ليس مثلنا الله خلقني وخلقك وخلق كل الناس خلق الأشجار والأنهار والبحار وكل شيء في هذه الدنيا

هل أستطيع أنا أو أنت أو أي شخص أن نخلق إنسان ؟

فالله ليس إنسان مثلنا بل هو مصدر القوة وإذا أراد قال للشيء كن فيكون

الطفــــــل :

ما هو الموت ؟

الوالدين :

هو مثل نومنا في الليل ، ولكنه نوم أطول ، نصحو بعده عندما يريد الله في يوم الحساب

الطفــــل

: ما هـو يوم الحساب يوم القيامة ؟

الوالدين
يوم الحساب يوم يحاسب فيه الله الــنـاس على مـا قــدموا مــن أعمـال فـي هــذه الـدنيـا

مـن عمـل خيـر أو أطاع الله يـدخلـه الجنـة ومـن عمل شـرا وعصى الله يـدخله النار

الطفــــل :

أيـن توجـد الجنة وماذا فيهـا ؟؟

الوالدين

: الجنـة مكان جميل وفيهـا كـل شيءتتمناه فيها ملاهي وشكولاته وحلويات ولعب وكل شي

تحبه يخبئها ربنا عنده يذهب إليها الناس الصالحين الذين يعملون الخير ويصلون ويصومون و يسمعون

كلام أمه وأبيه و لا يؤذون أصحابهم

الطفــــل :

أين توجد النار و ماذا فيها ؟؟

الوالدين

: النار مكان سىء وقبيح ما فيها مكيف حارة مره و لا فيها العاب و لا هواء

ولا أي شيء ربنا مخبئها عنده عشان يعاقب بها كل من يعمل الشر و لا يسمع

كلام أمه وأبيه أو يؤذي أصدقائه أو ما يصلي أو ما يصوم ويعصي الله وما يطيع أوامره

[mazagngi2010]

بنت اختى 4 سنين بتسال نفس الاسئله دى وانيل منها
هو ربنا جه منين وبتنح بصراحه وامها هى اللى بتعرف تتفاهم معاها

[mohamed9999]

انا بنتى مريم 3سنين ونص مجننانى اسئله برضو