إعـــــــلان

Collapse

.

,
See more
See less

من واقع خبرتكم اعمل ايه؟!

Collapse
X
 
  • Filter
  • الوقت
  • Show
Clear All
new posts

  • من واقع خبرتكم اعمل ايه؟!

    ازيكم يا شباب اخباركم ايه؟
    يارب جميعا تكونوا بخير واللي مش متجوز يتجوز ان شاء الله وتبنوا بيوت مسلمة طيبة صالحة يا رب
    دلوقتي انا بفكر اني اخد خطوة واخطب ان شاء الله وابتدي امشي في حكاية بناء البيت دي
    طيب ايه الموقف؟!
    انا بالفعل عندي شقة -ودي المشكلة اللي محتاج رايكم فيها -
    الشقة دي ساكنة -والدي مسكنها- وهتفضى الشهر دا ان شاء الله ... هي كان المفروض يخلص عقدها كمان سنتين والمفروض انها هتتسكن تاني لنفس المدة
    والدي بيسألني هل انا هعد في الشقة دي واللا اعد معاهم في الشقة ؟!
    احنا قاعدين في شقة مكونة من 4 غرف وريسيبشن كبير و 2 مطبخ و 2 حمام
    فدلوقتي قدامي خيار من 4 خيارات:-
    الخيار الاول اني اقبل اني اعد معاهم في الشقة وهيكون نصيبي مطبخ وحمام وغرفتين وصالة !
    الخيار التاني اني انتظر لما المدة تنتهي -سنتين على اعتبار انها هتتسكن سنتين كمان -
    الخيار التالت اني اسيب الشقة فاضية وادفع انا ايجار الشقة لحد ما اتجوز
    الخيار الرابع اني اعد معاهم لحد ما الشقة تفضى وبعدين اجهزها وانقل فيها
    انتوا ايه رايكم في الخيارات دي؟!
    النقطة التانية:-
    بالنسبة لفترة الخطوبة هل كتير ان فترة الخطوبة تكون سنتين؟!
    لأني اعتقد اني هحتاج فترة خطوبة لن تقل عن سنتين عشان أقدر اجهز نفسي
    فهل اخطب واعد سنتين خاطب واللا انتظر اجهز نفسي وبعد كدة اخطب واتجوز على طول واللا اعمل ايه بالظبط؟!
    بصراحة انا مليت وزهقت من اني مخدتش خطوة فعلية في الموضوع دا واحساس انك لوحدك دا احساس مش حلو برده -بغض النظر عن اهلي بس احساس من نوع تاني يعني
    النقطة التالتة:-
    بالنسبة للاتفاق مع اهل العروسة هو الشائع عندنا في البلد ان العريس يتحمل الغرف كلها كخشب وتنجيد وان العروسة تتحمل ما تبقا من اجهزة وما شابه فهل دا كدة كويس واللا لا؟!
    انتوا ايه رأيكم؟!
    النقطة الأخيرة انا تعبت دماغكم معلش:-
    بالنسبة للشبكة ايه النظام دلوقتي ايه الحاجة المقبولة مع اسعار الذهب الحالية ؟!
    Ashraf_Ibrahim

  • #2
    فى حساسيه فى المنتدى من مواضيع الجواز
    [CENTER][SIZE="3"]I Need A Job[/SIZE][/CENTER]

    Comment


    • #3
      المشاركة الأصلية كتبت بواسطة hazoom2006 مشاهدة المشاركة
      فى حساسيه فى المنتدى من مواضيع الجواز
      يعني فكرك مش هلاقي حد يشور عليا كدة يعني :lol:
      هههههههههههههههه
      يا سيدي ادينا بنحاول نكمل نص دينا
      Ashraf_Ibrahim

      Comment


      • #4
        المشاركة الأصلية كتبت بواسطة ashraf_ibrahim مشاهدة المشاركة
        يعني فكرك مش هلاقي حد يشور عليا كدة يعني :lol:
        هههههههههههههههه
        يا سيدي ادينا بنحاول نكمل نص دينا
        الجواز بيضيع الدين كله

        او بيعمل زي جحا بيبيع نص البيت علشان يشتري النص التاني
        ممتنع عن المشاركه

        Comment


        • #5
          خطوه موفقه ان شاء الله
          عليك بالاستخاره و اخلاص النيه و التزام هدي النبي صلى الله عليه وسلم اظفر بذات الدين
          وربنا يرزقك زوجه و ذريه صالحه ان شاء الله

          المشاركة الأصلية كتبت بواسطة ashraf_ibrahim مشاهدة المشاركة
          فدلوقتي قدامي خيار من 4 خيارات:-
          الخيار الاول اني اقبل اني اعد معاهم في الشقة وهيكون نصيبي مطبخ وحمام وغرفتين وصالة !
          الخيار التاني اني انتظر لما المدة تنتهي -سنتين على اعتبار انها هتتسكن سنتين كمان -
          الخيار التالت اني اسيب الشقة فاضية وادفع انا ايجار الشقة لحد ما اتجوز
          الخيار الرابع اني اعد معاهم لحد ما الشقة تفضى وبعدين اجهزها وانقل فيها
          انتوا ايه رايكم في الخيارات دي؟!

          شيل الاول والرابع و اختار اللي يناسب ظروفك امكانياتك من الخيارين الاخرينبعد ما تراضي اهلك

          النقطة التانية:-
          بالنسبة لفترة الخطوبة هل كتير ان فترة الخطوبة تكون سنتين؟!
          لأني اعتقد اني هحتاج فترة خطوبة لن تقل عن سنتين عشان أقدر اجهز نفسي
          فهل اخطب واعد سنتين خاطب واللا انتظر اجهز نفسي وبعد كدة اخطب واتجوز على طول واللا اعمل ايه بالظبط؟!

          دي نصيب و مادامت اول خطوبه ان شاء الله مين قال انها هتكون هي اللي فيها صاحبه النصيب
          استخير ربنا و ابدأ و بعد كده مده الخطوبه بتتحدد حسب ظروفك الماديه و ظروف اهل العروسه و طبيع بيتها و ارتياحك للعروسه و اهل بيتها

          النقطة التالتة:-
          بالنسبة للاتفاق مع اهل العروسة هو الشائع عندنا في البلد ان العريس يتحمل الغرف كلها كخشب وتنجيد وان العروسة تتحمل ما تبقا من اجهزة وما شابه فهل دا كدة كويس واللا لا؟!
          انتوا ايه رأيكم؟!
          النقطة الأخيرة انا تعبت دماغكم معلش:-
          بالنسبة للشبكة ايه النظام دلوقتي ايه الحاجة المقبولة مع اسعار الذهب الحالية ؟!

          الجهاز بيكون عرف البلد و ممكن يختلف من بلد للتانيه فالشائع عندك يبقي هو الكويس لكن النصيحه في الموضع ده
          اولا انك تتفق علي كل حاجه من الاول و متتكسفش ياما ناس بتتخانق قبل البناء مباشره علي حاجات هايفه متكملش 100 جنيه علشان متتحددتش علي مين في الاتفاق
          ثانيا متلزمش نفسك بحاجات اكتر من الاتفاق الشائع في عرف بلدك حتي لو ناوي فعلا انك تجيبها خليها تبقي اسمها حاجات بتجيبها زياده وقتها وقعها بيكون افضل
          ثالثا لو لمست ارتياح اهلك للبنت و أهلها و طبعا ارتياحك انت كمان و حسيت ان البيت محترم وملتزم مش مشكله انك ممكن تعفيهم من حاجه المفروض عليهم لو حسيت انها كتير عليهم

          رابعا الشبكه و الصداق زي العرف الشائع و شبكه و مؤخر المثل ممكن تكون المثل دي اختك اختها بنت عمك بنت عمها و برضه متبالغش و اي زياده ناويها متلزمش نفسك بيها وقت الاتفاق

          [CENTER]لا تترك صلاتك أبدا فهناك الملايين تحت القبور يتمنون لو تعود بهم الحياة ليسجدوا ولو سجدة[/CENTER]

          Comment


          • #6
            أولا :بالنسبة للشقة
            لازم يكون ليك شقة لوحدك مستقل فيها وياسلام لو بعيدة عن سكن أهلك
            واعتقد ان افضل خيار هو الخيار التاني اني انتظر لما المدة تنتهي -سنتين على اعتبار انها هتتسكن سنتين كمان -
            لانك ناوي على فترة خطوبة سنيتن

            ثانيا :بالنسبة لفترة الخطوبة
            طول المدة يتوقف على وضعك حاليا
            يعني لو قدامك بنت حاليا انت قررت ترتبط بيها توكل على الله وما اتنتظرش لانها هي ممكن ما تنتظركش
            ولو مفيش قدامك حد ابدأ ابحث كويس واختار على مهلك
            بس في وجهة نظري سنيتن طويلة شوية ومحتاجة راجل محنك تجنبا لمشاكل فترة الخطوبة الطويلة ومصاريفها الباهظة من مواسم وهدايا وخلافه
            بس اهم شيء قبل ما تتم جوازك على حد تكونوا مقتنعين ببعض كويس دخ جواز مش لعبة
            وعلى فكرة لو ارتبطت من دلوقتي وظبطت امورك هتلاقي نفسك مستعد قبل سنتين لان شريكتك هتشجعك وهتلاقي حد يفكر معاك تفكير رشيد وسليم

            ثالثا: الاتفاق على تأثيث الشقة كله بالاتفاق والاعراف الموجودة في المحيط اللي انت فيه
            وواضح من كلامك انك خلاص قررت تتجوز بنت من عندكم
            توكل على الله وشوف الاعراف ايه واتبعها وخلي اهل خطيبتك هم اللي يطلبوا لو مناسب معاك توكل على الله لو مش مناسب ناقش بأدب وزوق لحد لما توصل للي يناسبك ولو هم شاريين وواثقين فيك مش هيضيقوا الدنيا معاك
            وبالنسبة للاتفاق ده اعتقد انه كويس
            ولو انت هتتحمل خشب وتنجيد فقط فقط فقط (خد بالك من فقط دي بس) يبقى معقول جداااااا وأهم شيء عدد الغرف ومكوناتهم (نوم - أطفال - سفرة - انتريه - غرفة معيشة - الخ ........)
            خد بالك علشان في نجف وستائر وسجاد ورفائع وأجهزة كهربائية وسخانات وتجهيز المطبخ والبوتوجاز
            ده طبعا بخلاف تشطيب الشقة اللي عليك

            رابعا : الشبكة
            معرف ان دي هدية منك لعروستك وعلى حسب مقدرتك - ده في الظروف العادية

            خلاف ذلك يتحكم فيه الاعراف والتقاليد برضه
            في ناس صحابي جابوا ذهب ب 2000ج وواحد تاني أعراف بلدهم مالايقل عن 20 الف ذهب (دي حقيقة)
            بس عامة في وجهة نظري خليك الاول في حاجة خفيفة من 3 - 5 آلاف لحد كتب الكتاب لو كان قريب بعد سنة ولا حاجة وبعدين لو ربنا قدرك هات زيهم
            بس أهم شيء تكون واضح معاهم

            وربنا يوفقك
            وتوكل على الله لانه باين من كلامك انك حاطط عينك على حد

            Comment


            • #7
              أحمد باشا كمال هيدخل يقولك تعمل ايه بالظبط :)
              بس ده كلام في سرك بقي :)
              [CENTER]:11_5_14[1]:[/CENTER]

              Comment


              • #8
                المشاركة الأصلية كتبت بواسطة ahmed_mido1889 مشاهدة المشاركة
                الجواز بيضيع الدين كله

                او بيعمل زي جحا بيبيع نص البيت علشان يشتري النص التاني
                لا عيب عليك
                احنا عايزين نجيب البيت كله مانا معايا النص فعايز اشتري النص التاني :D


                المشاركة الأصلية كتبت بواسطة yaserbasha2000 مشاهدة المشاركة
                خطوه موفقه ان شاء الله
                عليك بالاستخاره و اخلاص النيه و التزام هدي النبي صلى الله عليه وسلم اظفر بذات الدين
                وربنا يرزقك زوجه و ذريه صالحه ان شاء الله
                [COLOR=rgb(168, 46, 179)]ربنا يبارك فيك يا رب
                والله انا بدور وببحث عن ذات الدين لأن كل ما دون ذلك زائل وانا عايز واحدة اكون مطمئن في غيابي عنها تماما وعارف انها في غيابي زي في وجودي
                الله المستعان[/COLOR]
                فدلوقتي قدامي خيار من 4 خيارات:-
                الخيار الاول اني اقبل اني اعد معاهم في الشقة وهيكون نصيبي مطبخ وحمام وغرفتين وصالة !
                الخيار التاني اني انتظر لما المدة تنتهي -سنتين على اعتبار انها هتتسكن سنتين كمان -
                الخيار التالت اني اسيب الشقة فاضية وادفع انا ايجار الشقة لحد ما اتجوز
                الخيار الرابع اني اعد معاهم لحد ما الشقة تفضى وبعدين اجهزها وانقل فيها
                انتوا ايه رايكم في الخيارات دي؟!

                شيل الاول والرابع و اختار اللي يناسب ظروفك امكانياتك من الخيارين الاخرينبعد ما تراضي اهلك

                [COLOR=rgb(168, 46, 179)]*مممممممممم
                تمام يعني خيار اني اعيش مع اهلي دا خيار غير مرغوب فيه
                طيب الله المستعان[/COLOR]

                النقطة التانية:-
                بالنسبة لفترة الخطوبة هل كتير ان فترة الخطوبة تكون سنتين؟!
                لأني اعتقد اني هحتاج فترة خطوبة لن تقل عن سنتين عشان أقدر اجهز نفسي
                فهل اخطب واعد سنتين خاطب واللا انتظر اجهز نفسي وبعد كدة اخطب واتجوز على طول واللا اعمل ايه بالظبط؟!

                دي نصيب و مادامت اول خطوبه ان شاء الله مين قال انها هتكون هي اللي فيها صاحبه النصيب
                استخير ربنا و ابدأ و بعد كده مده الخطوبه بتتحدد حسب ظروفك الماديه و ظروف اهل العروسه و طبيع بيتها و ارتياحك للعروسه و اهل بيتها

                [COLOR=rgb(168, 46, 179)]*كلام جميل برده ومنطقي جدا[/COLOR]

                النقطة التالتة:-
                بالنسبة للاتفاق مع اهل العروسة هو الشائع عندنا في البلد ان العريس يتحمل الغرف كلها كخشب وتنجيد وان العروسة تتحمل ما تبقا من اجهزة وما شابه فهل دا كدة كويس واللا لا؟!
                انتوا ايه رأيكم؟!
                النقطة الأخيرة انا تعبت دماغكم معلش:-
                بالنسبة للشبكة ايه النظام دلوقتي ايه الحاجة المقبولة مع اسعار الذهب الحالية ؟!

                الجهاز بيكون عرف البلد و ممكن يختلف من بلد للتانيه فالشائع عندك يبقي هو الكويس لكن النصيحه في الموضع ده
                اولا انك تتفق علي كل حاجه من الاول و متتكسفش ياما ناس بتتخانق قبل البناء مباشره علي حاجات هايفه متكملش 100 جنيه علشان متتحددتش علي مين في الاتفاق
                ثانيا متلزمش نفسك بحاجات اكتر من الاتفاق الشائع في عرف بلدك حتي لو ناوي فعلا انك تجيبها خليها تبقي اسمها حاجات بتجيبها زياده وقتها وقعها بيكون افضل
                ثالثا لو لمست ارتياح اهلك للبنت و أهلها و طبعا ارتياحك انت كمان و حسيت ان البيت محترم وملتزم مش مشكله انك ممكن تعفيهم من حاجه المفروض عليهم لو حسيت انها كتير عليهم

                [COLOR=rgb(168, 46, 179)]*برده كلام كويس جدا ومنطقي برده[/COLOR]

                رابعا الشبكه و الصداق زي العرف الشائع و شبكه و مؤخر المثل ممكن تكون المثل دي اختك اختها بنت عمك بنت عمها و برضه متبالغش و اي زياده ناويها متلزمش نفسك بيها وقت الاتفاق
                [COLOR=rgb(168, 46, 179)]
                والله هو لو هنمشي بالمثل يبقا شيء كويس جدا
                هو المثل القريب من العروسة اللي في دماغي مثل غريب شوية !
                العريس هيجيب اوضة النوم بس وجاب شبكة ب 7000 جنيه بس كتب مؤخر 50000 جنيه ومضى على قايمة ب 100000 جنيه -دا طبعا في مقابل انه مدفعش حاجة غير الشبكة واوضة النوم-
                ايه رأيكم في المثل دا؟![/COLOR]

                المشاركة الأصلية كتبت بواسطة أبو صلاح مشاهدة المشاركة
                أولا :بالنسبة للشقة
                لازم يكون ليك شقة لوحدك مستقل فيها وياسلام لو بعيدة عن سكن أهلك
                واعتقد ان افضل خيار هو الخيار التاني اني انتظر لما المدة تنتهي -سنتين على اعتبار انها هتتسكن سنتين كمان -
                لانك ناوي على فترة خطوبة سنيتن

                [COLOR=rgb(168, 46, 179)]*والله يا عزيزي حكاية شقة بعيد عن اهلي دي صعبة شوية لأن الشقة اللي عندي في بيت أهلي تحديدا
                هي عمارة والدي عاملها ونصيبي منها شقة وهي في الدور اللي فوقيهم على طول
                عشان اجيب انا شقة دي تكلفة مادية وارهاق انا في غنى عنه في المرحلة الحالية على الأقل !
                [/COLOR]


                ثانيا :بالنسبة لفترة الخطوبة
                طول المدة يتوقف على وضعك حاليا
                يعني لو قدامك بنت حاليا انت قررت ترتبط بيها توكل على الله وما اتنتظرش لانها هي ممكن ما تنتظركش
                ولو مفيش قدامك حد ابدأ ابحث كويس واختار على مهلك
                بس في وجهة نظري سنيتن طويلة شوية ومحتاجة راجل محنك تجنبا لمشاكل فترة الخطوبة الطويلة ومصاريفها الباهظة من مواسم وهدايا وخلافه
                بس اهم شيء قبل ما تتم جوازك على حد تكونوا مقتنعين ببعض كويس دخ جواز مش لعبة
                وعلى فكرة لو ارتبطت من دلوقتي وظبطت امورك هتلاقي نفسك مستعد قبل سنتين لان شريكتك هتشجعك وهتلاقي حد يفكر معاك تفكير رشيد وسليم
                [COLOR=rgb(168, 46, 179)]
                هو انا قدامي خيارين يعتبروا كويسين بامر الله
                أرتاح لأحدهما أكثر من الآخر
                فشكلها هترسى على خطوبة سنتين كدة ومش مشكلة بقا مصاريفها الباهضة هنعمل ايه
                بس ايه حكاية اني الاقي نفسي جاهز قبل سنتين دي؟
                دا سحر واللا شعوذة
                يا مسهل هو حد يكره طبعا[/COLOR]

                ثالثا: الاتفاق على تأثيث الشقة كله بالاتفاق والاعراف الموجودة في المحيط اللي انت فيه
                وواضح من كلامك انك خلاص قررت تتجوز بنت من عندكم
                [COLOR=rgb(168, 46, 179)]
                والله دا خيار قائم اني اخد بنت من عندنا من البلد بس مش دا الخيار الوحيد
                لسة ربنا ييسر يعني[/COLOR]

                توكل على الله وشوف الاعراف ايه واتبعها وخلي اهل خطيبتك هم اللي يطلبوا لو مناسب معاك توكل على الله لو مش مناسب ناقش بأدب وزوق لحد لما توصل للي يناسبك ولو هم شاريين وواثقين فيك مش هيضيقوا الدنيا معاك

                [COLOR=rgb(168, 46, 179)]مهما ميعرفونيش اساسا عشان يثقوا فيا [/COLOR]

                وبالنسبة للاتفاق ده اعتقد انه كويس
                ولو انت هتتحمل خشب وتنجيد فقط فقط فقط (خد بالك من فقط دي بس) يبقى معقول جداااااا وأهم شيء عدد الغرف ومكوناتهم (نوم - أطفال - سفرة - انتريه - غرفة معيشة - الخ ........)
                خد بالك علشان في نجف وستائر وسجاد ورفائع وأجهزة كهربائية وسخانات وتجهيز المطبخ والبوتوجاز
                ده طبعا بخلاف تشطيب الشقة اللي عليك[COLOR=rgb(168, 46, 179)]

                مهو تشطيب الشقة دا لوحده هياخد مبلغ محترم لأني ناوي أشطب شقة العمر يعني هيكون تشطيب بما يرضي الله يعني
                فهيندفع فيه كتير يبقا كويس خشب الاوض عليه مع تشطيب الاوض دا كدة زي الفل اعتقد وهما الباقي بقا من نجف وستاير وسجاد ورفايع واجهزة وكل شيء واللا انت ايه رأيك[/COLOR]

                رابعا : الشبكة
                معرف ان دي هدية منك لعروستك وعلى حسب مقدرتك - ده في الظروف العادية

                خلاف ذلك يتحكم فيه الاعراف والتقاليد برضه
                في ناس صحابي جابوا ذهب ب 2000ج وواحد تاني أعراف بلدهم مالايقل عن 20 الف ذهب (دي حقيقة)
                بس عامة في وجهة نظري خليك الاول في حاجة خفيفة من 3 - 5 آلاف لحد كتب الكتاب لو كان قريب بعد سنة ولا حاجة وبعدين لو ربنا قدرك هات زيهم
                بس أهم شيء تكون واضح معاهم
                [COLOR=rgb(168, 46, 179)]
                حلوة 2000 دي
                انا عايز من دا يا حزونبل
                يا مسهل لما نشوف
                يعني انا ناوي ان شاء الله على دبلة وخاتم ومحبس يكفي ولو ربنا كرمنا بعد كدة ممكن نجيب حاجة تانية بس مش هتفق غير على اللي هجيبه في الاول ما بعد ذلك غير ملزم ولكن هيعتمد على توفيق وكرم ربنا يعني وهيكون مني خارج الاتفاق
                ايه رأيكم؟!
                يعني حسبة 5 او 6 آلاف ! [/COLOR]


                وربنا يوفقك
                وتوكل على الله لانه باين من كلامك انك حاطط عينك على حد
                [COLOR=rgb(168, 46, 179)]ابو صلاح حبيبي يا فاقسني
                هههههههههههههههههه
                مش حد معين ولكن في الفترة الحالية قدامي اكتر من خيار جيد خلاني أفكر في الموضوع بشكل جدي
                انا كنت راكن الموضوع دا شوية بس لما فكرت في الخيارات المتاحة لقيت اني ممكن اخد خطوة واتحرك دلوقتي احسن يعني [/COLOR]

                المشاركة الأصلية كتبت بواسطة HeMa_LanCeR مشاهدة المشاركة
                أحمد باشا كمال هيدخل يقولك تعمل ايه بالظبط :)
                بس ده كلام في سرك بقي :)
                يا باشا انا مستني احمد باشا كمال
                منتظرينه ينور الموضوع ان شاء الله
                Ashraf_Ibrahim

                Comment


                • #9
                  أعمل أي حاجة في الدنيا
                  أستني سنتين
                  أجل الفكرة سنتين
                  أخطب سنتين
                  أجر شقة برة وبعدين إنقل
                  إلا إنك تسكن مع أهلك
                  وخدها نصيحة من أخ أكبر
                  اللهم ارحم والدي الرحمة الواسعة وأموات المسلمين أجمعين وأكتب لنا رفقتهم في جنة الفردوس يا كريم يارحيم يا الله

                  Comment


                  • #10
                    ليه الشقة يتعمل بيها عقد سنتين؟؟ اعملو سنة واحده بس ودور على عروسة واخطب هيكون السنة عدت تبدأ توضب الشقة وتتجوز والف مبروووك:)
                    شيل فكرة تتجوز مع اهلك دى تماما ولازم تفهمهم كده من دلوقتى قبل ماتخطب لحسن بعد كده يقولك دى خطيبته معصيه علينا

                    Comment


                    • #11
                      المشاركة الأصلية كتبت بواسطة ahmed_mido1889 مشاهدة المشاركة
                      الجواز بيضيع الدين كله

                      او بيعمل زي جحا بيبيع نص البيت علشان يشتري النص التاني

                      ++++++++++++++1
                      [B][U]أسامه[/U] [/B]


                      [B][COLOR=blue][B][COLOR=blue][marq="3;right;3;scroll"]
                      [B][COLOR=blue]سبحان الله و بحمده , سبحان الله العظيم[/COLOR][/B]
                      [/marq][/COLOR][/B]
                      [/COLOR][/B]

                      Comment


                      • #12
                        والله يا عزيزي حكاية شقة بعيد عن اهلي دي صعبة شوية لأن الشقة اللي عندي في بيت أهلي تحديدا
                        هي عمارة والدي عاملها ونصيبي منها شقة وهي في الدور اللي فوقيهم على طول
                        عشان اجيب انا شقة دي تكلفة مادية وارهاق انا في غنى عنه في المرحلة الحالية على الأقل
                        أنا أقصد ياباشا كده فعلا

                        يعني شقة مستقلة لحالك

                        هو انا قدامي خيارين يعتبروا كويسين بامر الله
                        أرتاح لأحدهما أكثر من الآخر
                        فشكلها هترسى على خطوبة سنتين كدة ومش مشكلة بقا مصاريفها الباهضة هنعمل ايه
                        بس ايه حكاية اني الاقي نفسي جاهز قبل سنتين دي؟
                        دا سحر واللا شعوذة
                        يا مسهل هو حد يكره طبعا
                        ياباشا دي بتبقى تساهيل من عند ربنا علشان نية الخير
                        هتعرف بعدين بالتجربة

                        مهما ميعرفونيش اساسا عشان يثقوا فيا
                        من سؤالهم عنك ومعاملتك لازم يكونوا واثقين فيك لانهم ببساطة هيدولك بنتهم

                        مهو تشطيب الشقة دا لوحده هياخد مبلغ محترم لأني ناوي أشطب شقة العمر يعني هيكون تشطيب بما يرضي الله يعني
                        فهيندفع فيه كتير يبقا كويس خشب الاوض عليه مع تشطيب الاوض دا كدة زي الفل اعتقد وهما الباقي بقا من نجف وستاير وسجاد ورفايع واجهزة وكل شيء واللا انت ايه رأيك
                        برضه يرجع للاتفاق وهون على نفسك كله بيعدي بس اهم حاجة ابعد عن المواضيع اللي فيها رفائع كتير
                        يعني تبقى حاجاتك محددة بالظبط وفكرة الاخشاب دي حلوة جدا
                        ونصيحة عن تجربة بلاش عمولة هتكره حياتك
                        انزل هات خشب جاهز من دمياط او طنان ونقيه كويس هتلاقيه وفر معاك عن العمولة
                        يعني انا ناوي ان شاء الله على دبلة وخاتم ومحبس يكفي ولو ربنا كرمنا بعد كدة ممكن نجيب حاجة تانية بس مش هتفق غير على اللي هجيبه في الاول ما بعد ذلك غير ملزم ولكن هيعتمد على توفيق وكرم ربنا يعني وهيكون مني خارج الاتفاق
                        ايه رأيكم؟!
                        يعني حسبة 5 او 6 آلاف !
                        المبلغ ده ان شاء الله يكفي
                        انا كنت راكن الموضوع دا شوية بس لما فكرت في الخيارات المتاحة لقيت اني ممكن اخد خطوة واتحرك دلوقتي احسن يعني
                        ربنا يباركلك ويتمم بخير ان شاء الله

                        Comment


                        • #13
                          المشاركة الأصلية كتبت بواسطة Ashraf_Ibrahim مشاهدة المشاركة
                          ازيكم يا شباب اخباركم ايه؟
                          احنا الحمد لله
                          يارب جميعا تكونوا بخير واللي مش متجوز يتجوز ان شاء الله وتبنوا بيوت مسلمة طيبة صالحة يا رب
                          ربنا يتقبل دعائك ويزوج شباب المسلمين
                          دلوقتي انا بفكر اني اخد خطوة واخطب ان شاء الله وابتدي امشي في حكاية بناء البيت دي
                          طيب ايه الموقف؟!
                          استخير وتوكل على الله
                          انا بالفعل عندي شقة -ودي المشكلة اللي محتاج رايكم فيها -
                          الشقة دي ساكنة -والدي مسكنها- وهتفضى الشهر دا ان شاء الله ... هي كان المفروض يخلص عقدها كمان سنتين والمفروض انها هتتسكن تاني لنفس المدة
                          والدي بيسألني هل انا هعد في الشقة دي واللا اعد معاهم في الشقة ؟!
                          لا اقعد فى الشقة دى ومتقعدش معاهم مش لحاجة بس فيه مثل بيقول البعيد غالى واكيد هما كمان اناس طيبين بارك لك اللهم فيهم وامد فى عمرهم
                          احنا قاعدين في شقة مكونة من 4 غرف وريسيبشن كبير و 2 مطبخ و 2 حمام
                          فدلوقتي قدامي خيار من 4 خيارات:-
                          الخيار الاول اني اقبل اني اعد معاهم في الشقة وهيكون نصيبي مطبخ وحمام وغرفتين وصالة !
                          الخيار التاني اني انتظر لما المدة تنتهي -سنتين على اعتبار انها هتتسكن سنتين كمان -
                          الخيار التالت اني اسيب الشقة فاضية وادفع انا ايجار الشقة لحد ما اتجوز
                          الخيار الرابع اني اعد معاهم لحد ما الشقة تفضى وبعدين اجهزها وانقل فيها
                          انتوا ايه رايكم في الخيارات دي؟!
                          كل خيارات الشقة مرتبطة بالانسانة اللى هترتبط بيها يعني كل خيار من اللى انت قولته هل يناسبها ام لا وان كنت اظن واغلب الظن ان اليومين دول البنات تفضل الاستقلالية وده فى الاول يرجع ليك وللانسانة اللى هترتبط بيها
                          النقطة التانية:-
                          بالنسبة لفترة الخطوبة هل كتير ان فترة الخطوبة تكون سنتين؟!
                          لا كتير ولا قليل فترة الخطوبة شرعت للتعارف من الممكن ان تقل ولا تزيد عن سنتين انما فى وقتنا الحالى فترة الخطوبة تحدد بمدة التى يتم فيها تجهيز الشقة
                          لأني اعتقد اني هحتاج فترة خطوبة لن تقل عن سنتين عشان أقدر اجهز نفسي
                          فهل اخطب واعد سنتين خاطب واللا انتظر اجهز نفسي وبعد كدة اخطب واتجوز على طول واللا اعمل ايه بالظبط؟!
                          اخطب واعد سنتين خاطب طيب ايه المشكلة لما تخطب وتقعد سنتين خاطب زى ماقلتلك فترة الخطوبة بتبقى لمعرفة طباع الشريك ومينفعش تربط نفسك سنتين من غير خطوبة وبعد تقول انا خلصت وعايز اتجوز وبعدين مادام انت نويت ان شاء الله ربنا بييسر فى موضوع الزواج
                          بصراحة انا مليت وزهقت من اني مخدتش خطوة فعلية في الموضوع دا واحساس انك لوحدك دا احساس مش حلو برده -بغض النظر عن اهلي بس احساس من نوع تاني يعني
                          النقطة التالتة:-
                          بالنسبة للاتفاق مع اهل العروسة هو الشائع عندنا في البلد ان العريس يتحمل الغرف كلها كخشب وتنجيد وان العروسة تتحمل ما تبقا من اجهزة وما شابه فهل دا كدة كويس واللا لا؟!
                          اتفاق الزواج يتم على حسب العرف السائد بالبلد ونصيحة لوجه الله اول حاجة فى الاتفاق ان كل حاجة تبقى معروفة مين هيجيب ايه ومين هيجيب ايه يعنى منعا للقيل والقال
                          انتوا ايه رأيكم؟!
                          النقطة الأخيرة انا تعبت دماغكم معلش:-
                          بالنسبة للشبكة ايه النظام دلوقتي ايه الحاجة المقبولة مع اسعار الذهب الحالية ؟!
                          الشبكة برده على حسب العرف السائد فى البلد عندك
                          [img2]http://nileup.com/up/uploads/nilemotors_13649876441.jpg[/img2]

                          Comment


                          • #14
                            المشاركة الأصلية كتبت بواسطة Ashraf_Ibrahim مشاهدة المشاركة
                            ازيكم يا شباب اخباركم ايه؟
                            يارب جميعا تكونوا بخير واللي مش متجوز يتجوز ان شاء الله وتبنوا بيوت مسلمة طيبة صالحة يا رب
                            دلوقتي انا بفكر اني اخد خطوة واخطب ان شاء الله وابتدي امشي في حكاية بناء البيت دي
                            طيب ايه الموقف؟!
                            انا بالفعل عندي شقة -ودي المشكلة اللي محتاج رايكم فيها -
                            الشقة دي ساكنة -والدي مسكنها- وهتفضى الشهر دا ان شاء الله ... هي كان المفروض يخلص عقدها كمان سنتين والمفروض انها هتتسكن تاني لنفس المدة
                            والدي بيسألني هل انا هعد في الشقة دي واللا اعد معاهم في الشقة ؟!
                            احنا قاعدين في شقة مكونة من 4 غرف وريسيبشن كبير و 2 مطبخ و 2 حمام
                            فدلوقتي قدامي خيار من 4 خيارات:-
                            الخيار الاول اني اقبل اني اعد معاهم في الشقة وهيكون نصيبي مطبخ وحمام وغرفتين وصالة !
                            الخيار التاني اني انتظر لما المدة تنتهي -سنتين على اعتبار انها هتتسكن سنتين كمان -
                            الخيار التالت اني اسيب الشقة فاضية وادفع انا ايجار الشقة لحد ما اتجوز
                            الخيار الرابع اني اعد معاهم لحد ما الشقة تفضى وبعدين اجهزها وانقل فيها
                            انتوا ايه رايكم في الخيارات دي؟!
                            النقطة التانية:-
                            بالنسبة لفترة الخطوبة هل كتير ان فترة الخطوبة تكون سنتين؟!
                            لأني اعتقد اني هحتاج فترة خطوبة لن تقل عن سنتين عشان أقدر اجهز نفسي
                            فهل اخطب واعد سنتين خاطب واللا انتظر اجهز نفسي وبعد كدة اخطب واتجوز على طول واللا اعمل ايه بالظبط؟!
                            بصراحة انا مليت وزهقت من اني مخدتش خطوة فعلية في الموضوع دا واحساس انك لوحدك دا احساس مش حلو برده -بغض النظر عن اهلي بس احساس من نوع تاني يعني
                            النقطة التالتة:-
                            بالنسبة للاتفاق مع اهل العروسة هو الشائع عندنا في البلد ان العريس يتحمل الغرف كلها كخشب وتنجيد وان العروسة تتحمل ما تبقا من اجهزة وما شابه فهل دا كدة كويس واللا لا؟!
                            انتوا ايه رأيكم؟!
                            النقطة الأخيرة انا تعبت دماغكم معلش:-
                            بالنسبة للشبكة ايه النظام دلوقتي ايه الحاجة المقبولة مع اسعار الذهب الحالية ؟!
                            الله الله,, طب كنت استشيرني وانا أقولك الزتونه .. يلا بقى نقول ايه هههههههههه

                            بص يا أشرف باشا, بالنسبه للنقطه الاولى من رأيي انك تقعد مع والديك السنتين دول لغاية لما الشقه تفضى. اديك هتكون في فتره خطوبه (وده جواب للنقطه التانيه) وفي نفس الوقت الدخل بتاع الايجار هتجهز بيه نفسك. (مجرد اقتراح)
                            اصل العروسه الجديده تحب يبقى عندها بيتها الخاص وكمان مهما كانت العروسه كويسه برضه ممكن تلاقي خلاف بينها وبين والدتك.

                            النقطه التانيه انا جاوبتها في وسط الكلام, اما بقى النقطه التالته معاك حق فيها. العريس عليه الخشب والتنجيد والباقي على العروسه. واوقات الاجهزه الكهربائيه بتبقى على العريس. على حسب الاتفاق بس خلي بالك ان الاتفاق يكون واضح وشامل في البدايه عشان مايبقاش في خلاف بعد كده ويكون في شهود على الكلام ده.

                            بالنسبه للدهب بقى اصبر شوية يمكن ربنا يكرمك واسعار الدهب تخف على حظك.
                            والف مبرووووووك مقدما يا جميل

                            المشاركة الأصلية كتبت بواسطة ahmed_mido1889 مشاهدة المشاركة
                            الجواز بيضيع الدين كله

                            او بيعمل زي جحا بيبيع نص البيت علشان يشتري النص التاني
                            هههههههههههههههههههههههههه .. أجل الكلام ده ياعم ميدو لما يتدبس
                            كده هتخليه يغير رأيه

                            Comment


                            • #15
                              اوعى تسكن مع اهلك

                              مهما خطيبتك و اهلك كانوا حبايب و الله حتى لو هي بنت خالك او بنت عمتك او بنت خالتك


                              الستات كائنات نفوذية سلطوية اقليمية territorial بطبعها

                              هتبدا معركة بسط النفوذ من تحت لتحت ..... صدقني حاجات انت كراجل شايفها هايفة زي هناكل ايه النهاردة او مين هيطبخ او او او ... بتبقى عبارة عن نغز من تحت لتحت بين الستات و حرق دم .......

                              و محاولة توسيع رقعة النفوذ

                              و هتحصل صدامات السنين

                              و هيتحولوا من حبايب لتوم و جيري و انت هتبقى عيشتك سوااااااااااد و مرار طافح

                              تصالح و تطبطب و تحايل

                              و تيجي على نفسك عشان ترضي الكل


                              ارجوك لأ

                              سنتين خطوبة كويس و بعدها تسكن في شقتك


                              حبكت معاك أوي أجر مؤقتا لحد ما الساكن يخرج


                              بس بلاااااااااااااااااااااااااااااااااااااااااااااااا اش سكن مع اهلك هتخسر الود اللي بين اهلك و مراتك




                              الشبكة حسب مستوى حضرتك و مستوى العروسة و نصيحة انت تكون صارم و ما تفاصلش في طماطم معايا كذا و مستوايا ما يسمحش و لو حد قال لك بسيطة قول له لأ لسه فيه مصاريف بالكوم و دي فلوس العفش و التوضيب


                              ما تغلطش غلطة ناس كتير انا منهم ...... ما تتداينش عشان جواز
                              [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

                              [URL="https://goo.gl/30fu9U"]Registered Migration Agent - MARN 1575106[/URL]
                              [/COLOR][/CENTER][/SIZE]

                              Comment

                              Working...
                              X