انا عندي فور

[osama]

مفروض ان اللغة العربية هي اللغة الام
وبعدين اتقان اي لغة اخري

[Karim_Monir]

بعلم بنتي انجليزي دلوقتي
وبعلمها عربي كمان
لازم امسك العصاية من النص
ماهو مافيش شغل من غير اجادة لغة
ومفيش اخرة بدون اجادة القرأن

شريف انت قصدك ان اللي اتعلم بالانجليزي بيفكر انجليزي وبعدين يترجم عربي
واللي اتعلم عربي بيفكر عربي وبعدين يترجم انجليزي
ودي مشكلة باقبلها مع ناس كتير في شغلي

[BomBom]

منظرة كدابة ، ما فيش علاقة بين اني اضيع لغتى الاصلية على حساب لغات تانية و بين اني اكون حريص على اكتساب اولادي لمهارة التفاعل بلغات اجنبية ، و الدليل على كده ان الاجيال اللي قبل كده و اللي كانت بتتعلم في مدارس حكومي عربي خرجت كفاءات بتقدر تدرس طب و هندسية وغيره بلغات اجنبية جوة و بره مصر و خرجت دبلوماسيين و ... ، و كمان من قبل مايبقى فيه كل برامج الكمبيوتر التفاعلية اللي بتعلم لغات و من غير مايبقى متاح كل الكم ده من القنوات الاجنبية ، خلاصة الكلام اللي انا عايز اقوله ان الناس - في رأيي - اما حاسبنها غلط ، و اما المقصود هو نوع من الوجاهة الاجتماعية الكدابة.

[SAbuhashem]

بعلم بنتي انجليزي دلوقتي
وبعلمها عربي كمان
لازم امسك العصاية من النص
ماهو مافيش شغل من غير اجادة لغة
ومفيش اخرة بدون اجادة القرأن

شريف انت قصدك ان اللي اتعلم بالانجليزي بيفكر انجليزي وبعدين يترجم عربي
واللي اتعلم عربي بيفكر عربي وبعدين يترجم انجليزي
ودي مشكلة باقبلها مع ناس كتير في شغلي

بالظبط يا كريم وأنا مش شايف إن دي منظره دي حاجة تلقائية
صحيح ممكن يكون في ناس بتاخدها وجاهة إجتماعية وبذات بعض البنات لكن في ناس طبيعتهم الثقافية كده !
وصدقوني اللي بيفتعل الموضوع دة بيبان و بيكون واضح إن اسلوبه مفتعل

وانا مليون في المية مؤيد للرأي القائل بأن أفضل لغة في الكون هي لغة القرآن لغتنا العربية


Thanks
Eng.Sherif Shaker

[Karim_Monir]

بالظبط يا كريم وأنا مش شايف إن دي منظره دي حاجة تلقائية
صحيح ممكن يكون في ناس بتاخدها وجاهة إجتماعية وبذات بعض البنات لكن في ناس طبيعتهم الثقافية كده !
Thanks
Eng.Sherif Shaker

نو وااااي
انا عربيتي مش مدببة
نيييييههههه
فاكر يا شريف

[SAbuhashem]

نو وااااي
انا عربيتي مش مدببة
نيييييههههه
فاكر يا شريف

ييه متفكرنيش يا كريم
العربية لسة مخبوطة لحد دلوقتي ومش ناوي اعملها حسبها للذكرى


دي بنات فالجر خالص يا راجل :)



Thanks
Eng.Sherif Shaker

[OlaOsman]

منظره و جهل مدقع و بحر من الغباء

يااااااااااااه.. ده انت متغاظ من الموضوع ده اوي :)

[OlaOsman]

فمش غلط اننا نهتم بتربية اللغة فى اولدنا من الصغر

لكن الغلط اننا ننسى العربى اوى كده

و هو ده الغرض من الموضوع ده :)

جزاك الله خيرا :)

[OlaOsman]

الولد عنده فور :d

بعيداً عن الموضوع لأن ماعنديش إضافات اكثر مما قاله الزملاء افتكرت حاجة ظريفة من عنوان الموضوع

الولد قال انا عندي اربعة، وأمه لم تعلق على هذه المقولة، وتلاقيها ابتسمت في فخر على الرطانة الممتازة لنجلها العزيز.

كان دايما والدي لما اقول اي رقم يقولي "يا حبيبي الرقم له تمييز" وانا طبعا اتنح مش فاهم، يقولي اربعة دي يعني اربع ايه؟ تفاحات؟ برتقانات؟ رجول؟ سنين؟

واتعودت اني دايما مانساش التمييز، اعتقد ان جزء كبير من المشكلة ان الأهالي مش فاضية تعلم اولادها ، بالإضافة طبعا إن بعض الأهالي يتفشخروا إن عيالهم بيرطنوا انجليزي -سوري إينجلِش- والنتيحة زي ماحنا شايفين

يااااااااااااه.. ردك ده يا تاتاو عايز له موضوع لوحده.. انت أصلك لمست وتر حساس جدا في عائلات مصر.. الأب و الأم بيعلموا ولادهم ايه؟.. يعني انا فيما بعد ان شاء الله أقدر أقول لولادي - لو قدر لي أن يكون لي أولاد - ان أبويا رحمه الله علمني كذا و كذا أو قال لي كلمة عمري ما هانساها.. أو عمل معايا حركة عشان يعلمني حاجة أثرت في تغيير مسار حياتي.. انما دلوقتي الأطفال لما هايكبروا هايقولوا لولادهم ايه؟ انا امي الله يرحمها كانت بتقول لي اتكلم انجليش يا حبيبي في الفاضية و المليانة عشان الناس يحترموك؟

[Islam_galal]

العبد لله كان مدارس حكومة علي باب الله
ابن عمي كان من بتوع فور لأنه مدارس لغات

مش عارف أوضحلكوا إزاي كنت حاسس إني مش مستواه خالص في ابتدائي

المهم في ثانوي دخلنا معهد إنجليزي تجهيزا للثانوية العامة ، دخل هو المستوي الثاني و أنا المستوي السادس من ثمان مستويات
بالمناسبة المستوي الأول يبدأ بتعليم الأبجدية الإنجليزية

لما اشتغلت كنت حريص علي الشرح للفنيين بالعربي و للأسف ده أعطي انطباع لأني ضعيف فنيا ، بعد إدخال بعد المصطلحات المعقدة بقيت خبير
سبحان الله شعب يرتع فيه الجهل و يجول

[OlaOsman]

أولا: جزاكم الله خيرا جميعا على تفاعلكوا و ردودكوا :)

ثانيا: باعتذر عن استكمال الردود في الموضوع ده و باعتذر لكل اللي مش هاقدر أرد عليهم.. انا طبعا مش باحب اعمل موضوع و ارميه و مش باحب خاااااااالص اني أرد على جزء من المشاركين و أسيب البعض الآخر.. انما بالنسبة للموضوع ده هو كده استوفى حقه من المشاركات و النقاش و ردودي على باقي المشاركين مش هايكون أكتر من جزاك الله خيرا او شكرا للمشاركة.. عشان كده باقول لك اللي شاركوا و ما قدرتش أرد على مشاركاتهم.. جزاكم الله خيرا كثيرا على التفاعل مع الموضوع و لكم مني كل الود :)

[MoToRiZeR]

انا نمرة تليفون بيت جدتي حافظها بالانجليزي و لو حاولت اطلبها بالعربي مبعرفش .. عشان حفظتها ايام المدرسة زماااااااااااااااان

[Noha.M]

والله يا علا موضوعك حلو جداااا

بس والله انا عارفة انه غصب عن الواحد انا مثلا كل شغلى مع الاجانب و انا اللى بكلمهم فبقي كل

كلامى قالب على انجليزي و للاسف دة اثر على العريي فعلا و للاسف انا من زمااااااااااااان من

و انا فى المدرسة معرفش مثلا ستة و خمسين تبقي 56 ولا 65 . لازم اسمعها بالانجليزي عشان

افهمها

بس موضوع المدارس الانترناشونال دة مش صحيح اوى لان ولاد اختى فى مدارس بيدفعلها 21

الف و فى حصة الانجليزي و الفرنساوى بيتكلمو باللغة فقط لكن فى حصة العربي مثلا بيقولو

للميس بتاعتهم استاذة ماجدة يعني حتى مش ميس ماجدة و دة شيئ عجبنى جداااااا

فبحس ان الاهالى هم اللى بيبقوا بيجبروو ولادهم اكتر مش المدرسة

[TaoTao]

لما اشتغلت كنت حريص علي الشرح للفنيين بالعربي و للأسف ده أعطي انطباع لأني ضعيف فنيا ، بعد إدخال بعد المصطلحات المعقدة بقيت خبير
سبحان الله شعب يرتع فيه الجهل و يجول

الجملة دي فكرتني ببيت الشعر اللي بيقول:
وذو العلم يشقى في النعيم بعلمه ........ وأخو الجهالة في الشقاوة ينعمُ


حد يعرف البيت اللي بعديه؟ بيت مشهور جدا ;)

[محمد السكري]

هايله يا علا كعادتك في طرح موضوعاتك. الموضوع فعلا مهم وله علاقه نوعا ما بالهويه . لغتي هي أمي الثانيه وأنا لا أختلف مع أهميه معرفه لغات ولبس لغه واحده ولكن لغتي هي تاريخي هي احساسي هي ذكرياتي . تتعجبين يا انستي من أطفال لا يعرفون كيف يعبرون عن بعض الكلمات بلغتهم الام فما رأيك فيمن جاء مكتبي امس يسألني عن كلمه يعرفها بالانجليزيه ولا يعرفها بالعربيه رغم سهولتها.؟؟ ان هذا الموضوع يذكرني بالدعوه التي تبناها بعض المثقفين العرب نيابه عن بعض المستشرقين والمفكرين الغربيين في الستينات حين تبنوا فكره ان تكون العاميه المصريه هي اللغه المكتوبه والتي نتعلم بها في المدارس حتي يأتي حين من الدهر لا نعرف فيه بعض مفردات اللغه الفصحي وحتي بأتي زمن نفتح فيه المصحف فلا نفهم منه الا القليل ولكن حمدا لله فشلت هذا التيار ولكن للاسف تبنينا نحن كاباء وامهات تهميش اللغه الغربيه واعلاء شأن اي لغه اجنبيه كنوع من التباهي . كلما زادت ثقتي بنفسي كلما قلت حاجتي لاستخدام كلمات ومفردات من لغه اخري غير لغتي في حواراتي اليوميه فهل سمعتي بالله عليك الدكتور مجدي يعقوب أو عمر الشريف أو كثيرا غيرهم عاشوا طويلا في الغرب او حتي مازالوا يعيشو هل وجدتي في أحاديثهم هذا الحشر اللغوي للغه ما غير العربيه ؟.أنا الوم كل اب وكل ام لا يعمل علي تقويم اعوجاج لسان طفله او طفلته في النطق فما بالنا ونحن نقول لاطفالنا في الصباح ( جوووود مورننج) رغم أن ( صباح الفل) أحلي بكتير و(يسعد صباحو) جميله بس هتقولي أيه.؟ يلا......good Night

بالمناسبه بسأل بنت اختي اللي في الثانويه جمع ( دلو) ايه...؟ قالت لي دلاول ....